FF0066





جاني وانا في وسط ربعي وناسي
جاني نشلني مثل ما ينشل الناس

مني نشل روح تشيل الماسي
تشكي من ايام الشقى تشكي الياس

اثر الالم في سكره الموت قاسي
ماهالني مثله وانا انسان حساس

جابوا كفن ابيض مقاسه مقاسي
ولفوا به الجسم المحنط مع الراس

وشالوني اربع بالنعش ومتواسي
عليه ومغطى على جسمي الباس

وصلوا علي وكلهم في ماسي
ربعي ومعهم ناس من كل الاجناس

ياكيف سوا عقبنا تاج راسي
وامي الحبيبه وش سوى بها الياس

اسمع صدى صوت يهز الرواسي
قولولها لاتطلم الخد ياناس

قولولها حق وتجرعت كاسي
لاتحترق كل يبي يجرع الكاس

اصبحت في قبري ولابه مواسي
واسمع قريع نعولهم يوم تنداس

من يوم قفوا حل موثق لباسي
وعلى رد الروح صوت بالاجراس

هيكل غريب وقال ليه التناسي
صوته رهيب وخلفه اثنين حراس

وقف وقال ان كنت يانمر ناسي
هاذي هي اعمالك تقدم بكراس

ومن هول ماشفته وقف شعر راسي
وانهارت اعصابي ولاارد الانفاس

ياليتني فكرت قبل انغماسي
بالغفله اللي منتهاها للافلاس

وفزيت من نومي على صوت ناسي
واصرخ واقول الموت واحذر الناس


م ن ق ول