اليوم جبتلكم قصيده عن الاخوه صح لسان من قاله بنادق مهجتي معبا فشقها و الغلا نيشان
ابا طلق روحي في قلب القصيد وانبض ابياته


ابذبح حزني من اقصى الشعور لاول الاخوان
واسيل عمره وتشرب عيون العمر دمعاته


وحيد ولا معي الا اخوي بداخلي غفيان
ترفرف ضحكته واطلق نعاسي لصبح ضحكاته


في بالي ارقد وادري حزين وشارد وبردان
وانا انثر برده من فوق الخيال وجمر سجاته


ينام واعقد بعين الاغاني جمرة التحنان
ينام واعقد بعين البداية كل نهاياته


يدور قلبي تتفتت ضلوعه يطحنه حرمان
يجوع القلب يحضني في جوعي واكل فتاته


واطل من الالم احضن حياة الشارع الولهان
يلملم حسرتي ويكسر وجودي بشوق اضاءاته


تعبت تمليني طعون تصب من خنجر الخلان
تعبت تستنزف عيوني دموع العين طعناته


ياخي اقعد الدنيا رمت من تحتي النيران
وهذا العمر ما يحمل بجوفي الا انكساراته


ياخي ليه تغيب وليه تتركني وانا شقفان
لقر من يقلب جبال الهموم بعزة اثباته


اعرفه لا وصل كنه صقر من صفوة الويلان
يكش جلد السما ان شافت مخاليبه وهداته


رجالا تربط حزام القبيلة وتنفلت شجعان
واخوي يربط رجال القبيلة حزام هقواته


كريم(ن ماهو من يبني فعايل صيته بديوان
في صدره دلته وهيله وفناجيله وتمراته


اذا كان الكرم حمس الهلا في مهجت الضيفان
اخوي من حمس قلبه لضيفه وصب فزعاته


وكم تكف كرمت بين البشر ممزوعه الوجدان
اخوي قبل لا ترمى عليه تقط نخواته


حزين السيف بكفوف الاوادم طافي ذبلان
بعد ما نام دم اللي سقى فعله وومضاته


ياخي اقعد وقعد خضوعي بداخل الشريان
تنام ولا بقى هم(ن قطف من دمي غفواته


غريبه وشلون يكسرك الغياب ويغلبك نسيان
ودفتر جيتك ياخي طوى من عمري صفحاته


يجيني مدري ولا لكن اعرف لا وصل جيعان
قسم وان جاني لانحرني لجوعه تحت خطواته


وصل زواله هذاك اللي وصل ما يشبهه انسان
هذاك اللي وصل شايل عذاب العمر واهاته


وجيت الحين ياخي بعد ما شالتك امتان
بعد ما ودهم غسل الجسد عن كل نزواته


ابد لا ينغسل هذا الشهم مغسول بالفرسان
اخويه من غسل روح الجسد في طهر نياته


ايا دفان دخيل الله لا تدفنه يا دفان
دخيلك خلني ادفن في بالي جمر بسماته


وهف بسماته من هذا المكان لاخر الاحزان
وانا اطحن موته في جوع الكلام واخبز سكاته


انام وشلون لا صار الاخو جايع وانا شبعان
اخوي اللي كسر قلبه لجوعي وجاع لحظاته


اخوي اللي يمزمزني معاليقه اذا عطشان
اخوي اللي ثنى عمره من اجل اطلع مسافاته


يدين القبر ضمني وسط حضن الاخو نعسان
ابرقد دام لي قلب(ن دفن وياه نبضاته


اكيد انه وسط قبره سمع طق الخطاوي الان
الا ياليت انا المدفون وانا اسمع طق خطواته
منقول