كلمات اغنية سودانيه للفنان هاشم مرغني
شوف تناسق الكلمات مع سلاسة السرد ان شاء الله تعجبكم


عشان اهلك بخليك

و اشيل في جرحي ماضيك

بحاول و برضي ما قادر

عشان انسى و انسيك


كتير الدمعة فوق عينيك

تشوفيني و تخبيها

تخافي علي اشيل همك

عيونك تحكي بالفيها

و قدر ما يقولوا ليك عني

عشان ريدتنا تنسيها

تداري الاهة بالبسمة

و ريدتك لي تزيديها

و دايما ده المبكيك

عشان اهلك بخليك




غريبة نعيش زي الاغراب

و ما نتهنى بالريدة

و كل ما نشتل الافراح

تجي الاقدار تمد ايدا

تشيل امل العمر كلو

تبكي عيوني يوم عيدا

صحيح القالوا في الريدة

بتعرف كيف ظلم سيدا

و انا شقيان ارضيك

و عشان اهلك بخليك



سنيني العشتها في ريدك

حرام لا خنت لا خنتي

اغيب منك سنين و سنين

الاقيك انتي بس انتي

و قدر ما يلوموك معاي

كتير اللوم علي شلتي

و قدر ما يقيفوا في دربي

اشيلك دمعة في صمتي

و بس مجبور اقول ليك

عشان اهلك بخليك