مشاهدة : 503071
صفحة 1 من 14 12311 ... الاخيرةالاخيرة
النتائج 1 الى 10 من 131

قصة ليلة الدخله ملاحظة عدم دخول اصغر من سن 18

السلام عليكم ورحمة الله وبركاته مساءكم او صبحكم الله بالخير يا احلى اعضاء .. قصة ليلة الدخله وطبعا هي تاليف في تاليف مع شوية حقيقه ههههههههههه

  1. #1
    صورة &هلالي وفتخر&
    &هلالي وفتخر& غير متصل طالب متوسط
    تاريخ التسجيل
    Jun 2007
    المشاركات
    251
    Thanks
    0
    شكر 0 مرات في 0 مشاركات
    السلام عليكم ورحمة الله وبركاته

    مجلة مدرسة المشاغبين - منتديات مدرسة المشاغبين



    اقرا ايضا : قصص حب
    القطط في الحلم
    رواية بويات
    طريقة عمل الكوكيز
    الدورة الشهرية
    نكات
    الصلاة في المنام
    اسقف معلقة
    فوائد الحلبة
    كلمات اغاني خالد عبدالرحمن

    مساءكم او صبحكم الله بالخير يا احلى اعضاء ..

    قصة ليلة الدخله وطبعا هي تاليف في تاليف مع شوية حقيقه هه

    لاتصدقوون عاد موب انا ترى هههه

    ان شاءالله تعجبكم واتمنى من اللي يدخل يقراها ويقول رايه ورده ...




    ليلة الدخله .. ياهي ليلة ( كرسمس من قلب ) هه

    لا هيئة ولا خوف و لا بطيخ هه

    طبعا الناس تختلف عاداتهم .. من ديره ل ديره

    اللي يلبسون كرفتات .. واللي يلبسون طرابيش

    .. واللي يلبسون دشاديش ( ثياب ) هه

    انا ابي اسولف عن اهل الخليج .. وبتحديد السعودية .. وبتحديد سرلنكا

    اقصد منطقتنا ههه

    طبعا قبل العرس لازم تنسق مع اهل العروس سعر المهر.

    وعندنا المهر مو ثابت .. يعني على حسب البنت

    اذا هي شق ( صاروخ )

    يعني حلوه موت هه يطلبون 70000 الف ..

    واذا لم تكن كذلك يطلبون من الثلاثين الى 50000 الف هه

    وفي مجتمعنا المحافظ .. يقهرونك قهر .. تروح اختك وامك يتفحصون البنت

    << مادري شارين لي موتر مو بنيه .. مو ناقص الا يطقون فيها فره يجربونها هه

    ال++++++++++++++++ده ..
    و ترا المسالة على حسب ذوق اختك وامك .. هه

    ( وبيني وبينك .. اذا تبي تعرف ذوق اختك افتح دفترها حق المدرسة
    ..
    اذا هو مزخرف وحركات وورد .. يعني ذوقها حلو هه

    واذا تلقى ذكرى ام صيته + ام مزنه + ام ليالي ..هه

    واختاروا لك بنت .. المفروض بالعقل انك تشوفها .. لانها شريكت حياتك

    ( الشرع يقول كذا )

    اما حنا لا .. بس يوصفونها لك

    شعرها كذا .. طولها كذا .. .. وعليها عيوون تجيب العافية هه

    يعني شي خيالي .. وانت تفكر وتقول بنفسك

    ( يا الله .. يلعن ام الجمال يا شيخ ) هه

    وامك ترفع .. واختك تكبس ..

    وعلى هالوصف هذا هيفاء وهبي مو بنت ام فلان هههه

    وتقعد لك ثلاث شهور .. وانت بس تفكر في البنت .. لين ينتفخ راسك
    هه

    ويجي اليوم اللي تمنيته طول حياتك .. ليلة العمر

    تلقاك لابس البشت وابوك على يمينك وعمك الكبير على يسارك

    ههه

    وخوانك وعيال عمك وعيال خوالك وعيال جيرانكم .. حتى عيال خدامتكم

    كلهم متجمعين .. واللي يعرض بالسيف هه

    ( مسوي لي فيها الزير سالم هو و راسه ) هه

    واللي ماسك الرشاش والسما حمرا من الطلق .. تقول جالس بفيتنام

    هههه
    ال++++++++++++++++ده .. وتخش على صالة الافراح حقت الحريم ..

    بصراحة العزوبي ما يخاف الا من شيئين هه

    لمبات العرس اذا ركبوها على البيت ( تحس خلاص ما فيه رجعة )

    اذا دخلت على صالة الحريم في صالة الافراح

    هنا يجينا ( مغص في البطن .. ) ههه

    ولما تخش الصالة .. الله لا يوريك ..

    ما تشوف الا العيون .. اللي حاطه ( شادوا مدري روج بالعيون ) << حلوه روج بالعيون ههه

    واللي مغطية الوجه ومطلعه القذله .. والاجسام ( ياويل حالي ويلاه )

    هههه

    ولما تخش تمشي بالصالة تبي الكوشة .. تسند جسمك على ابوك على شان ما تطيح من هول ما ترى

    وتجلس على الكرسي تلتقط انفاسك .. وانت من داخل ميت تبي تشوف العروس هه

    ولما يطلعون اللي زفوك .. ابوك وعمك والخمه اللي معهم << قوية الخمه

    هههه

    يجي عاد الكلام اللي مال امه داعي هه


    امك تطب بالملعب ههه

    ( والمقصود بالملعب هنا " ساحة الرقص " البست يعني )

    وتخش خالتك تراقصها .. وشوي تطب مرة عمك .. حتى خدامتكم تخش وتشكشك بالهندي لها ربع ساعة

    هه

    طبعا العالم اللي عندك منت صوبهم .. تبي تشوف اللي بجنبك جالسة ..

    تبي تشوف بسكال مشعلاني ههه

    وفي هذه الاثناء انت مفهي على الحضور .. وعينك كبر قوطي

    جبن كرفت تقز في البنات اللي قاعدين ههه

    عاد البنات يستعبطن

    اللي تطيح الشيله متعمده .... واللي ترفع الغشوه يعني تشرب ماء

    ( الله يرجهن يا هن زاحفات ) ههه

    وبعد نصف ساعة كانه الدهر بحاله هه

    تنطلق انت وهالغزال للعشة الزوجية هه

    ويدخلونكم الغرفة .. واللي يلولش هنا واللي يزغرت هناك .. واللي يلعب يوقا عند الباب هه

    المهم .. تخش الغرفة وانت لابس البشت

    وتقول للعروس السلام عليكم

    وهي شطف .. ما ترد >> الشطف يعني الطناش هه

    وتنزل البشت .. وتجي تقعد جنبها على السرير

    ( ايوه ... هنا الكلام ) ههه

    ويوم جلست .. وانا المح طرف كوعها .. ويوم شفت الكوع

    لا تقولون يالربع .. تقول غاطه كوعها بغرشة حبر اسود

    هههه هه

    انا هنا صراحة .. قلبي قام يوجعني .. وقلت بنفسي

    هه

    واقول لها يا فلانه ..

    ولا ترد علي !!؟

    يافلانه تعوذي من ابليس .. وقومي هه

    وهي تسوي مستحية .. ما تدري انها لو تقول لي ( بعع ) انحشت مع الباب ههه

    ال++++++++++++++++ده .. وانا اسولف معها ما ترد علي .. شاطفتني شطفه بنت اللذين

    تقول قرد عندها مو زوجها .. هه

    قلت بيني وبين نفسي ..

    ( يا ولد وش السالفة .. لا يكون البنت مغصوبة علي ) هه

    عاد انا شهم لابعد الحدود << والله انك نصاب لابعد الحدود هه

    وقلت لها .. يا بنت الناس .. حنا الحين متزوجين .. يعني انتي مرتي بشرع الله ورسوله هه

    ما ردت علي , كاني اسولف على جدار هه

    وقلت بيني وبين نفسي << يا كثرما تسولف على نفسك يا ...!

    ( تدري شلون .. خلني اضحكها .. انكت استعبط ..اللطف الجو )

    والله واجي واقعد جنبها .. واقول فيها بيت شعر .. اتغزل فيها

    وهي شطف .. ولا كاني موجود بالغرفة ! ههه

    واقوم واخذ القلم واسجل رقم جوالي .. واقطه عليها وقلت لها هذا رقمي

    ارقمها .. " بكيفي مرتي وبكيفي .. ان شاء الله ارقم ابوها بعد "

    ههه

    وهي تبتسم بس ما تكلمت .. ويوم تبسمت جيت وجلست بجنبها

    وقلت لها .. ( معك مباحس امن دولة ) يعني انكت بالمصري انا وراسي

    هه
    هنا البنت قالت بقلبها .. ( يا الله المستعان .. زوجي طلع خبل) هه

    واخذ لي ربع ساعة وانا مفهي على زولها .. اطالعها من فوق لتحت ..

    واقول بنفسي ..

    ( يا ولد الجسم مايحتااج .. بس الوجه .. ابي اشوف الوجه ) هه

    والله وان اخذ الواجهه .. واروح واوقف عند الباب .. واقعد اطالعها

    ( طاحت علي سلطة .. مدري وش اسوي )

    ان طلعت برا شافوني اهلي .. ويقولون وش فيه ولدنا لا يكون فضحنا مع البنت هه

    وان جلست بالغرفة .. هذي ما تعطي وجهه .. وقمت افكر و افكر لين طرت على بالي خطة

    واشوف سويتش اللمبه ( Off .. On ) .. وانا اطفي اللمبه .. واولع المبه الحمرا

    المح لها .. والله وتقوم بنت الحلال وتتوجه صوبي

    انا يوم شفتها جتني تمشي .. خفت والله .. قلت الحين تبي تلعن خيري الخير

    وتجيك المع++++++++++++++++ه .. وتطفي اللمبه الحمرا .. وتولع اللمبه العاديه هه

    وانا ماسك يدة الباب ابي انحاش اذا قربت لي << امحق رجال هه

    وقلت لها .. يبه

    ( خلاص بلا عرس وبلا بطيخ .. الحين انا ابي انام .. شلون !؟ ) هه


    والله والبنت ساكته .. وانا اقرب شوي شوي .. واسحب المخده ببطء شديد << العن ام الخوف هه

    واروح لزاوية الغرفة .. واحط المخده .. واحط راسي عليها .. والقيها ظهري

    وحسيت في البنت قامت وتحركت .. ( تغير ملابس الفرح )

    وانا صاد اطالع الجدار << ما قلت لكم شهم >> اي هين تجيكم السالفة

    هه
    ويوم خلصت .. التفت عليها .. وعلى طول تغشى البنت مستحيه مني

    والله وانا اقوم واروح لثلاجة اللي بنفس الغرفة .. وفتحتها

    واشوف انواع الحلويات .. وانواع العصيرات ..

    ( يا بعد قلبي يا يمه .. هي اللي شاريتها )

    واسحب الكتكات .. واقعد اعلف من الحلاويات لين ارتفع السكر اللي عندي

    واشوف .. الا هذاك العصير اللي يفضخ القلب ( عصير طماط )

    والبنت تطالعني مستغربة .. انا اذا شفت الحلويات والعصيرات .. افقد الوعي على طول هه
    وحسيت فيها انها تناظر لي .. وانا اخمط من الحلويات .. من كل بستان زهرة على ما قالوا

    واجي واحطهم عندها .. واطالعها وابتسم

    ( طبعا الكلام هذا وانا ما شفت وجهها للحين )

    ومدت يدها شوي شوي .. واخذت الكتكات ..

    والله وانا افلص بعيوني .. ( ابيها ترجعه وتاخذ شي ثاني ) هه

    وهي تسحب علي السيفون .. وتفتح الحلاو و تدخل يدها تحت الطرحة وتاكل

    وقلت لها .. ادفع نص عمري بس اشوف وجهك

    قالت بصوت خافت ومبحوح ( صوتها يدوخ ياجماعة الخير ) هه

    قالت .. ابي بطاقة سوا

    انا يوم سمعت البطاقه .. كنك صافقني مخمس على خشتي

    وقلت في نفسي .. هلا هلا .. من اولها بطاقه سوا .. شكلها راعية تلفونات المع++++++++++++++++ه " هه

    وقلت .. عدك والله على الثريا .. بس اكشفي هالخشه .. ابي اكحل عيوني
    هه
    " ابي اوصف لكم الحدث .. كانكم معي
    "
    وتضع يدها على النقاب ..

    ( وتبدء الكاميرا بالدوران من خلف راسها .. مثل تصوير فلم ماتريكس )

    وانا انظر .. والطلق يميني ويساري .. احم احم ما عليش شبكت الموجه

    اقصد و يبدا التصوير بالبطيء .. وانا انظر لها بتلهف والسعابيل تقاطر

    وحين كشفت لي عن وجهها .
    .
    قلت ( تم حجب الكلمه من الرقابه )

    وهي تبسم وتحرك راسها يمين شمال .. والشعر يثناثر على وجهها

    وبحركه خطافيه .. اسحب الطفايه اللي جنب السرير

    واحذفها عليها بسرعة 85 ميل في الساعة لكنها تحاشت الطلقه بنت اللذين مثل " نيو " هه

    انا انقهرت .. وقلت .. والله للعن ابو الساعة اللي جمعتني فيك يا بنت ال ... طوط طوط >> ان الرقم الذي طلبته غير

    موجود بالخدمه موقتا

    والله وانا اطالعها منقهر .. ومتحسف على المهر

    ( 70000 الف ) الله لا يخسر هه

    وقلت لها .. والله لو طاب في الاسهم والله انها اشرف لي من خشتكي يا بنت ال طووط طووط ان الرقم الذي

    طلبته .. الخ
    واقوم .. واروح واجيب لي خيشه .. واغطي راسها .. وفتحت في الخيشه فتحه على شان تقدر تتنفس هه

    واربط الخيشه براسها .. والف عليها سيم ( علاق ملابس ) هه

    عاد انا بغيت احلل المهر .. بس تراجعت في للحظه الاخيرة حافي وطبعي الكرم والستر هه

    ومن بكره .. وانا ماخذها لبيت اهلها .. وقلت لهم

    والله للعن ابو D . N . A اللي عليكم ...

    مزوجيني وحش الله لا يبارك فيكم هه

    بالله هذي بنت .. الله يقلع ابليسكم لو اني ماخذ لي سرلنكيه استر لي من نمسس اللي انتوا مزوجيني اياه

    طلعوا باقي المهر لا اجيب عليكم الشرطة الحين هه

    وتقولون هيفاء وهبي بعد .. زكيه زكريا اطلق منها الله لا يربحكم

    ( عرفتوه زكيه اللي يجي برمضان ومع شمس الزناتي اسمه " قعيدي" ابوعجرا الصعيدي )

    ال++++++++++++++++ده .. وانا ارمي البنت على اهلها .. وارسل لهم ورقة الطلاق

    وحرمت شيء اسمه حرمه .. واخر شيء حلفت ما اتزووج

    << لا تلومونه .. الصدمه قويه شلت تفكيره ..



    وانا انتظر ردوردكم الكريمه ..

    تحيتي لكم.

  2. #2
    ابو هيا الغامدي غير متصل يمون على المشاغبين والمشاغبات
    تاريخ التسجيل
    Apr 2007
    الدولة
    هايم في دروب العشق
    المشاركات
    1,610
    Thanks
    0
    شكر 0 مرات في 0 مشاركات
    جزاك الله الف خير



    موضوع حلو

    تقبل مروري


    الصقار

  3. #3
    صورة saleh2007
    saleh2007 غير متصل طالب ابتدائي
    تاريخ التسجيل
    May 2007
    الدولة
    السعودية الشرقية الاحساء
    المشاركات
    55
    Thanks
    0
    شكر 0 مرات في 0 مشاركات
    قبل الموضوع يكفي انك هلالي وانت احسن من لموضوع

    وانا هالي من الصميم متعصب

    وبصراحة موضوعك جدا حلو

    مشكور اخوي

  4. #4
    عسولة بدوية غير متصل جاي معه ملفه
    تاريخ التسجيل
    Jun 2007
    المشاركات
    19
    Thanks
    0
    شكر 0 مرات في 0 مشاركات
    صراحة كتابتك روعة واللة اني وانا لحالي

  5. #5
    صورة **ورده الروح**
    **ورده الروح** غير متصل طالب ثانوي
    تاريخ التسجيل
    May 2007
    الدولة
    البحرين
    المشاركات
    500
    Thanks
    0
    شكر 0 مرات في 0 مشاركات
    الله يعطيك العافيه

    شكرا على الموضوع الحلوو

    (( تقبل مروري))

  6. #6
    صورة &هلالي وفتخر&
    &هلالي وفتخر& غير متصل طالب متوسط
    تاريخ التسجيل
    Jun 2007
    المشاركات
    251
    Thanks
    0
    شكر 0 مرات في 0 مشاركات
    مشكورين على المرور

  7. #7
    صورة abrahem52
    abrahem52 غير متصل طالب ثانوي
    تاريخ التسجيل
    Mar 2007
    الدولة
    سوريا
    المشاركات
    510
    Thanks
    0
    شكر 0 مرات في 0 مشاركات
    شكرا اخوي على الموضوع

    يسلموو ايدينك

    (( تقبل مروري))
    برهوم

  8. #8
    صورة &هلالي وفتخر&
    &هلالي وفتخر& غير متصل طالب متوسط
    تاريخ التسجيل
    Jun 2007
    المشاركات
    251
    Thanks
    0
    شكر 0 مرات في 0 مشاركات
    مشكور برهومي

  9. #9
    صورة التمساح666
    التمساح666 غير متصل طالب متوسط
    تاريخ التسجيل
    Jul 2007
    الدولة
    قطر
    المشاركات
    264
    Thanks
    0
    شكر 0 مرات في 0 مشاركات
    جزاك الله الف خير



    موضوع حلو

    تقبل مروري

  10. #10
    صورة عبقور العماني
    عبقور العماني غير متصل طالب ثانوي
    تاريخ التسجيل
    Jul 2007
    الدولة
    سلطنة عمان
    المشاركات
    670
    Thanks
    0
    شكر 0 مرات في 0 مشاركات
    قريت القصه مع انه عمري سنه17 عادي الفرق سنه و حده و مشكوور عالقصه

صفحة 1 من 14 12311 ... الاخيرةالاخيرة
الدورات التدريبية جامعة نجران
يشرفنا اعجابك على فيس بوك facebook