مشاهدة : 79002
صفحة 1 من 28 12311 ... الأخيرةالأخيرة
النتائج 1 إلى 10 من 276
  1. #1
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,450
    Thanks
    0
    شكر 0 مرات في 0 مشاركات





    السلام عليكم كيفكم طبعا ماراح اطول عليكم .





    ج الاول زء ..

    في وقت كان قبل منتصف الليل بساعة . رياح نهاية الربيع هبت وهزت معها الاشجار الخضرا والازهار الملونة اللي كانت مجملة الحي اللي كان من اجمل احياء الرياض وارقاها .
    في وحدة من البيوت اللي كانت في الظاهر تشبه القصور وفي وحدة من غرف الدور الثاني ..
    ،،،،،،،

    مدت يدها لدرج التسريحة . وطلعت جميع المكياجات اللي فيه بدت تلون وجهها على حسب ذوقها وتفننها . كانت لها لمسات حلوة لانها كانت متابعة لمجلات الفاشن والموضة واساليب التجميل . ظلت نص ساعة تلون وجهها وتمسح وتعيد المكياج باشكال ثانية . ماكان عندها مناسبة او شي بس لانها كانت تحس بالفراغ .. !
    وبطبيعتها الانثوية كانت تدور وتبحث عن اشياء تبرز انوثتها وجمالها الناعم وبنفس الوقت تمرن يدها على وضع الميك اب ...

    اول شخصية تبرز بهالقصة هي .. ندى


    ** ندى هي البنت الثانية في عائلة ابو فهد وعمرها 19 سنة ... هالعائلة مكونة من 8 افراد ابوها وامها ولها اختين بتتعرفون عليهم من خلال الاحداث القادمة و3 اخوة راح تتعرفون عليهم ايضا . هالبنت ذات شخصية رومانسية بطبيعتها وحالمة ولا تخلو طبعا من المشاغبة والمشاكسة *


    انا عن نفسي احببت هذه الشخصية جدا من خلال كتابتي للقصة ودخلت مزاجي مرة

    في اثناء اندماجها في خلط الالوان ورسم الشدو كانت مشغلة المسجل على اغنية
    " كل القصايد " وتغني بنعومة صوتها معه ..
    رن جوالها اللي كان موضوع قدامها عالتسريحة . تركت اللي بيدها وقصرت على صوت المسجل . رفعته . شافت الاسم وردت .
    ندى هلا نوف .
    نوف هلا والله كيفك
    ندى تمام . انت شخبارك
    نوف كويسة .
    تنهدت ندى بضيق ورفعت الريشة تكمل الشدو .
    نوف شفيك
    ندى ........... زهقانة .
    نوف ليش عسى ماشر .
    ندى ابد . بس احس اني مخنووقة .
    نوف هههههههه .. اذكري الله .
    ندى بتملل لا اله الا الله ليش تضحكين
    نوف اضحك عليك . دايما على هالحال خلاص حبيبتي بكرة تبدا الدراسة ومعدك لاقية وقف تفضين فيه .
    ندى . ااااخ . وهذا اللي مزهقني زيادة بكرة جامعة !
    نوف اما انا متحمسة . بكرة بروح الجامعة .. والله ماصدق

    ** نوف . بنت خالة ندى . واصغر منها بسنة يعني 18سنة . بما انها اقرب وحدة لندى بالسن فهم متفاهمتين وعلاقتهم متينة . نوف بنت منطقية جدا وعلى درجة من الذكاء وماتحب حركات الحب وهالخرابيط اللي تكون في هالسن سن المراهقة ومابعد المراهقة لانها مؤمنة بان المجتمع اللي تعيش فيه مايساعد على هالاشياء انا ماقول بانها تخلو من الرومانسية ولا اقول بانها بنت جامدة من غير مشاعر . لا فهي بنت حبوبة جدا . وذات جمال هاااادئ . لكنها مقرة بان الحب اللي تمتلكه لا يمكن ان يظهر قبل الزواج .. افراد عائلتها اخذت حيز كبير من القصة . ومارح اعرفكم عليهم الحين . بيدخلون في الاحداث بشكل تدريجي وان شالله ان كل شخصية تلقى تقبل منكم **
    ^^^ نرجع للحوار ^^^

    ندى لا تذكريني الله يعافيك ترا واااااصلة حدي .
    نوف والله انك غريبة . مالة من الاجازة وماتبين الجامعة . وش تبين بالله !!
    ندى مدري يانوف مدري !!...احس روحي ضايقة وودها تطلع مدري شفيني .
    نوف حرام عليك ثلاث شهور فاضية بس اكل وشرب ونوم وش تبين اكثر !
    ندى بس هالعطلة لا سفرة ولا كشتات في البر . زهقت من كثر ماروح للسوق. حتى ملابس الجامعة شاريتها في اول اسبوع من الاجازة ..!!!!. مالقيت شي يشغلني غير التلفزيون والافلام والنت وكل هذا مليت منه .
    نوف ويعني
    ندى ابي احد يملى علي حياتي واتكلم معه بالبيت . امي دايما مع ابوي . ونجلاء مثل ما انتي عارفة تزوجت وراحت . وفهد طول الوقت طالع .. ونايف بزر ولسانه طويل . ومنى صغيرة ماقدر اتكلم معها باللي ابغى .
    نوف افاا . وانا مامليت عينك والا انا مانيش قد المقام يعني .
    ندى وانا مااقدر اتكلم معك باي وقت . تعرفين خالتي مشغولة باللي يجون يباركون لكم ببيتكم الجديد . وانت وسهى مشغولات معها في هالفترة كلها . ولا عندي بنات اعمام اروح لهم ويجوني حالة محبطة صدق

    ** ندى مالها اعمام . عشان كذا مالها بنات عم . وجدها وجدتها توفوا قبل كم سنة *

    نوف وصديقاتك وين راحوا
    ندى صديقاتي كلهم مسافرين مع اهاليهم .. اللي رايحة لاوروبا . واللي رايحة لجنوب افريقيا واللي رايحة ...... تنهدت يابختهم والله .!!
    نوف تكلم امها اللي تناديها نعم يمه جاية جاية .. اقول ندى . امي تناديني . باي
    ندى شفتي شلون انشغلتي . باي

    سكرت الخط .. رجعت الريشة على التسريحة وهي حتى مب طايقة نفسها . لمتى بقعد على هالحال ..
    قامت وهي حتى ماكملت الشدو توجهت للبلكونة وفتحت بابها طير شعرها نسيم الربيع غمضت عيونها وهي تتقدم بخطوات هادية وتحس برقة النسيم يتخللها .
    كانت بلكونتها فسيحة وكانت حاطة فيها جلسة صغيرة حلوة مشت لدربزين البلكونة وتسندت عليه بيديها ووجهت نظرها للقمر اللي كان مضوي السما بنوره الاخاذ كانت ليلة قمرة والنجوم مزينتها اكثر ظلت عيونها العسلية على البدر واطلقت زفرة من اعماق قلبها لها الف معنى ومعنى غمضت عيونها مرة ثانية لما حست بنسايم الهوا البارد يرجع يثور ويطير خصل من شعرها يمين وشمال .
    هدا النسيم بعد لحظات ورفعت يدها تشيل الخصل اللي طاحت على عيونها وسحبتها ورا اذنها رفعت يدها تشوف الساعة لقتها11.30....
    حست بالجو بدا يبرد فدخلت وسكرت الباب وراها . تهادت على سريرها تتنهد ماتدري وشلون تملي فراغها اللي هي حاسة فيه ..

    طاحت عينها على كيسة على الطاولة . تذكرت انها مجموعة افلام شرتها امس .. خذت لها واحد وشغلته . وجلست تتابع . مع انه ماكان لها نفس انها تتابع اي شي بس شغلته لعل وعسى يفرفشها شوي .

    ................................................. ....

    يوم السبت .. اول يوم من ايام الدراسة .. كانت الشمس قد اشرقت ومدت اشعتها الذهبية على مد النظر . تملي السما بدفاها من بعد نسيم الليل البارد .
    الساعة 7 الصباح .. ام فهد رقت الدرج رايحة لغرفة ندى بنتها تصحيها للجامعة ...

    ** ام فهد " الجوهرة" . 45 سنة . ام ذات قلب كبير جدا حنانها يغمر بيتها كله . وهي خيرعون ومعين لزوجها ابو فهد تزوجت منه من 25 او 26 سنة ومازال الحب عايش بين هالزوجين . شخصية لها دور كبير في القصة مارح اتكلم عنها اكثر انتوا اكتشفوها . **


    ام فهد فتحت الباب والنور ندى قومي يا بنيتي ما عاد الا الخير قومي لا تتاخرين ..
    ندى وهي تنقلب عالجهة الثانية يوووووه يمه خليني ما نمت الا متاخر ....
    ام فهد محد قالك تسهرين . قومي يالله ..
    راحت ام فهد للمكيف وسكرته...
    ندى يوووه ...... يمه الله يخليك تكفين خليني انام . اوووف
    ام فهد عصبت وسحبت اللحاف من بنتها ما في نوم بس خلاص . ترا فهد مب فاضيلك
    وراه جامعة بعد ...
    ندى يوم شافت ان ما في امل ترجع تنوم . امها اذا اصرت انها تقوم خلاص رح تقعد فوق راسها لما تقوم خلاص يمه هذاني قمت ...
    ام فهد يالله يايمه استعجلي ..على بال ماتلبسين وتفطرين وتتجهزين الا الساعة سبع ونص
    والجامعة على بال ما توصلينها يبيلك على الاقل ثلث ساعة مع زحمة الشوارع ..
    ندى ان شالله يمه ..
    ام فهد وانا بروح اقوم فهد الحين .
    سكرت ندى الباب عشان تلبس وكان ودها انها تبكي تبي ترجع تحت بطانيتها مكان ماالدفا موجود .
    وام فهد راحت لغرفة ولدها .

    على الساعة سبع ونص نزلت ندى جلست على طاولة الاكل مع امها .
    ندى اجل يمه وين ابوي .
    ام فهد ابوك وصل منى ونايف للمدرسة وراح لشغله .
    ندى ليش وش عنده رايح بدري اليوم !
    ام فهد والله يابنيتي مدري . كل اللي قاله لي ان عنده شغله ضرورية يبي يخلصها عشان يقدر يرجع عالغدا..
    في هاللحظة نزل فهد متكشخ وجلس معاهم عالطاولة وخذاله كوب نسكافيه ..
    ام فهد ورا ما تاكل يا فهد . ما يسدك هذا
    فهد لا يمه مااشتهي ..
    ام فهد مايصير عاد لازم تاكل
    فهد والله مااشتهي يمه . ان جعت باكل من كافتيريا الجامعة ...

    ** فهد 22 سنة . في سنة ثالث بجامعة الملك سعود اللي يشوف عمره يقول اخر سنة لكنه في دراسته متاخر لانه اعاد سنة بالثانوية ... فهد هذا شخصية مختلفة جدا جدا ما يشبه لاي احد حوله . سواء في كلامه في تصرفاته او اي شي يخصه هو منفرد فيه ومايشابه اي احد . لدرجة اني انا نفسي اعجبت فيه . كما ان فهد يمتلك سحر خاص مقرون بجاذبية قلما يمتلكه غيره . بكتفي بكلمة " مختلفة " وانتوا اللي بتعرفون وش معنى كلامي من خلال الاحداث مثل ماقلت لكم فهد له دور كبير في احداث قصتي .. وله نصيب
    من عنوانها . *

    اذن .... فهد . احد الشخصيات الاساسية والبارزة. واحد العناصر المهمة اللي تقوم عليها القصة ..

    فهد خلص كوبه والتفت لندى ..
    فهد ندى يالله قومي ..
    ندى لحظة تو الناس خلني اكمل فطوري .
    فهد لا تكملينه قومي يالله .
    ام فهد خلها ياحبيبي تاكل . تو الناس .
    فهد وش تو الناس يمه ان ما تاخرت هي انا بتاخر والشباب ينتظروني . ندى يالله
    ندى خلاص طيب لا تعصب .
    رجعت كوب النسكافيه عالطاولة بعصبية وقامت .
    طلع فهد وركب سيارته ندى لبست عبايتها ولحقته . وهي تتحلطم ..
    يعني لا نومي تهنيت فيه ولا حتى الفطور ..

    في السيارة .
    بعد صمت دام لمدة 10 دقايق ...
    ندى اقول فهد ...
    فهد هممم.....
    ندى متى راح تطلع اليوم من الجامعة ...
    فهد مادري على حسب .. يمكن اقعد مع اخوياي . يمكن اطلع مبكر مدري
    ندى اييه ..لانك تدري ان اليوم اول يوم ..بس اخذ الجداول ما في محاضرات ولا شي...
    فهد يعني ماراح تقعدين في الجامعة مع صديقاتك مثل العادة..؟!!
    ندى تصدق عاد ودي...بس انا مانمت امس الا ثلاث الفجر . وابي ارجع انووووم .
    فهد كم يبيلك يعني .؟
    ندى يعني قول ساعتين على بال ما اسلم على البنات واخذ الجدول واجلس معاهم شوي
    فهد خلاص اجل لما تخلصين دقي علي .
    في هاللحظة شهقت ندى شهقة خلت فهد يرتاع صدق...
    فهد وهو معصب عمى ان شالله خير وش فيك .؟
    ندى وهي حاطة يدها على فمها نسيت . جوالي ..
    فهد عقب ما استرخى شوي مالت عليك انت وهالجوال . ماله داعي هالشهقة عاد حشى كنك بتموتين ..
    ندى بدلع لييييش .. خايف علي .؟!!
    سكت ومارد عليها . وناظرها بنص عين ..
    ندى والحين وشلون . وشلون ادق عليك ..
    فهد مدري دبري عمرك ...
    ندى بمزح طيب عطني جوالك ..
    فهد تحلمين ...
    ندى يوووه . ايه صدق . نوف اكيد معها جوال ...
    وفي هاللحظة شهقت شهقة ثانية اقوى من الاولى . فهد من روعته مسك الملف اللي جنبه وخبط به راس اخته .
    ندى اااااااااي ....راسي راسي .
    فهد كم مرة قلت لك خلي هالخبال عنك وهالخرشة ...
    ندى ياربي ياويلي . ياويلي ..نوف بتذبحني .
    فهد مستغرب ليش . وش مسوية لها بعد ...؟!!!!!!
    ندى تلقاها الحين في الجامعة تنتظرني . ياويلي بنذبح اليوم .
    فهد مستغرب اكثر ..واذا....؟؟
    ندى هي الحين اول سنة لها وما تعرف الجامعة ولا شي .. عاد جامعة الملك سعود
    مدينة بكبرها ماشالله . تلقاها الحين قاعدة ضايعة في الطوشة هي موصيتني ما اتاخر
    فهد هي تخرجت من الثانوية ماشالله ؟
    ندى صدق انك ماتدري عن الدنيا ..
    فهد اي قسم .؟
    ندى انجليزي .
    فهد وش معنى؟؟
    ندى .كذا . تحب الانجليزي . ومقررة تدخل هالقسم من يومها في المتوسط ...
    فهد بلا مبالاه اهاا ..... المهم وصلنا يالله ظفي وجهك ..
    ندى فتحت عيونها والتفتت لاخوها بعصبية شف ! ... هيه خير ان شالله .؟
    فهد خلصينا انزلي يا بنت الحلال ..وراي جامعة انا بعد ..
    نزلت معصبة . وسكرت الباب بقوة عشان تقهره وتحرق دمه . تعرفه اخوها كلش ولا سيارته
    فهد فتح دريشة السيارة وقال ينادي على اخته اللي التفتت عنه ماشية ولا كانها سوت شي نديو ..كم مرة قلت لك شوي شوي على باب السيارة . تفهمين الكلام ولا لا؟
    ندى احسن . تستاهل وكملت مشيها
    فهد هيين ياندى . دوري لك واحد ثاني يجيبك من الجامعة . انطقي فيها لين الساعة وحدة .
    وقفت مكانها مصدومة . تعرفه اخوها سواها فيها كذا مرة مو بعيدة يسويها بعد اليوم . ورجعت للسيارة تمشي بسرعة كانها تركض لا يروح عنها ...
    ندى تترجى لا فهد الله يخليك والله ماعيدها مرة ثانية ..
    فهد .........
    ندى الله يخليك يافهد ..اسفة اسفة ...ابوس راسك ..
    فهد تعالي بوسيه يالله ..
    ندى بصوت مذلول لا عاد موهنا ..في البيت ..
    قعد يناظرهابطرف عينها .. مستانس بذلتها ....
    ندى شوي وبتصيح فههههههههههد .. لا تصير ماصخ عااد !!
    مر شبح ابتسامة على شفايف فهد اللي كان لابس النظارات الشمسية ..
    فهد خلاص روحي لا تقعدين واقفتلي هنا ..
    ندى يعني بتجيني ؟
    فهد خلاص بجيك يالعلة ...
    بغت ترد لكنها سكتت وزمت شفايفها لا تطلع منها اي كلمه غلط ...تخاف يهون مرة ثانية ...

    ندى ماتعرف ترد على فهد بالاوقات اللي تكون فيها محتاجة له . لان فهد بطبيعته عزيز نفس ومايحب اي احد يتكابر عليه بالالفاظ ..
    تم يناظرها وهو مبتسم عرف انها بغت ترد عليه بس ماتقدر..... فما قدر الا انه يضحك بصوت عالي ..
    ندى اللي تنرفزت لفت ومشت للبوابة عشان مايطلع منها كلام غصب عنها . وبعدين هي اللي تتوهق ...
    من جهة ثانية ... في وسط زحمة البنات . والفوضى اللي كانت حاصلة بنت تسلم على هذي . وبنت تنادي على هذيك . وصوت كلام وضحكات عااالية ضاجة بالمكان

    نوف كانت تنتظر عند بوابة الجامعة . متنرفزة حدها .
    ياربي هالندى قايلتلها وموصيتها تجي مبكرة ...عارفتني مستجدة . وماعرف شي اوووف هين خلها تجي ..
    وفي هاللحظة شافتها جايه وتاشر لها بيدها ....
    ندى اهلييييييييييين نوف .. هلا بالجامعية .... ووقفت تطالعها من فوق لتحت . الله الله ايه دي الشياكة ؟!!...... سلمت عليها
    نوف معصبة تستهبلين !!......
    ندى لا والله ما استهبل... الا تهبلين ماشالله وش هالذوق .تنورة سودا ..وبلوزة
    تركواز.. والله طالع عليك جنااااااان ..
    نوف بحيا تسلمين ياعمري عيونك الحلوة ..
    ندى الا انت من متى جايه .
    نوف تذكرت وعصبت الا صدق انت يالدبا.. ليش تاخرتي . قاعدة انتظر لي نص ساعة
    ندى والله اسفة .. نمت متاخر وقمت متاخر ...
    نوف محد قالك لا تنومين بالليل ياللئيمة . انت عارفة ان وراك جامعة ووراك نوف بنت سعد تصالينها ...
    ندى والله اسفة ياعمري . كنت سهرانه على فلم انما ايه !...شي....
    نوف خلاص يكفي افلام.. ما مليتي ...كل اجازتك افلام ..
    ندى وش اسوي يابنت الحلال انت تعرفين ان هالصيف ما سافرنا وانا اجازتي كلها ياسوق ياقاعدة بالبيت ........... ولا عندي لا خوات قدي ولا بنات عم اسولف معهم .. ماعندي الا انت . حبيبتي نوف ..... المهم انا اسفة وحقك علي..
    نوف لا خلاص ماله داعي . المفروض انا اعتمد على نفسي ..
    ندى افاا عليك يانوف . انا بنت خالتك ماتبني اساعدك يعني .!!
    نوف لا والله ياندى مو قصدي ..بس انت تعرفين ان محاظراتنا ماراح تكون مع بعض ..عشان كذا مصيري اقعد لحالي واعتمد على نفسي...
    ندى وليش تقعدين لحالك . شوي شوي وبتلقين بنات تقعدين معهم . ومب اي بنات
    بنات ذووق . واخلاق بعد. ..
    ابتسمت نوف لندى ..
    ندى يالله نشوف جداولنا .
    نوف يالله ...
    ومسكوا يدين بعض وراحوا ......


    بعد ساعة .... راحوا للكافتيريا . يجلسون يرتاحون وياكلون لهم شي ويتناقشون في جداولهم ...
    لقوا لهم طاوله فاضيه راحوا لها بسرعة وجلسوا ....
    ندى يالله . اشين يوم يوم الثلاثاء كله محاظرات ورا بعض ولا في الا ساعة وحدة بس فاضية ...وش ذا الزهق .!!!
    نوف هههه ..مب انت لحالك اللي محتشره .شوفي هالبنات كل وحدة ماده بوزها شبرين ومعها جدولها ..
    التفتت ندى وشافت البنات ..
    ندى هههههه . شوفي اشكالهم وشلون!!!
    نوف لا تضحكين عليهم .حتى انت شكلك تو زييهم .!!!...هههههه
    ندى انطمي ياحمارة ..(ومسكت ورقتها وضربتها على راسها ...
    نوف هههههه....امزح ..... ههههه
    ندى تمزحيييين .؟!!!.... واضح .... قومي يالله اشتريلي شي اكله..
    نوف ليه . ماافطرت بالبيت !! .....
    ندى برطمت وبدلع لا ... ما افطرت زيييين ....
    نوف وش اللي منعك ما تفطرين زي الناس والعالم...؟!!!!!
    ندى مازالت مبرطمه ......... فهييييييييييييد .....
    سكتت نوف فترة بعدين ظحكت بصوت عالي ....
    ندى عصبت ليش تضحكين !...مافي شي يضحك ..
    نوف هههههههه .... اخوك هذا ماتخلص سوالفك وياه .... هههههه.... ماعمرك جيتيني ولا شفتك الا اشتكيتي منه ....هههههه..
    ندى شوي وبتصارخ هييييييه ....بس خلاص ضحك .... مافي داعي تضحكين كذا ..فضحتينا ...
    نوف هههههه ...
    سكتت ندى معصبة ....يوم شافتها نوف غصبت نفسها وسكتت .. وقامت عشان تجيب الفطور للست ندى ...
    نوف خلاص ندى لا تزعلين .. قولي وش تبين من الكافتيريا ..
    ندى مابي شي هونت ...
    نوف لا والله بجيبلك .. وش تبين !!
    ندى ...............
    نوف يوووه عاد ندى قولي وش تبين !
    مبرطمة .............
    نوف خلاص بجيبلك على ذوقي ...
    وراحت للكافتيريا اللي كان شوي مزحوم ...
    بعد ربع ساعة رجعت نوف للطاولة اللي كانت عليها ندى وملتفته لجهه ثانية وباين ان عقلها ساارح في مكان ثاني ...
    نوف اوووووف ..وش هالزحمة يالله .....حشا كنهم ما قد شافوا خير.....
    انتبهت لها ندى والتفتت عليها .. وعقب غرقت في نوبة ضحك ...
    نوف استغربت خير وش اللي يضحك لها الدرجة .؟!
    ما قدرت تتكلم وكملت ضحك وهي تاشر على وجهها ....
    نوف شكت بالموضوع وطلعت المراية اللي كانت بجيبها وشافت نفسها بعدين شهقت ...
    نوف يا ويلي .. وش هالكشة ...
    بسرعة طلعت المشط اللي كان بشنطتها ومشطت شعرها ورتبته ..
    وقعدت اووف كل هذا بسبت هالزحمة......هيي انتي بسك خلاص من الضحك لاقوم الحين واحوس شعرك ....
    ندى لالالالا خلاص بسكت .... ههههه ..... ماقدر .... هههههه . شكلك كان خلفه !
    نوف نديو ..اعقلي بس خلاص .. ترا عطيتك وجه .... ونبهتي الناس علي .!!
    ندى طيب خلاص بسكت .......... وش جبتي لي..؟
    نوف sandwich club . وبيبسي ..
    ندى الله .. ساندويتشي المفضل .. وانتي !!
    نوف انا جبتلي كابتشينو ..
    ندى بس !!!!
    نوف ايه بس ... انا مفطرة في البيت ..مب زيك ...
    ندى يوووووه نوف لا تذكريني .. منرفزني فهييد اليوم وذالني ذلة .. الله لا يوريك
    ابتسمت نوف اللي كانت فيها الضحكة عشان ما تعصب ندى ليش وش مسوي بعد؟!!
    ندى كشرت لا خلاني افطر اليوم زي الناس .. ومخليني انذل واترجاه في الشارع قدام الله وخلقه عشان يجيبني من الجامعة ....
    ضحكت نوف ..لكنها ضحكه خفيفة ..
    ندى اييييه وش عليك ... اضحكي ما عندك اخو مثل فهد يذلك ويلعوزك ...
    نوف انتي اكيد مناقرته .. والا ما يذل هو بدون سبب ..
    ندى برطمت وسكتت ....
    نوف ساكته !! ... اكيد مسوية شي....
    ندى ........... سكرت باب سيارته بقوة ...
    بعد كذا نوف ما قدرت تكتم ضحكتها . ههههههههههههههههه هههه .... باب سيارته مرة وحدة !..ههههههه
    ماتعرفين اخوك يعني ياندى ...هذي سيارته ..اغلى شي على قلبه ...
    ندى اييييييه ادري هو قهرني ياختي ... عقب ما وصلني قام يسب ويطردني من سيارته ..حشا كاني مب اخته ....
    نوف زاد ظحكها ...... تعرفه ولد خالتها .. شخصيته واطباعه ماتغيرت من وهو صغير ..
    ندى سكتت وكملت فطورها ...وشوي شوي . سكتت نوف بعد وكملوا سوالفهم ...
    بعد نص ساعة ...
    ندى نوف متى بتروحين للبيت ..
    نوف والله مدري انت بتروحين متى .؟
    ندى انا قايلة لفهد يجيني بعد ساعتين والحين الساعة رفعت ايدها تشوف الساعة عشر الا ربع بس هو قايلي اتصل عليه .. معك جوالك !
    نوف ايه ..ليش جوالك ما جبتيه
    ندى لا والله نسيته من العجلة . ممكن شوي جوالك
    نوف اييه اكيد .. تفضلي . وعطتها الجوال ..
    دقت ندى على رقم اخوها فهد .....

    اذا شفت ردود كملتها...

  2. #2
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,450
    Thanks
    0
    شكر 0 مرات في 0 مشاركات
    وين الردود 11 وحد\ه دخل ولا رد..

  3. #3
    صورة السيده ليمونه
    السيده ليمونه غير متصل طالب متوسط
    تاريخ التسجيل
    Jun 2007
    المشاركات
    187
    Thanks
    0
    شكر 0 مرات في 0 مشاركات
    واااااي تحمست وين التكمله ما اطيق اصبر كثير

  4. #4
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,450
    Thanks
    0
    شكر 0 مرات في 0 مشاركات
    هذي التكمله عشانك بس..

    الج الثاني زء

    ،،،،،،،،،،،،،،،،،،،،،،


    بعد نص ساعة ...
    ندى نوف متى بتروحين للبيت ..
    نوف والله مدري انت بتروحين متى .؟
    ندى انا قايلة لفهد يجيني بعد ساعتين والحين الساعة رفعت ايدها تشوف الساعة عشر الا ربع بس هو قايلي اتصل عليه .. معك جوالك !
    نوف ايه ..ليش جوالك ما جبتيه
    ندى لا والله نسيته من العجلة . ممكن شوي جوالك
    نوف اييه اكيد .. تفضلي . وعطتها الجوال ..
    دقت ندى على رقم اخوها فهد .....

    في هذا الوقت كان فهد جالس في وحدة من المقاهي مع احمد وعبدالله .
    كان جالس وفي يده كاس عصير . وحاط رجل على رجل كان يسمع لسالفه لاحمد .
    رن تلفونه فرد ..
    فهد الوو..
    ندى الوو ..هلا فهد ..شخبارك
    فهد هلا هلا ندى . الحمد لله وش عندك
    ندى وش عندي يعني ابيك تجيبني من الجامعة ..
    فهد طيب تكلمي بادب . لاهون الحين وابتسم للي بجنبه
    ندى يووه عاد فهد ...انا وش قلت الحين ..
    فهد بسخرية تنافخين .
    ندى بدت تتنرفز والله مب قصدي فهد انافخ ..
    فهد طيب قولي " لو سمحت يافهد تعال خذني " .... بكل ادب ...
    ندى فهد عاد خلاص . كفايه ...ذليتني
    فهد باصرار وهو مغمض عيونه قولي ...
    التفتت ندى لنوف وقالت لها شفتي كيف ! .. اللي يطلب منه شي لازم ينذل ..
    ابتسمت نوف على شكلها المنقهر...ورجعت ندى السماعة لاذنها .
    فهد من تكلمين ...
    ندى وحدة من البنات ..
    فهد طيب ترا اشغلتيني بتقولين والا اسكر ....
    ندى وهي تسحب نفس من القهر ......................
    فهد بتقولين !!!!
    ندى باسلوب تتصنع الادب لو سمحت يافهد ........تعال خذني .
    فهد اييه كذا انا ابيك دايما .. خلاص انا جاي ثلث ساعة بس . وسكر الخط وهو يضحك ويلتفت لاحمد اللي كان بجنبه ....
    احمد حرام عليك ياخي ... ذليتها صدق ..
    فهد هههههه .. بس تستانس عليها . يالله انا رايح .
    احمد انا بعد رايح معك .. بجيب نوف من الجامعة ..
    وراحوا كل واحد ركب سيارته ..


    ندى اللي كانت متنرفزه حدها من اخوها . شلون يسكر الخط بوجهها ..لا ولا حتى كلمة مع السلامة ....هييين يافهييييييد ..انا اوريك ... انا اوريك . اووووف
    كانت واقفة عند بوابة الجامعة جتها نوف وكانت لابسة عبايتها هي بعد ..
    ندى هاه نوف .. بتطلعين انت بعد
    نوف ايه . يوم قمتي انت دق علي احمد على طول وقال انه جاي .
    ندى انتفضت من سمعت اسم احمد . ومسكت يد نوف وقالت ..
    ندى اخوك احمد جاي !!
    نوف ايه جاي .. محد بياخذني من الجامعة غيره . تعرفين امي ماترضى اروح واجي مع السواق لحالي ... بس ليش السؤال ..؟!!!
    ندى لا ولا شي ....
    دقيقتين بعدين لمحت نوف سيارة اخوها ..
    نوف شوفي شوفي هذا اخوي داخل ..
    ندى التفتت بسرعة ..كانت عيونها تدور احمد اللي ما شافته طول الاجازة اللي راحت..يعني ثلاث شهور .او يمكن اكثر بعد . كانت مشتاقتله مووت .. مشتاقة لسواليفه ولضحكه ولزياراته لبيتهم اللي انقطع عنها فجاة ...
    نوف ما جا لحاله .. فهد اخوك وراه بالسيارة ..
    ندى ماسمعت كلام نوف وظلت عيونها متعلقة باحمد اللي كان يقرب بسيارته وبملامحه اللي كانت تذوب قلبها . لحظات و حست بيد تهزها التفتت لقتها نوف .......
    نوف وش فيك ندى يالله خلينا نروح ...
    ندى استغربت ايه بس فهد ما بعد جا !!!
    نوف وش فيك ندى !!... شوفي سيارته ورا سيارة احمد اخوي ..
    التفتت ندى مرة ثانية لجهة سيارته كانها مب مصدقة ... ويوم تاكدت اييه صدق يالله ..خلينا نروح ..
    وقف فهد سيارته جنب سيارة احمد بحيث صار باب كرسي ندى على جهة باب احمد .......
    وصلوا نوف وندى للسيارات وكل وحده توجهت لسيارتها .. قبل ما تفتح ندى الباب سمعت صوت وراها يقول شخبارك ندى ...
    انتفظت ندى من سمعت الصوت .. التفتت لقته احمد فاتح دريشته ولابس نظارته الشمسية ومبتسم .....

    ** احمد . 23 سنة . ولد خالة فهد وندى . يعتبر صديق لفهد خلص الدراسة الجامعية والتحق بمعهد يدرس فيه دبلوم حاسب . شخصه يختلف تمام الاختلاف عن شخص فهد . لذلك يصلحون مع بعض شخصية احمد جذابة جدا ...)**
    * وفي اشياء بتتعرفون عليها . لاني مارح انتهي لوتكلمت في هالسطور


    ندى مرتبكة هلا .هلا احمد . انا الحمد لله ..انت .ش ..شخبارك
    احمد انا الحمد لله بخير شخبار الجامعة اليوم
    ندى والله مافي اخبار . وضحكت ضحكة ناعمة خجولة ...
    زادت ابتسامة احمد وتحولت لضحكة سؤالي غبي صح ..
    ندى زاد ارتباكها لا من قال . ؟!!
    احمد محد انا اقول ... المهم اركبي السيارة لا تذوبين علينا من هالشمس ..وسلمي على خالتي والوالد ...
    ابتسمت ندى يوصل ان شالله . وفتحت الباب وركبت)...
    فهد ساعة عشان تركبين .؟
    ندى وش اسوي ولد خالتك يسلم يعني ما اسلم عليه انا بعد ..
    سكت فهد وابتسم ومشى بسيارته للبيت .. اما ندى فكان قلبها يدق بقووة ..من زمان ما شفته ولا سمعت صوته .. !!!


    وصلت ندى البيت وهي هلكانه . نزلت هي وفهد ودخلوا البيت .. كانت ام فهد جالسه
    مثل كل صباح في الصاله تتقهوى ...
    ام فهد هلا والله بولدي وبنيتي ....
    جت ندى حبت راس امها وبعدها فهد ....
    ندى حطت يدها على خصرها ياسلام يمه ..وش معنى ترحبين بفهد اول ! ..دايما دايما هو الاول ...
    فهد وهو يقعد على الكنب ويحط رجل على رجل انا الكبير يعني انا الاول ...
    ندى حتى لو الكبير ..
    ام فهد ولا تزعلين تعالي . ومسكت ايدها وسحبتها)
    جلست ندى جنب امها . مادرت الا امها حاظنتها وهي تقول . هذا انتي يابنتي تقدرين تسوين شي هو ما يقدر يسويه ..
    رفعت ندى نظرها لفهد اللي كان قاعد يناظرهم بدهشة .. وطلعت له لسانها عشان تقهره ..
    فهد يمممه .. تبين تقهريني يعني ...
    ام فهد وش اسويبك يافهد .. انت دايما تقهرها وتطلع الشيب في راسها . خلك تحس في اختك شوي ....
    حست ندى في هاللحظة انها غالية اكثر واكثر عند امها .. اكيد غالية .. انا بنتها مثل ما فهد ولدها ..........
    قامت ندى من حظن امها وحبت راسها مرة ثانية وجلست على الكنب .....
    وقعدوا يسولفون شوي .... في اثناء السوالف .
    ام فهد هاه يمه فهد شخبار الجامعة اليوم ...؟
    فهد الحمد لله يمه ماشي الحال . ما سوينا شي غير الجداول واخذناها .
    ام فهد ايه عاد ياولدي اجتهد .ابيك تاخذ شهادة وتشتغل ..وافرح فيك ...
    في هاللحظة ندى اطلقت ظحكة عالية . التفتوا لها كلهم مستغربين وش فيها هذي ما قلنا شي يضحك ..
    ام فهد خيير نديو .. وش اللي يضحك ..
    مر في خيال ندى صورة فهد متزوج . عشان كذا ضحكت . لان اخوها تحس انه مب راعي زواج وراعي مسؤليات . كل همه وناسته . عمر فهد ماحكى عن الزواج وعن الارتباط وعمره ماحكى عن احلامه بانه يكون بيت ويربي عيال . وبنفس الوقت كانت ترحم زوجته المستقبلية المجهولة اللي بتدخل لقفصه الذهبي ..!!
    ندى وهي تاشر على فهد وتكمل ضحكها هههههههه.... هذا ..هههه..هذا يتزوج !
    عصبت عليها امها وفهد يطالعها مستغرب .
    ام فهد نديو اعقلي ..هذا اخوك .. ليش ما يتزوج وش اللي ناقصه يعني .؟!!
    ماردت وكملت ضحكها .........
    ام فهد شافت ان بنتها مصختها قامت ومدت يدها وقبصت فخذها ....
    ندى اااااااااااااااي ......والله والله بتوووب ...بتووب .والله .
    ام فهد دواك تستاهلين ...
    ندى وهي تحك فخذها اااااااااح .... يمه لا تقبصيني ترا قبصك مرة يعور ...
    فهد ساد .. لازم احد يادبك انت وخبالك ..
    ندى تكلم امها بدلع يممممممممممه .. شوفييه ...!!!
    ام فهد اخوك صادق ..
    ندى برطمت وفهد ظحك عليها ظحكة سخرية ... تنرفزت وقامت ..
    ندى انا رايحة انوم ..
    ام فهد والغدا؟!!
    ندى يالله الغدا بعد 3 ساعات ...لين حطيتوه قوموني ....
    ام فهد ان شالله ..
    فهد وانا بعد يمه بريح لي شوي ..
    ام فهد يالله ..انا بعد وش يقعدني بنوم لي ساعة ..
    قاموا وكل واحد راح لغرفته ....

    ** * **

    الساعة 2:30 الظهر ...صحت ندى من النوم . وهي تحس راسها بينفجر .. قامت متثاقلة ودخلت الحمام توضت وصلت وطلعت من غرفتها ..
    وهي نازله جالسه تفكر . (غريبة امي بالعادة تصحيني للصلاة . بس اليوم ما قومتني .. موعادتها تنسى ...))
    وصلت تحت شافتهم توهم جالسين على طاولة الاكل ...
    ندى مسا الخير ..
    ابو فهد هلا هلا ببنتي هلا والله تعالي ..

    ** ابو فهد " عبدالرحمن" .. 48 سنة ..مثال للاب الحنون الصادق . مثال للرجل الكفؤ . شخصية حكيمة جدا اجتماعية ومحب لكل من حوله . يعرف ربه . ولا يبخل على ابنائه بشئ مهما كان سواء ماديا او معنويا او دينيا ... حالته المادية قوية وعلاقته مع عايلته رائعة *
    قربت ندى وحبت راس ابوها .
    ابوفهد شخبارك حبيبتي
    ندى الحمد لله انا بخير انت شخبارك يبه ..ما شفتك اليوم ..
    ابو فهد انا الحمد لله ..كان عندي شغل واضطريت اني اطلع مبكر . التفت لفهد اللي كان جالس جنبه . فهد قم خل اختك تجلس مكانك جنبي .
    فهد شاف ندى بنظرة ليش يبه يعني انت ما تبيني ..
    ابو فهد اللي يشوفك الحين يقول انك ما قعدت معي لك ساعة قاعد معي...قم عن اختك
    خلها تقعد ....
    قام فهد وهو يشوف اخته بنظرات تهديد وهي تبتسم له ابتسامة انتصار . ابوها الوحيد اللي دايما يوقف بصفها ضد اخوها فهد المغترررررر....
    جلست ندى وجت الام شايله معها صينية السلطة ...
    ام فهد هاه يمه ندى ..قمتي !!
    ندى اييه يمه ..ليش ما قومتيني نمت كثير..
    ام فهد والله اني نسيت ياندى ..
    ندى حصل خير يمه ..
    جلست الام وبدوا غداهم ... طول الوقت كان الابو ساكت وشارد الذهن . ومبين الحزن على وجهه.. وكانه شايل هموم الدنيا كلها فوق راسه . كل هذا لاحظته ندى في ابوها ...
    غريبة! !....
    العاده ابوي على كل غدا يتكلم ويسولف ويفرفش معنا ..لكنه اليوم باين انه مستهم وضايق صدره .. وامي نفس الشي .
    ساكته .. وش صااااير ؟؟؟!!!!!!!
    بعد الغدا راح ابوفهد يرتاح له ساعة وام فهد لحقته بعد ما طلب من ندى وفهد ونايف ومنى يكونون موجودين المغرب على اساس موضوع مهم بيكلمهم فيه .....
    في الصالة بعد صلاة المغرب كان فهد جالس يناظر التلفزيون جت ندى وجلست معه
    ندى بقلق فهد ...
    التفت فهد لندى بدون ما يرد
    ندى شفيه ابوي مب على بعضه اليوم ..
    فهد حتى انتي لاحظتي !!
    ندى باستغراب ما يحتاج دقة ملاحظة.....ابوي يخلي اللي ما يشتهي الغدا يشتهيه غصب . بس اليوم غيير مرة ..انا نفسي ما عرفت اتغدى من حالته ...
    سكت فهد شوي بعدين قال والله مدري.....
    ندى حتى صلاة المغرب ما طلع يصليها . وامي بعد ما طلعت من ساعة الغدا. وش فيهم !
    سكت فهد وما رد وكانه باين انه سرحان مرة وفي تفكير عميييق
    فجاة دق جواله . طلعه من جيبه وشاف الرقم بعدين رد .....
    فهد الووو...
    ندى كانت محتارة صدق .. وكانت تفكر ..لكن نبهها صوت اخوها
    فهد هلا والله وغلا .. هلا ..عاش من سمع صوتك .
    ندى استغربت ..من قاعد يكلم فهد . وش هالطريقة اللي قاعد يتكلم فيها !!.....
    لكنها انتبهت لاخوها اللي قام وطلع برا الصالة للحوش...
    ندى رجعت لافكارها اللي بدت تتزاحم في ذهنها.. افكار تجيبها وتوديها
    في هاللحظة سمعت صوت باب غرفة يتسكر . شوي وشافت ابوها نازل ويا امها .
    ابتسمت يوم شافته جاي مبتسم ..
    ابو فهد هلا ندودة ..
    ندى هلا يبه .
    ابو فهد وين خوانك اجل؟!!
    ندى فهد برا يكلم تلفون ونايف ومنى يلعبون بلايستيشن فوق ..
    ام فهد وعمر اخوك !
    ندى عمر نايم يمه ..
    ابو فهد روحي ناديهم ندودة ..
    ندى ان شالله ...
    رقت ندى ونزلت مع نايف ومنى اللي متحمسين لهالاجتماع اللي اول مرة يصير في بيتهم اما ندى فكانت تحس بقلبها تتسارع نبضاته . ما تدري ليش !!......
    ** نايف . عمره 12 سنة . ولد عنيد وياخذ حقه بلسانه **
    ** منى . 11 سنة . بنت هااادية جدا . ومؤدبة وحساسة **
    جلسوا كلهم كل واحد ساكت ... شوي ودخل فهد . وجلس معهم ...
    بعد سكوت دام حوالي 3 دقايق ندى كانت تحس بالخوف اكثر واكثر .. ابوي ساكت ومبين الحزن على وجهه .. ليش وش صاير .!!!!!!!؟؟
    كل ثانية تمر تحس ان الموضوع كبير وصمت ابوها الطويل زاد خوفها خوف .
    لكن ابوفهد في النهايه قدر يتكلم وقال...... في شي يا عيالي انتوا ماتعرفونه ........
    .. وسكت ..
    ندى خوفها زاد اكثر واكثر التفتت لخوانها منى ونايف ..كان مبين الاهتمام على وجوههم لكن
    مافي خوف .... لفت وجهها لفهد اللي مابين على وجهه اي اثر.. لا لخوف ولا قلق يمكن اهتمام ...
    كمل ابو فهد الشي اللي ما تعرفونه هو ان عندكم ... عندكم عم ...
    شهقت ندى وبققت عيونها ... الكل التفت لها ... تمت حاطه يدها على فمها وعيونها مافارقت ابوها .....
    ندى بهمس عم ...!!!!!!
    هز ابوها راسه بالايجاب ..وكمل ...
    ابو فهد انا نفسي الله لا يعاقبني نسيت ان عندي اخو ... نسيته ..ولا عرفت اخباره من 18 سنة .....
    وبدت دموع ابو فهد تنزل .. كانت فيه العبرة قبل لا يبدى لكنه من فتح الموضوع ماقدر يمسك نفسه .
    ندى مصدومة و....... والسبب !!
    مسح ابو فهد دموعه وكمل كلامه ابوي الله يرحمه ...قاطعه وخلاني اقطعه وياه ..
    كنت ابي ارفض .اخوي ماقدر استغني عنه . لكني خفت ابوي يغضب علي مثل ما غضب على اخوي صالح .....
    خوف ندى وتفاجئها بنفس الوقت خلى دمعتها تترقرق من عيونها وتسيل برقة على خدها ... عندي عم واسمه صالح بعد .. الله . عمي .صالح....
    كمل ابوفهد كلامه اكيد بتسالون عن سبب قطاعته .. طبعا انتوا اكيد تعرفون اني انا مدير الشركة اللي اشتغل فيها الحين وان هالشركة كانت لجدكم الله يرحمه وصارت من مسؤليتي بعد وفاته .....
    هزووا عياله روسهم بالايجاب......
    ابو فهد قبل 18 سنة صارت سرقة في هالشركة .. وكل الامور كانت تشير ان السرقة من قسم المحاسبة اللي كان مديرها عمكم صالح . وبما ان ابوي كان شريك في هذي الشركة خاف .. لان الاموال اللي انسرقت ما كانت اموال ابوي لحاله كانت اموال شركاه معه .... هنا عصبوا الشركاء واتهموا اخوي بانه هو الحرامي اللي سرق فلوسهم ..
    وكان في اوراق تثبت هالشي .. فصار خلاف عنيف بين ابوي واخوي صالح اللي اعترف بانه ما سوا شي...... لكن غضب ابوي عليه وخوفه من الفضيحة خلاه يطرده من البيت وطلب منه مايشوفه مرة ثانية ..ولا هو ولده ولا يعرفه ...
    طلع صالح من البيت بعدها مكسور النفس ومحطم وما عرفناله مكان حينها .......
    سكت ابوفهد اللي غرق بنوبة بكاء صامته .... وام فهد نفس الشي ... نايف ومنى جلسوا مندهشين من شكل ابوهم ....... وفهد اللي دموعه كانت تلمع بعيونه . مب من هالقصة من شكل ابوه اللي يكسر الخاطر ..... ندى كانت في حالة صدمة من هالاخبار الجديدة ومن منظرابوها .....
    عقب ما هدا ابو فهد شوي .....تنهد بعمق وكمل ...
    ابو فهد بعد فترة دامت ثلاث شهور كان ابوي فيها ياخذ من فلوسه ويعوض السرقة اللي صارت بما ان ولده هو المتهم .. بينما انا كنت شاك في الموضوع ....انا اعرف اخوي زين مستحيل يسوي شي حرام مثل هذا ... جبتلي محاسب اثق فيه وبدت التحريات ............
    بعد حوالي شهرين اتضحت المفاجاة ...... كانت هناك اوراق مزورة تثبت ان اخوي صالح هو اللي سرق هالفلوس كلها .....وبصعوبة قدرنا نكتشف هالشي بالنهايه قدرنا نثبت ان السارق الحقيقي هو احد شركاء ابوي بالشركة ........ وانحبس على اثرها .........
    وسكت ........
    الكل تم ساكت ينتظر بقية هالقصة ......... والاثر الحزين باين على وجوه الكل .
    ابو فهد اطلق زفرة طوييلة عشان يقدر يكمل الباقي وذكر الله ....... ابوي بعدها تعب .. حس بظلمه لولده وطلب مني ادوره .. دورته في كل مكان يخطر عالبال في نجد والحجاز والشرقية وكل مكان . لكني ما حصلته ... امي بعد 4 سنين توفت ... ابوي ضاقت به الدنيا عقب ما فقد امي ..حس انه هو السبب بفقدانه لثنين عزيزين على قلبه . وقفت انا بجنبه ... وطمنته ان صالح بيرجع فيوم من الايام وبيتفهم الوضع .... اطمن ابوي على هالكلام .. وصرت انا سنده الوحيد في شركته بعد ما فك الشراكة اللي كانت وحولني انا لشريكه ..... طلبت من ابوي يرتاح
    ولا يتعنى لاني انا اللي بهتم بالحلال كله ... لكن بعد 3 سنين من وفاة امي توفى ابوي الله يرحمه من الضيق اللي نكد عليه حياته . ووصاني بحلال اخوي صالح .........
    وسكت مرة ثانية ....
    ندى ما تتحمل خلاص . عمها موجود ولا يدرون عنه ... اذا كان كلام ابوي صحيح فاني شفته وشافني وانا صغيره ... وقتها كان عمري ....... سنة بس .. اااااخ يا عمي وينك ...وينك !!!!!!!! ....... انتبهت لصوت فهد ...
    فهد وبعدين يبه .....
    تنهد ابو فهد بعدين ياولدي مرت السنين والايام وانا ماعرف شي عنه ولا اعرف وين اراضيه واذا هو عايش ولا ميت .... لكن ............. لكن قبل يومين ثلاثة جاني رجال غريب في مكتبي
    وقال لي انه هو محامي اخوي صالح ...... تفاجات ... فرحة غمرتني .عرفت ان فيه امل القى اخوي بس فرحتي ماتمت .
    نايف ليش يبه
    ابو فهد نزل راسه بالارض يخفي ملامحه اللي انقلبت فجاة لانه في النهاية عطاني ورقة قال انها ................ وصية عمكم ...
    شهقت ندى وحطت يدها على فمها . قعدت تناظر ابوها اللي قام يشوف عياله باسف .......................
    ندى بخوف و... وص ... وصية ! . يعني.........
    نزل ابو فهد راسه وهو يقول ... ادعو له بالرحمة .......
    ندى جلست اطالع ابوها ودموعها تنزل اربع اربع لكن بدون صوت .... حتى لو ..هذا عمها ..
    فهد نزل عيونه للارض وطاحت دمعة من عيونه . منى كان حالها غريب وجهها كان جامد . الكلام والاخبار الجديدة شكلت صدمة بالنسبة لها ونفس الشي نايف ..
    ام فهد كانت منزلة راسها للارض وتبكي بصمت . وتدعي لصالح بالرحمة ..
    بعد فترة هدا فيها الكل ............................... رجع يكمل ابو فهد كلامه ...
    ابو فهد لكن يا عيالي . ما قلتوا وش اللي فهالوصية .............
    ندى وفهد ونايف ومنى بان عليهم الاهتمام ....................
    ندى بترقب وش فيها !!!
    ابتسم ابو فهد .....عندكم بنت عم ..........
    كلهم وعيونهم مفتوحة عالاخر كييييييييييييييف !!!!!!!!
    زادت ابتسامة ابو فهد اللي سمعتوه يا عيالي ..... عندكم بنت عم ... بعمر ندى تقريبا
    او اصغر منها بشوي .....
    كلهم سكتوا مدهوشين ....................
    ابو فهد كمل بهالوصية اللي كتبها لي اخوي كان كلامه كله على بنته اليتيمة...
    فهد ليش هي ما عندها ام !!!
    ابو فهد اللي عرفته من الوصية ان زوجته توفت بالخبيث بعد ما تركنا ب3 سنين ...
    ووصاني اهتم ببنته اللي ما عندها ولي الحين ...
    وسكت يطالع في وجيه عياله اللي مبلمه مب فاهمه شي .....
    وكمل ...ابو فهد راح اجيبها ان شاء لله تعيش عندنا ..........................

  5. #5
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,450
    Thanks
    0
    شكر 0 مرات في 0 مشاركات
    وين الردود ترى بزعل..

  6. #6
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,450
    Thanks
    0
    شكر 0 مرات في 0 مشاركات
    وين الردود؟؟ صار شهر ولارديتو...

  7. #7
    لا اله الا الله 2008 غير متصل موقوف Baand
    بسبب الإعلانات تم حظر جميع روابطه وأي وسيلة اتصال
    تاريخ التسجيل
    Aug 2007
    المشاركات
    1
    Thanks
    0
    شكر 0 مرات في 0 مشاركات
    مشكووووووووووووووو ره على الروايه كمليييييييييي بلييييييييييز

  8. #8
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,450
    Thanks
    0
    شكر 0 مرات في 0 مشاركات
    ياهلا فيك واسعدني مرورك اذا شفت تفاعل كملتها...

  9. #9
    صورة صاحبة القلب الكبير
    صاحبة القلب الكبير غير متصل طالب ابتدائي
    تاريخ التسجيل
    Dec 2007
    المشاركات
    57
    Thanks
    0
    شكر 0 مرات في 0 مشاركات
    مشكور وبارك الله فيك

  10. #10
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,450
    Thanks
    0
    شكر 0 مرات في 0 مشاركات
    العفوو وياهلا وغلا فيك واسعدني مرورك..

صفحة 1 من 28 12311 ... الأخيرةالأخيرة
الدورات التدريبية جامعة نجرانبنات السعودية
يشرفنا اعجابك على فيس بوك facebook