هذي قصيدة حزينة
ان شاء الله تعجبكم


راحت تعالج من مرضها ولا جت
معقول ما ترجع وهي اوعدتني

ماني مصدق لو يقولون ماتت
وشلون وهي البارحة كلمتني

قالت اكيد انك لصوتي تشوقت
قلت اه كلك يالغلا شايقتني

اشتقت لك ولنضرتك حيل اشتقت
ولهمستك ولبسمة ساحرتني

ولمعانقك يا بعد عمري تولهت
وكلمة هلا حبيبي وربي اوحشتني

قالت احبك قلت انا فيك ميت
واللي يحفضك بالغلا مالكتني



وهلت دموع الغالية ثم قالت
قالت احس ان المنية لفتني

قاطعتها استغفري الله يا بنت
وعجزت اكمل عبرتي اخنقتني

قالت ابي منك الوعد لو انا غبت
تحفظ مشاعر حب فيك اجمعتني

قلت احفظه واحفظك ما دام انا دمت
بس ارجعي فرقاك موت ارهقتني

قالت كذا يا نور عيني انا ارتحت
والوعد باكر بعدها ودعتني

ياخوي قلي صدق هي توفت
وشلون وهي البارحة كلمتني..
منقول..