الشاعر/ضويحي بن حسن العتيبي


[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200 align=center use=ex length=0 char="" num="0,black" filter=""]
اكبر قال من يبدا كلامه......$$$..... باسم رب الكون علام السريره

ربنا اللي تنحني له كل هامه......$$$......جل شانه مالنا معبود غيره

من طلع بدر تجلى في تهامه......$$$......شع نوره للبشر في كل ديره

شرق بيت الله وغربيه وشامه......$$$......ومن شمال اليا جنوبي الجزيره

الجهل بدر الدجى بدد ظلامه......$$$......واصبحت منه الضماير مستنيره

النبي اللي رفع ربي مقامه......$$$......بلغ الدعوى وقاد لنا المسيره

وياشباب بدلوا لبس العمامه......$$$......بالك وافي والبناطيل القصيره

وكل واحد قام يكرب في حزامه......$$$......واستدار مع الهبوب المستديره

ان رقد ماعاد يصحى من منامه......$$$......ليلتي ن ان كفته ماهي كثيره

عن صلاته عن شرابه عن طعامه......$$$......مختلف وضعه ومنحاس مريره

وان صحى ساق الجمل واطلق خطامه......$$$......صار من ضمن البشر يشعب بعيره

شغل الموتر وعلق بالثمامه......$$$......وجاب من زود الطفش طبله وزيره

الزعيم اللي تصدى للزعامه......$$$......حافظ كل التقاسيم الاخيره

يكسب الالحان من راغب علامه......$$$......وفيه نغمه من سعاد ومن سميره

ويوم يشرح عن هواه وعن غرامه......$$$......التمس سلك الكتاوت في الضفيره

مثل ذاك اللي يبي مشي الحمامه......$$$......سبب التقليد حتمية مصيره

قام يطمر من عدامه في عدامه......$$$......عند ميقاعه وعند اول مطيره

من بذر خيره قبل يجنى صرامه......$$$......جاه صفق وحال شره دون خيره

في مواعيده وهرجه والتزامه......$$$......مايش د به الظهر وقت الظهيره

الضعيف اللي تغشاه الملامه......$$$......كل ساعه له سلوب وله وتيره

ماحضر مع جيش خالد في اليمامه......$$$......يوم قام مسيلمه ينبي زبيره

حولوا كلن يدور للكرامه......$$$......يوم سل السيف الابتر من جفيره

نصرة للدين مافيها انهزامه......$$$......دام باقي للامل حبة شعيره.؟؟!!

وامطرت فوق العدا مثل الغمامه......$$$......واذعن وا للحق من عقب الكسيره

ولا حظر يوم الوديعه والرغامه......$$$......بين عج الجيش والخيل المغيره

الفخر والمجد مايبغي سنامه......$$$......يبغي الشله وبيت امه يديره

بارد وجهه مثل وجه الهلامه......$$$......كن وجهه شاهبه لاهب سعيره

هكذا تلعب على الخبل الرخامه......$$$......لين صار من الذنوب اعمى بصيره

عاش في غيه وذله وانسجامه......$$$......يرق ون الناس وعيونه سهيره

كيف راسه ماتداويه الحجامه.؟؟......$$$......ما يروق الا بشيشه واتعميره

عقرب صفرا لها شوكه وهامه......$$$......كل ماهب الهوا جاتك مغيره

جابع راسه مثل راس النعامه......$$$......والع ا لاجله يحمسون الذخيره

في الوظيفه ماتوفق في دوامه......$$$......كل يومين متمشكل مع مديره

كب زامه في العمل ماقام زامه......$$$......وفي الظروف القاسيه عجل منيره

وان تزوج قام يتبع ريم رامه......$$$......واستذار مع المهاة المستذيره

سلم الحرمه مفاتيح القوامه......$$$......واصبح الريموت بيديها تديره

لوحت بالخرج فوقه والمسامه......$$$......والج مل عقب الرغى صعبن هديره

ولا نعم اهل الشجاعه والشهامه......$$$......الرج ال اللي مواقفهم شهيره

الفخر لاهل الفخر ننصب خيامه......$$$......وننشر البيضا على راس الجديره

وللذي يفرض على الناس احترامه......$$$......ولا عكس من طيب حضه خط سيره

وللذي كمل صلاته مع صيامه......$$$......والحقو اللي على غيره كبيره

وللذي تاج الفخر علق وسامه......$$$......والمثير ت الحديثه ما تثيره

عن نظام الشرع ماغير نظامه......$$$......مرضي ربه ومرتاح ضميره

في طليق الوجه فزه وابتسامه......$$$......للض يوف وللمعارف والعشيره

طلعته مثل القمر ليلة تمامه......$$$......يابشي الخير عجل يابشيره

بالطمانينه وبحزام السلامه......$$$......محتز للحق بسيوف شطيره

حاسب للحشر واهوال القيامه......$$$......والن ار اللي شروره مستطيره

الكسير مع الزمن تجبر اعظامه......$$$......غير كسر الدين ماعرف له جبيره

وزبني الله من خواتيم الندامه......$$$......التج باللي خلقني واستجيره

والقصيد المسك والعنبر ختامه......$$$......مع شذا الورد وهوى الصبح وعبيره



[/poet]