السلام عليكم و رحمة الله و بركاته
احببت اليوم ان اشارككم ببعض المقتطفات الشعرية..
اتمنى ان تنال ‘جابكم. تفضلوها و تقبلوا فائق شكري..

ان نويتي الصد قلعة لا تردي..
اتركيني بس اصحصح كم ليلة..
صار له كم يوم هالحظ متردي..
و الظروف منيلة بستين نيلة..
حلي عن عيني و عن دنياي صدي..
لا تشبي النار في راس الفتيلة..
و اللي راح يروح فدوة لعين جدي..
و كل شي طاح باذن الله بشيله..
.
.
.
يا كبر ظلمك تفارق و ما تودعني؟؟
ما كنك اللي ذبحني لين حبيته..
كم قلت يا ادمي بعدك يروعني..
و يا كم جرح يجيني ما تحريته..
اذكرني اليا نثرك الشوق و اجمعني..
و اذكرني اليا حضنك اسمي و ضميته..
و اذكرني اليا ذكرت الدمع قطعني..
و ان مر في خاطرك رقمي و دقيته..
مع السلامة و قبل ما تفارق اسمعني..
تبقى اكثر انسان" بكاني" و حبيته..
.
.
.
انا محتاجك الليلة بحاجة قلبك اشكيله..
و لا حسيت بشوقي لك مثل ما احسه هاالليلة..
بقول و لا تقاطعني..
مثل دوم و تودعني .
و اذا مشغول وش يعني؟؟
ضروري نلتقي الليلة..
.
.
.
حبك تلاشى ما بها شك و جدال..
و اللي جفاني بالمحبة جفيته..
خلك تعيش بغربتك ضيقة البال..
تستاهل اللي من غرورك جنيته..
لا عاد ترجع عن كلامك و الاقوال..
واصل مسير الصد دامك بديته..
لا تفتكرني عايش بكذب الامال..
غيرت درب في غرامك مشيته..
كانك تضايق من برودي و الاهمال..
وش موقفك لا قالو اسمك نسيته.
.
.
.
شوف صار اليوم همي من فراقك يشتكيلي .
و كل هم و كل غم و انت يا قلبي بخير..
خلني بختم هواي المنتهي بقصة رحيلي..
و خوفي حظي لا يجيبك ادري هالعالم صغير..
يا عساك تشوف حظك مع من اخترته بديلي..
و الا انا يا جعلي ارحل من على الدنيا و اسير .
و هذا انا بهديك دمعي يوم من شانه تجيلي..
يا اخي خاف الله في ضعفي يكفي عذبت الضمير..
.
.
.
صاحبي ياللي على راسي تمون..
لا يهمك بعد و غياب و جفا..
تدري ان القلب لا يمكن يخون..
ما ربيت الا على طبع الوفا..
من سلايل لامن قالوا يفعلون..
نجمهم بالمجد عمره ما طفا..
دام بيتك قلب و فراشك عيون..
لا يهمك يا بعد راسي جفا..
.
.
.
يا ضعيف النفس قلي وش حصل؟؟
كيف هرج الليل يمحيه النهار؟؟
تونا البارح تناسينا الزعل .
و اتفقنا من بعد طول انتظار..
لعنبو قلب يعلق بك امل..
و البقا براسك يا غاوي المسار..
ان رجيتك بعدها ماني برجل .
موت حبي لك ترى رد اعتبار..
.
.
.
طويلة قصة عيونك. و انا عمري بها موجود..
تعيشني الامل لحظة و تكسر حاجز الواقع..
يقولوا من قديم الوقت. من سافر مرده يعود..
و انا سافرت بعيونك و لا ادري متى راجع..
.
.
.
تصدق منيتي شوفك و لكن الزمن ضدي..
سرق من عيني الفرحة .
و انا مخبيلك بقلبي..
كلام يطول في شرحه..
ابي لو شفتك بعيني و جت ايدك على يديني .
ابحكيلك ابشكيلك واذا تسمح اببكي لك..
بقولك يا بعد عمري انا لك وش كثر مشتاق..
.
.
.
راح عمري و قلت يالله ما عليه..
كنت ابين راحتي و جرحي نزف..
قلبي المتعب انا وش في يديه..
ما يجيه الحظ حتى بالصدف..
يا حبيبي ما تفيد الحين ليه..
و الله العالم بما فيني و عرف..
" انت" اكثر شي بالدنيا ابيه..
و ما حصلي فيك قسمة للاسف..