مشاهدة : 57718
صفحة 1 من 7 123 ... الأخيرةالأخيرة
النتائج 1 إلى 15 من 104

ولـــــــــــــــد العـــــــــــــــــــم " رواية مررره حلوه"


مقالات مشابهه موضوع على صله

  1. ما زال العرض مستمر """"">الأن اطلب منتدى vb<""""" ( والعرض مغري جدا )
    بواسطة ابو خالد 054 في المنتدى ممنوع - موضوع × مواضيع
  2. لقت لكم موقع عربي لتحميل الالعاب مباشره """""""""""""""""psp
    بواسطة شارب بيبسي وراكب تاكسي في المنتدى العاب اكس بوكس Games Xbox
  3. ثغره جديده للاختراق الوندوز"""""""""""من ***امير الغرباء***
    بواسطة اميرالغرباء في المنتدى ممنوع - موضوع × مواضيع
  4. ╝◄ ":":":":":"لعبة Spiderman 3 حصريااااا على جوالك":":":":":":"اسرعوا►╚
    بواسطة gahoo في المنتدى الجوال بجميع انواعه نوكيا سامسونق الخ mobile
  1. #1
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات


    ~*¤ô§ô¤*~هاااااااااااي ياحلوين انا جبت لكم اليوم قصة مرره حلوه وصدقوني ماراح تندمو لو قراتوها بس لو ماقراتوها بجد راح تندموا هههههههههههههه بجد والله حلو اقراوها|..~*¤ô§ô¤*~

    ابطال القصه

    سمر بنت حلوة وعليها حركات صبيان لانها البنت الوحيده من بين 3 اصبيان
    يعقوب: ولد عم سمر حلو ومغرور وميت على سمر
    سارة: اخت يعقوب الحلوة وصديقه سمر
    حمد ولد عم سمر وسارة اللي راد من السفر
    حمدان اخو سمر الكبير عاشق سارة


    اول جزء







    الجزء الاول:
    ==========
    صبحيه يوم اليمعة الكل كان نايم في بيت بو حمدان ما-عدا سمر اللي تاخذ راحتها بعيد عن اخوانها عشان تمارس رياضتها اليومية كرة السلة سمر البنت الاولى بعايلة بوحمدان اللي معروف عنه بابو الشباب من كثر الصبيان اللي عنده ." لا اله الا الله " امها نجاة البحرينية الاصل تزوجت من ابو حمدان قبل 25 سنه يوم كانوا يدرسون مع بعض في مصر. حبوا بعض من اول نظرة وما قدروا انهم الا يتزوجوا وانتقلت نجاة مع زوجها للكويت بعيد عن اهلها.

    الشمس للحين ما جاست حرارتها الارض وسمر فرحانة حيل بالجو ويالسة تتنقز وتنقز الكورة وياها واهي تقول في خاطرها لا يوبا اليوم لازم لازم العب وياهم مو على كيفهم لمتى لازم اتحمل ثقل دم حمدانو ومشعلو واخليهم دايم ينفذون فيا مقالبهم

    وظلت تتدرب ليما دقت ساعتها الالكترونيه بموعد قعده امها ولقفت الكورة وقامت تراكض بعمرها عشان تلحق على غرفتها قبل لا يشوفها احد
    للاسف الشديد الوالده كانت صاحيه وقاعده بالصاله تشرب شاي الصبح وتهز ريلها لانها تدري ان بنتها للحين على حركاتها " الصبيانيه" على حد تعبيرها بس سمر اللي ماعطه امها اقنور . على فكرة سمر ما تتكلم عربي عشان تقهر امها
    " انتي ما تيوزين " اووووووووف قالت سمور في خاطرها بدت محاظرة يوم اليمعه المشكله ان سمر حافظه هالمحاظرة بالتفصيل الممل وحافظة المقطع اللي ينزل فيه اخوها ناصر اللي اهو توام سمور بس ما يتشابهون على الرغم من علاقتهم القوية مع بعضهم البعض يوم نزل نصور ظل مكانه واقف عند الدري واهو يضحك على اخته وشكلها الملان من كلام امها وما تدري شنو تسوي والتفتت حق نصور اللي مو شايل روحه من الضحك والكركرة على سمور المسيجينه واهي يالسه تتوعد فيه وتقول له بصوت واطي ما ينسمع بوريك يالدب بوريك واهو راح فوق عشان ينادي اخوانه عشان تكمل التطميشه عليها ويوم انزلو الشباب انصدموا بابوهم اللي كان قاعد بالصاله وسمور الدبه تتدلع عليه

    حمدان اكبر الاخوان اول من سلم على ابوه وحب راسه وايده ويلس حذال ابوه بعد ما شبع من مرافس سمور المسيجينه عشان تتباعد شوي واهو يقول لها خفي دلع يالدبه
    سمور انت مو شغلك يا ويه البطه لا تتدخل يا ملغك
    قامت سمور واهي تتحدى اخوانها كلهم
    سمر: اليوم انتو زهبو حالكم حق اكبر فوز يا اخواني الاعزاء لاني راح اشارككم في اللعب مع عيال عمي يوسف وعمي سليمان.
    الكل سكت ومرة وحده انفجروا كلهم الشباب بالضحك ووقف مشعلو اكبر مليغ بالعايله واهو يحاربها
    مشعل: انتي شفيج جذي وايد تتلزقيين بالرياييل لايكون ريال واحنه ماندري لاتحلمين يا بعد قلبي لان ماكو لعب وكافي عااااااد صار لج دهر وانتي دوم تهددينا بهالموضوع وماردج تنثبرين مكانج يم راما الخدامه
    سمر: انت ماتقول من وين لك هالملغ والتفتت صوب ابوها اللي يالس يضحك من قلب عليها
    سمر: يوبا شوف ولدك هاذا الجيكر ما يخليني العب وياكم
    الاب يوبا ما يصير تلعبين ويا الشباب انتي بنت حلاتج مثل بنت عمج سويرة يحليلها كل الانوثه فيها
    سمر اووووووووف انه هاذي سارو ما ادانيها ولا تقعد تقولي تشبهي فيها يوبا متى راح تفهم اني يونيك
    حمدانو: قلبي ويهج زين قال شنو قال يونيك انتي فهمي معناته يوبا بعدين تحجي
    سمر انه اعرف معناته مو مثلك ياللووح ما تعرف الyes من الno
    نصور يلس حذال حمدان واهو ناوي نويه على اخته انه اقوللج الyes والno حقت اخوي noلعب و yes حقران لج ههههههههههههههههه ه
    يلس الكل يضحك عليها واهي منقهرة حيييييييل منهم ويلست تكمل دلع علىابوها
    سمر يوبا شوف هالبط هاذولي ولا واحد فيه خير يالسين يتعافرون وياي مو من شي من الخوف انهم يغلبون كبديل عن كل يمعه جدام يعقوب ورشود
    واهي تتدلع اكثر يوبا حبيبي تكفى عاد عاد احبك انه. محد يحبك كثر ما انه احبك تكفى يوبا طلبتك
    الاب: انزين يالله عاد ساح نصج وانتي تتدلعين كمل كلامه واهو يحاجي الشباب يالله يا عيال خلوها تلعب
    الشباب كلهم بصوت واحد تكفى تكفى يوبا شنو نلعبها
    حمدان هاذي اصلا تفشلنا جدام عيال خالي وعمي شنو بنت تراكض ويانا
    مشعل: اي يوبا شنو خبله هاذي بتمشي خبالها عليك لا يوبا انت اكبر من جذي
    نصور اي نعم هاذي اكبر خبله يوبا لا تمشي كلامها عليك
    سمر: نصور اوريك يالخاين ان كلمت النسرة زينو عنك هاذا ويهي
    مشعل تكفين عاد ويا ويهج
    نصور اصلا انه مو محتاجج يالخبله كفايه اني اتكشخ واركب سيارتي وايي صوب مدرستكم واخبل رفيجتج هاذي واخليها تستخف بالهده لذا لا تقعدين تهددين
    الاب: يالله عاد كافي يا عيال وانتي يا سماري حبيبتي فظيها سيرة يعني كل مرة لازم تعلينا بهالساالفه
    سمر عاد بوزت ونزلت البراطم من القهر واهي تقول لابوها
    سمر/: يا ريتني ولد جليله حظ انه والله لكن انتو يا قوم البط بيي اليوم اللي بتتوسلوني العب وياكم لكن اللي يوافق
    كملت كلامها واهي تركض على الدري وحابسها دموعها من القهر لان ماعندها اصدقاء ولا رفيجه تشكي لها همها ومشاكلها.


    الجزء الثاني
    ============================


    وصلت العوايل كلها يوسف ابو يعقوب اول من وصل ويا عياله سارة يعقوب وراشد اللي ما يفصل بينهم بالعمر الا سنه ونص بس تحس يعقوب اكبر من راشد بوايد لان يعقوب اضخم وايد من راشد الضعيف ووايد اوسم منه من جذي شايف حاله على قوله سمر وعمها سليمان وصل معاه ولده وليد وبنته الصغيرة رغد اللي لازم تتهاوش على الغذا مع سمور على طريقه لبسها واخيرا عمتها زاهيه وصلت مع زوجها مبارك اللي للحين الله ما عطاهم الذريه مع ذلك عايشين احلى عيشه مع بعضهم مو هامهم شي

    يلسن الحريم مع بعض بالصاله الجبيرة والرياييل بالصاله الثانيه وطبعا سمر معاهم حتى ان سارة بنت عمها المسيجينه اللي بتموت وتكون علاقه وياها قعدت وياهم مع انها تستحي من عيال عمها اللي ماكلينها اكال بعيونهم وكلامهم الحلو عنها واهي ما تقدر ترد عليهم بس اهي وايد تحب سمر ووايد تحلم انه تكون ارفيجتها مع ان فارق السن بيناتهن ماهو بجبير بس سمر تعتبر سارة وايد دليعه وبطه
    الحوار بين الاب والعمين والنسيب هاذا اهو ما يتغير السياسه وفكرة بو حمدان انه يرشح حاله لمجلس الامه واخوه يوسف اللي يوافقه ويشجعه انه يشارك وسليمان ومبارك معارضين حق الفكرة
    والشباب هاذي هي سوالفهم. والتخطيطات حق السفر بالعطله الجريبه
    ابو حمدان قطع الفوضى اللي صايرة بسؤاله حق سليمان بو حمد الا ما قلت لي شخبار حمد ولدك والله له وحشه من زمان ما سمعنا عنه شي شخباره شعلومه.
    اهني سمور ارتجفت وخلت الاكل من يدها وعينها بدت تلمع حمد ولد عمها الله صار لها فترة ما شافته من يوم ما راح اميركا حق الدراسه قبل 3 سنوات للحين ما شافته اهو اكبر منها ب3 سنوات بس اهي دايم حست بمشاعر غريبه تجاهه وحست انها وايد تعزه غير عن خوانه لانه كان طيب حييييييييل ووسيم بشكل كبير
    حتى ان حمدان ويعقوب يغيرون منه موووووووت وما يدانونه
    طلعت سمور حالها من حاله الغيبوبه واهي تتذكر ويلست تسمع اخر اخبار حمد
    بو حمد: والله شاقول لك يا بو حمدان. الولد متوله يبي يرد الكويت ودايم يسلم عليكم وولهان حيل لامه بس شنسوي المدرسه والدراسه ماخذه وقته كله واهو بعد يدرس بالصيف عشان ما يقزرها سبع سنين هناك وان شالله بيرد بعد 6 شهور

    سمور ما صدقت عمرها ووقف من الفرحه واهي تعيد كلام عمها 6 شهور. حمد بيرد بعد 6 شهور كلولولولولش
    ويلست تيبب واخوانها ماتو من الضحك عليها ومو قادرين يشدون حالهم ويعقوب اول من استلمها
    يعقوب: انتي يا الرقله اشفيج نقزتي جذي الا يشوفج يقول عاضتج جراده ولا نحله خرعتينا ما تيوزين انتي عن هالحركات
    سمر: طالع هاذا انت يا ملك البط وييعقوب انصدم من اللقب ما تسكت زين انه ادري فيك انت وحمدانو اخوي ما تدانون حمد ليش انه واااايد احسن منكم ولا تقعد تتغشمر علي ويا خشتك تراني للحين ما قلت حق خالتي عن سواياك بالشارع ذيج الليله .
    سارة ضحكت هالمرة من شكل يعقوب اللي انقلب من الضحك الى البرود والغباء لانه يدري عن شنو تتكلم هالسوسه سمور وسكت عنها وقال لها بصوت واطي اوريج يا سحليه البيت اوريج
    سمور ما عطته ويه خير شر واهي تسكت فيه يالله يالله لا اللحين اقلبها هوشه هني . ها عمي شرايك
    بو يعقوب يا بعد قلبي خلج من هالشباب والله راح تدوخين وياهم كافي بالبيت ويا سارو هم انتي هني تكفين يا حبيبه قلب عمج خليهم عنج احسلج
    سمر ما قعدت وكملت دربها ووراها بنت عمها سارة والشباب يزقرونها وين رايحه يا بنت العم خلج ويانا عن هالسحليه
    هني سارو افتشلت وقالت : ماكو بنات مالي قعده وياكم
    وراحت بسرعه عن لاتسمع اكثر وتموت من الفشيله بعدين واهي تقول في بالها الله ياخذ بليسج يا سمور والله فشلتيني
    بين حمدان ونصور سارة كانت محور كلامهم .
    حمدان فديتها بنت عمي شنو حلوة
    نصور: هاا يالسيمباتيك اشوفك تقردنت
    حمدان: اووووف يا اخوي اني صج صج تقردنت بس مادري اخاف ابوي ما يرضى
    نصور صل على النبي وين تحصل لها على سيمباتيك مثلك شكل وكشخه ورزة ولا سياارة
    حمدان تتمصخر ويا ويهك انت يالهيلق
    نصور هههههههه لا يااخوي بس انه مااقول الا الحق
    حمدان شرايك اقط القنبله على ابوي بعد الغدا
    نصور قطها شعلينا احنه هاذا نص دينك يا ريال
    حمدان: وانت الصاج يا السحليه
    نصور: بالتوفيق
    حمدان: الله المستعان


    الكل تغدى احلى غدى والكل مدح طباخ ام حمدان وسمور اللي من يوم ما سمعت خبر ولد عمها مادانت الغدى وبغتها من الله عشان يخلص الغدى وتروح دارها عشان تفكر فيه هناك على راحتها لكن اللزقه سارو مو راضيه تفج عنها واليوم سمور كلش مالها بارظ حق سوالفها وقالت بينها وبين نفسها اليوم ان اصرت علي اروح وياها المجمع بشق حلجها

    لكن سارة فطينه فهمت ان بنت عمها تبي تيلس لحالها شوي وخلتها وقعدت مع خالاتها وتشاركهن السوالف عن الاستعدادات حق زواج اخت زوج زاهيه وسمور راحت غرفتها اول ما ركبت سمور لدارها قفلت الباب عليها وقامت ترقص واهي تغني "ياحلوكم يا حلوكم شوفو شوفو ياحلوكم مافي مثلكم يا هلي الله يحفظكم" واهي ترفع برواز من فوق المكتب فيه صورة عائليه حق العايله كلها يوم كانو مسافرين الاردن قبل 3 سنين وكانت سمور صغيرة بذيج الرحله عمرها كان 13سنه وبالصورة كانت واقفه حذال حمد اللي كان لامها حييييل عشان تطلع بالصورة واهي كانت تضحك من قلب لانها من ذاك الموقف وقلبها يدق لحمد

    بعد دقايق واهي ترجع بذكرياتها تذكرت حمد عايش باميركا معناته اهو تفكيره راح يكون غير وتصوراته عن بنت احلامه راح تكون غير ويمكن ويمكن لكن لالالا ماكو مثل حمد حمد اصيل ويحب الاصالة ويموت على الرقله والرباشة الزايدة وكان دوم يقول لها قبل لا يسافر خلج مثل ما انتي احلى رقله شفتها بحياتي وقامت ووقفت يم البلكون واهي تقول بكل نعومه ورومانسيه : الله يردك بالسلامه يا حمد

    بعد خمس دقايق سمت دق قوي على باب غرفتها واهي اخترعت من الزين وسمت بالرحمن وفتحت الباب وشافت اخوها نصور
    سمر: نصور ويعه اشفيك خرعتني يالاهبل
    نصور: لا يفوتج بدت اللعبه
    بوزت سمور عاد ونست فرحتها من شوي
    سمور واذا انتو ما تبوني العب وياكم ليش تناديني
    نصور: يالله عاد سموري حبيبتي نتغشمر وياج كاهو يعقوب اللي قال لي روح ناد اختك
    سمور عاد تشققت من الفرحه احلف
    نصور يالله عاد ويا ويهج بسرعه تعالي
    سمور متشققه من الوناسه اطلع برع زين عشان ابدل ثيابي
    نصور كويك يا سحليه
    سمور: اقلب ويهك زين

    بدلت سمور ثيابها عشان تقعد ويا راما مثل ماقالو لها واهم يتطمشون عليها ويلعبون لكن الله راواهم يوم ما قطع ابوها اللعب وقال لهم الناس مغرب روحو سبحو وتزهبوا حق الصلاه والكل قام يتافاف ويقول ان شالله من غير نفس الا سمور اللي قالت لهم ........زبره بره بره .... والكل هد اللعب وراحو يلحقونها عشان يطقونها واهي تشرد عنهم والكل يضحك وفرحان ومتنوس والدنيا مو سايعته


    ============================

    الجزء الثالث
    ==========

    مرت الشهور الثلاثة الاولى من خبر رده حمد بسرعه ومرت معاها الامتحانات اللي ابدعت فيها سمور سمر على شطانتها الا انها كانت وايد شاطرة بس ماتحب ترافج احد ولا تحب ولا ابله همها دراستها اللي كانت تشغلها عن كل هالامور طبعا كانت تقلد على حمد بالشطارة.
    خلصت الامتحانات وانجحت سمر ويابت معدل مرتفع مثل كل مرة ومثل كل مرة سقطت نصور في المواد اللي دايما يخاف منها وسمر تحب هالفترة لانها تنمدح جدام العايلة ونصور يلقى له الزف والهواش والعقاب اللي دايما ينحاش منه بعد ما يتدلع جدام امه ويبدي مسرحيه الملل اللي ملل البيت منها
    يوم اليمعه اللي فات الغدى كان في بيت العم بو يعقوب اللي كان يبي يسوي مفاجئة حق ولده رشود اللي تخرج من الثانويه ويوريه السيارة اللي شراها حقه
    بيت بو يعقوب اهو مزرعه اكثر من بيت .لذا سمر تحب تروح هناك وايد بس سارة وملاحقها لها يخليها ما تروح وايد
    كانت سمر يالسه عند البرجه واهي تسمع الاذاعه بالتلفون واغنيه تقطع القلب تغني ويا المغني : جالس لحالي ولحالي هزني الشوف وذكرتك يعني معقوله يا غالي كل هاذا وما وحشتك : غيبتك طالت ليالي يا عسى خير وعذرتك:: سمر ماكانت تدري بالعيون اللي كانت تراقبها واهي رايحه فيها بالاغاني.
    ذيج العيون كانت نفس العيون اللي تطالعها من يوم ما كبرت سمر وبدت ملامح الجمال تظهر عليها بوضوح
    محد غيره المتوله عليها يعقوب
    يعقوب اكبر من سمر ب6 سنين وكان لين يفكر فيها يستحي ويقول في خاطره هاذي بحسبه اختي الصغيرة ويلعن الشيطان ويشغل حاله بشي ثاني لكن هيهات تفارق سمر باله
    سارة تلاحظ اعجاب اخوها المخفي بالطماشه والنقرشه ويا سمور وكانت تضحك عليه ليش انه يكسر خاطرها ليما تشوف هالحركات منه وكله تدعي له لين تشوفه يطالع سمر بذيج الحنيه والشاعريه " ربي تكون سمر من نصيبك يااخوي"
    سارة اليوم كانت وايد عاقدة قرارها انها تكوون صداقة ويا بنت عمها الشيطانة لو شنو ان شالله.
    راحت وقعدت يم سمور اللي كانت رايحة عليها ودموعها متيمعة بعينها اول شي سارة ما كلمتها خلتها على راحتها وانتبهت لها سمور بعدين واضحكت بويها لاول مرة حتى ان سمر تعجبت من حالها ليش انها ضحكت وياها قالت في خاطرها ليش ماارافجها احسن منها ماكو اول من بدى الكلام اهي سارة لانها تعرف حق طبيعة سمر اللي الشطانة مغطية على خجلها
    سارة: ها شخبار الناجحين عسى مستانسه
    سمر: الحمد لله عادي .
    سارة بحيرة ما تدري شلون تحاجيها وتذكرت سالفه حمد وقالت في خاطرها هيااا
    سارة هاا شخبار استعدادات ييه حمد ؟
    انقزت سمر عشان تخبربنت عمها اهي شنو مسوية من استعدادات بس بسرعة فكرت هاذي شدراها عن استعداداتي شلي خلاها تسالني عن حمد بالذات .
    سمر تسال سارة والحيا ماخذها: ليش هالسؤال بالذات ؟
    سارة واهي تبتسم احلى ابتسامه: يعني اذا مااهتميتي حق موضوع حمد لمنو راح تهتمي؟
    ويوم لاحظت خجل سمر الغريب كملت سارة بشجاعه اكبر
    سارة: يا بنت عمي انه ادري انج اكثر وحدة تعزين حمد من بعد خالتي ام حمد واهو بعد كان واضحة معزته لج.
    سمر: صج والله تهقين حمد يعزني مثل ما انه اعزه
    سارة غلطان اللي يقول عكس هالكلام
    سمر الدنيا مو سايعتها اهي كانت تعرف ان حمد كان يعزها بس كانت خايفه انه يحسبها مثل اخته اكثر من ما اهي بنت عمه. بس كلام سارة غير اشياء وايد
    رد الصمت بيناتهم وسارة حست حالها عيزانه ما تدري تفتح اي موضوع ويا سمر لان سوالفها ما تعجب سمر وسمر وايد صبيانية بتفكيرها ..
    قطعت سمر تفكير سارة واهي تناديها: سارة؟
    سارة: نعم سمر
    سمر مترددة ما تدري شلون تسال سارة عن الموضوع
    سمر: سارة انه بغيت اطلب منج طلبة بس بس كنت خايفة انج ترديني
    سارة: افا عليج يا سماري ماعاش اللي يرد لج طلب انتي طلبي وانه انفذ
    سمر: وعد ؟
    سارة: ايوة وعد
    سمر: مو تستغلين هالشي عشان تفشليني جدام الشباب
    سارة: افا عليج ماتعرفيني اعرق جدام عيال عمي مااعرف شلون اكلمهم هههههههههههه
    سمر: هههههههههههه اي والله نسيت عيل بقول لج
    سمر عدلت قعدتها وقابلت بنت عمها بعد ما كانت يالسه حذالها وسارة لا شعوريا حست ان السالفة جايده ويلست نفس يلسه سمر لها
    سمر تكلمها بصوت واطي ابيج تعلميني حركات بنات
    سارة للحين مااستوعبت كلام سمر وبعد
    سمر ابيج تاخذيني المجمع اللي دوم تتكلمين عنه عشان اشتري لي منه ثياب واعدل من شكلي هاذا
    واشتريلي شويه اغراض بنات ........ وسكتت سمر لانها ما تصدق اللي اهي قاعده تقوله حق بنت عمها
    سارة كانت شوي وتنقز من الفرحة على هالشي بس يودت حالها عشان بنت عمها تكمل
    سارة: اغراض مثل شنو .. سارة كانت تعرف سمر شنو تقصد بس مسويه حالها ماتدري عن شي
    سمر بدت تعصب وتندم على اللي طلبته خبرج خاتم ترجيه روج ماادري شنو
    سارة تسوي حالها مستوعبه توه للكلام: اهاااااااا قصدج مكياج واكسسوارارت
    سمر بدت تبتسم لانه ارتاحت شوي اي هاذا اهو
    سارة قعدت تفكر شوي وجاوبتها ما طلبتي يا بنت عمي
    سمر ما صدقت عمرها: صج والله
    سارة: اي والله
    سمر لا شعوريا حظنت بنت عمها لاول مرة واهي تقول لها: مشكورة سرسر والله فديتج محد مثلج انه طول عمري واقول سارة وبس . بيية يعقوب حذالهم سمر غيرت شكلها ونبرت صوتها عشان ترد سمر القبليه واهي تقول ويعقوبو ياكل خس
    يعقوب توه بيقعد استوى مرة ثانيه في وقفتها: انتي ما تقولين لي يالسحليه انه شنو مسوي فيج عشان اكل خس ويا ويهج
    سمور: والله وتسال بعد انت اللي ياييب لي المرارة في مصاريني ويا هالحركات
    يعقوب: اي حركات وياحضرتج
    سمورر: لا تقعد تستهبل علي انت تعرف عن شنو انه اتكلم
    يعقوب زاد من استعباطه عليها تكفين ويا حلاتج مااعرف علميني.
    سمر تقربت من يعقوب اللي طار مخه من كثر ما بنت عمه تخبله
    :: لاتنسى هيفاءوو الى للحين تسالني عن جاسم البغدادي .
    جف حلق يعقوب وبدى يطالع سمور بحقد هاذي من وين تعرف هالسوالف منو يقول لها عن سوالفه ويا ربعها البنات
    قام يعقوب واهني بين سمر قزمه بطوله واهي يطالعها من فوق خشمه انتي ماتيوزين يالسحليه انه شنو المفروض اسوي فيج اللحين
    سمور عقدت ايديها على صدرها ونفخت روحها عليه وتطالعه من صوب عينها: ولا شي سوى انك تاخذ بعمرك وتقلب ويهج عشان اكمل سوالف ويا بنت عمي وصديقتي
    قلدها يعقوب اوه اوه اوه من متى وانتو ربع
    سارة بغت تتكلم بس سمر قاطعتها: مو شغلك وقامت تطالع سارة وتقول اصلا احنه ربع من زمااااان بس محد كان ملاحظ هالشي
    يعقوب: اهاا بالمبارك عيل عليج اختي سارة والله يعينج يا سويرة على اللي بتلاقينه ويا هالنسرة
    سمر: هاا؟ بديت تدز حظك وياي
    يعقوب يالله يالله قلبي ويهج اخر زمن لاتخليني الحين اشلج واقطج بالبرجه
    سمر: فيك خير سوها
    يعقوب: ها سارو. اعقها
    سارة واهي تضحك: لا صل على النبي شنو تقطها خلني انه وياها صج انك رزة ما تنعطى ويه يالله الب ويهك
    يعقوب شفتي خربتج هالنسرة
    سمر: نسرة انت
    يعقوب واهو يمشي عنهم: سحليه
    سمر: سحليه انت
    يعقوب: ذكيه
    سمر: الذكي انت
    وفجت عينها سمر على اخرهم عشان المغلب اللي قطها ولد عمها فيه وخلاها وراح واهو يضحك عليها واهو يقول لها: ما يحتاي انه من زمان ذكي
    سموور كانت معصبة ولو على بدها تذبح يعقوب بس مسرع ما نسته وردت حق بنت عمها عشان يخططون عشان التشري.



    الجزء الرابع
    ====================

    في ميلس البيت بو حمدان كان يالس وحذاله ولده حمدان اللي صار له شهر واهو يبي يفاتح ابوه عن موصوع سارة بنت عمه بس الحيا ماخذه ونصور اللي كان مطرب الناس بغناويه يطالع اخوه ويشجعه عشان يفتح الموضوع بس حمدان مو ماعطه ويه ونصور ايغني ويعزف على العود ويقول خليتني ما بين شكي وخوفي ارجع يا روح الروح الهجر ما يسوى خليتني ما بين شكي وخوفي ."" مشعل رايحه عليه بالاغنيه واهو يغني ويا اخوه وعمايمه معظم صاخين من بعد الغدى الا حمدان اللي كان يحترق ويقول لابوه عن سارة
    بعد ما سكت نصور راح يلس حذال اخوه
    نصور: اشفيك انت صاير لي خواف.
    حمدان جف ريجه من التوتر: اسكت واللي يرحم والديك انه حدي موصل
    نصور واهو ماسك بطنه عن لا يضحك على اخوه: ياخوي والله ماهقيتك تطلع لي خواف يالله قول اللي في بالك وفكنا
    حمدان قلب لونه اصفر واهو يطالع اخوه عشان يتنعز ما بتقوم ولا اشق حلجك
    نصور وحمدان ظلوا يتهاوشون على خفيف ليما وعى ابوهم
    الاب: اعنبو داركم اشفيكم انتو الاثنين يالسين تتبسبسون مثل القطاوة والحريم ما تقولون لي ليش ما تفارجون
    نصور الملقوف اول من بدى الكلام: يوبا اصلا اخوي حمدان يبي يتكلم وياك بكلمه راس بس مستحي
    حمدان قلب ويهه ابيض اللي يقولون صابين عليه ماي بارد: هاااا؟ انا؟؟
    الاب اشفيك صفا ويهك
    حمدان ها ها يبا
    الاب: ياه ما تقول
    نصور الملقوف: يوبا السالفه وما فيها .. يطالع يمين ويسار يدور على عمه بو حمد عشان يوطي صوته .. اخوي حمدان يبيك تخطب سارة حقه
    الابو ابتسم بوسع حلجه وطالع حمدان: ايا يالخق صار لك شهر تتلصق فيني مو على شي اثاريك تبي بنت عمك سارة
    حمدان بغى يغمى عليه من التوتر: اي يوبا تكفى طلبتك ماابي البنت تروح من يدي
    الابو ضحك على ولده واهو يعدل من قعدته تم وانه ابوك باجر اكلم عمك بديوانيه مبارك ولا يهمك ولا تشغل بالك.
    حمدان ما سعته الدنيا بس نصور اللي قام على طوله يبوس راس ابوه مشكور يوبا ما تقصر يعل عيني ما تبجيك يا يوبا
    الابو دز نصور عنه اللحين انه ابي اعرف انت اللي تبي سارة ولا حمدان انت شكو طالع ملقوف على منو انت
    حمدان وقف ويود اخوه من ذراعه عشان يطلعه من الميلس: والله ماادري يا يوبا هاذا الملقوف طالع على منو
    نصور يطالع حمدان بنظرة مسرحيه افاااااا اللحين طلعت جذي صج انك ما تستحي
    حمدان ضحك عليه وطلعه وياه بس ناصر رد الميلس ينادي على مشعل وراشد عشان يطلعون ويا بعض والكل مستغرب من حمدان اللي كان فرحان حيل من رد ابوه عليه.




    الجزء الخامس

    من بعد القعدة في بيت بو يعقوب سارة وسمر صاروا من اقرب الصديقات سمر كثرت من روحاتها بيت عمها وسارة الدنيا مو سايعتها لانها اخيرا صارت ارفيجه بنت عمها اللي كانت دوم تبي تصادقها وتشوف جانب الانوثه فيها واللحين قدرت عليها وبينت للعايله كلها سمر البنت مو سمر الياهل والكل انصدم من شكل سمر اليديد اللي تخلت عن جينزاتها وبدلتهم بالتنانير والفساتين الحلوة اللي كانت على اخر الموضه ولا تسريحه الشعر اليديده اللي خبلت اخوها نصور اللي محتر على الشعر ويبي يطول شعره بس ابوه ما يرضى اللي ير من موقفه اهو راشد ولد عمه وقام يتلزق فيها وايد بس اهي تصده وتعور قلبه كل مرة ليما عيز منها وخلاها

    اللي قلبه كان محتر والقهر شايله كان يعقوب. الف سؤال وسؤال في باله بسبب التغير اليديد بسمر حتى انه قاطع اخته وما صار يكلمها وايد لانه كان زعلان والحزن ماخذ منه ماخذ للحين يتذكر اول ما طلعت لهم سمر بذيج اليمعه بشكلها اليديد ... قلبه طار ومخه طار من كثر ماكانت حلوة ونظرات عيال عمه خلته يحش بحريجه تسعر بقلبه ماكان يدري شنو سببها بس حاول يهدي حاله ويبين لهم انه مو متاثر من هالتغير حتى انه حاول يعلق على المظهر .بس سمر ما خلته وقامت تهدده مثل كل مرة واهو سكت مثل كل مرة.

    وليد اخو حمد الصغير اللي يكبر سمر بسنه وحده بس كان وحداني ووايد متعلق في الخيول ولين يروحون مزرعه ابو يعقوب دايم يقعد ويا الخيول ولا احد يلاحظه هالمرة كانت قعدته ويا الخيول حزينه ومحد انتبه له الا سمر اللي كانت تدور ه عشان يخبرها عن حمد اذا اتصل ولا لاء. ويوم لقته شافته مهموم ووايد حزين..

    سمر حاولت تبدى الكلام وياه بمرح
    سمر: قوة ولد العم الوحداني عسى خير
    وليد واهو يبتسم بالغصب الخير بويهج
    سمور: اشفيك بو خالد زعلان؟
    وليد: لا
    سمر: حد زعلك
    وليد لا
    سمر ولا ظايقك.؟؟
    وليد اوووف .......لا
    سمر: عيل
    وليد 000000000ما فيني شي
    سمر: برطمك واصل للارض وتقول ما فيك شي
    وليد: تكفين سمر مو راعي مزاجج انه ومناجرج تكفين خليني لحالي وقلب ويهه عنها
    لكن سمر قلبه حزها على ولد عمها
    سمر: يالله بو خالد اشفيك ما تسوي عليك كل هالحزن
    سكت وليد عنها ولا عطاها ويه ليما قررت سمر انها تخليه لحاله يمكن اريح له..
    وليد سمر
    التفتت سمر له نعم
    وليد ...................؟؟
    سمر نعم وليد بغيت شي؟؟
    وليد انتي خايفة مثل ما انه خايف؟
    سمر تعجبت من سؤال ولد عمها اهو ليش خايف؟: من شنو اخاف؟
    وليد تعرفين جم اسبوع وحمد عندنا وتعرفين صار له اكثر من 3 سنين عايش بالغربة تهقينه تهقينه تغير؟؟
    سمر كانت مرتاحة لان ولد عمها شاركها بخوفها وشكها . معروف ان وليد متعلق وايد باخوه حتى يوم سافر حمد وليد مرض عليهم مرضه قويه ماعافته الا زيارة حمد له وصبره على فرقاه اتصالاته وشوفته بالمسنجر
    سمر تحركت وردت المكان اللي كانت واقفه فيه: ما ادري انه بروحي اسال روحي هل تغير ولا تغيرت افكاره.... ولا للحين.
    وليد حس انه حر يتكلم ويابنت عمه وسالها السؤال اللي كان محيره اكثر واكثر
    وليد: سمر انتي تحبين حمد مو؟
    سمر انغصت ولونها قلب اصفر ... احرجها سؤال ولد عمها وايد ولكن فكرت انها تقول له وتريح حالها
    سمر: ماادري ..... خايفه اقول اي . ويطلع مو حب خايفه اقول لا واجذب بعدين
    وليد ضحك وجرب من بنت عمه : موصل لج سلام مني
    ما صدقت سمر اللي قاله ولد عمها . موصل لها سلام سلام لها .. للحين يذكرها ..... حطت عينها المو مصدقه بعين ولد عمها من دون ما تساله
    وليد اي والله موصل لج سلام ....... تردد يتكلم لكن تكلم....... اصلا اهو كل مرة يوصل لج سلامه بس انه مااقول لج
    سمرتغيرت ملا محها وطالعت ولد عمها باجرام
    سمر: وليش يعني تغار مني
    وليد لا بس انتي رقله ما تتحاجين اللي يكلمج تبلعينه حلو .
    سمر: يالله زين لا اوريك ... اخر مرة لك زين
    وليد ضحك عليها واهي راحت عنها بنص الدرب تذكرت اللي يات تسال وليد عنه والتفتت له
    سمر: وليد ماعليه تعطيني رقمه اليوم بالمسنجر لين شفتك
    وليد اكيد .... ماتبين ايميله
    سمر فكرت لكن .... لا ابي رقمه .. الحيا غطى على ويهها .. ابي اسمع صوته
    وليد ابتسم لها ان شالله ما طلبتي يابنت عمي
    سمر فرحت وراحت عن وليد ودموع الوناسه ماليه عينها ....

    تذكرت سمر ان ما عندها تلفون لانها عمرها ما احتاجته وقررت تسال ابوها وتخليه يطلع لها جهاز عشان تقدر تكلم حمد منه


    الفصل السابع:
    ================================================== ================================================== ===============
    سمر ما انتظرت الصبح وتتصل في بنت عمها لانها راحت لها على طول نادت على السايق من الصبح وخلته يوصلها لبيت عمها ابو يعقوب...

    ما خلت السايق يوصلها لعند مدخل البيت وقفها عند الباب الخارجي وكملت المسافة واهي تمشي . وقفت عن الباب محتارة لو طقت الجرس وردوا عليها شنو تجاوبهم شمطلعها من الصبح اوووووووف تافافت في خاطرها وردت بقرارها وشلت التلفون عشان تتصل للسايق يردها البيت بعدين تذكرت انها دايم كان بخاطرها تتمشى بيت عمها لانها وايد تحبه تصميمه

    طلعت من مقمده البيت وراحت تمشي لورى البيت الهدوء كان يعم المكان واهي مرتاحه حيييل من الجو كان جو ربيع مع انه الصيف وصلت لعند المسبح واستعجبت كاهي سارة بنت عمها قاعده هناك.. راحت لها بهدوء عشان ما تشوفها ولكن بنت عمها كانت تسوي لها مسد كول واول ما وصلت سمور لعند بنت عمها دق تلفونها وانكشفت

    سارة: ويه بسم الله الرحمن الرحيم من وين طالعه انتي؟
    سمر والخيبه على ويهها لانها ما قدرت تخرع بنت عمها: من وين يعني من بيتكم.
    سارة هلا والله هلا وغلا باستخفاف مرحبا الساع
    سمر: هلا فيج ..(واهي تقعد على الكرسي)

    سمر ما تكلمت من بعد التحيه وبنت عمها كانت تطالعها تنتظرها تقول لها اللي مييبها بيتهم بهالحزة من الصبح؟؟

    سارة: هو شدعوة يا حافظ
    سمر:..........!!
    سارة: ويييييه! الو نحن هنا
    سمر انتبهت لها ها؟ هلا هلا !
    سارة باستعجاب: سمر حبيبتي اشفيج شمظايقج
    سمر واهي تزفر بمرارة: كل شي يا بنت عمي كل شي
    سارة: بسم الله عليج يا بنت عمي ما عاش اللي يظايقج.
    سمر بسرعه: قص بلسانج لاتدعين جذي
    سارة مستغربة: هاذا وانه ادعي عليه عشان لا يظايقج
    سمر: على مااظن انت تعرفين انه شنو مظايقني
    سارة باستخفاف: لا والله ماادري شمظايقج
    سمر بقله صبر: سارة تكفين عن الاستعباط
    سارة: ههههههه اوكي اوكي كول ات لا تاكليني . حمد مووووو؟
    سمر: ومن غيره اللي ماخذ كل تفكيري
    سارة: عيني على الحب ااااااه
    سمر بقله حيله: سرسر ولا ادري شنو اسوي احس حالي زهقت وخلاص مليت من كثر ماانتظر ييته .واذا فكرت باليوم اللي راح ايي فيه .الف سؤال وسؤال يلعب بمخي
    ساارة: مثل شنو؟
    سمر: ماادري واهي تقوم من مكانها والله ماادري البارح ما رقدت وانه افكر بهالاساله احس حالي صرت بايخه وكلامي ماله معنى حتى البجي بجيته يا سارو
    سارة: بعد قلبي سمور لا اانتي بايخه ولا غيره يا حلوج انتي تحبين واللي يحب لازم يتعذب بس انه ما ادعي الا انه اهو بعد يتعذب مثلج
    سمور ضحكت تصدقين موصل لي سلام من عند وليد
    سارة: والله؟
    سمور واهي تقعد مرة ثانيه واهي ترفع اياديها فوق بحركه انتعاش: اي والله!!
    سارة يازعم مبوزة: يا حظج
    سمور: ههههههههههه ....... مرت لحظات عشان تكمل بس من يدري لهو وصل السلام حقي بس لانه يذكرني كبنت عمه الصغيرة المشاغبه.......
    قاطعتها سارة: اللي اللحين كبرت وصارت مثل ملكات الجمال.. واهي توقفها بحركه مسرحيه). جمال . رشاقه اناقه .........very style
    سمر: ههههههههههه
    سارة واهي تكمل اللي خبلت نص الشباب بالمجمع ولا خلتنا نترزق الله بجم من نظرة
    سمر: ههههههههههههههه
    سارة: من صجي انه انتي اشفيج
    سمر: وربي اليوم انتي مو صاحيه
    سارة: مو بس انه الكل في هالبيت مو صاحي اليوم
    سمر واهي تسكت حالها من الضحك: هه ليش منو غيرج مو صاحي هه
    سارة وملامحها تتغير . شاقول لج تقول في خاطرها اقول لج ان اخوي المسيجين عايش مثل روميو اللي ما يدري شيسوي بحاله اللي من يوم ما تغيرتي تغيرت حياته وتغير مزاجه وتغير اسلوبه وياي
    .........
    سمر لاحظت شرود بنت عمها: هيييييييه احنه هني وين رحتي
    سارة: ها لا لا كاني ما رحت مكان
    سمر: ما قلتي لي شصاير؟
    سارة تضحك عشان تغير الموضوع: لا مو شي بس تعرفين انه وايد متخبله اليوم
    سمر: انه من يوم عرفتج انتي مخبله
    سارة: افا بنت العم انه خبله
    سمر: تكفين لا يسيح نصج
    سارة: ههههههه انزين
    سمر: خلينا بموضوعنه. انه اللحين عندي رقم حمد اتقولين اتصل فيه .؟؟
    سارة: حدج ياويلج ان سويتيها الا اقول حق خالتي ام حمدان يالله فري ويهج يا المنحوسه صج ما تنعطين ويه انتي
    سمر: اشفيج ساروو؟
    سارة: شنو تتصلين فيه . خليه جذي ما بقى وايد ويرد للبلاد لا تقعدين تسوين لنا حركات وياه انتي ناسيه اهو منو هاذا حمد راعي الاصول ولا انتي ناسيته انه ما نسيته
    سمر واهي تعض على اظافرها: لا مو ناسيه بس فكرة؟
    سارة: افكارج العجيبه خليها حق العابج هاذا اذا عندج
    سمر والحزن خذاها: جانزين قلتي لي هالكلام بالتلفون بدال مااييج وتهزئيني جذي
    سارة: وليش ما اتصلتي صج قبل
    سمر: اتصلت فيج البارحه لكن اخوج المتفرغ شل السماعه بدالج
    سارة: منو راشد؟
    سمر: لا المليغ يعقوبو!
    سارة بتعجب: يعقوب. يعقوب رد عليج ؟
    سمر واهي مستغربة من بنت عمها: اي يعقوب اشفيها ما يعيش بهالبيت اهو ؟
    سارة: لا لا مو قصدي شي بس غريبة شمقعده بالبيت...
    سمر: لا تخافين كان الوقت متاخر واهو كان شكله راقد
    سارة راقد انه اليوم شفته ويا الخيول من الصبح الساعه 4
    سمر: وانتي شمقعدج للساعه 4
    سارة ارتبكت وما عرفت شنو تقول ما طلع منها الا هااا؟
    سمر: اي هاا.. شمقعدج يالسوسه
    سارة لا ولا شي بس صحيت ويا الاذان وخلاص ما رقدت من بعدها
    سمر: لكن يعقوب قالي انتي كنتي تعبانه ورقدتي بسرعه
    سارة: هاا؟ لاني ...... تعرفين انه........... وضاع الكلام من سارو)
    سمر فهمت ان بنت عمها مخبيه شي عنها وما تبي تقوله
    سارة: سمور ... بقولج سر لكن ياويلج يا سواد ليلج يطلع هالكلام من بيناتنا
    سمور حست بالاثارة ..... السالفه فيها سر والله وانج تحفظين الاسرار يا سمور
    سمر: قولي قولي
    سارة بتردد واخيرا قالت بصوت واطي: انه احب يا سمر
    سمور شكلها كان غبي و مو مستوعب الكلام اللي قاعده تقوله بنت عمها
    سمر: شنو
    سارة: شنو شنو انه احب
    سمر: تحبين منو
    سارة: احبج
    سمر: يالله عاد بلا استهبال
    سارة: ماادري فيج
    سمر: انزين قولي من وين تعرفينه؟
    سارة: من النت
    سمر تفاجئت: من وين؟
    سارة ما ردت عليها لانها كانت تبتسم بهبل لحالها
    سمر: ساروووووووووو كملي
    سارة: سمعي ...................

    وقالت سارة حق سمر كل شي انه خليجي يدرس باميركا . اسمه خالد تتكلم وياه بالتلفون وانه بيي الكويت بعد سبوعين

    سمر اول ما فكرت قالت: بنفس موعد حمد
    سارة ماانتبهت لها
    سمر: سارووووو
    سارة: ها هاها اشفيج
    سمر: وينج انتي عن هالحركات اقولج ييته ويا ييه حمد ولد عمي
    سارة بتفكير: اي صج
    .....................................
    يتب ع
    التعديل الأخير تم بواسطة ﭾـسد ٻـلـيـ[ŘOŏO7]ـٱ ; 13/04/2010 الساعة 03:34 PM

  2. #2
    اميرة زماني غير متصل طالب ابتدائي
    تاريخ التسجيل
    Jun 2007
    المشاركات
    107
    Thanks
    0
    شكر 0 مرات في 0 مشاركات
    والله حنندم اذا ماقريناها
    اجدل بقراها وامري لله
    بس لازم يكون لها تكملة ولا ماراح اقراها>>>>>>>> تهدد هههههههههه

  3. #3
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,449
    Thanks
    0
    شكر 0 مرات في 0 مشاركات
    يسلموووووووو بلييييز كمليهااااااا..

  4. #4
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    اقتباس المشاركة الاصلية كتبت بواسطة اميرة زماني مشاهدة المشاركة
    والله حنندم اذا ماقريناها
    اجدل بقراها وامري لله
    بس لازم يكون لها تكملة ولا ماراح اقراها>>>>>>>> تهدد هههههههههه


    ههههههههههههههههه هه مشكور حبيبتي اميره ووعد مني اني اكملها
    *ملكه بكبريائي*

  5. #5
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    اقتباس المشاركة الاصلية كتبت بواسطة r-k-a-y مشاهدة المشاركة
    يسلموووووووو بلييييز كمليهااااااا..

    مشكور حبيبتي وانشاء الله راح اكملها
    *ملكه بكبريائي*

  6. #6
    اميرة زماني غير متصل طالب ابتدائي
    تاريخ التسجيل
    Jun 2007
    المشاركات
    107
    Thanks
    0
    شكر 0 مرات في 0 مشاركات
    الله يعينك وراك روايات كثير تكملينها
    يعطيك الف عافية
    طيب وين التكملة <<<<<<<<<<<<<<هههههههههههه هه
    صدق وجهي مغسول بمرق

  7. #7
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    ههههههههههههههههه هههه
    لا عادي حبيبتي خذي راحتك واليوم راح اكملها علشانك .
    مشكوره لمرورك..

  8. #8
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    الجزء [2]
    سمر: لا يكون وياه على نفس الطيارة؟
    سارة: لا من قال. يمكن اهو على رحله الظهر
    سمر: حمد بيي على رحله الليل
    سارة واهي تحاول تغير الموضوع يالله عاد الصبح ولا الليل حياهم الله حبيبي وحبيبج
    سمر هههههههههههههه صلي على النبي
    سارة: شنو انه غلطت ولا قلت شي غير صحيح
    سمر: تكفين ويا الصحيح
    سارة: اي والله يا بنت عمي تدرين انه وايد فرحانه لاني انه وانتي صرنا ارفيجات ولا ارفيجاتي مايعات ماصخات انتي وبس يا ام سليمان
    سمر:ههههههههههههه
    سارة وويها منور بفكرة: شرايج؟. دام انتي هني اليوم خلينا نروح الموووول ونتشرة اغراض وثياب ونتغدى ويمكن ندخل فلم جربت حالها لبنت عمها .ونقز شوي
    سمر: ههههههههههه ذلفي زين انه مااغازل ويا ويهج صج لي قالو تحت السواهي دواهي
    سارة: هههههههه يالله عاد قومي نروح نتريق لاني يعت من سوالفج
    سمر: هههه يالله

    وبدرب البنات لداخل البيت واهم للحين يضحكون رن تلفون سمر ويوم شالته انقطع الخط وشافت منو متصل فيها شافت ان الرقم غريب اتغربت الشي اول الشي بس بعدين نست السالفه ودخلت البيت ويا بنت عمها

    بس ما كانت حاسه بالعيون اللي تطالعها من فوق البلكون والضحكه الروعه اللي على الشفايف

    يعقوب تاكد اخيرا ان هاذا الرقم رقم سمور وقام يقول في خاطره: ياويلج مني ياسمور ان ما خليتج تحبيني وتذوقين اللي مذوقتني اياه مااكون انه يعقوب سمر

    وظل يغني اغنيه مغنيته المفضله نوال ". لقيت روحي بعد ماانه لقيتك بعد اللقاء ارجوك لا لا تغييبي ."



    الفصل الثامن
    ============
    بقى اسبوع وحمد يرد البيت ام حمد الدنيا مو سايعتها وبو حمد الاسعد منها لان ولده خلاص راح يرد لهم من بعد الغيبه الطويله والغربة اللي على الرغم من طولها ما نسته اهو منو ولا اهو من وين

    في بيت بو حمدان الفوضى كانت اخف شوي من بيت بو حمد بس سمر ما خلت احد ما خلته يقوم ويعدل ولا يروح بيت عمها حمد ويساعدهم في الاستعدادات حق ييه حمد
    واهي حاسه حالها بتطير من الفرحه نصور ومشعل مستغربين من اختهم اهم يدرون انها تحب حمد وايد وتعزه بس انها تسوي فيهم اللي تسويه هاذا اللي ما يستوي كانوا يتكلمون عنها برع يم السيارة واخوهم حمدان توه واصل ومبين عليه فرحان موووووت
    طلع من السيارة واهو يسلم عليهم
    حمدان: صباح الخير يا اخواني
    الاثنين بظيج: الله بالنور
    حمدان: اشفيكم واهو يحط ذراعه على كتف نصور ها حبيبي نصور اشفيك خو قلبي؟
    ناصر واهو يباعد يد اخوه عنه: هاذي المينونه اختك. ماذيتنا روحو وتعالو. حطوا وشيلو. مللتنا اللي يقولون ريلها راد من السفر مو لد عمنا
    مشعل: حتى بيت عمي ماكو استعدادات كثر استعدادات بيتنا
    حمدان: هههههههههههه انتو نسيتو ان سمور وايد متعلقه في ولد عمنا اكثر منا يااخواني
    مشعل واهو يهز مفاتيح السيارة في ايده: والله ينخاف من بعد هالتعلق شنو بيطلعنا؟
    حمدان مشعل شهالكلام
    مشعل واهو للحين متظايج: ماعليك مني ما رقدت زين
    ناصر: يالله يا مشعل عشان تقطني بعدين بيت ارفيجي
    مشعل: تبي تشرد يالاربد هاا؟
    ناصر: اي اشرد انه اصلا بروح اشوف خدامتهم اليديده اللي طايح فشار بها جدام الربع
    حمدان: ههههههههه صج انك حمار
    ناصر ههههههه طالع عليك
    مشعل: ايا الملاعين لكن تدري عاد ما تنزل من السيارة قبل ما تخليها اتييب لي قلاص شاي من ايدها
    ناصر يهز راسه مثل الهنود: ان شالله بابا مشال
    حمدان ويلاه هم هنديه
    ناصر: انه هاذا اللي شاقني هنديه هههههههههههه

    وراحو مشعل وناصر لبيت عمهم بو حمد وحمدان دخل البيت واهو متونس كبر الدنيا
    لان ابوه اليوم كلم عمه بس اهو ما عرف اخر التفاصيل لان امه متصله فيه تبيه في شغله

    في بيت بو يعقوب الجو كان هادي ولا كانه حمد بيرد السفر يعقوب كان قاعد يم المسبح واهو ياكل في التفاح ليما خلص التوتر اليوم اللي فيه غير عن كل يوم لانه قرر انه يدق على سمر وصار له من الصبح للحين واهو يقول بدق عليها وبدق عليها مد يده حق سله الفواكه شافها خالية تافاف وقال في خاطره حزته هالتفاح يخلص مرت سارة عليه وشافته مكشر

    سارة: اشفيهم الحلوين مكشرين
    يطالعها يعقوب باحتقار
    سارة: هو اشفيك تطالعني جذي ماكله حلالك ويا ويهك
    ما رد عليها يعقوب وفر ويهه عنها
    سارة: الحمد لله والشكر اقول باي
    مشت سارة عنه بس اهو وفقها .
    يعقوب: سارووو
    سارة طالعته بنفس النظرة اللي كان يطالعها: نعم
    يعقوب: نعامه ترفسج ..وين رايحه
    سارة: وين بروح يعني بروح داخل البيت يالفطين
    يعقوب: بلا طواله لسان وياي فهمتي
    سارة: والله شراح تسوي يعني
    تقرب منها يعقوب واهو حمقان ومتنرفز وشد شعرها: بشق حلج هاذا اللي بسويه
    سارة تتلوى من الالم هدني يالكريه والله انك راعي مشاكل
    هد شعرها واهي دزته اشفيك انت ليش تشد شعري
    يعقوب بس كيفي
    سارة: لا والله
    يعقوب اي والله بعد اللي انت سويتيه تستاهلين اكثر من جذي
    سارة مستعجبة: اللي سويته شنوسويت انه
    يعقوب تتغيشمين ويا ويهج
    سارة: لا اتغيشم ولا غيره انه ما سويت شي الحمد لله
    يعقوب: وسمور الحمارة هم ما سويتي شي
    سارة مستغربه بس حست حالها فاهمه للي يقوله اخوها: اشفيها سمور الحمد لله ابخير
    يعقوب: انتي وين ايي الخير وياج ما تشوفين شسويتي فيها غيرتيها من فوق لحدر وتقولين مافيها شي
    سارة: اهاااااا ولا برايها اهي انه سويت اللي سويتيه مو غصبن عنها وانت ليش محتر والله ما عندك سالفه
    يعقوب: سارو بلا طواله لسان
    سارة: قول الا انت بلا سوالف فاضيه ما عنده لا شغل ولا مشغل وايي يتحرش فيني والله اللي سوته بنت عمي اعقل شي لمتى راح تعيش مثل الصبيان لا تعرف للبس البنات ولا غيره
    يعقوب: وانتي برايك اللي تسويه صح
    سارة: صح صح ونص
    ييعقوب: ذلفي ذلفي قيل لا احذفج في المسبح يالله ذلفي
    سارة: بروح ما يحتاي تقول لي مشت عنه لكن التفتت له مرة ثانيه لكن يااخوي لو انه مكانك جان عدلت من اسلوبي لانه ماراح ينفع
    يعقوب استعجب شقصدج يالملقوفه هاا.؟؟
    سارو مشت عنه واهو للحين يكلمها . شقصدها هالخبله؟ سؤال حاير لعب في مخه لباجي الصبح ليما اذن الظهر وراح يصلي وقرر يوم طلع من المسيد انه اول ما يوصل البيت يتصل في سمر

    وطبعا . مر الظهر والعصر . والليل ........................ ويعقوب للحين مااتصل

    بعد العشا في بيت بو حمدان مشعل وناصر كانو قاعدين يدندنون على العود وحمدان يالس حذال ابوه وابوه ما عطاه ويه ابدا حاقرنه وقاعد يتكلم ويا ام حمدان وناصر حس بان اخوه متوتر لذا راح وقعد يمه
    ناصر: ها بشر
    حمدان شنو؟
    ناصر:شقال ابوي
    حمدان:ماادري ولا اهوراضي يقول لي شنو رد عليه عمي وماعطني ظهره
    ناصر: هههههههه مسيجين اخوي
    حمدان بضيج: اووووف نصور مو حزة ذرابتك اللحين اوكيه
    ناصر: اوكيه اوكيه لا تبلعني
    ناصر: سكت نصور عنه وقام ويلس مرة ثانيه ويا مشعل
    مشعل: اشفيه حمدانو اليوم مو طبيعي كلش
    ناصر: هههههه
    مشعل: وانت بعد اشفيك استخفيت يالس تضحك لحالك
    ناصر:هههههه لو تدري جان انت بعد ضحكت
    مشعل: قولي عشان اضحك

    وقال نصور حق مشعل كل شي ومنها كل ماافتر حمدان حق نصور ومشعل شافهم يضحكون عليه واهو يزيد حمقه
    وما يازو عنه وقاوم يغنون عليه اغنيه : ااخ يا قلبي ياللي منشغل في هواهم دامهم ما يبونا ليش حنه نبيهم ليش نمشي وراهم ونتمنى رضاهم الله يا قلبي اغلى ليش نسال عليهم :
    حمدان ثور وخلاص قام . راح صوب ابوه وبدى يتكلم وياه
    حمدان: يوبا
    هلا يوبا
    يوبا ماقلت لي حمدان متردد لكن نظرات الملاعين مشعلو ونصور المستهزئة شجعته شنو قال لك عمي عن ..... عن ......
    عن ... عن ...... عن شنو
    يوبا الله يهداك ما تذكر
    لا مااذكر يا ولدي ذكرني
    حمدان حس ان الدنيا سكرت في ويهه لانه خلاص ما يقدر يسكت قلبه الولهان على بنت عمه
    يوبا تكفى لا تلعب بعصابي
    ههههههه والله ويا ولدي ماادري عن شنو تتكلم
    بس خلاص ماكو شي سلامتك
    قام حمدان من عند ابوه وويه مسكر وخاق لونه والدمعه شوي وتطلع من عينه ليما سمع ابوه ينادينه
    الاب: على فكرة يا حمدان
    التفت حمدان لابوه: نعم يوبا
    عمك عطاني كلمته عن موضوعك وموضوع بنت عمك
    ارتجف كل شي في جسم حمدان حتى خشمه: و شنو قال؟
    قام بو حمدان وويه حزين وهاذا اللي ارهق حمدان حييييييل اكثر من ما اهو مرهق فكره
    بو حمدان: قال لي . انت تفصل واحنه نلبس
    حمدان مااستوعب الكلام: شنو؟
    بو حمدان اشرق ويهه: وافق يالهيلق
    حمدان طار من الفرحه شنو وافق
    اي وافق اشفيك؟
    وسارة.... حتى سارة وافقت .؟
    قال بيسالها لكن اهي وين تحصل مثلك ياولدي
    حمدان طار من الفرحه وقام وحظن ابوه وباس يده مشكور يا بو حمدان عساني مانحرم منك
    ومشعل ونصور قاموا يباركو حق اخوهم وام حمدان قامت تيبب وحمدان الدنيا مو سايعته
    الكل كان مو جود الا سمر

    سمر كانت في غرفتها قاطه حالها على السرير والاغنيه تشتغل : غيت عني والشوق جابك عمري يالغالي هلا بك :

    واهي تبتسم حق الصورة كل يوم حبها يكبر ويكبر حق حمد وكل يوم قلبها يتوله اكثر واكثر حقه اااااه ياحمد .... قالت في خاطرها . لو تدري انه شكثر ولهانه عليك

    وقطعت افكارها رنه التلفون باغنيه راشد الماجد مشكلني حبك شافت الرقم ما عرفته بس تذكرت هاذا الرقم اهو نفسه الرقم اللي طق لها ذيج المرة واهي ما عرفته يوم كانت في بيت عمها بو يعقوب
    سمر الوو
    الطرف الثاني: .........
    سمر مرة ثانيه الوو
    الطرف الثاني: ........
    والله لك مزاج
    ..............
    وسدت الخط في ويهه واهي تقول بصوت واطي والله ناس فارغه وردت حق الاغنيه والصورة

    رن التلفون مرة ثانيه. وشالته سمر شافت انه نفس الرقم وقامت تتافاف
    سمر: الووو
    الطرف الثاني .........
    سمر: ما تردون
    الطرف الثاني ......
    سمر بعصبيه: صج قله ادب ..... وسدت الخط

    الطرف الثاني مثل ما تتوقعون محد غيره يعقوب اللي قام يرقع راسه بالوساده وشوي ويشقق هدومه واهو يتعفر على السرير ويقول في خاطره جبان جبان جبان

    الجزء التاسع
    ---------------------------------------------------------------------

    من بعد ذيج الليلة عزمت سمر اذا اتصل ذاك الشخص مرة ثانية راح تساعده بمشكلته وقالت هاذي المرة اذا اتصل بتكلم وياه عادي..

    وظلت تنتظر المكالمة طول اليوم الثاني وكل ما رن التلفون ما تخليه يكمل الرنة وترد عليه صار الوقت عصر وللحين الريال ما اتصل سمر بينها وبين نفسها قالت:: انه انسى السالفة احسن لي الظاهر انه كان يبي يسولف بس انه اقوم واروح بيت عمي احسن لي

    خلت السايق يقطها اول شي بيت عمها ابو حمد تسلم على ام حمد وتشو اخر اخباره وقعدت ويا وليد شوي تسولف وياه ولان وليد كان الوحيد المتوله مثلها على ردة اخوه حمد ظلت فاعده وياه لمده ساعة ونص وبعدين استاذنت منه عشان بتروح بيت عمها ابو يعقوب

    اول ما دخلت البيت شافت سارو تركض لها وتقول وقفي جنجال
    سمر ما فهمت عليها: شنو؟
    سارة ما عطتها ويه وطلعت بره تنادي على السايق: اي بابو انطر ويعه في قلبك وقفت السيارة وتكلمت ويا الهندي جم من كلمه وردت البيت سمر تنتظرها و اول ما دخلت هبشتها.
    سمر شصاير اشفيج
    سارة: لا ولا شي بس اوقف جنجال
    سمر: منو جنجال
    سارو: هاذا بابو سايقكم
    سمر ليش شعندج وياه
    سارة: بنتزوج شرايج؟
    سمر: بالمبارك الطيور على اشكالها
    سارة: ههههههه الله يقطع بليسج من صجج
    سمر: ماادري عنج تلاحقين ورى سايقنه ترى اقول لج حرمته عليها لسان و دعاوي توصل للسما
    سارة قلبي ويهج زين five minutes وانه راده لج
    سمر: على وين ان شالله
    سارة: ولا شي بس بنروح المجمع هناك شيوخ وعووش
    سمر: اووووووف
    سارة: يالله عاد يالشيخه يالطيبه من زمان ما طلعنا
    سمر: اي من زمان تونه قبل يومين رايحين المجمع ولا ناسيه
    سارة: اي ادري بس هالمرة البنات عازمينا
    سمر: عازمينج ولا عني انه لا ادانيهم ولا يدانوني
    سارة: لا والله يحبونج و اول من عزموا انتي
    سمر: يالله زين بسرعه لا اغير رايي
    سارة: بعد عمري والله بنت عمي
    سمر: يالله زين عن الحجي الزايد

    سارة راحت واهي تركض عشان تبدل وتتزهب ويطلعون والله هاذي سارو متفرغة انه يايه اقعد وياها واهي تطلعني صج جليله حيا)
    يعقوب اللي ما شاف النوم قام طلع من حكرة الحجرة اللي فارضها على حاله من بعد خيبة المكالمه ويا بنت عمه واول ما نزل من الدرج شافها جدامه وقلبه تولع نزل بالعدال واهو يطالعها واقفه بالصاله وماعطته ظهرها .......
    (شلابسه هاذي سال حاله يعقوب عن ثياب بنت عمه
    كانت لابسه تنورة جينز للركبه وقميص بني و بوت وشعرها لامته من فوق
    سمر حست ان احد واقف من وراها والتفتت له بسرعه وشافت يعقوبو المليغ على قولتها.

    سمر: طالع هاذا من وين طالع انت من السجن؟
    يعقوب: مو شغلج يالسحلية وانتي شلابسه ...
    سمر: مو شغلك
    يعقوب: انزين اشمييبج مو كانج لوعتي جبدنا 24 ساعة في بيتنا وبسبسة ويا سارو خاطري اعرف انتو عن شنو تتكلمون.
    سمر: وانت شعليك انه وسارو ربع بكيفنا نسولف اللي نسولفه انت مو شغلك وثانيا هذا بيت عمي وبيي الحزة اللي تعجبني وانت ما تتدخل اوكيه.

    توه يعقوب بيرد عليه ولكن رشود قطع عليه كلامه والهواش وياها
    راشد قام يصفر حق كشخه بنت عمه ويتغزل فيها
    راشد: واو ايه الشياكه دي يا بنت عمي حرام عليج عاد قلبي شوي شوي عليه
    سمر توجه الكلام حق يعقوب: طالع الناس شنو تقول مو ياي تهذر علي وما ادر ي شنو تقول
    راشد: ليش شصاير
    سمر توها بترد لكن يعقوب قطع عليها
    يعقوب: ان كان على الكلام الحلو اقول لج لا تحلمين تسمعين كلام حلو على المصخرة اللي ممصخره حالج بها
    سمر بكل كبرياء: من الحرة والواهي
    يعقوب: حرة حرة من تنورة بلييييييز. هاذي اذا قدرنا نسمي اللي عليج تنورة.
    سمر بنرفزة: بليز واللي يرحم والديك انت روح طالع شكلك بالمنظرة قبل اللي يشوفك يقول قاتل لك قتيل ولا ما ادري شنو.
    يعقوب بصوت واطي وعندج عين تتكلمين عن القتل يالمجرمة
    سمر ما سمعت اللي قالته: شنو شنو شنو شنو قلت
    راشد يحاول يهدي الوضع بيناتهم: يا سمر اخوي ما قصده شي بس خبرج اهو مو متعود عليج حلوة جذي
    يعقوب: رشود ......
    سمر: اي والله مو متعود عمره ما شاف بنات ولا كلم بنات ولا عرف شنو معناة بنات
    يعقوب: بنات مثلج ماابي اشوف منهن. زين؟
    سمر واهي تمشي عنه والله كيفك انت الخسران
    يعقوب تضايج حيل منها وما رد عليها وراح المطبخ واهو يتوعد فيها وسمر واقفه مع راشد وسارو لحقت عليهم وطلعو مع بعض

    ابو يعقوب كان يتكلم ويا ام يعقوب يوم دخل يعقوب عليهم بالميلس
    يعقوب: السلام عليكم
    ام يعقوب وابو يعقوب: وعليكم السلام
    ام يعقوب: بسم الله الرحمن اشفيك يعقوب يمه
    يعقوب: مافيني شي يمه سلامتج
    ام يعقوب قامت له
    =لا يكون مريض ولا شي
    -لا يمه مافيني شي .شويه ارهاق ويعدي
    =سلامتك يمه تبيني اسوي لك شي
    -لا يمه سلامتج ماابي شي
    =انزين انه اروح اسوي لك شاي يالنعناع يمكن يخف عليك
    -على راحتج يمه
    =اوكيه حبيبي انت بس اقعد هني ويا ابوك وانه اسويه لك
    -ان شالله يمه
    =اسم الله عليك يا وليدي . حبته على يبهته وراحت المطبخ

    بو يعقوب يطالع ولده من يوم دخل الميلس ولا تكلم له بس يوم شافه شارد حاجاه
    بو يعقوب: خير يا وليدي عسى ما شر
    -الشر ما ييك يوبا ما فيني شي
    --الا فيك طالع ويهك مو حالق ولونك اصفر وصار لك يومين ما ييت الشركة
    -لا يوبا بس شوي كنت مشغول ويا الخيول . تعرف موسم الولادة هاذا ولازم اهتم فيها شوي
    --اي يوبا بس مو على حساب روحك طالع ويهك اللي يشوفك يقول مريض
    -لا يوبا سلامتك مافيني شي
    وقام يعقوب طلع من الميلس ولا شرب الشاي اللي امه سوته له واهو حاس ان الدنيا مسكرة بويهه ......

    دخل داره وسكر الباب وقعد يدور على جهازه و لقاه تحت الوسادة لانه كان ينتظر ان سمر تتصل فيه لكن ما اتصلت فيه ولا عبرته وشكلها بعد ما عرفته

    توه بيروح الحمام الا ويدق جهازه وخطفه بسرعه عشان يشوف الرقم الا طلع ارفيجه سلطان
    يعقوب: هلا سلطان
    سلطان: انت يا اخي وينك صار لنا يومين ما شفناك لايكون ضايع
    يعقوب: لا والله بس قاعد بالبيت
    سلطان والله قاعد بالبيت يالله قوم بسرعه تزهب بنمر عليك انه و الشباب بنروح المجمع
    يعقوب: روحو انتو انه مالي خلق حتى اطلع بره غرفتي
    سلطان: هاه شهالكلام يالله تزهب لا اشق حلجك الحين
    يعقوب: ههههه
    سلطان طالع هاذا يالله بسرعه عندك ربع ساعه
    يعقوب: اوكيه انه ناطركم
    سلطان: باي
    يعقوب: بايات

    سد الخط يعقوب ودخل الحمام يحلق ويبدل ثيابه وفي باله ان خلاص ما راح يفكر في سمر اكثر وانه لازم ينتبه حق اشغاله وحياته مثل قبل.

    الساعة اللحين 8 بالليل وسمر وسارة للحين بالمجمع ام سمر اتصلت ببيت بو يعقوب عشان تسال عن بنتها وجاوبتها ام يعقوب انه العيال كلهم راحوا المجمع يتسوقون .

    بس سمر من كثر ما كانت ملانة ما اشترت ولا شي حتى الاكل ما اكلته وكانت كل شوي تكلم بنت عمها عشان يردون البيت بس سارة اللي كانت لاهية بالجو تسترجيها عشان تقعد وقت اطول.

    يعقوب وربعه كانوا بعد بالمجمع نفسه بس قاعدين بكوفي شوب ثاني سلطان اللي حاول يطلع يعقوب من الجو اللي كان حابس حاله فيه عجز منه وخلاه بحاله .

    كل اللي كان يفكر فيه يعقوب اهو بنت عمه. يا محلاها اشكثر حلوة و دلوعة وعصبية وشكثر قلبها جاسي ما تراعي قلبه ولا تسال عنه بس اهي لو تعرف اني اموت فيها جانزين بس للاسف انه عمري ما عطيتها الفرصة انها تتعرف علي بطريقة احسن من جذي. وقرر في نفسه انه اذا شافها مرة ثانية بحاول انه يعدل من اسلوبه وياها

    كان يعقوب سارح في افكاره يوم يو ربعه سلطاني وزيد واهم مستانسين ايستغرب يعقوب منهم .

    +شالسالفه كل واحد شاق حلجه من الوناسه
    -وين الواحد ما يتونس يا حبيب قلبي والعين تشوف كل هالحلا والجمال
    +الحمد لله والشكر انت مو صاحي
    =لو تشوف الى شفناه يا بو يوسف جان سويت مثلنا واكثر

    يعقوب حس بالاثارة من اللي قاعدين يقولونه

    +اشوف منو؟؟
    سلطان يتكلم وموجه كلامه حق زيد
    -شنو غزال؟
    =احلى من الغزال
    -شنو حلوة
    =احلى من الحلا

    حس يعقوب بالظيج لانهم مو راضين يشاركونه بالموضوع

    +يالله عاد تكلم لا ادوسك

    سلطان يطالعه بنظرة عتب وملام

    -مو انت حاقرني طول الطلعة خلك ما تدري قلعتك
    +هههههههههه يالله عاد بو قلبي لا تزعل

    سلطان عجبه دور الحريم وزيد في دلاله واهو يقول له ماني ماني
    يعقوب قرب كرسيه من كرسي ارفيجه اللي ما عطه ظهره واهو يرجى فيه ويتذلل

    +يالله عاد حبيب قلبي سليطين انه يعقوب ما تقول لي
    طالعه سلطان ويحذر فيه
    -تبطل حركات مراهقين
    +بطلنا
    -ترفع هالبراطم الممدودة بشبر اللي يقولون جميل جمال
    +ههههههههههه ولا يهمك

    سلطان والاثارة ماخذته يالله قوم بوريك

    سلطان ويعقوب كانوا يتمشون ليما وصو الكافي شوب اللي كانت سمر وسارة وارفيجاتها قاعدين فيه . سلطان قعد ياشر على مجموعة البنات يبي يبين ليعقوب البنت الحلوة اللي يتكلم عنها بس يعقوب ما يشوف شي من الزحمه

    +وين مااشوف شي
    -كاهي يا ولد الناس قاعدة ومبوزة مثلك

    يعقوب واهو يدور على البنت اللي يتكلم عنها سلطان لمح سمر يالسة بنفس الكوفي شوب يعقوب سرح واهو يطالع سمر وايشوفها حزينة ويسال حاله اشفيها زعلانه

    -واخيرا شفتها
    +............
    -يعقوبو
    +...............

    التفت سلطان جق صديقه

    -اشفيك انت

    انتبه يعقوب حق ارفيجه

    +نعم ما سمعتك
    -انت اشفيك؟ من مساعة للحين وانه ااشر على البنت ولا شايفها
    +هاا لا ولا شي بس كنت
    -ماعلينا شوفها كاهي اللي لابسة قميص بني وشعرها مرفوع

    يعقوب بسرعة التفتت للي وصفه سلطان وانصدم
    ايا الخسيسين ايا الحقيرين تتمنظرون في بنت عمي يا عيال الحرام . انه اوريكم
    سلطان للحين ما شال عينه لكن يعقوب وقف له واهو واصل حده من الحمق وشوي ويرفس سلطان. سلطان حس بغيابه والتفت له واهو يضحك..

    -ها شرابك؟
    +ممكن اسالك سؤال؟
    -شنو؟
    +انت تعرف انت قاعد تطالع منو؟
    -منو وسلطان يطالع مرة ثانيه للبنت
    +انت قاعد تطالع بنت عمي .............. اللي قريبا ان شالله راح تكون زوجتي

    سلطان انصدم والتفت حق يعقوب. يعقوب بنفسه انصدم من اللي اهو قاله بس ثبت شكله واهو يطالع سلطان باحتقار

    -قول والله؟
    +يعني تبيني احلف لك
    -هاذي البنية ......خطيبتك؟؟
    +زوجتي المستقبلية ان شاء الله

    سلطان تغيرت الوانه ما يدري شنو يرد على يعقوب ويعقوب ينتظر كلمة وحدة من ارفيجه عشان يفقد اعصابه ويرفسه

    -انزين يا ولد الحلال انت ما قلت لنا وثانيا انا شدراني انها بنت عمك حسبالي بنت ثانية
    +يعني حتى لو بنت ثانية عيب تبقق عينك فيها جذي
    -انظر من يتكلم؟ انت لا يكون نسيت روحك ان كنت ناسي اذكرك؟ يالله
    عاد بو يوسف ؟ لا تزعل منا احنه ربع وان شالله ما يتكرر الغلط

    يعقوب هدا اعصابه وفكر في انه ردة فعله مبالغ فيها

    +لا لا عادي بس مرة ثانية لا تكرر اللي سويته
    -سلطان باستعباط: شنو اللي سويته؟
    +يعقوب بقلة صبر: سلطااااااان
    -سلطان واهو يضحك: اوكيه اوكيه ههههه والله وانك فلفل يا يعقوب يالله انزين خلنا نرد مكاننا.
    +رد انت انه بتمشى شوي وبرد لكم.
    -لحالك؟
    +اي لحالي اي مشكلة؟
    -لا لا ماكو مشاكل بس لا تصيف علينا بعد ساعة راح نمشي من هني
    +اوكي
    -اوكي

    وافترقوا الرفيجين...
    يعقوب كان يدور زاوية خالية من الناس عشان يطلع القهر اللي فيه وتخيل حاله لو ان سمر وياه بهالحزة جان كفخها. يلس على احد الكراسي بالطابق الثاني بالمجمع ورفع تلفونه عشان يتصل في سارو ويزفها لكن لاا........!!
    (ليش ما اتصل في سمر وحاست الفكرة في راسه ليما طلع رقمها ودق عليها .

    طووووووط طووووووط

    سمر تطالع تلفونها من غير نفس بس يوم شافت الرقم الغريب فرحت وبسرعه شالته
    سمر يعقوب: الووووو
    سمر اضحكت على ردة فعلها ويعقوب تفاجا منها وابتسم
    يعقوب: دوم الضحكة يا ربي
    سمر: شكرا
    +شلونج شخبارج
    ==الحمد لله ابخير وانت
    +انه ... زين

    سمر حست بضيجه..

    ==مو من قلب تقولها
    +لا سلامتج بس شوي تعبان نفسيا

    سمر حزنت شوي عليه وفكرت لا يكون للحين ما انحلت مشكلته بس استصعبت انها تساله

    +خبرج للحين ما انحلت مشكلتي

    سمر حمدت ربها ان اهو اللي فتح مو ضوع المشكله مو اهي

    == والله
    +اي والله
    ==انزين قول لي المشكله يمكن اقدر اساعدك

    يعقوب قال في نفسه ذاك اليوم تبين تشردين من السالفه واللحين...
    سمر قرات افكاره ==وقالت: انه ادري اني ذاك اليوم ما حبيت ادخل حالي بمشكلتك بس انه وايد فكرت بالموضوع من امس للحين وقررت.

    +شقررتي
    == .. قررت اني اسمع مشكلتك واشوف اذا اقدر اساعدك ولا لاء

    يعقوب شق حلجه بايتسامه وقال في قلبه هياااااااااااااا)
    رد صوته حق طبيعته-: للحين انه اقول لج براحتج يا اختي ما ابي اضيق عليج.
    ==سمر بسرعة: من راحتي لا تخاف محد غصبني

    يعقوب الدنيا ما سعته من الفرحة والوناسه توه كان يبي ينتحر واللحين شنو حصل.. والله وان الدنيا عجيبة
    ==سمر: الوو
    +يعقوب اللي ما انتبه حق كلامها هاا .سوري شوي انه مشغول ويا ربعي ==سمر اخليك يعني وبعدين ادق عليي

    يعقوب تذكر ربعه انه خلاهم ويا هني بس اقتراح سمر عجبه لانه مو ماخذ راحته: يكون احسن .
    سمر: يالله عيل اخليك اللحين
    يعقوب وقلبه ما يطيعه): بالسلامة
    توه بيسد الخط سمع سمر تناديه
    سمر: لو سمحت؟
    يعقوب: هلا وغلا
    سمر استحت وقالت ما عرفت شنو اسمك
    يعقوب جف حلجه ما يدري شنو يقول لها بس بسرعه طلع اسم: سعد
    سمر: هلا وغلا سعد عاشت الاسامي. انه سمر
    يعقوب: والنعم ادري
    سمر استعجبت ويعقوب عظ لسانه
    سمر: نعم؟
    يعقوب: اقصد ادري انه اسمي حلو . بس سمر احلى بوايد
    سمر تفكر والله وانه رقله): شكرا ما تقصر. يالله مااطول عليك
    يعقوب: بالسلامه
    سمر: الله يسلمك

    طوووووووووووووووو وووووووووووووو وووو وط

    يعقوب ما صدق حاله وقعد مكانه يطالع التلفون اللي بايده. سمر تكلمت وياي مااصدق سمر تكلمت وياي وما عرفتني ياربي وفقني ياربي وخلني اكسب قلبها العنيد ..... واهو يفكر بسمر طق تلفونه
    يعقوب من دون ما يشوف الرقم شاله علباله سمر: هلا وغلا
    سلطان: هلا فيك
    يعقوب باستعجاب: سليطين؟
    سلطان: اي يبا سليطين شعبالك عيل نانسي عجرم؟
    يعقوب: والله لو تموت ما تصير مثل نانسي عجرم
    سلطان: ادري يا روح امك يالله بسرعه رد من وين ما انت
    يعقوب: ليش شصاير؟
    سلطان: لا ولا شي بس بنروح ديوانيه بيت زيد احسن من هني
    يعقوب برايكم
    سلطان يالله ننظرك
    يعقوب: باي
    سلطان: بايات

    يعقوب رد للكوفي شوب بعد ما قعد وتمنظر بالكوفي شوب اللي كانت سمر يالسه فيه وتكلمه بس ما شاف احد شكلهم ردو البيت...


    بطول دربهم لديوانيه زيد يعقوب ما كان يفكر الا بسمر وبعدين لين برد البيت ويدق عليها

    +يعقوب
    سلطان
    =زيد
    == سمر

    الجزء العاشر:
    -------------------------------------------
    الساعة 2 بالليل وسمر للحين ما ياها نوم. طبعا افكارها مثل ما اهي حمد ولد عمها وييته بعد سبوع شراح يصير شلون شكله راح يكون شنو راح تكون ردة فعله . يااااااااه ليما ايي حمد الكويت سمر راح تفقد اعصابها .

    غمضت عيونها واهي تستعد حق النوم لان الوقت طافها وايد واذا بتلفونها يرن... شافت الرقم الغريب وتذكرت انه قال بيدق عليها بالليل بس اللحين داق الناس ليل

    سمر: الو
    يعقوب: صباح الخير
    سمر: صباح النور
    يعقوب: لا يكون صاحية تنتظريني
    سمر: لا والله كنت توني برقد وانت دقيت علي

    يعقوب حس باحباط وقال في خاطره ما تبي تكلمني

    يعقوب: بس عيل اخليج ترقدين وترتاحين ومرة ثانيه ادق عليج
    سمر استوت في قعدتها: لا لا شنو تدق علي لا خلك ما فيني نوم اللحين خلاص راحت النومة

    يعقوب ما صدق عمره : يحليلها بنت عمي

    يعقوب: متاكدة
    سمر: الا متاكده
    يعقوب: انزين شخبارج بعد .؟؟

    وظلوا يسولفون ويا بعض وسمر مو حاسة بالوقت ويعقوب عايش بعالم ثاني عالم ما يعيش فيه الا اهو وسمر سمر حست بالتعب من كثر الكلام وياه مع ان سوالفه ما تنمل لكن اهي اللي بغت تعرفه شي واحد لا غير مشكلته

    سمر: الا ما قلت لي يا سعد؟
    يعقوب: منو؟ اي اي لبيه
    سمر: شنو اهي مشكلتك انه من مساعه للحين وانه اهذر عليك بس نسيت سالفتك بالمولية

    يعقوب في خاطره يقول : شياب للي ياااب من وين اطلع لج سالفه اللحين .. بس قرر انه يقول لها الى يصير له وياها من دون ذكر اسماء ولانها ما تعرف شي عن يعقوب ما راح تشك

    يعقوب: بسمعج قصه وانتي عطيني رايج..
    سمر: قول
    يعقوب: السالفه وما فيها ان عندي صديق وايد وسيم ..واايد غنوج وكل من يحبه
    سمر: اها
    يعقوب: من يوم واهو في سن 19 اغرم ببنت عمه وبنت عمه هاذي اصغر منه ب6 سنين واهو كان وايد يتهاوش وياها ويتزاعلون وايد تتنقرش فيه ليما تطير مخه من راسه

    سمر شكت في السالفة هذي القصة مو غريبة عليها ولو انها ما تعرف من اللي يقصده بس هاذي الحالة تشابه حالة تعرفها. بس ما حبت انها تقاطعه وايد .

    سمر: كمل
    يعقوب: هذا ارفيجي ظل مثل ما اهو مشاعره و احاسيسه كله تنشد ببنت عمه بس اهو ما يرضى يتنازل لها لانها وايد شيطانه وراكبة راسها

    سمر تقول في بالها : لا عيل ترخي له الحبل::

    سمر: انزين
    يعقوب: واللحين مرت عليه 3 سنوات واهو حاير وياها ما يدري شنو الحل
    سمر: وبعد.......

    يعقوب حس بضيج الايام كلها يرد له بهالحزة حتى سمر حست بظييج كبير لان الشخص كسر خاطرها

    يعقوب: الحين بنت عمه صار بنت كبيرة وتلبس مثل البنات وتتكلم مثل البنات حتى تصرفاتها صار مثل تصرفات البنات بعد ما كانت من احلى ما يمكن.
    سمر والنوم تارس عينها: وبعد
    يعقوب: شاقوللج
    سمر: اللحين شنو صار وياها؟

    يعقوب سكت شوي وراح صوب الستريو وشغل اغنيه نوال "" شمس وقمر"" وسمر سمعت الاغنيه وراحت ويا الالحان يعقوب سمعها تغني ويا الاغنيه

    يعقوب: تحبين نوال.
    سمر: ومن ما يحبها؟
    يعقوب: خووووش
    سمر بتعجب: شخوشه
    يعقوب واهو يضحك: ذوقج مثل ذوقي
    سمر هههههههه الحمد لله ولا انه ذوقي مستحيل

    يعقوب يقول في خاطره:: ادري يا بعد عمري ادري :

    سمر تقطع افكاره: انزين كمل
    يعقوب: وين وصلت ...... اي الحين اهو يبي يصارحها بس غروره ما يسمح له وبعد ...... خوفه
    سمر: من شنو؟
    يعقوب: منها
    سمر: ههههههههه
    يعقوب: ليش تضحكين؟
    سمر: ريال شكبره يخاف من بنت .
    يعقوب: انتي لو تعرفينا جان انتي بعد بتخافين منها
    سمر: والله انها المراة المتوحشة
    يعقوب: ههههههههههه الا اكثر
    سمر: والله وانه ماعطها ويه انه مكانه اطرقها بطراق ما تبي غيره

    يعقوب كان يضحك من قلب. لو تدرين يا سمر انها انتي جان ما قلتي اللي قلتيه ههههههههههههههههه هههههههه

    سمر: دومز
    يعقوب: ههه شنو
    سمر بحيا: ضحكتك دوم ان شالله
    يعقوب بكل جديه معاج ..

    سمر حست انه طاف الحدود وياها وردته حق السالفة

    سمر: انزين ما كملت لي شصار اللحين؟
    يعقوب: اييييييه للحين يحاول وياها بس اهو وايد افكر انه ينساها ويشوف له وحدة غيرها
    سمر: بس اهو ما يعرف شنو حقيقة شعورها تجاهه شلون يقرر هالقرار؟
    يعقوب: سيماهم على وجوههم
    سمر: لا تقول جذي ... تدري؟
    يعقوب: شنو؟
    سمر: ممكن اقترح شي وتوصله حق رفيجك؟
    يعقوب: ما طلبتي يا طويله العمر
    سمر: مشكور ... خله يقول لها عن شعوره. ويشوف بنفسه ردة فعلها
    يعقوب: اممممم انتي تشوفين جذي
    سمر الا اشوف اكثر بعد بس ارفيجك على حلاته مثل ما تقول لازم يطلع فطين ويعرف شلون يسحر بنت عمه المتوحشة..
    يعقوب: ههههههههههه لو يسمعج بس
    سمر: ههههههه اي والله

    ......
    يتبع

  9. #9
    اميرة زماني غير متصل طالب ابتدائي
    تاريخ التسجيل
    Jun 2007
    المشاركات
    107
    Thanks
    0
    شكر 0 مرات في 0 مشاركات
    مشكوره على التكملة
    بس كمليها ياقلبي

  10. #10
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    تسلمين ياقلبي..
    مشكوره لمرورك ومتابعتك..وانشاء الله راح اكملها

  11. #11
    صورة الوحيد 2007
    الوحيد 2007 غير متصل يحضر الماجستير بالشغب
    تاريخ التسجيل
    May 2007
    الدولة
    الرياض
    المشاركات
    928
    Thanks
    0
    شكر 0 مرات في 0 مشاركات
    ملكة بكبريائي
    وين التكلمة تراكي حمستينا وما اقدر اصبر
    ومشكووورة على القصة صراحة ما ندمت اني دخلت وقريتها

  12. #12
    صورة r-k-a-y
    r-k-a-y غير متصل صعب اننا نوصفه
    تاريخ التسجيل
    Aug 2007
    الدولة
    عالمي الوردي
    المشاركات
    3,449
    Thanks
    0
    شكر 0 مرات في 0 مشاركات
    بلييييزز كمليهاا...

  13. #13
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    اقتباس المشاركة الاصلية كتبت بواسطة الوحيد 2007 مشاهدة المشاركة
    ملكة بكبريائي
    وين التكلمة تراكي حمستينا وما اقدر اصبر
    ومشكووورة على القصة صراحة ما ندمت اني دخلت وقريتها

    تسلملي وعلشان خاطرك راح اكملها اليوم
    ومشكوره لمرورك

  14. #14
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    اقتباس المشاركة الاصلية كتبت بواسطة r-k-a-y مشاهدة المشاركة
    بلييييزز كمليهاا...

    انشاءالله راح اكملها اليوم
    مشكوره لمرورك

  15. #15
    صورة *ملكه بكبريائي*
    *ملكه بكبريائي* غير متصل يطلع بدون استئذان
    تاريخ التسجيل
    Nov 2007
    المشاركات
    321
    Thanks
    0
    شكر 0 مرات في 0 مشاركات
    اليوم راح انزل الجزء 3 وانشاء الله يعجبكم بس ماتبخلو على ردودكم
    الجزء [3]
    سمر ثتايبت وحست انها خلاص بتموت من التعب

    سمر: سعد اللحين انه استاذن منك عيني من الرقاد سكرت خلاص .
    يعقوب واهو يتثايب: وانه وياج بعد
    سمر: يالله عيل سو اللي قلته لك وخبرني النتيجه

    يعقوب ما صدق. اهي متوقعه انه ما راح يقطع عنها باتصالاته .. هياااااا

    يعقوب ما طلبتي شي
    سمر: واللحين يالله انه متاكده ان باجر وراك دوام وانت مشغول كفايه..
    يعقوب ما انشغل عنج يالطيبة
    سمر: ما تقصر يالله تصبح على خير

    يعقوب يطالع الجو من الدريشه..
    يعقوب: الشمس طلعت .
    سمر اي والله ههههههههه. يالله احلام سعيده
    يعقوب: ولو انها ما بتحقق
    سمر: بحكمه الله راح تتحقق يالله مع السلامه
    يعقوب: في حفظ الباري ورعايته

    طوووووووووووووووو وووووووووووووو وووو وط

    سد الخط يعقوب وانسدح على ظهره واهو يطالع السقف . ما كانت بعيونها الا صورة سمر . اشكثر احبها .. اي والله احبها . وعمري ما راح احب حد مثل مااحبها ................ والله يعيني ليما اكسب محبتج
    **************************************



    الفصل الحادي عشر
    ----------------------------------

    مر الاسبوع واليوم الخميس سمر كانت باقصى حالاتها من التوتر والخوف ما كان يهديها شي غير اتصالات سعد يعفوب اللي كان ينسيها ولو شوي احساسها بالخوف والشك مع انها ما فاتحته بالموضوع الاانها معزمة تطالب رايه

    سارة بنت عمها قلت زياراتها لسمر لانها اهي الثانية مشغولة اللي تحبه بيرد من السفر باجر وهما متواعدين يتلاقون بعد مدة من ما يوصل البلاد بالسلامة.

    حمدان كان عايش بدنيا ثانيه حبه لبنت عمه كل يوم يزيد عن سابقه مع ان ابوه قرر انه يتقدم لها بصورة رسمية حمدان طلب من ابوه ان ينتظر ولد عمه حمد عشان تكبر الفرحة .ااه يا سارة لو تدرين انتي شنو بالنسبه لي .

    وحمدان عايم بافكارة دخلو عليه الشباب ناصر ومشعل وراشد .

    حمدان: الله الله الله .. شمييبكم انتو هني الناس تشتغل مو مثلكم.
    ناصر: خس بويهك يالزطي احمد لاربك يايين ناخذك بدل ما تشيلني وتلمني وتقول لي وحشتني يااخوي مادري عنك انت وين من جم من يوم.
    حمدان: هههههههههههههه اقلب ويهك زين انت محد يدري انت وين تقعد لو احد يدري جان ما ولهت عليك امي جذي.
    ناصر: انه وامي كيفنا انت مالك شغل.
    مشعل: يالله يااخوي قوم نطلع ما مليت من حكرة المكتب اعنهبو دارك ما بتطير الشركة
    حمدان: وين بتروحون؟
    راشد: طالع هذا اسكت كل دقيقة محسوبة عليك ياه ما تقومونه هالسمت.
    راشد: اي والله سمت يالله قوم يا بو زينه خلنا نروح ورانا اشغال وايد
    حمدان: شوفو انه مااطلع ويا مراهقين نادوا يعقوب عشان يطلع ويانا
    ناصر: اي والله انه ما راح اطلع من دون حبيبي ولد عمي
    راشد: هاذا ان قدرتوا تكلمونه .
    مشعل: ليش للحين حابس حاله
    راشد: لا اخوي المحترم مشغول بوكاله السيارات هالايام وما عنده وقت حق اي شي اكله وشربه بالمكتب وقعدته بالبيت محسبوه بالدقايق ولا كل حزة قبض لك التلفون وقام يدق يدق رنات وبعدين يختفي لين احد اتصل له.
    حمدان: شكله ولد العم محصل له وحده فارغة تسولف وياه
    مشعل: الا قول محظوظ مو عيل انه ملاحق هالسحليه من مكان لمكان
    ناصر: عيدها وربي ابيك تعيدها عشان اشق حلجك

    كلهم تيمعوا عليه وبين قزم جدامهم

    ناصر: لكن انه اللي اوريكم ويا خشومكم ك واحد قابظ ليطول اعنبو ولا برج التحرير يالله زين انه بروح حق ولد عمي حبيبي
    راشد خذني وياك عن هالشيبه حمدانو
    مشعل: وانه وياكم ويالله ياحمدان عندك خمس دقايق
    حمدان انطروني شوي اعنبو بتشرد الطلعه
    ناصر: وانت الصاج الا هل الطلعه هههههههههه

    رشود ونصور اللي ضحكوا ولا مشعل وحمدان مسبهين ما يدرون بالسالفه

    دخلوا كلهم على يعقوب من دون ما يعتبرون حق السكرتيرة فتوون اللي راشد بكل جدية معجب فيها كبر راسه بس حمدان جره لداخل مكتب يعقوب الل انصدم من دخلتهم

    يعقوب: بسم الله من وين طالعين انتوا هني شركه مو ديوانيه ام زيدان
    ناصور: هههههههه حلوة ذي ام زيدان
    يعقوب: جب زين ما تقولون لي شمييبكم هني
    راشد اووووووهوووووو احمد ربك احنه يايينك هني نبي نطلعك
    مشعل: اي والله يا يعقوب ملينا من الشغل واليوم الخميس يعني اللي ما يطلع يخيس
    ناصر: انت كل خميسيه ما تطلع يعني كل خميس تخيس
    مشعل: جب زين لا ماكو نانسي عجرم السالميه
    ناصر: تكفى الا نانسي
    راشد: منو نانسي السالميه ذي
    ناصر بكل شاعرية واهو ايود على قلبه ويطالع جدامه: هاذي الى ليما تشوفها تغني غصب يالابس الثوب المنقط واسمك ياحلو مافيه نقطه
    مشعل: هاذي اسمها عاد اللي منقط
    راشد وحمدان هههههههههههه اي والله اي والله
    ناصر: يالله عاد يا يعقوب خلنا نحجز لنا ذاك الشاليه اللي ماعليه شاليه ونقضي الليله صباحي
    يعقوب: انت يالمراهق الزطي والله محد بيودينا في داهية الا انت
    حمدان: يالله عاد يا يعقوب والله انك اذية
    ناضر: وهاذا انه اللي قايل ما بتحرك من دون ولد عمي حبيبي راعي الجحيله
    يعقوب: ههههههه جحيله بعينك يالله فارجوا وراي شغل
    حمدان ومشعل وراشد وتاصر كلهم في حشرة وحده يترجونه يطلع وياهم يعقوب ما تحمل الصوت اكثر وقال بصوت مرتفع.

    يعقوب: انزين انزين والله وانكم فوضى وميهب ا تشتغلون بسوق اليمعه انتو

    ناصر قبض ولد عمه رشود وقال بصوت واطي : والله وانها فكرة؟
    رشود اقلب ويهك يا جليل الحيا
    حمدان: شهالبسبسة يا غربال الله فينا
    ناصر ها ولا شي بس افكر بالديرم
    مشعل: شنو
    ناصر بهبال: ها ها لا اقصد بنانسي

    ووجه كلامه حق يعقوب: يالله ياولد عمي تكفى عن الشطانه واللعانه
    يعقوب: يود لساننك لا ااحشه لك حش
    ناصر: ان شالله بس انت وافق
    يعقوب: انزين بس نرد بنفس اليوم لاتنسون باجر حمد ولد عمي بيرد من السفر ومافينا شده زعل عمي بو حمد علينا
    الشباب بنفس الوقت: ولا يهمك

    يعقوب ضحك وعدل اغراضه وطلع وياهم.

    سمر كانت قاعده بالبيت يوم اتصلت فيها سارة..
    == هلا هلا بالقاطعة
    = منو انه ولا انتي
    == جبي زين يالسباله اوريج يالميهوده
    = هههههههه يالله عاد سمور شخبارج
    == بخير الحمد لله بس بموت من الفرحة
    = ويه حتى انه
    == ما بغينا والله يا بنت عمي
    = اي والله اي والله اشهد انج ما خبتي يا بنت العم
    == ههههههه اشفيج عبلو
    = لههههههههه لا ولا شي بس وايد مستانسه
    == دومز
    = اجمعين الا اقول لج شرايج نروح نشوف لنا فلم حلو جذي بالسينما
    == والله فكرة بس ان عزمتي الهيالق ربعج انه ماني رايحة.
    = لا والله بس انه وانتي لانهم ما ينفعون
    == ليش اي فلم بنروح
    = يا بعد روحي هريتيك روشن نزل فلمه اليديد
    == يا بعد قلب بو عيون خضر
    = اي ولله خلينا نروح ونتحسر شوي ونحفظ لنا جم كلمه
    == هههههههههه اوكيه يالله متى بتمرين علي
    = بمر عليج الساعه 2 بنتغدى وبندخل الفلم مباشرة..
    == بتيين ويا السايق ؟
    = لا عندي سيارة يعقوب.
    == ليش اهو وينه
    = لا طالع ويا الشباب كلهم
    == شعندهم
    = ههههه عربده يوم الخميس
    == هههههه والله وانتي الصاجه
    = يالله عيل راني
    == على خير رينا

    وسدوا الخط ..................


    الفصل الثاني عشر
    ================

    اليوم حمد بيرد من السفر. يا الله ما اصدق حالي شنو ممكن اسوي شنو ممكن اقول ويوفي بحق هذي السنين كلها 3 سنين ونص ولا كلمته فيها ولا شفته مر الوقت بهدوء بالرغم من المشاعر اللي تغلي فيني

    يا قلبي هدي من وتيرك خل تباه بالهوا يجي لك
    خفف الدقات ببطنوك ولا تلوع الخفوق بمواجيعك
    شروات حبيب القلب ما تلاقي رفرف يا قلبي باسم وليفك

    الساعة خمس الفير وسمر للحين ما اتصلت بيعقوب واهو اللي من رد من الشاليه ظل يتصل فيها بس جهازها كان مغلق تحير ليش مقفول تلفونها؟ اهي ما تدري انه راح يتصل فيها شهالاستعباط
    وصلت الساعه 6 ويعقوب يالس واهو بناره يطالع التلفون بكل غيض ولو على وده يحذفه من البلكون ويكسره واول ما شاله عشان ينفذ اللي في باله وصله مسج فتح المسج
    (. ظروف عائليه ما راح اتصل اليوم اشوفك على خير..)
    نزل يعقوب اتلفون ونزل وياه راسه بس بعد راح ووقف بالبلكون وقعد يطالع السما وماكو في باله الا اسم واحد
    ح م د


    الساعه 7:30 الصبح وبيت بو حمد فوضى ام حمد يالسه توري الفحم عشان تبخر البيت ودار ولدها الغالي ووليد قاعد يتزهب عشان يروح ويا ابوه المطار والدنيا مو سايعته ابوه المطار والدنيا مو سايعته اخوه الغالي بيرد من السفر من بعد سنين طويله فرقى وغربة شلي يصبرني للساعه 10

    توه وليد بينزل تحت الا وتلفونه يرن سمر متصله ابتسم بمكر وسكره بويهها نزل تحت والتلفون يرن هم سمر واهو في مزاج رايق انه يعصبها ويلعوزها وسكره مرة ثانيه رن مرة ثالثه وتوه بيسكره بس كسرت خاطره سمر اللي اللحين قاعده على نار تبي تعرف اخبار حمد. قرر يجاوبها

    سمر: الو وليدو
    وليد: هلا هلا سماري
    سمر بعصبيه كل تبن زين؟
    وليد: هههههههههههه ليش عاد؟
    سمر: وتسالني ليش من مساع وانه ادق عليك وانت تسكره بويهي صج قليل ادب
    وليد: انه اسف وحقج علي بس قلت بلعوزج شوي
    سمر: لا والله هين انه اوريك ان ما شكيتك عند حمد
    وليد: ما تقدرين
    سمر: ليش بالله؟
    وليد: لان لسانج هذا الطويل راح ينقص جدامه مو متعنترة علينا اللحين
    سمر بحيا: تهقى جذي يا وليد؟
    وليد: الا جذي ونص
    سمر واهي تتقلب على فراشها: ااااااه يا وليد متى متى متى والله مليت من البارحه وانه ما ياتي نوم وانه انتظر الساعه 9
    وليد ليش بالله لايكون في بالج انج اتيين ويانا المطار
    سمر: اكيد ما يبيلها سؤال
    وليد: كلي تبن وانثبري مكانج محد بيروح الا الرياييل الحريم ينتظرون في بيتنا
    سمر: خانت حيلي لا صج والله كسرت خاطري يالله زين انه بيي وياكم
    وليد ماكو مكان لج. انه وابوي وعمومي بنروح بسيارة والشباب بالسيارة الثانيه
    سمر: شهالحشرة والهيله و حمد وين يقعد؟؟
    وليد حمد بيقعد ويانا بالسيارة.
    سمر لا يا بوك انه بطلع ويا بابو بروحنه وباخذه بسيارتنا وانت تسكت وتنطم بعد
    وليد: بنشوف
    سمر: لا تتحداني
    وليد يالله يالله بروح اتريق انه والله انج ياهل
    سمر: اوريك يا عسعس الديرة
    وليد: سكتي يالسحليه
    سمر: باي
    وليد واهو يضحك: باي

    سمر سدت الخط واتصلت في سارة بسرعة
    سارة والرقاد تارس صوتها: الوووو
    سمر متعجبه: سارو انتي راقده؟
    سارة بظيج خلق: اووووف سمور مالي خلقج شتبين؟
    سمر: عدال على روحج شمرقدج هالحزة ؟
    سارة: اللي مرقد خلق الله
    سمر: يالله زين قومي وتعالي بيتنا بسرعة ابيج بموضوع هام وخطير
    سارة واهي تتافاف: اوووووووف سمر والله انج فاضية انه فيني رقاد وما ابي اقعد الا الظهر
    سمر: عسى خير مااتصل فيج شمشوم
    سارة: منو؟
    سمر ههههههه قصدي خالد مااتصل فيج؟
    سارة: مو شغلج اي اكيد اتصل فيني سمور والله توني راقده من ساعه خليني اكمل رقاد وبعدين بتصل فيج
    سمر بظيج: سارة انه فيني وايد كلام وماادري اقوله لمنو غيرج؟
    سارة: ............
    سمر: سارو؟؟
    سارة ................
    سمر: شوف اللي ما تستحي على ويهها هين يا سارة انه اوريج

    سدت سمر الخط بعد ما رقدت سارة عنها واهي متظايجه حييييل ما تدري تتصل في منو وليد ماله خلق وسارو راقده ونصور للحين ما رد البيت ويا مشعل ماكو الا امها بس امها اللحين راقده
    قلعتج سمور القرده من قالج تقعدين من الصبح خلج تستخفين جدام هالاربعه جدران. ورمت حالها على السرير واهي تتعفر بين الشراشف رن تلفونها وانقطع مسد كول منو؟ شافت الرقم وتهلل ويهها يا ويلي شلون نسيته سعد

    اتصلت مباشرة بالرقم
    يعقوب كان بالحمام يحلق يوم رن تلفونه وطار من الحمام يقبض على التلفون ويقول الو قبل لا يضغط على الحبه الخظرة. لعن حاله التعبان ورد على التلفون بشوق..

    يعقوب: الووووو
    سمر: صباح الخير
    يعقوب وقلبه تهلل: وينج يا معووده
    سمر: هههههه كاني يا معود
    يعقوب واهو متظايج حيل: والله اني ضعت بليا اتصالج وجم مرة اتصلت ولقيت تلفونج مغلق
    سمر: لا بس انه اغلقته لان اليوم يوم خاص جدا جدا جدا
    يعقوب واهو متحير شالخاص باليوم؟): عسى خير؟
    سمر: الخير بويهك بس اليوم احد من عايلتنا بيرد من السفر
    يعقوب وويهه مكشر: منو؟
    سمر واهي تبتسم من خاطر: ولد عمي الغالي. حمد
    يعقوب واهو يخنق الوساده من تحته ويتصنع الغباء: مااذكر انج سولفتي لي عنه..
    سمر باستغراب: عجب ما قلت لك عنه؟ زين اقول لك عنه .اذا تبي
    يعقوب: سمعينا .
    سمر: ان شالله

    وقعدت سمر تتكلم عن حمد ولد عمها ويعقوب مقتهر من جهه ثانيه واهو ساعه يخنق الوساده او يخنق حاله شاللي عاجبج فيه ياالسحليه شاللي عاجبج فيه سؤال محير يعقوب وما عنده جواب عليه..
    بعد ما خلصت سمر من الكلام عن حمد بصورة موجزة تنهدت عميق خلت يعقوب يسالها غصب

    يعقوب: بلاج تتنهدين
    سمر: من الظيج اللي بداخلي
    يعقوب: سلامتج من الظيج
    سمر: الله يسلمك
    يعقوب: شاللي مظيجج قولي لي يمكن اقدر اساعدج
    سمر تشجعت من كلام سعد يعقوب وقالت في خاطرها : ليش ما اقول له وارتاح احسن لي وما اظن انه بيعصب ولا يتنرفز ...... لا لا ما بقول له ولا شي
    يعقوب: الو الو سمر؟
    سمر هلا هلا سوري خذتني الافكار شويه .
    يعقوب واهو يخبي ظيجه: حمد لله على السلامه
    سمر حست بظيجه الله يسلمك عسى خير اشفيك سعد؟
    يعقوب واهو يحاول يغير من نبرة صوته الحزينه: لا ولا شي خير ماكو شي بس مستعيل شوي
    سمر: خير وراك شي؟
    يعقوب اي والله امي تنتظرني اخذها المستشفى
    سمر: سلامات ما تشوف شر خالتي
    يعقوب انتبه حق كلمه خالتي وابتسم ورد حق تكشيرته: الله يسلمج ويسلم خالتج
    سمر: هههههههه يالله عيل انه اخليك
    يعقوب: بالسلامه
    سمر الله يسلمك باي
    يعقوب من غير نفس: بايات ............. وسكر الخط

    سمر تعجبت هاذي مو عوايد سعد انه يسكر الخط قبلها سعد اليوم زعلان . بس ما قدرت تعرف شنو فيه حد ضايجه ولا عصبه؟ ولا لاني مااتصلت فيه زين انه دزيت له مسج لا يكون زعل من كلامي عن حمد انزين اهو ماله شغل ان تكلمت عن حمد ولا غيره .اهو اللي طلب مني اني اتكلم عنه .. ياربي والله الرياييل حيرة بس تعال انه ليش افكر فيه هالكثر اهو صج رفيج طيب وحليو وحبوب بس مو لدرجه اني افكر فيه بهالطريقه لا لا هاذا من الادب والذوق اني اسال عنه او اتسائل لين تغير موقفه ويا ي . لا يكون مل مني لا مااظن . اووووووف الحين انه شفيني اقوم اسبح احسن لي من هالاساله البايخه اللي مالها طعم. يمكن متناجر ويا حبيبته اذا عنده حبيبه اكيد عنده حبيبه شخص حلو المحشر والكلام مثل سعد لازم يكون له حبيبه ولا بعد تموت فيه لا لا ما اظنه راعي سوالف وانه شدراني فيه لا عايشه وياه ولا اعرفه بس اذا عنده حبيبه لازم انها حلوة حلوة تناسب ذوقه اكيد حلوة. لا هذي اكيد فيها سعد مبين عليه راعي ذوق عالي واكيد حبيبته من الحلوات واكيد اكيد .................. ليما ارقدت واهي تقكر في سعد ...... سمعتوا شقلت قلت سعد ما لاحظتوا . اول مرة سمر تفكر في احد غير حمد قبل لا تنام .....................؟ فهمتوا شي ........... خلكم قلعتكم ؟


    الفصل الثالث عشر
    ---------------------------------

    الكل كان واقف بصالة الانتظار بمطار الكويت بو حمد وليد بو حمدان مشعل وحمدان اللي ظنوا ان الامر ما يهمهم سوا كان حمد اللي بيرد ولا بيروح شي عادي لكن الفضول كان اكبر منهم وجرهم حق المطار عشان يستقبلون حمد.

    الكل كان متوتر بو حمد اكثرهم كان يرتجف واعصابه شوي وتنهار بس بو حمدان كان يقوي ثقته بكلمات وذكريات حلوة عن حمد الطيب وحمد المساعد وحمد الشهم وحمد البار وبو حمد يضحك ويبتسم غصبا عنه وحمدان ومشعل يراقبون ابوهم بفخر الله يخليك ذخر لنا يا يوبا .

    اخر من وصل حق الاستقبال كان بو يعقوب.


    بو يعقوب: عسى ما وصل؟؟
    بو حمد: لا للحين ما باجي وايد
    بو يعقوب حمد لله على سلامه وليد مسبقا يا بو حمد
    بو حمد بقلة صبر: خله يوصل يا خوي بعدين تشكر لي سلامته
    بو يعقوب: ان شالله يوصل بالسلامه

    اعلنت شاشه الواصلين عن نزول مسافري خطوط الجوية الكويتيه من اميركا الى الكويت وقلب وليد نفض من مكانه وظل واقف وعينه على الواصلين معظمهم كانوا اجانب واميركان وما شاف لحد الحين ولا ويه مالوف ليما فقد امله والتف لابوه: للحين ما وصل
    بو حمد: اصبر ياوليدي لا تتوتر وتوترني وي..........
    سكت بو حمد وعينه شاخصه على طول بعيد كان ويهه يمر بكل المشاعر ووليد يراقبه والتفت الى وين ما يطالع ابوه وظل سرحان بعد ..

    هاذا اهو حمد يمشي مشيته المعروفه يشد على اليمين اقوى من اليسار وضحكه كاهي على ويهه يمكن الشي اللي خلى وليد ينتبه حق اخوه لانه كان الوحيد من الواصلين اللي لابسين دشداشة من دون غترة
    طوله وشكله وضحكته خلت دموع عين ابوه بو حمد وضحكته يطلعن بنفس الوقت يلتفت لبو حمدان يشوفه يضحك له يلتفت لبو يعقوب يشوفه يضحك له ويلتفت لوليد .... وينه وليد تدوره عيونه لكن ما لاقى وليد التفت مرة ثانيه حق حمد شاف وليد وياه يحظنه بكل قوته وشوقه ولهفته ااه يا وليد سبقتني سبقتني بحظن ولدي

    وليد ما قدر يصبر نفسه اكثر وراح صوب اخوه وحظنه حمد هد اغراضه وحظن اخوه بالمقابل ودموعه تهل وليد ما تكلم بس حظن اخوه بكل قوته الله يااخوي ثلاث سنين انحرمت منك ماادري شلون اوريك شوقي لك طول هالسنين

    واللحين حمد ...........
    محد يقدر يتصور شوق حمد لاهله 3 سنين عايش بين الغريب والغريب والغريب اكله غربة نومه غربه ضحكه غربة. لعبه غربة كل دقه بقلبه دقت بالغربه طول هالسنين وكل دمعه هلت لاهله بهالسنين بالغربة
    وين اوفي يا وليد سنوات فرقانا وعينه توجهت صوب ابوه وين اوفي يا والدي العزيز شاوصف لكم شاقول وشاقول لج ياديرتي الغاليه انتي شكثر وحشتيني شكثر وحشتني ريحتج وشمسج وقمرج وترابج يا كويت الله العالم يا امي الثانيه الله العالم

    وليد ترك اخوه وتم يطالعه واهو يضحك ودموعه على خدوده
    وليد ما راح اخليك تروح مرة ثانيه
    حمد واهو يضحك ويمسح دمعه سالت على خدوده: وعد؟
    وليد واهو يحظن اخوه مرة ثانيه: وعد

    الوالد جرب صوب ولده وعلى عكس وليد ما حظنه وليد فسح له المجال انه يطالع ولده بطوله وكامل هيئته ويوم تاكد من انه حمد تقرب منه وقال له..
    بو حمد: خسرتك يا حمد
    حمد: لا يا ابوي وانه ولدك
    بو حمد وضحكه الفخر على ويهه: هاذا ولدي

    حظنه حظنه عادية لان بو حمد ما تعود يظهر مشاعره حق عياله بس حمد حس بدموع ابوه اللي لامست كتفه وابتسم بهدوء وقال في خاطره: وحشتني يا يوبا.

    بو حمدان ثالث واحد استقبل حمد وحظنه وباسه وتشكر له السلامه ومن بعده حمدان ومشعل اللي بجوا غصبا عنهم
    حمدان: حيا الله ولد العم الغالي
    حمد: الله يحيك ويخليك ها حمدان للحين
    حمدان: شنو ييا ولد عمي؟
    حمد واهو يضحك ويساسره: تدخن من ورى عمي
    حمدان ضحك من خاطر على ولد عمه واهو يطالعه بنظرات تحذير ويقول له الله يهداك هاذا وقت التنكيت
    حمد ضحك ويا ولد عمه وراح لمشعل يحظنه بس مشعل ما يعرف حمد زين
    حمد: يوم انه اسافر انت كنت مسافر
    مشعل: اي اذكر من جذي ما اذكرك زين قالها مشعل والحيا ماخذه)
    حمد: ماعليه يا ولد العم جدامنه العمر كله ان شالله
    مشعل واهو يبتسم حق ولد عمه اللي ينحب بسرعه: ان شالله

    كلهم طلعوا من المطار مستانسين وفرحانين بردة حمد اللي قدر يكسب قلوب الكل حتى مشعل الصعب
    وقف حمد في الشمس الحارة وما كان يبين عليه انه متاثر منها ابد تنسم الهوا الحار واهو يبتسم ويقول بصوت مسموع: احبج يا كويت يالغاليه احبج التفت لابوه وشافه يبتسم حقه ركبوا السيارات بو حمد ويا حمد ووليد وبو حمدان مع عياله وبو يعقوب بسيارته.

    سمر كانت في نوم عميق ما حست لسارة بنت عمها الى تخبلت يوم سمعت انهم بالدرب واصلين وراحت لسمر ويوم فتحت الباب فتحت سمر عيونها بمفاجئة بنت عمها اللي كانت تبتسم لها سمر خافت منها

    سمر: سود الله حظج يالسباله خرعتيني
    سارة ما ترد على سمر
    سمر: احد يدخل على الواحد جذي صج ما تستحين واهي تقلب روحها للجهه الثانيه تبي ترقد مرة ثانيه لانها ماظاقت النوم ليله البارح ابد فتحت عيونها على اوسعها ....... اليوم حمد بيوصل فزت من رقدتها وطالعت الساعه الساعه اللحين 10:45 وطيارة حمد توصل الساعه 10 معناته وطالعت سارو اللي للحين ساكته وتضحك لبنت عمها .سمر خافت وترجت بعيونها انها تقول لها اذا حمد وصل ولا لاء.
    سارة صارخت باعلى صوتها انه سوده حظ يالشاذيه يا ام الرقاد قومي حمد رد من السفر كاهم بالدرب
    سمر ما صدقت حالها واهي تقوم تعرقل بثيابها وبالسرير واهي تحلف بنت عمها: حلفي حلفي
    سارة والله العظيم كاهم يايين بالدرب قومي تزهبي يا البطة قومي.

    سمر وسارة يالسات يصارخن يوم سمعن صوت السيارة توقف يم بيتهم وقامت سمر تشوف منو الواصل من البلكون كانو ثلاثه بس من الشوق اللي فيها ما عرفت اي واحد فيهم اهو حمد.. بس فكرت فيها:: صج انه خبله حمد بيي وياهم ويخلي اهله صج مينونه::

    نزلت سمر بسرعة على الدري حتى انها كانت بتطيح على ويهه بس حاسبت حق خطواتها وسمعت حشرة وصوت اخوانها وابوها في الصالة ويوم نزلت ما لاقت احد ودخلت عليهم بالميلس

    بوحمدان طالع بنته اول ما دخلت الميلس واستغرب من شكلها ومشعل وحمدان اول ما شافوها ضحكوا عليها وقامت تطالعهم باحتقار بس ما ردت عليهم واهي ماتدري على شنو اهم يضحكون

    بوحمدان: بسم الله الرحمن الرحيم. اشفيج كشتج منشورة
    حمدان: يوبا هاذي تسريحة السنه بس سمر قرت الوصفه بالمقلوب
    مشعل: هههههههههههه ايو الله بالمقلوب..
    سمر مااهتمت حق تعليقات اخوانها ووجهت كلامها حق ابوها: يوبا وصل حمد وصل حمد ولد عمي
    بو حمدان: وانتي شكو ان وصل ولا لاء
    سمر: يوبا تكفى شنو انه شكو مو ولد عمي وبحسبه اخوي
    بو حمدان: اي ولد عمج بحسبه اخوج مو اخوج حتى رغوده الصغيرة ما سوت اللي تسوينه
    سمر بزعل يوبا انه شسويت
    تدخل مشعل: سمر اذا ما لاحظتي الميلس فيه مرايا شوفي شكلج وعرفي ابوي يتكلم عن شنو
    سمر بعصبيه: مشعلو شوف انه مالي خلقك وخلق سخافتك ومالك شغل بشعري زين
    ومشت صوب ابوها ولمحت روحها بالمرايا وانصدمت:: قطيعه طالع شكلي اللي يقولون مينونه:: قعدت يم ابوها واهي تتدلل عليه: يوبا حبيبي قول لي عاد؟
    بو حمدان: شاقول؟
    سمر: ان كان حمد وصل ولا لاء؟
    بو حمدان: ليش تبين تعرفين
    سمر استحت من ابوها شهالسؤال يوبا بعد عشان نروح حق عمتي ام حمد نساعدها بيونها ظيوف ويبيلها مساعده
    بو حمدان: امج دزت لها كاكي يعني بدل الخدامتين عندها ثلاث شكو انتي تصيرين الرابعه
    سمر يوبا يعني انه خدامه
    بو حمدان: انتي تقولين بروح اساعدها
    سمر: يوبا مو قصدي جذي تكفى يوبا حبيبي يوبا قولي عاد .
    بوحمدان: اووووووف اللهم صبرج يا روح اي اي وصل ارتحتي؟
    سمر واهي تصارخ من دون تصديق: قول والله
    حمدان: سمور بلا مياعه عاد ابوي قال لج يه عني يه شله الحلف بعد
    مشعل: مو منها من ابوي اللي ماعطها ويه انه مكانه اعطيج طراق ما تتمنين غيره يالسحليه
    لكن سمر كانت في عالم ثاني ومن زود الفرحه باست ابوها على خشمه وعلى خده وعلى جبينه وراح لحمدان وحظنته وباسته على ومشعل بعد واهم مو مصدقين دخل ناصر الميلس على الفوضى واهو راقد وثيابه مو عدله عليه: اوهوووووو سمور سكتي والله انج هيله ما تخلين الواحد يرقد.
    سمر راحت له وباسته وحظنه وقبل لا تطلع من الميلس . احبكم احبكم يا ربي والله احبكم

    بو حمدان ضحك على بنته الحبوبة وعلى خباللها مسيجينه هالبنيه شفتوا شلون فرحت لولد عمهاا والله لو ان واحد منكم اللي كان مسافر ما فرحت كثر مافرحت بهالوقت.
    ناصر: اصلا بنتك خبله يوبا حمد رد من السفر خير ياطير
    مشعل: لكنو شنو هاذا حمد يا نصور احسن منه ماكو
    ناصر ييتثاوب وحلجه شوي وينشق من التعب
    بو حمدان: وانت يالميهل متى رديت البيت البارحه؟
    نصور: رديت بالحزة اللي ردوا فيها اخواني يعني متى؟
    بو حمدان: سود الله هالويه مشعل قوم يوبا اخذ اخوك يكمل رقاده فوق لا يخرع الديرة بهالشكل
    مشعل: ان شالله يوبا

    مشعل راح لاخوه ويراه من يده يوديه الغرفة واهما يتناجرون حمدان اللي من باسته اخته واهو واقف مكانه والحقد مالي قلبه ليش تحبه هالكثر؟ شلي سواه لها وخلاها تحبه بهالطريقه اكثر مني واكثر من اي واحد من اخوانها هين يا سمور انه اوريج
    بوحمدان قطع على حمدان بافكاره: حمدان
    حمدان: سم يوبا
    بوحمدان: سم الله عدوك شوف ياوليدي انه اقول لك انت لانك اكبر واحد من اخوانك ولانك اعقلهم خلوا بالكم من ولد عمكم ولا تحسسونه انه غريب بالعكس خلوه يودكم ويحبكم ترانا عايله وحده يا ولدي وان خسرنا احد منا ما راح نتعوض بيه
    حمدان: اللي تاامر فيه يوبا
    بو حمدان: ماابي الشي يكون امر عليكم بالعكس انه انبهكم حق هالشي عمكم بو حمد وايد حساس ويحس بهالاشياء وما يقولها يسكت عنها وانه ماابي اتصير القطيعه بينكم انتو اخوان
    حمدان: ان شالله يوبا ما يصير خاطرك الا طيب حمد مهما كان او وين ما كان يظل ولد عمنا
    بو حمدان: بارك الله فيك
    حمدان: استاذن يوبا.
    بوحمدان: على وين؟
    حمدان بروح داري شوي برتاح ما ردينا البارحة الا بويه الفير وصحينا من وقت بروح ارتاح قبل لا نروح بيت عمي
    بوحمدان: اللي تشوفه ياولدي
    حمدان باس راس ابوه وراح لداره في الطابق الفوقي الحشرة والصراخ على حده طالع من غرفه سمر حمدان راح لها بقول لها عن الصوت وتوه بيطق على الباب الا سارة تفتح الباب واهي تركض وتطق بولد عمها حمدان يودها عن لا تطيح واهي حست انها طقت في جبل حمدان قلبه وقع منه واهو يشوف بنت عمه مرتبكه جدامه ما تدري شنو تسوي شحلوها .الله واهو خالقي ما خلق اللي احلى منها
    سارة والحيا ماكلها: اسفه حمدان
    حمدان: لا عادي حياج الله كل يوم تعالي
    سارة: هههههههه ضحكت سارة واهي تتغشمر عليه والله وانه يتخفيف)
    سمر كانت واقفه على الباب تطالع اللي قاعد يصير جدامها واهي تقول:: والله وانك تنكت يا جازورا:: ونادت على سارة: سارو تعالي داخل عن هالدقس
    حمدان انتبه حق اخته: انتي ما تيوزين عن طواله اللسان يا لئيمه وهالصراخ على شنو لايكون تظايقج يا سارة
    سارة مستحيه: لا والله ما تسوي لي شي
    سمر: شفت شلون يعني لا تدخل
    حمدان: سمر ويعه توج تحظنيني
    سمر: غيرت رايي زين

    ودخلت بنت عمها الغرفه وسدت الباب على حمدان واهو برع يغلي غيض عليها
    حمدان: اوريج يالسحليه تسدين الباب بويهي؟
    سمر نظرت ليما راح اخوها داره وسكر الباب فتحت الباب على خفيف تطالع اذا احد كان يالس بالصاله ولا لاء.
    سكرت باب الغرفه مرة ثانيه واهي تزفر بقوة سارة ضحكت عليها: صج انه رعب
    سمر: بس رعب هاذا حمدان وحش لو ايودني يعويني
    سارة: هههههههه حرام عليج مو جذي ولو انه ما شاء الله عليه جثه
    سمر: يبل هاذا مو ادمي
    وظلوا يسولفون وتساسرون ليما صاارت الساعه 1
    سمر ملت واهي قاعده: اووووووووف متى بنروح بيت عمي بو حمد
    سارة: ما ظن اللحين او بالعصر يمكن بالليل او باجر بعد
    سمر واهي فاجه عيونها على وسعها: وانه شيصبرني لباجر؟
    سارة واهي تنسدح على الفراش: لازم تصبرين ولا عندج حل ثاني
    سمر سكتت وفكرت برقم حمد بس تذكرت انه رقمه باميركا وفجاه تذكرت وليد: ماكو غيره
    سارة: شنو؟
    سمر: وليد
    سارة مستغربة: وليد؟
    سمر: اي يالذكيه وليد ما غيره
    سارة: شبيسوي لج وليد يعني؟
    سمر: سارة ما خبرتج غبيه علمي فيج تفهمينها واهي طايرة. الحين وليد مو اخو حمد اكيد لين اتصلت فيه راح يخليني اتكلم وياه
    سارة: اي صج وتغيرت ملامح سارة: وانتي ماتيوزين للحين على سالفه اكلمه واحاجيه
    سمر: هاا. مو عن شي. بس ابي اوريه اني مو ناسيته
    سارة: والله وانج قصيتي علي بهالويه ذلفي زين ماكو تتصلين
    سمر بحزن: اعنبو دارج صج محد يقدر يقول لج شي
    سارة: اي يوبا عن التخربط وياي ما تلاقين الا طراق على ويهج
    سمر حست ان سارو تتقوى عليها: يالله عاد سمحت لج وايد
    سارة: هههههه والله واني عجبتني الشخصيه
    سمر: الشخصيه قومي قومي روحي بيتكم اللحين اخوج الغثيث اكيد يسال عنج
    سارة: منو رشود؟
    سمر: لا يعقوبو
    سارة عورها قلبها على اخوها: حرام عليج الا بو يوسف احسن منه ماكو
    سمر: واللي يرحم والديج اذا اخوج احسن منه ماكو انه ملكه الطيبه العالم
    سارة: يعقوب طيب بس ما تعرفيم لاسلوبه
    سمر: ولا ابي اعرف يالله قومي روحي بيتكم
    سارة: طرده يا بنت نجاه وضاري؟
    سمر: اي يا بنت سيف ونعمه
    سارة: منو هاذول؟ اي صج امي وابوي
    سمر+سارة: ههههههههههههههههه ه
    سارة: يالله باي
    سمر: باي سلمييلي على بو وليد
    سارة برومانسيه: الله يسلمج ويسلم عمرج
    سمر: ههههههه يالله زين لا يسيح نصج

    توها سارة بتطلع من البيت الا ويناديها حمدان سارة
    سارة:ها هلا حمدان
    حمدان: هلا فيك على وين
    سارة: بروح البيت وايد تاخرت وامي بتذبحني ان تاخرت على الغدا
    حمدان: تبيني اوصلج
    سارة: عندي سيارة راشد
    حمدان: برايج يا بنت عمي
    حمدان: ديري بالج على حالج بالدرب
    سارة باستغراب: ولا يهمك وانت بعد
    حمدان: ولا يهمج
    سارة: يالله Take Care
    حمدان: وانتي بعد
    طلعت سارة من البيت ويا حمدان اهو ما ركب سيارته ظل يطالع بنت عمه ليما غابت سيارتها عن الممشى واه يقول في خاطره.. متى اي اليوم اللي اشوفج حرمه لي يا سارة متى

    سارة كانت تقكر في خالد بالدرب وحشها. صار له يومين ما اتصل فيها الاغنيه الشغاله بالسيارة كانت وايد حزينه : مهما جرى منك وصار انه تراني بانتظار صابر على ماهو جرا لي اطريك في ليل ونهار : وتمسح سارة دمعه نزلت من عينها واهي تقول وينك يا خالد وينك ويرن تلفونها الرقم محلي وغريب

    سارة: الو
    المتصل: هلا مريم خالد يعرف سارة باسم مريم)
    وقف قلب سارة عرفت الصوت هاذا صوت خالد: خالد
    خالد: اي هذا انه .. عرفتيني يا مريم

    ..................
    يتبع

صفحة 1 من 7 123 ... الأخيرةالأخيرة

كلمات دليلية Tags

جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران
يشرفنا اعجابك على فيس بوك facebook