مشاهدة : 7958
النتائج 1 الى 5 من 5
  1. #1
    صورة الاميره سندريلا
    الاميره سندريلا غير متصل طالب ابتدائي
    تاريخ التسجيل
    May 2007
    المشاركات
    129
    Thanks
    0
    شكر 0 مرات في 0 مشاركات

    سلام هذي بعض المواقف الطريفة اللي قريتها واعجبتني فحبيت احطها لكم عشان تفرفشون شوي:





    متحمس
    موقف ما راح انساه كنت داخل مسجد وقت المغرب ومتاخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت امين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكان وده يضحك .. واناما علي قاصر ضحكت معهم المضحك اني كنت متحمس _old:



    كله من الثلج

    تقول كنا في مكة ايام الحج وكانت خيمتنا في مكان مرتفع بعيد عن سيارات الماء .. ذهب اخوي يجيب (ثلج) وجاب قطعة كبيرة شايلها فوق كتفه ثم جت ثنتين من خواتي الصغار بيساعدونه على انزال الثلج وكان حريص .. بحيث انه لف قطعة الثلج باحرامه اللي على كتفه حتى ماتثلج (تبرد) يدين خواتي المهم خواتي سحبوا احرامه (السفلي) بدلا من اللي فوق اللي فيه الثلج .. وبسرعة ... طاح الاحرام وطاح الثلج .. وطاحوا اخواتي من الضحك ..


    عسى ما نست

    مرة زوجتي غيرت الثوب ونقلت اغراضي من الثوب الاول الى الثوب الجديد .. رحت اصلي الفجر وركبت السيارة وشغلتها وانا اسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعا ) !! وافتش جيوبي والله المشكلة مافيها مفاتيح .. وشلون اذا رجعت افتح الباب !! وانا محتار و افكر يوم جيت ارجع الى البيت واطالع .. والقى المفاتيح قدامي مشغل بها السيارة ..( والله الذكاء )



    معرس بالف شوكة وشوكة

    واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر" برشوم " والبرشوم فاكهة لها اشواك رهيبة وماتنشاف






    الشغالة

    اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي اخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجات ... ان الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت اشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك _ol





    سبب واحد

    وحده تقول قبل المغرب كانت امي تامرنا بفتح الشبابيك حتى يطلع الذباب برا … ومرة من الايام سالت المعلمة : لماذا نفتح النوافذ في منازلنا ؟ ورفعت اختي الصغيرة يدها ، وقالت وهي متحمسة : علشان نطرد الذباب يا استاذه !!!




    الحمد لله انتهت

    تقول كانت اختي جالسة عند التلفزيون اثناء استعراض برامج الغد وجاء في العرض (ثم نقدم لكم نشرة الاخبار المصورة الثالثة والاخيرة) فرحت اختي مررة .. وراحت لامي : يمه يمه الحمد لله خلصنا من الاخبار بكرة الحلقة الاخيرة …



    الدش

    واحد من الاطفال سمع كثير عن الدش ومخاطرة .. وانه فاسد وحرام .. وكان عند احد معارفهم (دش) وهالطفل ما يعرف وش هو بالضبط .. فقال : ال فلان عندهم دش اللي يغسل منه يصير كافر ..



    المديرة

    تقول احد المدرسات ان طالبة في الاول الابتدائي كانت بنتا للفراشة اللي في المدرسة … ولدت ام البنت وكانت بعض المدرسات مجتمعين عند مديرة المدرسة (هدى) .. نادوا البنت و سالوها عن حال امها ؟ وش جابت ؟ قالت هالبنت جابت امي بنت وتقول امي بنسميها (المديرة) .. وكانت تقصد بنسميها هدى !!!


    براءة
    تقول رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعندنا احد والد اليوم …



    كرم × كرم

    تقول عزمنا اقاربنا في الشرقية ومن باب الكرم حطوا في العشاء طبقا من الاطباق ( عبارة عن روبيان طازج مشوي غير مقشر ) شاف ولدي الصغير هالطبق وقال : يمه _ ووع _ حاطين في العشاء صراصير .



    مع زود الفرحة

    تقول شرح لي اخوي مادة القواعد حتى فهمتها .. وفي الامتحان جاوبت تمام التمام … وطلعت مسرعة من المدرسة لسيارة اخوي ركبت المرتبة اللي وراء وطقيت كتفه وقلت مشكور ياخيي جاوبت زين بالامتحان .. رد علي بهدو وقال : انا اسف ماني اخوك غلطانه في السيارة .



    على رجليني

    يوم كنا في الصف الاول الابتدائي دخلت علينا المدرسة وقالت : اللي تجي للمدرسة على رجلينها توقف .. ( انا مافهمت وش تقصد ) وقفت مع الواقفات فقالت لي المدرسة : انت تجين على رجلينك .. قلت : ايه الحمدلله ماني معوقة … قالت يعني تجين للمدرسة بالسيارة قلت : نعم .. فقالت : اجلسي يالذكية .. وجلست وسط ضحكات الطالبات .




    توني شاربة

    مرة جلست جنب عجوز كبيرة واعطتني ميراندا .. وقالت : خذي افتحيه ، قلت : شكرا شكرا توني شاربه
    قالت : خذي افتحيه لي انا !! وقتها ضاع وجهي وقلت : الحمد لله اني ما فتحته وشربته .





    نعم الهدية

    في زواج احد قريباتي اخذت لها هدية عبارة عن خاتم … سلمت عليها وباركت لها وعطيتها الهدية ..
    وبعد ساعة احتجت للشنطة وفتحتها ولقيت علبة ثانية للخاتم بدا قلبي يخفق فتحت العلبة واذا الخاتم فيها .. مصيبة اعطيت العروس علبة فارغة !!!





    بدون تعليق

    دخل احد اقاربي بيته ولقى زوجته متلحفه في الصالون .. وبغى ان يمزح عليها قرب من عندها وسحب اللحاف بقوة .. ولكن وياللهول طلعت الشغالة !!





    مستعجل

    كان اخوي جالس في مكتب المدير .. اتصل واحد ( يبغى المدير ) رد عليه اخوي وقال له : المدير في دورة المياة .. فقال المتصل : كم التحويلة !!




    وين احط المفتاح

    كان صديقي الملقب - عزيو - لانهم ينادونه كثير من كثر هواجيسه واختصروا اسمه وكان عزيو رايح للدمام وغلبه النعاس على الطريق وقرر النوم وقف السيارة على جانب الطريق واستعد للنوم ولكن خاف على السيارة يجي واحد وهو نايم ويا خذ المفتاح وهو ثقيل نوم مو داري عنه جلس يفكر وين يودي المفتاح قال بس لقيتها فتح درج السيارة وحط المفتاح داخل الدرج وقفل باب السيارة لما صحا الصبح قال بيفتح السيارة ويتذكر انه حاط المفتاح في الدرج !!!! ما لها الا حل واحد !!
    ابو الشباب كسر الزجاج الجانبي وكمل طريقة !




    باص البنات

    هذا واحد ما ودي اقول اسم الشهرة حقه طبعا عندنا ... هذا مسوي مغازلجي كتب له رقم في ورقه كبيره على شان يكون رقمه واضح عند البنات مر من جنبه باص زجاجه مظلل شوي ومليان .. قال بس هو اللي انا ابغى طلع الرقم من الدرج وصار يشر للي في الباص وهم يطالعون وش عنده ومره يجي من يمين الباص ومره شمال وقف عند الاشارة قال فرصتي ويفتح الشباك حق السيارة على شان يكون رقمه اوضح فجاه انفتح شباك الباص اللي من جهته ... انبسط صاحبنا .. واكتمل فتح الشباك الا وصاحبنا يفتح عيونه زين الا صار باص عمال .. ويلملم قطع الغيار اللي طاحت من وجهه وياخذ يمين ..... وبس




    طفولة نفسية

    تقول : عندما بدات التدريس ، وفي الاسبوع الاول واجهت صعوبة في تغيير شخصيتي من المرح والفكاهة الى الجدية والصرامة ، ومن ذلك انني رايت احد اطفال الروضة ، فدنوت منه لاداعبه فهرب امامي ، فما كان مني الا ان جريت خلفه واخذت اطارده بكل ما املك من قوة حتى امسكت به اخيرا ثم حملته واخذت ادور به كالمروحة ….. وحين التفت خلفي وجدت طابور من طالبات الابتدائي والمتوسط ينظرن الي بدهشة ! لملمت شعري المتطاير ….وجمعت كتبي المتناثرة .. وانسحبت بهدوء !!!


    الايرباص

    احدى النساء ركبت الطائرة لاول مرة ، وكان مقعدها بجانب النافذة ، وبعد فترة طويلة من الركوب ، سالت زوجها : متى ستقلع الطائرة ؟ فاجاب متعجبا : لقد اقلعنا منذ نصف ساعة !! فاشارت الى النافذة وقالت : كيف اقلعنا ؟! انظر الى الرصيف الذي بجانبي ! لقد كانت تشير الى الجناح !!

    الصدق زمان

    تقول فتاة عن جدتها عندما سافرت بالطائرة لاول مرة ، حيث جاءت المضيفة وقدمت لها الطعام ، فما كان منها الا ان قالت : والله لو ادري اني ابكلف عليكم ماجيت !!!



    تضامن شديد

    تقول بعد تخرجي من الجامعة عينت ( مرشدة تربوية ) في احدى المدارس ، وفي اول عملي جاءتني طالبة واخذت تحدثني عن شعورها تجاه فقدها لامها التي توفيت منذ سنوات ، واخذت تشرح لي شوقها اليها ، وافتقادها لها في كثير من المواقف التي تواجهها ، وانها ….. وقامت الطالبة عن مقعدها ، وامسكت بكتفي وهي تحاول تهدئتي ، وتطلب مني التوقف عن البكاء !



    وينها

    تقول : اختاي الصغيرتان كانتا تسمعان ان في المدرسة شيئا يقولون له (فسحة) وفي يومهما الدراسي الاول جاء موعد الفسحة ، فاخذتا تبحثان في كل انحاء المدرسة عن هذه (الفسحة) !! وانتهى الوقت وهما لم تجدا ضالتهم المنشودة .


    و بس ........... ان شا الله تكون هالمجموعة عجبتكم





    فرفش


  2. #2
    صورة الفيصل رويال
    الفيصل رويال غير متصل طالب ابتدائي
    تاريخ التسجيل
    May 2007
    الدولة
    سعودي اصل وفصل >>جده<<(منبع حياتي)
    المشاركات
    78
    Thanks
    0
    شكر 0 مرات في 0 مشاركات


    مشكوور ة اختي

    والله فرفشه حلوة مع الظهر الحين


    وبعدين تذكرت مع موقف الاحرام اللي طاح بنفسي لانه صار لي نفس الموقف

  3. #3
    صورة الاميره سندريلا
    الاميره سندريلا غير متصل طالب ابتدائي
    تاريخ التسجيل
    May 2007
    المشاركات
    129
    Thanks
    0
    شكر 0 مرات في 0 مشاركات
    هههه
    هههه
    الله يسلمك اخوي مشكوره على الرد
    خخ
    المواقف كثيره ماتخلص المهم انها تككون اعجبتك


  4. #4
    صورة مستر طحينيه
    مستر طحينيه غير متصل طالب متوسط
    تاريخ التسجيل
    May 2007
    المشاركات
    274
    Thanks
    0
    شكر 0 مرات في 0 مشاركات
    هههه

    مشكووووره

  5. #5
    صورة **ورده الروح**
    **ورده الروح** غير متصل طالب ثانوي
    تاريخ التسجيل
    May 2007
    الدولة
    البحرين
    المشاركات
    500
    Thanks
    0
    شكر 0 مرات في 0 مشاركات
    مشكوووو وور

    خيووووو ووه

    وفرفشه حلووووه

    الله يعطيج الصحه والحافيه ياربي

    يسلمو الايادي**********



    تقبلي مروري*

كلمات دليلية Tags

الدورات التدريبية جامعة نجران
يشرفنا اعجابك على فيس بوك facebook