مشاهدة : 63366
النتائج 1 الى 7 من 7
  1. #1
    صورة dangerous mind
    dangerous mind غير متصل يطلع بدون استئذان
    تاريخ التسجيل
    Jun 2007
    المشاركات
    353
    Thanks
    0
    شكر 0 مرات في 0 مشاركات
    من قصص بني هلال





    المقدمه:
    القصه اللي انا ابي اتكلم عنها عباره عن محصله من عدة روايات عن بني هلال وقصة الجفاف اللي صابهم ومعاركهم وانا المسول عن الرواية وما يذكر فيها من احداث وقصائد واعتبر نفسي مصدر طرح هذه القصة بهذا الاسلوب حفظا وليس كتابه لان اكثر الاحداث سمعتها وحفظتها ولم اجدها في اي مصدر مكتوبه علما ان عندي اربع مصادر من كتب غيرما تمكنت من جمعه من مصادر اخرى

    في البدايه ابي اتكلم عن قصة الحب اللي حصلت بين ابو زيد الهلالي واسمه الحقيقي (سلامه) وعليا واسمها كامل عليا بنت الشيخ جابر العبيدي القحطاني
    اول احداث القصه يوم شاف ابو زيد عليا اعجب فيها وجن جنونه انهبل جمال وجسم وبنت شيخ قال في نفسه ماخذها ماخذها بس العقبه الوحيده قدامه ان شيخ بني هلال مانع شباب بني هلال ما ياخذون الا من بنات بني هلال (وطبعا عليا بنت الشيخ جابر من عبيده من قحطان )راح لاميرهم واسمه حسن بن سرحان وطلب منه يسمح له يتزوج من عليا
    عرض فكره الزواج من عليا على الامير رفض الامير واصر ابو زيد الا يتزوجها وقال للامير انت بس شفها وتعذرني رفض الامير وارسل ناس يشوفونها ويوصفونها له جوه المراسيل ولا مدحوها له يقولون نحيفه ولهي على وصف ابو زيد
    رفض الامير مره ثانيه وكرر عليه ابو زيد وطلبه انه يروح يشوفها بعد كثر الالحاح قال الامير بينه وبين نفسه ليه ما اروح اشوف هاللي خذت قلب ابو زيد وابو زيد معروف عنه انه فارس ولا يفكر في الزواج ولا يفكر انه يجي له عيال ابدا
    ابو زيد كان يوصف عليا عند الامير حسن بن سرحان يقول عليا اذا وقفت من اوسط البنات بالطول واذا جلست تكون اطولهن ( يقصد بكلامه ان فخوذها كبار اذا جلست ترفعها ) راح الامير يشوفها واخذ معه واحد اسمه ابو العلا وكان الامير راكب ناقه يوم شافها انبهر من جمالها ما يدري يمشي في اي اتجاه بالعربي ضيع نزل من ناقته وراح يمشي ويردد قصيده يقول فيها :





    ابا العلا قدلي مع الدرب ناقتيبحسناك والا ناد لي من يقودها
    يقولون لي عليا نشاش دقاقهوانا اقول ريان من الغي عودها
    ان وقفت دق العسيلي بوركهاوان دنقت ما رده الا نهودها
    قولو لطراد الهوى يطرد الهوىوانا كفيلك عن بلاوي حسودها




    قولوا لابو زيد ياخذها
    العسيلي هو نوع من الجلد المقوى على شكل حزام وسيع على شكل حجل في الوسط ويقصد بالبيت ان وسطها ضامر مافيه شي يرد الحزام
    على كذا يسمح لابو زيد ما لا يسمح لغيره طبعا هذا ابوزيد الهلالي من قده
    تزوجها ابو زيد
    وكان معروف عن بني هلال انهم اهل طرب ورقص وفلة حجاج بس مافيه شي يدوم لانه جاهم اسبوع امطار الليل والنهار تصب عليهم ما قدروا يرقصون ولا ياخذون حريتهم من المطر قال لهم واحد( ويقال انها عجوز في اغلب الروايات ) اذا تبون المطر يوقف اسلخوا لكم بقره وهي حيه ويوقف المطر طبعا هم ماصدقوا خبر سوو اللي قالته العجوز وفعلا وقف المطر والوقفه الواقفه اخذوا ثمان سنين ما جاهم ولا قطره ولا هب عليهم الهبوب
    ومن المواقف اللي صارت بسبب الجفاف ان ابو زيد كان هو وواحد اسمه عزيز ابن خاله رايحين يسقون ابلهم ونزل عزيز في البير يملا الدلو لخاله ابو زيد ( وكان يقال ان عزيز ولد ابو زيد من اخته وهذه المقوله لها قصه معروفه ولذلك سمي ولد خاله ولكن لسنا في سياق ذكرها في هذه القصه وكان ابو زيد لا يعترف به) نزل عزيز في البير مع نزوله قرصته حيه و (ون) منها وسمعه ابو زيد وقال له:




    سمعت منك يا فتى الجود ونهعساك منها يا فتى الجود سالم



    قال عزيز :




    انا سالم منها ولاني بسالموالراس ما تطوى عليه الغمايم
    انا سالم لو ما ازرق الناب عضنيضربني بنابه واتقا فالرقايم
    وانا خايف يا خال هذي منيتيومن رافقك يا خال ما رد سالم
    وحلفت انا يا خال لروي ركايبكواخلي الماء من على الحوض عايم




    قال ابو زيد





    يا وليد قم خم الرشا واحتزم بهخل اظهرك عن بير فيه الصمايم




    ملا عزيز الدلو وطلعه خاله من البير ويوم شاف ابو زيد ان الموت جا عزيز( ون) ابو زيد ويوم سمعه عزيز قال




    يا خال خل الدوح والنوح خلهواعمل بقبري يا عطيب الضرايب
    خل القبر في راس عيطا طويلهوسيفي ورمحي حطهن لي نصايب
    اغدي بنات الهلاليه يجننييجذ على قبري بروس الذوايب
    وداعتك يا خال ورع صغيريلعب مع الصبيان وابوه غايب
    احذرك انا يا خال عن ضربه العصااو نهرة تودع قليبه حطايب
    وقولوا لبنت امي تغطى وتستحيليا جولها الخطاب فوق النجايب
    وقولوا لبنت العم ترحل لاهلهاحرم عليها اليوم شوف الحبايب



    (بنت العم يقصد بها زوجته) مات عزيز ودفنه ابو زيد مثل ما وصاه وصب الدلو اللي طلعه عزير على قبره وقال ابو زيد فيه





    دفقت على قبر الهلالي قربتهوخليتها تسق الرياض المجادب
    وحطيت على قبر الهلالي جوختهوخليتها تذرا عليها الهبايب
    وحطيت على قبر الهلالي فتختهفي ما قع يشوفها كل صاحب
    وعقلت على قبر الهلالي بكرتهوخليتها تعتب حوالا النصايب



    استمر الجفاف ثمان سنوات وبني هلال يشدون من مكان وينزلون في مكان يدورون الماء ويحفرون حتى في روس الجبال وكل مكان يشدون منه يدفنون فيه من موتاهم من العطش ولهم اثار كثيره في نجد والجنوب ومازالت ابارهم موجوده في كثير من مناطق المملكه وهذا من اكبر الادله على انه كان لهم وجود حقيقي وان القصص والكلام عنهم ليس من الاساطير ولكن استغلت شخصياتهم في كثيرمن القصص



    ومن ما قيل بسبب الجفاف ما قاله الامير حسن بن سرحان:





    ثمان سنين ما هوا نجد قطرهولا زلزل الرعد الرزين وزار
    ولاهبت الغرى ولاهبة الصباولا طار من اشعاف البكار غبار
    حفرت فالبيدا ثمانين قامهودورت انا الجم الغزير وغار
    يانجد وان طاح الحيا فازعجيلناوشبي لنا براس المقوزي نار
    لك الله صبيان النشاما تغيروابناب ضحوك يعجب الخطار




    بعد ثمان سنوات من الجفاف ضاعت الحيله عليهم ما فيه اي شئ لرعي حلالهم ولا فيه اي شي يشربون منه قال الامير حسن لابو زيد نبيك تروح تعس ديار تونس وتجيب الاخبار منها لانهم سمعوا ان فيها خير وان ارضها مليئه الخضره والعشب وتشوف فيها حيا والا لا. وكان اختياره لانه يعرف ان ابو زيد اقدر الناس على السفر لتونس وكان السفر لها يستغرق ثلاثه اشهر حسب ما ذكر في قصائد ابو زيد وان شاء الله اذكره في الاجزاء الجايه لاني ما ابي اذكرها مقسمه ولا جاء موقفها اللي قال فيه القصيده

    بعد محاولات واقناع وافق ابو زيد انه يروح بس اشترط انه يرسل معه عيال الامير حسن وهم يحيى ومرعي ويونس

    اولا لانهم فرسان وثاني لانه يبي يشوف اذا الموضوع مهم عند الامير ولا يهم بمخاطرت ابو زيد فهو بيوافق يضحي بعياله ويخاطر بهم لان الطلب ماهو هين

    وافق الامير على شرط ابوزيد وجهز عياله من كل شي يحتاجونه
    وكان طريقهم مع الحره في الحجاز وذلك مذكور في قصييده ابوزيد
    يقول فيها
    سرنا مع الحرات تسعين ليله ,,, نقود الطوعات خلف الجهايم


    توجه ابو زيد وعيال الامير لتونس وفي طريقهم مروا على عامر الخفاجي في العراق واللي ايدهم ووعدهم انه يوقف معهم اذا احتاجوه اوا احتاجوا منه شي وتوجهوا من عنده باتجاه تونس واللي كانت فيها قبله بني قابس


    وصلوا لتونس وكان حاكمها يقال له خليفه الزناتي


    اكرمهم الزناتي احسن اكرام مع انه ما كان مرتاح لهم لانه كان حالم له حلم مخوفه وشايف فيه ان جايهم سحابه من الشرق وتمطر عيهم شوك



    ويوم وصل ابو زيد واللي معه لديار بني قابس وعرف انهم جايين من ديار الشرق قال في نفسه اكيد ان لهم علاقه بحلمي وان شي بيصير لي منهم وقال ليه انا ما احبسهم لين اتحقق من صحة كلامهم وبعدين اقرر اطلق صراحهم

    وامر بحبسهم والتحقيق معهم


    سالوهم من اين انتم جايين ووين رايحين قالوا حنا من ديار عامر وراجعين من الحج ومر بنا الطريق على دياركم

    بس الكلام ما كان مقنع ابد ولافيه شي من الصحه

    ما صدقوهم وامروا بحبسهم

    وبعد مده امر بنقلهم من السجن لقبوا في قصر الزناتي

    لانه ما كان متطمن لهم ابد ومازال يحس ان لهم علاقه بالحلم

    الزناتي كان له بنت واسمها سعدى وتلقب بالصفيرا وكانت كاهنه تخط على الرمل وتكهن

    ومن ما شافته بالخط على الارض انهم بيغزون وبيجيهم ناس يذبحون ابوها وان اللي بيقتل ابوها واحد اسمه ذياب


    جتهم سعدى وسالتهم وقالوا لها نفس الكلام انهم حجاج


    ضحكت عليهم وقالت يالكذابين معي علمكم انكم ابو زيد ويحيى ومرعي ويونس عيال الامير حسن بن سرحان ما قدروا ينكرون واعترفوا لها
    ويوم شافوا ان ما لهم مجال اعترفوا لها علها تساعدهم
    وطلبوا منها انها تساعدهم وقالت اساعدكم بس بشرط انكم اذا غزيتوا علينا فيه واحد اسمه ذياب ( ولد اخت ابو زيد) بيذبح ابوي اذا عاهدتوني انكم تزوجونيه اساعدكم قالوا ان ولد اخت ابو زيد صغير ولهوب فارس ولاعمره شارك في حرب لانه وقتها كان عمره صغير على خوض الحروب وما كان له اي فعل وكان ابوه خواف وسيرد قصيده قايلتها ام ذياب في ولدها تنصحه لا يسمع كلام ابوه وتامره انه يعصي ابوه ويروح للحرب قالت صاحب الاسم ذا بيدبح ابوي وتزوجونيه سواء كان ولد اخت ابو زيد او غيره

    وافقوا على شرطها وقالت انا بروح لبوي وبقول انك عبد ( تقصد ابو زيد لانه كان اصلع من لبس الدروع واسود من الشمس ) وبقول لابوي ان سجن العبد عيب اترك الاحرار الثلاثه في السجن وفك العبد واكدت لهم انها بتساعدهم وعاهدتهم على ان ابو زيد ليطلع باي طريقه

    وقالت لابو زيد اني اذا قدرت اطلعك لا تقول لاحد انك ابو زيد ثم ما يفكك ونبهتته من حيل ابوها وانه ما راح يفكه كذا لانها عارفه ان ابوه ما تطمن لهم ابد واذا اكتشفوا انك ما انت عبد انك برجع للسجن ويمكن اتورط معك
    راحت لابوها وقالت له يفك العبد وحاولت انها تقنعه انه عبد وبعد محاولات اقنعته انه يفكه ويراقبه ويتاكد انه عبد


    وافق المسكين ما عرف حيلة بنته عليه

    بس ما وافق بفكه كذا لكنه امر اشجع فرسان بني قابس ويقال له العلام وقاله انه يراقب كل تحركاته لانه ناوي يسوي له حيله وامره انه اذا اكتشف ان العبد ما طلع عبد يقطع راسه على طول

    ويوم راحت تفكه نبهتته وقالت له عن حيلة ابوها وانه مراقب


    وكانت حيلة الزناتي انه قال حطوا العبد ( يقصد ابوزيد ) عند القدور وخلوه يطبخ وانت راقبه يالعلام وخلوا الخيل تعرض من قدامه والفرسان يلعبون ان شفت العبد طنش القدور وراح اهتمامه مع الخيل اعرف انه فارس واقطع راسه على طول ولا تناقشه


    عرضت الخيل قدام ابو زيد ويوم شاف الخيل والفرسان نسي نفسه وانطنخ معها فارس وشاف الخيل والفرسان ولا له في شغلة القدور


    وش صار بين العلام وابو زيد في الجزئ الجاي



  2. #2
    صورة حاملة الاثقال
    حاملة الاثقال غير متصل جاي معه ملفه
    تاريخ التسجيل
    Aug 2007
    المشاركات
    16
    Thanks
    0
    شكر 0 مرات في 0 مشاركات
    مرحبا شكرا على الموضوع الجميل
    كنا نجلس عند جدتي و دايم تتكلم عن ابو زيد الهلالي..الله يرحمها..

  3. #3
    تاريخ التسجيل
    Jun 2007
    المشاركات
    937
    Thanks
    0
    شكر 0 مرات في 0 مشاركات
    مشكووور اخوي قصة رائعة وحلوة

    ننتظر المزيد

  4. #4
    استاد يعجبك غير متصل جاي معه ملفه
    تاريخ التسجيل
    Sep 2007
    المشاركات
    1
    Thanks
    0
    شكر 0 مرات في 0 مشاركات
    تعقيب على معنى العسيلي
    على حد علمي ان المقصود بالعسيلي ليس كما ورد
    ((العسيلي هو نوع من الجلد المقوى على شكل حزام وسيع على شكل حجل في الوسط ويقصد بالبيت ان وسطها ضامر مافيه شي يرد الحزام
    ))


    بل العسيلي اسم لجمل عليا
    ويدل على ذلك قولها فيه :

    ويا غبن عيني يالعسيل جمالي ومن وين لي بعد العسيلي جمالي

    والبيت لعلياء عندما طلبت من ابو زيد ان يريها ذياب فخشي ان تعجب به فلما اصيب بالجرب تحداها على مشاهدت ذياب وكان من مكر ابو زيد ان راهنها على جملها العسيلي لانه يعلم ان ذياب مريض ولن تعجب به


    تقبل مروري ولك كل احترامي

  5. #5
    الرح ال غير متصل جاي معه ملفه
    تاريخ التسجيل
    Jul 2008
    الدولة
    حفرالباطن
    المشاركات
    23
    Thanks
    0
    شكر 0 مرات في 0 مشاركات
    هههه هه



    والله العظيم ان ابو زيد الهلالي من قبيلتنا


    فخذ هلال كان فخذ من قبيلتنا

    قبيلة ال سرحان في ابها



    تسلم اخوي على الموضوع لك ودي

  6. #6
    ذيب ابن غانم غير متصل جاي معه ملفه
    تاريخ التسجيل
    May 2010
    المشاركات
    1
    Thanks
    0
    شكر 0 مرات في 0 مشاركات
    الله لا يهينك وماقصرت لكن ولا تهون عندي تعقيب على بعض الاشياء: اولا احبابو زيد عليا بنت الشيخ جابر العبيدي القحطاني هذا خطا كبير )هي ابنة الامير الزحلان عندما اتجهت الخضراء اليه بابنها الذي ولدته من الله هكذا اسود البشرة بعد ان وقفت على ضفاف البحيرة وشاهدت غرابا اسود يلاحق الغربان وينقض عليها فتمنت من الله ان يرزقها ولدا مثل هذا الغراب فجاءها كذلك

  7. #7
    صورة خ يال انثى ا
    خ يال انثى ا غير متصل مشرفه قديره سابقه
    تاريخ التسجيل
    Jun 2009
    الدولة
    دنياع جيبه ما استقرت على " حال " م س گ ي ن من ضيع: ح ياته » وراها
    المشاركات
    7,186
    Thanks
    0
    شكر 0 مرات في 0 مشاركات
    /
    07-31-2007, 05:12 pm
    موضوع قديم
    يغلق

الدورات التدريبية جامعة نجران
يشرفنا اعجابك على فيس بوك facebook