ده اعتراف رسمي بخطي و ختم نسر عليه كمان
قلبي بيكي خلاص ياستي. اتملا و مفهوش مكان

و ده اعتراف بخط ايدي حبره احمر من وريدي
و ع اليمين موجوده صورتي و ع الشمال طابع بريدي

و في بدايته ها حط و ارسم قلب و شويه ورود
و في نهايته ه مضي و ابصم و يمضوا بعدي اتنين شهود

و اطبع عليه بشفايفي بوسه علي الجبين و الايد و خدك
انا عريسك يا عروسه .. ولا انتي امي ولا ابقي والدك..!

كل م اسئل ازيد في حيرتي
انتي امي ولا بنتي ...؟
ولا روح قلبي و حبيبتي
ولا مين تبقيلي انتي ..!

و اكتشفت في النهايه انك انتي كل شئ
و انا معاكي من البدايه لحد اخر الطريق

لحد يوم مموت يا بلدي
انتي اغلي واحده عندي
واحده واحده يامصر عدي
و بكره يرجع البريق
بكره يرجع البريق




....