مشاهدة : 8465
صفحة 1 من 5 123 ... الأخيرةالأخيرة
النتائج 1 إلى 5 من 23

رواية كنت بربيك بس بدون مدري حبيتك يا مجنونه


مقالات مشابهه موضوع على صله

  1. قصيدة محششة
    بواسطة كيوت مجننه بيوت في المنتدى نكت محششين ضحك ترفيه طرائف مضحكة funny jokes
  2. ريجيم المرأة الحامل
    بواسطة عاشقه الرشاقه في المنتدى رجيم تنحيف دايت تخفيف انقاص الوزن تخسيس الكرش
  3. موسوعه الرجيم 3
    بواسطة عاشقه الرشاقه في المنتدى رجيم تنحيف دايت تخفيف انقاص الوزن تخسيس الكرش
  4. رجيم للحوامل
    بواسطة عاشقه الرشاقه في المنتدى رجيم تنحيف دايت تخفيف انقاص الوزن تخسيس الكرش
  1. #1
    صورة fahoOomy
    fahoOomy غير متصل جاي معه ملفه
    تاريخ التسجيل
    Jul 2011
    المشاركات
    45
    Thanks
    0
    شكر 0 مرات في 0 مشاركات


    سلاااااااااااااااا اام



    كيفكم
    ؟؟!


    حبيت احط روايه هنا


    للكاتبه

    انوثة زاحفه
    اتمنى تعجبكم
    الاحداث المشوقه بتبدا بالبارت الثاني






    (رواية كنت بربيك بس بدون مدري حبيتك يا مجنونه










    اعرفكم بالبطله واهلها @@@



    لاتين عمرها 18 شعرها لونه اسود طويل لحد نص ظهرها وكثير وناعم عيونها لونهم رمادي بشرتها بيضاء وصافيه طولها تقريبا 164 ونحيفه
    خدودها لونها زهر طبيعي ولها ميزه حلوه غمازاتها بالجامعه قسم ادارة اعمال اللي ماتحبه بس ابوها غصبها انها تدخل هذاالقسم عشان بعدين تدير اعماله
    فيها طيبه الكون بس ماتحب تبين لاحد الناس دايم يقولون عنها عديمة الاحساس لانها ماتبكي ولا عمرها حبت زيها زي اي بنت حتى فنان ماتحب
    اسلوبها عندها اسلوب منرفز ببرودها ولسانها متبري منها وماعليها من احد وعنيييده لابعد حد مزاجيه وتكره الرجال كلهم واللزم ما عليها كبريائها
    ودايم تتمشكل مع كل احد بالجامعه وماتحب تبين انها نعومه وهوايتها المضاربه مع العيال مع ان وجهها وجه وحده بريئه والي يشوفها يقول ذي ما تاذي نمله خخخخ
    يمكن شخصيتها صارت كذا واللي اثر على شخصيتها زياده سر كبير بحياتها محد يعرفه ولاتين من النوع اللي ما يحب يفضفض لاحد
    بسبت عيشتها وهي من عائله غنيه ولهم شركات امها متوفيه من يوم عمرها 6 سنوات


    ابو لاتين عمره 45 انسان يحب الفلوس وما يهمه غير مصلحته متزوج وحده سوريه ودايم يسافر لم اشغاله وياخذها معه ويخلي لاتين لوحدها
    عنده شركات يهتم فيها اكثر من لاتين وما يشوف لاتين غير مره بالاسبوع ومرات لا بعد


    نادين زوجة ابو لاتين عمرها 30 مغروره بقوه تحب تحشر نفسها دايم بكل شي










    فقدتك يا اعز الناس
    فقدت الحب والطيبه
    وانا من لي ف ه الدنيا سواك ان طالت الغيبه
    رحلت ومن بقى وياي يحس بضحكي وبكاي
    وحتى الجرح في بعدك يغزيني واهلي به
    انا من لي بهل الدنياسواك ان طالت الغيبه
    ................................................. ..........
    تصدك كد ماحنيت
    اشوفك في زوايا البيت
    واسولف معاك عن حزني
    واحس ان انت تدري به
    انا من لي في ه الدنيا
    سواك ان طالت الغيبه
    ............
    شسوي ب الالم والاه
    لكن البقاء لله
    يصبرني على بعادك
    واذا حظي وراضي به
    انا من لي في ه الدنيا
    سواك ان طالت الغيبه






    البارت الاول



    صحت مفزوعه من الحلم وكانت شوي وتبكي بس مسكت نفسها وصرخت بقوه


    ....: ولييييييد ولييييييد لا تروح وليييييد لا تتركني و..

    وبعدها استوعبت انها بحلم تلفتت يمين ويسار عرفة انها بغرفتها نزلت من السرير وطلعت لم بلكونتها تشم هواء بعد الحلم اللي ماتركها من عمرها 13 سنه



    كانت الساعه 4 الفجر سمعت جوالها يرن شالته وردت


    ...:الو


    ...:هلا والله باحلى لاتين

    لاتين: هلا سموره


    اعرفكم على سمر
    سمر صديقة لاتين الوحيده وبما انها عارفه شخصية لاتين وطيبتها اللي على قولت لاتين كبريائها ما يسمح لها انها تكون طيبه عارفتها فما ابتعدت عنها مثل باقي البنات
    عمرها 18 سمرا شوي شعرها قصير لحد كتوفها لونه بني فاتح وبنفس قسم لاتين


    باك


    سمر: كنت بصحيك اثاريح صاحيه قبلي

    لاتين لا توني صاحيه

    سمر هاه اخر الاخبار

    لاتين لاجديد

    سمر:اها اوك اجل باي

    لاتين باي






    نزلت لاتين تدور احد بالبيت لاكن كالعاده ابوها مسافر ومافيه احد راحت تسويلها شي تاكله

    وبعدها رجعت لم غرفتها وكملت نومها











    الساعه 5:30 الفجر




    صحت من النوم بكسل وشافت الساعه



    لاتين اوف ابتاخر على محاضرة فتكات خخ هذي اسمها حسنيه دكتوره مصريه تحب تلبس اكثر من 5 سلاسل خخ سمتها فتكات على وحده بفلم مصري كانت تلبس سلاسل كذا




    لبست تنوره جينز لونها رمادي وبلوزه لونها وردي فاتح من ماركة بولو وساعه رمادي من ماركة شانيل وبما انها ماتحب تلبس اساور كثير اكتقت بالساعه بس
    حطة كحل يبرز لون عيونها الخطير ومسكره وقلوس زهر وشت من عطرها المفضل اسكادا مارينا جروف
    واخذت شنطتها من رمادي ماركة بولو وراحة







    بالجامعه





    دخلت المحاضر متاخر



    ا/حسنيه: بدري يا مدام

    ن



    ناظرتها لاتين من فوق لتحت انسه لو سمحتي


    ا/حسينه ماحبة تدخل معها بمشاكل:روحي انتي محرومه من المحاضره


    ضحكة لاتين باستهتار:ههه بلي محاضرتك واشربي مويتها



    وطلعت وسكرت الباب






    لاتين اوف يا الزهق


    شافت سمر جايه من بعيد


    لاتين سمر سمر ووجع

    سمر جت تضحك هههه لو ما اعرفك واعرف اسلوبك كان تركتك من زومان هلا امري وش تبين

    لاتين تعالي نروح نفطر برى

    سمر:مجنونه محاضرتنا الثانيه ماباقي عليها غير نص ساعه وانتي عارفه الرياض وزحمتها المشوار عليه ساعه

    لاتين من قالك اني ناويه ارجع عادي يابنت تعال وانا اجيبلك المحاضرات اللي ناقصه

    سمر طيب يله





    قبل ما يروحون مروا بيت لاتين بدلت ثيابها عشانها ما تعرف تاخذ راحتها بالتنوره
    لبست بنطلون سكيني ازرق غامق و بلوزه توب اصفر ولبست صندل اصفر وحطة كحل وقولس و ونزلت








    بالكوفي


    لاتين سمور وش تبين

    سمر واحد كروسون جبن وموكا حار


    راحت لاتين جابت الطلبات وهي راجعه سمعت شابين يغازلون سمر وسمر متضايقه



    لاتين بكل خشونه خير يا ابو الشباب وش عندك

    الشاب الاول: اوف اوف بويه مره وحده بس غريبه الشكل شكل وحده بريئه ونعومه

    (لاتين تلبس عبايه كتف وتتحجب بس)

    لاتين احترم نفسك لا اصكك بكف الحين

    الشاب الثاني بدينا بهياط البنات هههههههههه

    الشاب الاول يسلملي القوي انا

    ما درا الا ببقس قوي على وجهه


    لاتين ببتسامة استحقار:هاه الحين هذا هياط ولالا

    الثاني كان بيضربها بس جا الشرطي اللي اتصلت عليه سمر من زمان لانها عارفه صديقتها مستحيل تعديها بدون مشكله

    الشرطي:مكانك انت وياه












    البارت الثاني راح تبدا الاحداث



    اذا شفت تفاعل منكم راح انزله

  2. #2
    لمسةـجنون غير متصل طالب ابتدائي
    تاريخ التسجيل
    Jul 2011
    المشاركات
    140
    Thanks
    0
    شكر 0 مرات في 0 مشاركات
    مشكوور ع القصه الروعه


    من جد قصه روعه


    ودي

  3. #3
    صورة fahoOomy
    fahoOomy غير متصل جاي معه ملفه
    تاريخ التسجيل
    Jul 2011
    المشاركات
    45
    Thanks
    0
    شكر 0 مرات في 0 مشاركات
    ويييييييين الردوود

  4. #4
    صورة fahoOomy
    fahoOomy غير متصل جاي معه ملفه
    تاريخ التسجيل
    Jul 2011
    المشاركات
    45
    Thanks
    0
    شكر 0 مرات في 0 مشاركات
    البارت الثاني




    بمركز الشرطه



    عند مدير الشرط رائد اعرفكم عليه رائد انسان مغرور وعصبي ما يحب احد يفرض رايه عليه عنده حب تملك للاشياء واللي براسه يسويه عمره 26 سنه
    من عائله غنيه جدا وهو وحيد امه وابوه حلو بقوووه طويل وجسمه معضل شعره لحد رقبته وكثير وناعم لونه اسود عيونه بني غامق وناعسه خشمه طويل وحاد بشرته وسط لاهي بيضاء مرا ولا سمرا









    رائد دخلي اصحاب الهوشه ياعسكري



    العسكري حاضر سيدي


    دخلهم وكانت اول وحده لاتين
    وبعدها دخلو كلهم ماعاد سمر كانت برا



    رائد عقد حواجبه قال لم العسكري لحظه هذولا اللي متهاوشين مع بعض اشر على الشابين هذي اللي غازلوها وش دخلها اشر على لاتين)


    العسكري:طال عمرك اللي غازلوها برا هذي البنت هي اللي تضاربة معهم


    رائد سكت خمس دقايق منصدم قال: نعم عد عد وش قالت وطالع لاتين بنظارات استفهام وقال:انتي ضربتيهم؟

    لاتين ببرود ايه


    رائد انت وياها ماتستحون تضربون بنت

    الشاب الاول بخوف: والله والله هي اللي ضربتني والله هي اللي بدت انا حتى ما ضربتها
    الشاب الثاني:انا ماسويت شي

    رائد طالع لاتين:صدق كلامهم

    لاتين طالعت الشابين ببرود ثم وجهة نظرها لم رائد: ايه صح كلامهم


    رائد منصدم و كيف ااقصد وليه ان شاء الله


    لاتين اول شي كانوا يضايقون صديقتي ثاني شي الحشره هذا اللي واقف قال عني بويه


    الشاب الاول:وانا صادق بلاهي تسمين نفسك بنت

    ناظرته لاتين وهي رافعه حاجب ومنزله الثاني الظاهر ودك بالكف الثاني \


    رائد بس انت وياها وانتي تهددينه وقدامي

    لاتين بستهزاء:عشتوا ومن انت عشان ما اهدد قامك


    رائد لالا الحين عرفت من الغلطان . يا عسكري



    العسكري: سم طال عمرك

    رائد:خذ الثنين هذول وارمهم بالحبس وقل للبنت اللي برا تروح لم بيتهم وهاذي ناظر لاتين شغلها معي يله اطلع وسكر الباب
















    عند سمر




    كانت تبكي سمر:ياويلي وش بيفكني الحين من اخوي راكان لا درا اني بالشرطه اهي اهي ياويلي



    العسكري يابنت تقدرين تروحين لم بيتكم

    سمر بخوف:ولاتين

    العسكري:صديقتك ورطة نفسها مع المدير رائد عاد مدري وش بيفكها منه


    سمر تبكي ياويلي ياويلي انا السبب اهي اهي




    طلعت سمر وهي ميته خوف على صديقتها وراحت لم بيتهم



    مسحت دموعها ودخلت البيت واول ما دخلت طلع بوجهها




    راكان هلا والله سموور

    (راكان اخو سمر الكبير عمره 23 متخرج من الجامعه ومتوظف عند شركة عمه مملوح وطويل وجسمه معضل شوي شعره لونه بني غامق ودايم يسويه سبايكي بشرته سمرا شوي
    وخفيف دم وحبوب ويوسع صدر اللي يقعد معه >>>ليه خياط خخ >>كف الحين >>خلاص بكمل الروايه هع
    وهو من عائله متوسطه ماديا)


    سمر كانت خايفه بس يوم شافته يضحك عرفت انه ما درى عن شي:هلا راكان


    راكان ليه وجههك كذا انتي باكيه

    سمر تصرف: هاه لالا بس لاتين تعبت شوي واغمى عليها وخفت عليها وبكيت

    راكان هنا انقبض قلبه حب يوم سمع اسم حب الطفوله لاتين متى وليه طيب هي وين باي مستشفى صحت ولالا

    سمر شوي شوي لا هي صحت خلاص وهي ببيتهم ترتاح شوي

    راكان ارتاح نسبيا حمدلله

    سمر يله عن اذنك بروح لغرفتي
    راكان:باتبين غداء
    سمر بنفسها واحد له نفس ياكل عقب اللي شافه لا بروح انام

    راكان براحتك












    عند لاتين











    رائد بنظرات تملاها العصبيه: عيدي اللي قلتيه يا اخت لاتين


    كانت لاتين جالسه بكرسي قدام مكتب رائد وحاطه رجل على رجل ومكتفه يدينها
    لاتين بكل لكاعه قلت من انت عشان ما اهدد ك وش حمار انت ما استوعبت الكلمه للحين


    هنا رائد جن جنونه قام بعصبيه ورفع يده بيضربها كف

    وقفت لاتين بعصبيه ومسكت يديه وتكلمت من بين اسنانها ماجبته امه اللي يمد يده علي تفهم











    يله عاد وروني التفاعل عشان اتحمس وانزل البارتات

  5. #5
    صورة ṜΘ7ỵ Ŧ7βҚ
    ṜΘ7ỵ Ŧ7βҚ غير متصل مشرفه قديره سابقه
    تاريخ التسجيل
    Jul 2011
    الدولة
    -
    المشاركات
    3,140
    Thanks
    0
    شكر 0 مرات في 0 مشاركات
    يوووووه تهبببل الرواااايه تكفيين كملييها

صفحة 1 من 5 123 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران
يشرفنا اعجابك على فيس بوك facebook