مشاهدة : 100683
صفحة 1 من 24 1231121 ... الأخيرةالأخيرة
النتائج 1 إلى 5 من 118

رواية ريما ونواف / كاملة


مقالات مشابهه موضوع على صله

  1. رواية بعنوان الأرض المهجورة
    بواسطة GLL في المنتدى كتب الكترونية تحميل كتاب صيغة text word pdf
  1. #1
    صورة وردة في الصحراء
    وردة في الصحراء غير متصل طالب ثانوي
    تاريخ التسجيل
    Jan 2011
    الدولة
    مع المخلوقات الفضائية
    المشاركات
    548
    Thanks
    0
    شكر 0 مرات في 0 مشاركات


    حبيت انقلها لكم هي قصه سعووديه ..طبعاا اتمنى انها تعجبكم وهذا الجزء الاول ...اولا شخصيات القصه ريما:بنت عمرها18 سنة بثاني علمي وحيدة امها اوبوها يعني المدلعة كانت مرة حلوة ونعومة ابوها:فهد وهو تاجر غني مدلع بنته دلع. امها:سلمى مديرة روضة ومره اهتمامها بنفسه وبريما. ............. عيال عم ريما: نواف:عمره 24يدرس هندسة كمبيوتر(كان يدرس بامريكا 5سنوات وكمل في الرياض)

  2. #2
    صورة وردة في الصحراء
    وردة في الصحراء غير متصل طالب ثانوي
    تاريخ التسجيل
    Jan 2011
    الدولة
    مع المخلوقات الفضائية
    المشاركات
    548
    Thanks
    0
    شكر 0 مرات في 0 مشاركات
    مزيون مرررررة
    محمد:عمره 19 ثالث ثانوي علمي<مملوح بشكل!
    ابوهم:سعود وكان له شركات كبيرة في الرياض
    امهم:ليلى معلمة بس تركت التدريس وجلست بالبيت.
    .............
    عم ريما طلال:
    نوف بنته:عمرها 17 اول ثانوي وكانت مقربة لريما.
    عبد الرحمن:اخوها وعمره 18سنة
    العم طلال: استاذ في الجامعه
    زوجتة العنود: كان لها مشغل كبير في الرياض(بزنس وومن
    ..............
    عمت ريما:
    فيصل:عمره 24 وصديق نواف بالمرة مايفترقون عن بعض
    الهنوف: عمرها18 صديقة ريما ونوف مره اسراهم عند بعضم<<مملوحة
    نورة:عمت ريما وكانت ربة بيت ماتشتغل.
    .............
    خوال ريما:
    ندى: خالت ريما الصغيره وكانت بسنة ثاني كلية تخصصها "علم نفس" وتموت في شيء اسمه ريما وريما كذلك
    تركي:خال ريما الصغير كان اكبر منها بسنة ويدرس طب سنه اولى.
    جدتها اسمها:هيا.
    .............
    ريما من كانت صغيره وعمها سعود يحبها ودايما يقول انها لولده نواف كبرت ريما وكبر معها الحلم وكانت دايماتفكر فيه..العم سعود يحب ريما حيل ولاسيما ان ماعندة بنات..ريماماكانت تعرف ولا شي عن نواف ولاتعرف شعوره..ولاتعرف حتى شكلةلانها مابعد يوم كانت صغيرة سافر نواف يدرس وبعدها رجع والبنت كبرت وصارت تتغطى عنه..وهو كذلك ماقد شافها بس يسمع عنها.


    البداية:
    الهنوف:الوو ريما كيفك
    ريما:تمام وانتي شخبارك
    الهنوف:بخير اقول ريما طفشانة وضايق صدري تكفين تعالي عندي
    ريما:طيب نوف بتجي
    الهنوف:ايه قلت لها وقالت لامها وافقت
    ريما:ياسلام وانا اخر وحدة ينقالها فيكم
    الهنوف:يالله عاد بتدلعين علينا يعني
    ريما:هههههه لاخلاص بقول لابوي وارد لك
    الهنوف:اووكي!


    بعد دقايق رن جوال الهنوف
    ريما:هنو<<اسم الدلع لهنوف
    هنو راح اجيكم الليلة
    الهنوف:حياك ربي يالله بنتظراك لاتتاخرين.
    ريما:ابشري


    الساعة خمس العصر.
    كانوا البنات مجتمعات عند الهنوف وفالينها وناسة سوالف وحالتهم حالة البنات كانوا في الحديقة..فيصل فتح الباب البنات ارتبكوا على طول تغطوا بعبايتهم وطراحهم
    الهنوف:ياهوة عيب عليك فيه ناس جالسين هنا
    فيصل:اووه اسف حقك علي بس لاتزعلين<يتريق عليها
    الهنوف:لاوالله <طفشت منه
    فيصل:اقول وراك ماتغطين ترى نواف بينزل يتقهوى معي
    الهنوف:نوواف احلف معك<علشان ريما تشوفه البنت متحمسة
    فيصل:انتي وش دخلك معي ولا مو معي
    الهنوف:هاه بس لانه ماقد جانا من سفرته<اتربكت
    فيصل:اقول نسيتني الولدفي السيارة
    نواف:احم احم<علشان بيدخل
    دخل نواف وفيصل الحديقة اللي كانوا البنات جالسين فيها مع العمة نورة دخل نواف علشان يسلم على عمتة نورة وكانت ريما اللي جالسة جنب عمتها على طول دقات قلبها تضرب بقوة والهنوف ونوف اعيونهم عليها


    ياترى وش بيصير..!

    :الجزء الثاني :::

    نواف:مساء الخير ياعمتي
    العمة نورة:ياهلا والله بولدي شلونك؟وشلون ابوك وامك؟
    نواف:بخير يسلمون عليك
    العمة نورة:اخيرا زرتنا
    نواف:والله تعرفين مشاغل
    العمة نورة:نواف هذولي بنات عمك سلم عليهم
    نواف من بعيد:شخباركم بنات..
    البنات:الحمد لله..
    فيصل:يالله بسرعة خلينا نروح للمجلس.
    نواف:عن اذنكم..
    العمة نورة:حتى انا بروح ابي اشوف الاخبار
    نوف:وااااي يهبل وش ذا انسان ولا ملاك يابختك ياريما
    الهنوف: روعة يجنن بمعنى الكلمة
    ريما كانت ساكتة وتفكر ياترى يدري فيني يعرفني ااه لو تدري يانواف اش قد احبك واموت فيك
    الهنوف:من شاف احبابه نسي اصحابه
    ريما:هاه لا بس ماسمعتكم
    نوف:اكيد من شفتي ذا الزين عقلك معاه
    ريما:اقول انتي وياه اسكتوا انا بروح للبيت
    الهنوف:وين تو الناس.؟
    ريما كانت متضايقة ان نواف ماعبرهم ولا بكلمة ولااعطاهم وجهه
    ريما:لا بس حاسة نفسي تعبانة
    نوف:خلاص هنو لاتضغطين عليها خليها براحتها<نوف حست فيها
    راحت ريما بعد نص ساعة جاها السواق والشغالة..
    وبعدها كانت الهنوف بتروح للمطبخ بتشرب ماء الا مروا من عندها فيصل ونواف وماكان معاه جلال ولا اي شيء تتغطى فيه..نواف اعجبته من اول نظرة وطات عيونه فيها

    فيصل:هنوف يالله روحي الولد بيطلع
    الهنوف على طول طلعت وهي تجري من الخوف

    •·.·°¯*·.·• •·.·°¯*·.·•


    في بيت ريما
    دخلت عليهم وكانت امها جالسة بالصالة وابوها يتابع التلفزيون


    ريما:السلام عليكم
    الكل:وعليكم السلام
    ابو ريما:ياهلا وغلا توة ينور البيت يالغلا
    ريما:تسلم يالله انا بروح فوق لغرفتي ابي انام تصبحون على خير
    ام ريما:وش فيك حبيبتي ماهي عادتك بالعادة تجين من هنوف والابستامة شاقة وجهك
    ريما لابس تعرفين هنوف ونوف راسي صدع منهم ومن صراخهم وسواليفهم
    ابو ريما:خليها ياسلمى يمكن البنت دايخة
    ريما:يالله تصبحون على خير
    الكل:وانتي من اهله

    ريما من دخلت غرفتها وطاحت على السرير وجلست تصيح بصوت واطي علشان مايحسون فيها اهلها
    ياربي انا ليش حظي كذا من وعيت على الدنيا وانا احبك يانواف وانت مو حاس فيني ولا معبرني..ليش كذا..اه يانواف لو تدري بحبي لك من 7 سنين وانا احبك حرام اللي جالس تسويه فيني

    جاء الصبح ويرن جوال ريما
    ريما:الوو؟
    نوف:هلا وغلا بريما
    ريما:ههه وش عندك على الصبح؟
    نوف:عندي خبر انا ايه عجييب!!
    ريما:الله يستر منك ومن اخبارك ههههه
    نوف:افااااا طيب يالله مع السلامة
    ريما:استني امزح عليك والله
    نوف:ههه عارفة بس حبيت اتغلى غليك
    ريما:هاه وش الخبر
    نوف:اليوم اتصل علينا عمي سعود يقول بنطلع للبر بكرى كلنا من الصبح الى الليل وبنشوي ونستانس هاه وش رايك؟
    ريما:الكل بيطلع<تقصد العيال
    نوف:كلهم
    ريماخلاص ان شاء الله بنطلع وياكم اكيد قالوا لامي وابوي
    نوف:خلاص اجل اشوفك بكرى باي
    ريما:باي


    •·.·°¯*·.·• •·.·°¯*·.·•



    يطق باب غرفة ريما طق طق!

    ريما:ميييين؟
    ندى(خالتها):انا ريوم قومي وجع افتحي الباب
    ريما:خالتي هنا يامرحبا
    ندى:حرام عليك لي ساعة وانا اصعد درجكم وراه اللفت خربان؟
    ريما:مدري امس تعطل على حظك يالعجوز هههه
    ندى:هاه بتفتحين الباب ولا شلون؟
    ريما وتفتح الباب..وكانت تسمع اغنية محمد عبدة سير علينا ياهواك سير علينا مشتاق لعيونك تعال سير علينا..سير وش اللي جرى قي غيبتك حالي برى..النوم من عيني سرى وانا انتظر منك الوصال..سير علينا يهواك سير علينا.)
    ندى:اكيد لي الاغنية لاني من زمان ماجيتكم<اثقة
    ريما:ياعني ع الواثقين
    ندى:ريوم وش رايك نطلع نتغداء في الفيصلية انا وانتي !
    ريما:ياليت ضايق صدري
    ندى:ياحياتي وش فيك!
    ريما:ابد سلامتك وتبستم ابتسامة صفرا
    ندى:يالله لبسي عباتك خلينا نروح استاذنت لك من امك
    ريما:دقايق وانزل لك.

    •·.·°¯*·.·• •·.·°¯*·.·•


    وصلوا الفيصلية..
    وراحوا يتمشون فيها وبعدين صعدوا يتغدون المفاجاة كان هناك فيصل ونواف ومحمد اخو نواف جالسين يتقهوون..


    ريما:وتضرب كتف خالتها
    ندى:ااااااااااي وجع وش فيك؟
    ريما:خالتي شوفي هذولي الشباب
    ندى:عييب عليك وش فيك تطالعينهم<بتقهرها
    ريما:لا بس عيال عمي سعود
    ندى:وينهم ابي اشوفهم تكفين وين نواف اللي يقولون تحفة
    ريما:انت وش عرفك في نواف؟
    ندى:بس اذكر وهو صغير حليوووو
    ريما:شوفي ذاك اللي لابس بنطلون جينز وتيشرت اسود
    ندى:رووووعة ماشاء الله انا اقول وش فيهم البنات يحمون حولهم
    ريما:ايو الله شوفي كيف يطالعون للعيال بنات اخر زمن
    ندى:تكفين ريوم روحي سلمي عليهم
    ريما:لاعيوني والله لو فيها عمري ماروح..يالله قومي خلينا نتغدى تراني جوعانة
    تغدوا وكانت ريما واقفة تطالع نواف وتحسر على حظها

    •·.·°¯*·.·• •·.·°¯*·.·•


    جاء من بكرى الكل الصباح كان مستعد للطلعة البر


    ام ريما:ريمااا يالله فشلة تاخرنا عليهم قومي بسرعة
    ريما:حرام عليكم احد يطلع للثمامة الصبح حر!!
    ام ريما:يالله شوفي هنوف من الصبح وهو تتصل علينا تقول قوموها بسرعة
    ريما:اووووووف طيب بقوم وشكوي لله
    ريما جلست نص ساعة على بال ماغسلت وصلت وجهزت عباتها وشنطتها..كانت لابسةبنطلون جينز وبلوزة فوشي حرير روعة ولابسة كاب فوشي مكتوب عليه r وبوت رياضة..وشطتها كانت صغرية فوشي لونها .وكحلت عيونها طالعة كيووت**************..
    ركبوا السيارة مع ابوها

    وصلوا كان مخيم كبير ومكيف قسم للحريم وقسم للرجال
    الكل كان موجود ماعدا نواف وفيصل كانوا ناييمين ولافكروا انهم يجون

    البنات كانوا مبسوطات بشكل راحت ريما بتجيب شنطتها من اسلياة الا محمد اخو نواف طلع عليها وهي ستحت وعلى طول تغطت بسرعة..محمد طار عقلة فيها اعجبته بشكل..ريما كان الوضع عادي لان ملك قلهبا للنواف فقط..
    خذت شنطتها ورجعت للبنات

    المهم جت السعة خمس ونص والعم طلال وين نواف وفيصل وراهم ماحوا؟
    ابو نواف:اللحين بتصل عليه هذا
    ابو نواف:الو وينك فيه؟تعال سلم على عمامك يسئلون عنك.
    نواف:يبة بس انا مع فيصل عندنا لعب كورة مع العيال
    ابو نواف:ترى ان ماجيت بعد شوي مو بزين لك..تفهم؟
    نواف:تامر امر يبة راح نجيكم..
    فيصل:ياخي انت ليش تقولهم اني معاك؟
    نواف:ياسلام علشان اذا رحنا لهم تصير براسي الدعوى وانا الي الي يطيحون فين تفشيييل

    جت الساعة 6 المغرب ويجون فيصل ونواف
    فيصل نواف: السلام عليكم؟؟
    الرجال:وعليكم السلام..سلموا عليهم .
    عبد الرحمن اخو نوف جاء عند الحريم:نووف نووف تعالي
    نوف:وش تبي؟
    عبد الرحمن:ابوي يقول جيبوا القهوة ترى فيصل نواف جوا
    نوف:طيب****** بنرسلها لكم
    نووف على طول عند ريما:ريمانواف جاء فرصتك روحي صارحيه انك تحبينه تكفين اي استمتع بقصة الحب والغرام حقتك
    ريما:ياشيخة فيكنا شكلك متاثرة بالافلام الهندية
    الهنووف:هههههههههه<<عل اي شيء تضحك
    الحريم كانوا فالينها وناسة سواليف وضحك واصواتهم عالية مرررة..

    ابو نواف:اقول نواف قم جب لنا عشاء رح لم امك قهلا وش يبون
    نواف:طيب من عيوني ياغالي
    ابو ريما:ههههههحرام عليك ياسعود شف ولدك كيف يحترمك وانت من شوي تقول مايطيعك ولاشيء
    نواف:افاااا يابو نواف ماهقيتها منك
    طلال:لا نوافم ماعليك منهم شخبارك دراستك
    نواف: الحمد لله
    محمد وعبد الرحمن: اقول احنا راح نجيب العشاء
    طلال:لا عبد الرحمن مين بيوديك
    عبد الرحمن:محمد
    طلال:انتم صغار ولاطلعتوا رخصة اقول اجلسوا
    فيصل:لقطووا وجيهكم خخخخخخخخخخ
    محمد:بس ياعمي انااعرف اسوق .
    طلال:بس اذا طلعت رخصة ماحد بقولك شيء..
    محمد: طيب<<زعلان
    عبد الرحمن:محمد تعال خلينا نتمشى في البر الجو حلو بالليل..
    محمد:يالله**************
    فيصل:نواف يالله جب العشاء
    نواف:وانت ماهمك غير بطنك يادب..
    ابو ريما:ههههه اذكر الله ياولدي
    نواف:ماشاء الله هههههه

    ام نواف كانت تهتم بريمابشكل.وكان مافيه غير ريما بالوجود ريما ماكنت تتوقع ان وراء المعاملة هذي فية شيء


    وسلامتكم ...انتظروا الجزء الثالث

    ولاتنسونا من الردود ..

  3. #3
    صورة اميرة بذوق واحساس
    اميرة بذوق واحساس غير متصل طالب ابتدائي
    تاريخ التسجيل
    Nov 2010
    المشاركات
    118
    Thanks
    0
    شكر 0 مرات في 0 مشاركات
    روووعه من دون اي مجامله

    ننتظر الجزء الثالث

    وياليتك تنزلينه بدري عجبتني الروايه

    مشكوووره

  4. #4
    صورة العنود 10
    العنود 10 غير متصل يطلع بدون استئذان
    تاريخ التسجيل
    Feb 2011
    الدولة
    السعودية
    المشاركات
    310
    Thanks
    0
    شكر 0 مرات في 0 مشاركات
    مرة حلو ة

    نتظر التكملة

  5. #5
    صورة آهات فلسطين
    آهات فلسطين غير متصل طالب ثانوي
    تاريخ التسجيل
    Jan 2009
    الدولة
    قلب الارض
    المشاركات
    622
    Thanks
    0
    شكر 0 مرات في 0 مشاركات
    يسلموااا
    لاحرمنا الجديد

صفحة 1 من 24 1231121 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران
يشرفنا اعجابك على فيس بوك facebook