مشاهدة : 20036
صفحة 1 من 2 12 الاخيرةالاخيرة
النتائج 1 الى 10 من 19
  1. #1
    صورة الدمعه الحائرة
    الدمعه الحائرة غير متصل صعب اننا نوصفه
    تاريخ التسجيل
    Sep 2007
    الدولة
    اسافر بين البلدان (ما لازم اقول من وين ههههههه)
    المشاركات
    5,804
    Thanks
    0
    شكر 0 مرات في 0 مشاركات

    السلام عليكم ..





    قصة قريتها اكثر من مرة وليحين اتاثر

    وايد حلوة ..
    ارجو ما تكون مكررة

    هذا الحب الصادق ولا بلاش

    روضه بنت حلوه وبنت ناس وهلها ربوها احسن تربيه، لكن الايام غيرتها.. ؟؟؟
    الام : رويض فجي الباب يلا قومي وراج جامعه .. رويض رويض؟؟ يلا امايه نشي تعبت تراني منج ، ايديه عورتني من الدق على الباب .
    روضه تتحرطم: اوف شو هل الحالة متى الله بيفكني واعرس ، وافتك من نشت الصبح ومن الجامعة
    الام: روضه بتقومين بادبج ولا شو؟
    روضه: انشاالله يامايه ، اووف مب حاله، قلت لج يوزني و فكيني من الصدعه.
    نشت روضه وغسلت ويها واتلبست بكل ضيج وقرف، وسارت الصالة عشان تتريق، دشت وسلمت على ابوها وامها واخوانها، وكلت لقمتين وركبت السيارة عشان اتسير الجامعه ...
    في الجامعه
    حصه: روضه شحالج ؟ شو بلاج جالبه ويهج
    روضه: سكتي عني ياحصه ، الجامعه ملل ومب عارفه شو اسوي بعمري ؟
    حصه: شو رايج ادشين الجات ؟؟!!!!
    روضه: لالالا ياحصه؟ انا اخواني مانعين عني هالسووالف ؟
    حصه : منو بيدري محد؟؟ جربي واتعرفي لج على كم وواحد، قصي عليهم، واذا عيبج واحد عيشي معاه قصة حب احلى عن قصة قيس وليلي
    روضه: انتي شو اتقولين ؟ اتعرف على كمن واحد، لا عيب البنت المتربية ما تسوي جي
    حصه:ياروضه اي تربيه واي خرابيط، حبيبتي هذاك اول الي البنت عيب انه ترمس ريال غريب الحينه عادي ، لازم يكون فيه تعارف واختلاط ..هاذي الدنيا الحنيه .. دنيا التطور
    روضه: التطورر مب يعني قلة ادب ؟؟
    حصه: حبيبتي انتي شو بتسوين يعني الي بترمسنيه لا يعرفج ولا تعرفينه، عادي مجرد تسليه، انتي جربي بس هالمره .. صدقيني ما بتخسرين
    روضه: ....مادري ياحصه؟؟؟
    دشت روضه الجات بعد الحاح حصه عليها ، وما كانت اتعرف انه اغلى صديقه عندها بتكون هيه السبب في ضياع مستقبلها ...
    تكرر دخول روضه الجات، ادمنت شي اسمه جات،وبالذات عشان اترمس شخص نكه روح قلبي، اتعلقت فيه من دون ما اتحس صار حياتها..
    روح قلبي : اتصدقين يا المزيونه انا اذا ادش الجات وما القاج سيده اطلع.
    المزيونه : والله صدق؟ لهاي الدرجه انته متعلق فيه.
    روح قلبي : متعلق وبس، انا هيمان فيج .
    المزيونه : بس انته ما تعرفني ولا تعرف اسمي ولا شكلي حتى .
    روح قلبي : من كلامج بس عرفت عنج كل شي؟؟ ممكن اطلب منج طلب؟
    المزيونه : امرر ..
    روح قلبي: ممكمن اتسووي لي اد على المسن ، عشان اقدر اكلمج على راحتي انا و انتي وبس ؟
    المزيونه : مادري ؟؟
    روح قلبي: صدقيني صدقيني ما بتجاووز حدودي ، بس دام احنا اتعلقنا في بعض خلينا انعرف بعض اكثر .. اررجوج لا اتكسرين بخاطري وقلبي.
    المزيونه: خلاص ..
    روضه ما كانت اتعرف انه روح قلبي ، هو ولد خالة حصة وكان شايف صوورتها عند حصه ، وعيبته واتفق مع حصه على هذا كله ..
    روضه قامت ماتودر اللاب توب اربع وعشرين ساعه عليه في البيت في الجامعه ، حتى الحجره ماتطلع منها ، اهملت دراستها ونست وجود هلها ، حتى ربعها ماقامت تسال عنهم ، ادمانها على المسنجر وحبها لروح قلبي نساها كل شي ..
    حصه: روضه ابا اقولج شي بس اخاف تزعلين ؟
    روضه : لا قولي لااتخافين ؟
    حصة: تراني اعرف منو روح قلبي ؟ هو ولد خالتي ؟
    روضه : شووووو؟ حصه: لحظه لحظه ياروضه ؟ هو سالني اتعرفين وحده نكها المزيونه قلت له هيه.. اتصدقين انه اتخبل يوم عرف اني اعرفج قام يسالني شقايل شكلج حشرني .
    روضه وهيه مستحيه : صدق ؟؟؟
    حصه : الصراحه هو اليوم بيمر عليه الجامعه ، بس عشان يشوفوج
    روضه : لا ياحصه انتي شو اتقولين .
    حصه : انا ماقلت رمسيه انتي اكيد في خاطرج اشوفين منو هذا روح قلبي الي يحبج
    روضه : بس ياحصه انا احس جي اني اخون هلي ؟
    حصه : سالم يارويض يحبج ، قال انه حب طريقة كلامج على المسن، وسبحان الله اذا حب شكلج بعد .. يمكن يخطبج .؟؟ و يستوي ريلج
    روضه :هو اسمه سالم ؟؟ ويبغي يخطبني اناااا ؟؟؟
    حصه : هيه يخطبج انتي ، سمعي كلامي وما بتضعين يا رويض
    روضه : تم يا حصيص.
    تمت روضه على اعصابها لاخر الدوام وماصدقت يخلص الكلاس، وشلت بعمرها هيه وحصه عاد اونها بتوصل حصه عند الباب.. وطلعت برع وشافته ، شافت سالم انبهرت فيه وبوسامته وبسيارته الكروزر ورقمها السياره بو555
    البنت راحت فيها وسالم يوم شافها ويا حصه عرف انها روضه ، ابتسم لها ابتسامه خلت روضه ماتعرف وين اتودي ويها
    ردت روضه البيت وهيه هيمانه وسرحانه
    الام : روضه ، روويض ، روضه .. امايه شو بلاج ، روضه وصمخ انشاالله
    روضه: ها ياامي
    الام : شو بلاج جي متخاديه، تراج هل الايام موول مب عايبتني لاترمسين ويانا ولاتيلسين الا يالسه في الحجره وصاكه على عمرج الباب
    روضه : ما بلايه شي يامي،مشغوله شوي بالدارسه
    الام : انزين يلا سيري بسرعه اتلبسي واتعدلي واكشخي
    روضه : ليش بنسير مكان ؟؟ مافيه يامي ورايه شغل على الكمبيوتر
    الام : لافديتج قوم عمج بيوون ، وبيي وياهم سعيد ولد عمج
    روضه : عني بلا هالطااري ، اووف مابا مابا بيلس في حجرتي احسن دام سعيد في السالفه
    الام: انطمي طمج الله ، مب على هواج سعيد ولد عمج وانتوا محيرين لبعض ومن انتوا صغار ، سيري اتلبسي الحينه بسرعه ولا والله لو يوصل خبرج عند ابووج
    روضه : يااااربي .. انزين انزين
    دشت روضه الحجره وسيده على النت وفجت المسن ويالسه على نار تترايا روح قلبي.
    دش روح قلبي: هلا والله بالمزيونه صدق انج مزيونه ، انا اليوم ما برقد فليل؟؟
    روضه : استحي ، انتي ليش ماخبرتني انك ولد خالة حصه ؟؟
    روح قلبي : انا والله روحي كنت ماادري بالصدفه جي يوم اتخبرتها عن النك والايميل قالت انج اعز ربيعه لها ، اتعرفين هذا من حظي والله انج طلعتي اتعرفين بنت خالتي حصوه.
    روضه : صدق يا سالم ؟
    روح قلبي: يااوويلي انا على اسم ساالم اول مره ينكتب اسمي بهاي الطريقه الحلوه ياليتني لو اسمعه ؟؟
    روضه : تسمعه ، لا ياسالم لهني وبس، خلنا على المسن وانشالله بتسمعه يوم بنكون من نصيب بعض.
    روح قلبي : ارجوج ياروضه مره و حده بس مره وحده .
    روضه : لا ياسالم اسمع انا بطلع الحينه ، لانه قوم عمي بيوون بدش عقب شويه .
    روح قلبي: بترراياج على احرر من الجمر .
    اتلبست روضه وطلعت بتسلم ، اول مادشت الصاله جافت سعيد ، سعيد ولد عمها كان يحبها حب صادق وكان فعلا يتمناها اتكون زوجه له ويعد الايام والليالي لهذا اليوم ..
    بو سعيد : هلا بنتي هلا شحالج ؟
    روضه : الحمدالله ياعمي انته اشحالك .؟ يو سعيد : الحمدالله
    ام سعيد : حيالله العرروس ، حيالله مرة ولدي . روضه بصوت واطي : تخسين انتي ولدج .
    روضه : الحمدالله ياخالوا انتي شحالج . ابو روضه : ماسلمتي على سعيد.
    روضه من ورا خشمها : هلا شحالك . سعيد :بخير والله متولهين شحالج وشو الدارسه .
    روضه : بخير بخير .. اسمحولي انا بترخص عنكم ورايه دراسه .
    سعيد : تو الناس ياروضه ، مايلسنا وياج . روضه : مره ثانيه .
    ربعت رووضه على الكمبيوتر ودشت على المسن
    المزيونه: هلا سالم، اتاخرت عليك .
    روح قلبي: هيه واايد ، لو مادشتي الحينه جان مت .
    المزيونه : اسم الله عليك انا ولا ا نته .
    روح قلبي : يااويلي، ياويلي ، ياويلي ما اقدر استحمل هل الكلام شويه شويه عليه .
    المزيونه : سالم انا استحي ؟
    روح قلبي : فديت الي يستحوون والله ؟؟ اوويلي انا



    يتبع (2)


  2. #2
    صورة الدمعه الحائرة
    الدمعه الحائرة غير متصل صعب اننا نوصفه
    تاريخ التسجيل
    Sep 2007
    الدولة
    اسافر بين البلدان (ما لازم اقول من وين ههههههه)
    المشاركات
    5,804
    Thanks
    0
    شكر 0 مرات في 0 مشاركات
    يلا عاد بكمل القصه لما اشوف الردود


    لا تكونوا بخيلين

  3. #3
    صورة الدمعه الحائرة
    الدمعه الحائرة غير متصل صعب اننا نوصفه
    تاريخ التسجيل
    Sep 2007
    الدولة
    اسافر بين البلدان (ما لازم اقول من وين ههههههه)
    المشاركات
    5,804
    Thanks
    0
    شكر 0 مرات في 0 مشاركات
    حرام عليكم

    ولا رد واحد ؟


    انزين انا مابكمل القصه بس جزء واحد <<<<<<< شفتوا كيف كريمه

    وعاد ابي اشوف الردود

  4. #4
    صورة الدمعه الحائرة
    الدمعه الحائرة غير متصل صعب اننا نوصفه
    تاريخ التسجيل
    Sep 2007
    الدولة
    اسافر بين البلدان (ما لازم اقول من وين ههههههه)
    المشاركات
    5,804
    Thanks
    0
    شكر 0 مرات في 0 مشاركات
    هالجزء طويل ، انشاالله ما تملوون ..
    المزيونه : سالم تدري اني محيره لولد عمي ؟؟
    روح قلبي : شو ياروضه ، لولد عمج ؟؟ شو يعني ..
    المزيونه : هذا الشي مب مهم ، انا من عقب ماعرفتك وبالذات من عقب ماشفتك اليوم ما ابغيه صدقني.
    روح قلبي : بس اكيد قبل كنتي اتفكرين فيه على اساس انه حبيب وزوج .
    المزيونه : يمكن ، بس هالشي عادي لانهم دوم يقولون سعيد لروضه وروضه لسعيد ، بس صدقيني الحينه ما يهمني ، انته وبس .
    روح قلبي : اسمه سعيد ، هب حلو اسمي احلي .؟!!!
    المزيونه : اسمك احلي وانته الاحلي و الاغلى بعد .
    روح قلبي : اوويلي ويلالالالالالاه .
    المزيونه : اقولك باي اخوي يزقرني .. باي
    ناصر: انتي وينج انبح صووتي وانا ازقرج .
    روضه : ها لاماشي كنت ادرس . ناصر : كنتي تدرسين ولا على النت .روضه : لا ترا هو عندي بحث . ناصر : انزين يلا تعالي اتعشي ، بعدين تعالي بخبرج شو هالمذهب الي فيج سلمتي ودشيتي الحجره ، وخليتي بنات عمج .روضه : امم ترا الدارسه و .. ناصر : بس خلاص مادري شو من دراسه هاي الي يقول الحينه دكتوراه ؟
    وسارت روضه بتعشا ولقت هلها كلهم يالسين ويتريونها . ام روضه : وينج حشا من يتي وانتي في الحجره ، لا اتعبين عمرج يا امي بالدارسة مايسوي عليج .
    ام سعيد : هيه فديتج مب زين جي ، وراج عرس انتي .
    روضه اطالعهم وهيه ميته قهر، خربوا عليها فقيره الكلام مع حبيب القلب .ابو سعيد : روضه يابنتي انا وابوج نتشاور انه انخلي عرسج انتي وسعيد عقب شهر .
    روضه : شووه ، عرسي انا وسعيد ، لاياعمي ودراستي احنا تونا بادين السنه
    ناصر : يوم الريايل يتفقون انتي مالج كلمه . ابو روضه : لاياناصر اختك من حقها تدرس ، سمعي ياروضه سعيد ما بيمنعج عن الدراسه عرسي وكملي ، ولا شو رايك ياسعيد
    سعيد : اكيد يا عمي ، انا مستعد وحاضر لاي شي تبغيه روضه .
    روضه : اذا انته مستعد وحاضر اصبر لين هاي السنه ماتخلص وعقب يستوي خير .
    سعيد : بس ياروضه لين متى التاجيل ، عموما انا ابغي راحتج ما بغصبج .
    ناصر : سعيد ما عليك منها انته متى تبغي قرر وخبرنا . روضه : ناصر لو سمحت هاي حياتي .
    ناصر : اشوف لسانج وايد طول.
    ابو سعيد : بس احن مالنا حشيمه ، اسمعي ياروضه العرس بيكون عقب اسبوع من نهايه هاي السنه احنا الحينه في شهر 10 والدارسه بتخلص شهر 6 يعني العرس شهر6 ، اعتقد مالج حجه ثانيه .
    روضه : ابويه؟؟ ابو سعيد : شو يا روضه؟؟ روضه: خلاص الي تبونه ، عن اذنكم بسير الحجره .
    سعيد : عمي شو بلاها روضه ، يمكن هيه ماتباني لاتغصبونها على شي هيه ما تباه .
    ابو روضه : لا يا سعيد لا تقول هالرمسه روضه لك و انتوا محيرين لبعض من زمان ، وما عندنا بنات يظهرون عن شور هلهم ، الا اخاف انته غيرت رايك .
    سعيد : لا ياعمي والله انا ودي اليوم قبل باجر .
    بو روضه : خلاص عيل بالبركه .
    روضه دشت الحجره وهيه اتصيح ، خلاص حلمها بولد عمها انتهي ، قلبها الحينه لسالم الغاوي الي انبهرت بكلامه وبشكله بس هيه ما سالت نفسها هل هو فعلا جاد ؟؟ روضه نست اتكفر بوايد اشياء ..بس الشي الوحيد الي ما نسته سالم ..
    يرن موبايل روضه .. حصه : الو .. روضه فين ؟؟
    روضه : ......؟ ماترد .. حصه : رويض شو بلاج ردي عليه ؟
    روضه : الحقيني يااحصه يبغون يزوجني لسعيد ، انا ابغي سالم ماقدر اعيش من دونه .
    حصه : لاه افا ، انزين عادي ، خذي سعيد وحبي سالم ها ها ها
    روضه : انتي وايد سخيفه تراج . حصه : الحينه هالساعه بخبر سالم انج زعلانه .
    روضه : لا لا حرام مابغيه يزعل ويضايج . حصه : عيني على الحب. يلا يلا خليني اتصل بسالم باي.
    حصه سكرت واتصلت بسالم .. حصه: الو سلملم .
    سالم : سلملمين .. حيالله حصوه . حصه : شو اتسوي ؟
    سالم : شو اسوي بعد اغاززل ؟ حصه : الحق روضه من صدقها حبتك ، وهلها يبغون يزوجونها لولد عمها وهيه ما تبا .
    سالم : والله وطحتي ياروضه ، مسكينه اكيد انتي فرحانه ياحصوه ؟
    حصه : اكيد .روضه طول عمرها الكل يمدحها ويمدح اخلاقها ، خلهم ايوون ايشووفونها الحينه .
    سالم : حصه جنج اتغارين منها وايد وتبغينها تستوي شراتج في مستواج الاخلاقي ؟
    حصه : عن الغلط ، انته مب شفتها وعيبتك وقلت انك تباها ، هكي عندك العب عليها وخذ الي تبا منها ويوم بتشبع فررها مثل الجلبه .
    سالم : دام انج جي تبين انا حاضر ، الصراحه روضه وايد حلوه ، وانا الصراحه ....؟؟ اظني فاهمتني ، انتي عطيني رقم الموبايل ويوم بخلص من المغازل بتصل .
    مسكينه روضه كانت تعتبر حصه اعز صديقه ، بس حصه كانت طول حياتها تكره روضه ، لانها حلوه ومودبه وبنت ناس وايد بنات يتمون رضاها وحبها.
    روضه يالسه على الشبريه وتترايا حصه تتصل، فجاه وصلها مسج من سعيد مكتوب فيه ( اذوب فيك وانته مهملني والعب على نفسي واقول الحينه بيكلمني )
    روضه : وايد متفيج هالسخيف انا الحينه براويه . طرشت له مسج مكتوب فيه (ما يحرك ساكني مثلك بشر ...انته رمشه من عيوني لو تطيح ..وش ترى صاحبها لو طاحت خسر) لانه سعيد كان فعلا يحبها رد عليها : ( مهما جري منك وصار انا تراني في انتظار صابر على ماهو جرالي اطريك في ليل ونهار )
    رن موبايل روضه وشافت رقم غريب ماردت ، عقب شويه وصل مسج مكتوب فيه : اتصل بي تسلم عيونك .. مايطيق القلب هجرانك .. الي انتي روح قلبه سالم .
    نشت روضه من على الشبريه وقامت اتناقز من الفرحه ومن غير ما اتحس اتصلت ، ونست تربيه هلها لها ، نست امها وابوها ، نست سعيد ، واتصلت في سالم
    روضه : سالم ,,
    سالم : روورضه ياا بعد عمري انا ..
    روضه : اتولهت عليك ووايد وايد وايد ، انته وين عني الحقني سالم هلي بيزوجوني لولد عمي .
    سالم : خبرتني حصه ، بس ياروضه انا شو بايدي اسوي .؟؟
    روضه : تعالي اخطبني من ابويه .
    سالم : بس انتي محيره لسعيد والعرس اتحدد .
    روضه : انته تعال وانا ببيع الدنيا ومافيها على شانك .
    سالم : بس ياروضه ..؟
    روضه : الظاهر اني كنت مخدوعه فيك انته بس تبغي تتسلى ، كلكم جي نفس الشي بس تبون تلعبون .
    سالم : لاه ياروضه ، انا احبج احبج احبج ، بس ظروفي ما اتساعدني الحينه ؟
    روضه : انا مابغي اي شي لو نسكن في الشارع ، بس اكون لك وانته لي .
    سالم : احنا خلينا الحينه نستانس مع بعض ، اعتبريني انا مثل ريلج وانتي حرمتي ، ولين يوم العرس الله بيحلها ، دام انه نحن انحب بعض ماشي بيفرقنا غير الموت .
    روضه : صدق ياسالم انته عمرك ما راح تتركني ؟
    سالم : اكيد وانتي شاكه بهالشي ؟؟
    روضه : انا الحينه برقد وانا مرتاحه ، وسعيد انا بعرف كيف اطفشه ؟
    سالم : وانا وياج ياروضه لو تبغين اي مساعده انا حاضر .
    روضه : انا ابغي بس حبك و اخلاصك .
    سالم : يااولد .. عيوني انتي لج كل الحب والاخلاص الي في هاي الدنيا .

    روضه : يلا سالم بسكر عنك انا الحينه ، الوقت اتاخر.
    سالم : افاا ، بعدني ما شبعت منج .
    روضه : معاليه باجر انشالله .
    سالم : باجر بمر على حصووه ، بترراياج براع يلا ياعمري مع السلامه .
    ويا اليوم الثاني وسارت روضه الجامعه ، وهيه مول مسطله تبا ترقد مب من شي من السهر على التليفون ..
    ريسه : رروويض حبيبتي ، انتي وين قطعتي مره وحده .
    عويش : هيه والله صدق ، الا ويا حصووه السخيفه اربع وعشرين ساعة .
    روضه : انا هني ، وبعدين ياعويش حصوه هب سخيفه .
    عويش : بخبركم برايكم انا عندي كلاس اشوفكم بعدين .
    ريسه : روضه اشوفج هل الايام وايد متغيره ولا تينا ولا تسالين عنا ، حصه خذتج منا .
    روضه : شو خذتني بعد ؟؟ انتوا كلكم ربعي وغالين عليه .
    ريسه : انتي متاكده انه حصه صدق ربيعتج ؟
    روضه : شو قصدج يا ريسه ؟
    ريسه : انتي اتعرفين انه حصة سمعتها موول هب زينه ، والكل يرمس عنها ؟
    روضه : الناس شو وراهم غير الرمسه ، حصة ما بلاها شي ؟
    ريسه : لا بلاها ، انتي اتعرفين انها اكبر مغازلجيه ، وانها وايد فري ، وهلها مخلينها على هواها ، ليش اتخربين سمعتج عشان وحده شراتها .
    روضه : ريسه انتي اتغارين من حصوه عشانها ويايه ، حصه ما بلاها شي ، بعدين عشانها اتحب يعني مغازلجيه؟
    ريسه : روضه شو هاي الرمسه ، شو تحب ما تحب ، من متى انتي تفكيرج بهاي الطريقة ، صدقني يا روضه ان ما ودرتيها لا اخبر امج .
    روضه : شو يعني اتهددني ، انتي ما يخصج فيه انا كيفي ؟؟
    ريسه : انا ما يخصني فيج ، انا ربيعتج وبستوي مرة اخوج مايخصني فيج؟
    روضه : اكبر غلطه في حياتي اني اقنعت امي تاخذج لاخويه ، يالتني لو اقدر اصلح هالغلطه .
    ريسه : انتي عمرج ما كنتي جي ، من متى ترمسين بهاي الطريقه .؟
    روضه : اوه ، مستوتلي الداعووق ، فكيني من الصدعه يلا يلا برايج .
    ريسه : ياالله ياروضه الحينه انا استويت صدعه ، الله يسامحج .
    روضه : الله لا يسامحني اوكي .
    ومشت روضه عن ريسه، وريسه واقفه اطالعها والدموع في عينها ، ليش روضه الانسانه الرائعه وصديقة الطفولة كلمتها بهاي الطريقه ، شو هالتغير العجيب الي صار فيها ، ياتري شو السبب ؟
    سارت روضه كلاسها ولبست السير وايلست اترمس روح قلبها سالم
    روح قلبي: انته الدنيا وكل شجوني .. واغلى شي بعيوني يا حبيبي
    المزيونه : هذا كله حقي انا ؟؟!!
    روح قلبي : صدقيني الكلام مايعبر عن الي في خاطري .
    المزيونه : اتصدق متوله عليك في خاطري اشوفك .
    روح قلبي: شو رايج اليوم تتاخرين وتخلين الدرويل يسير،وعقب سووي لامج تليفون وقولليها انج بتردين ويا اربيعتج ؟؟
    المزيونه : لالا اخاف ياسالم اذا رديت وياكم حد يشوفوني ؟
    روح قلبي : لا اتخافين سيارتي مخفيه ، وبخلي حصه تيلس ورا ، وبيتحروني انا الدرويل
    هندي مستعرب هه
    المزيونه : بس ياسالم ؟؟ ماعرف ماجد في حياتي سويتها وركبت ويا ريال غريب؟
    روح قلبي : افا انا غريب، لو اتحبيني صدق بتيين اليوم ويا حصه ، واذا مايتي انسيني احسن لج
    المزيونه : لا لا انا احبك وبثبتلك هالشي، اترياني اليوم ويا حصه .

  5. #5
    صورة الدمعه الحائرة
    الدمعه الحائرة غير متصل صعب اننا نوصفه
    تاريخ التسجيل
    Sep 2007
    الدولة
    اسافر بين البلدان (ما لازم اقول من وين ههههههه)
    المشاركات
    5,804
    Thanks
    0
    شكر 0 مرات في 0 مشاركات
    وين التفاعل؟


    حرااااا اام

    ردوا علي

  6. #6
    علم القلم غير متصل جاي معه ملفه
    تاريخ التسجيل
    Oct 2007
    المشاركات
    1
    Thanks
    0
    شكر 0 مرات في 0 مشاركات
    شكرا اخي على المضوع الرائع جدا

    بسرع قبل لااموت ابغا الباقي

  7. #7
    يسور غير متصل يحضر الماجستير بالشغب
    تاريخ التسجيل
    Apr 2006
    المشاركات
    831
    Thanks
    0
    شكر 0 مرات في 0 مشاركات
    بيلييييز كمليها

  8. #8
    يسور غير متصل يحضر الماجستير بالشغب
    تاريخ التسجيل
    Apr 2006
    المشاركات
    831
    Thanks
    0
    شكر 0 مرات في 0 مشاركات
    ويننننن ننك

  9. #9
    صورة الدمعه الحائرة
    الدمعه الحائرة غير متصل صعب اننا نوصفه
    تاريخ التسجيل
    Sep 2007
    الدولة
    اسافر بين البلدان (ما لازم اقول من وين ههههههه)
    المشاركات
    5,804
    Thanks
    0
    شكر 0 مرات في 0 مشاركات
    حصة: ها يا ياروضه مستعده ؟
    روضة : والله ميته من الزياغ عن حد من خواني يشوفني وبالذات ناصر ، بس في نفس الوقت بتخبل عشان بشوف سالم وبنكون انا وهو في نفس السياره .
    حصة : ها ها ها والله انتي ياروضه مسكينه ؟؟!!
    روضه : انا مسكينه ليش ؟؟ شو قصدج يا حصه.
    حصة : لا ، اقصد مسكينه لانج تحبين ، يلا نطلع قبل ما ايي سالم .
    وصل سالم وركبت روضه وحصه، وكانت طايره من السعاده ، وطول الدرب وهيه عينها ما فارجت سالم ، شغل سالم الاف ام ..
    والله وتحقق منايه ، شوفي حبيبي معايه ... سالم : اهداء لج ياروضه
    حصه : اوه اوه انا جني داشه بالعرض من بينكم اقول سالم نزلني بعد احسن ؟
    سالم :انطبي انتي ترا ان ما سكتي بفرج عند الزباله ؟؟
    حصه وهيه مغيظه : اذا انا بتفرني عند الزباله ، روضه وين بتفرها ؟
    سالم : روضه ما تنفر ، روضه اشلها واحطها في قلبي .
    روضه كانت مستحيه وايد ومب مصدقه بعمرها ، وكانت تتمني انها ما توصل البيت.
    المهم وصلت روضه جي على الساعه 5 ونص و اول ما نزلت من السياره شافها اخوها ناصر .
    ناصر : روضه ويا منو راده ها ؟
    روضه : راده ويا ربيعتي ؟
    ناصر : وجي ما ردتي ويا محي الدين هو قال انه مر عليج وانتي قلتي له رد
    روضه : ترا كان عندي شغل
    ناصر : سمعي هاي اخر مره اتردين ويا حد من ربيعاتج ، واخر مره بعد تتاخرين في الجامعه ، ولاصدقيني ترا ما اخليج اتشبرين براع البيت هذا .
    روضه : يعني لو رديت ويا ريسه عادي ؟
    ناصر : ريسه حرمتي ، انا مالج عليها يعني هب غريبه ؟
    روضه : لا هب غريبه بس الي انته تباهم .
    ناصر : روضه لا تراديدين وايد .
    دشت روضه البيت وهيه محرجه ، زقرتها امها وقالت لها اتبدل وتي ..
    روضه : نعم امي شي بغيتي .
    ابو روضه : انا الي ابغيج يا بنتي .
    روضه : نعم يا ابويه امر .
    ابو روضه : شوفي يابنتي قوم عمج مستعيلين ويبوون يفرحون بولدهم ، عشان جي قررنا انه نملج الحينه ، والعرس مثل ما كنا محددين ، انشالله الملجه الخميس الياي .
    روضه : لالالا ياا بويه ليش؟ العرس والملجه كانوا شهر 6 ، مابغي الحينه .
    ام روضه : ليش يامايه .
    روضه : بس مابغي بحب ايدك وريولك يا ببويه .
    ابو روضه :روضه ما اقدر ارد بكلمتي ويا عمج ، وشو فرقت يعني العرس في نفس الوقت ، بس الا بنجدم الملجه ، انا خبرتج الحينه وبسير عند شغل، اتفاهمي ويا امج على طلباتج .
    روضه وهيه ميته من الصياح : امي انتي جي تذبحوني ، حررام عليكم انا بعدني 18 سنه .
    الام : انا يوم خذت ابوج كان عمري 12 سنه ، وبعدين شو الي اتغير فجاه انتي اتعرفين من زمان انج لسعيد ، وسعيد ريال والنعم فيه .
    ودش ناصر في هاي اللحظه : شو بلاها هاي اتصيح بعد .
    الام : ما تبا تملج ؟؟
    ناصر : شو نعم هب على كيفها ، بتملج غصبن عنها .
    روضه وهيه تصارخ : انته ليش جي ؟
    ناصر : نشي بعد عطيني كف على ويهي احسن ، اخاف الا عينج على حد ثاني ؟
    روضه : اكرهك انته واكره سعيد قووله اني اكرره .
    ونشت روضه وطرشت مسج لسعيد كتبت فيه ( انا اكرهك وانته لو ريال ما بتفكر انك تاخذ وحده غصبن عنها )
    اتفاجا سعيد بالمسج وتم زعلان ومضايج وايد وفي نفس الوقت مب عارف شو يسوي لانه الملجه اتحددت ومايقدر يقول غيرت راي ؟؟
    قرر سعيد انه يخلي الملجه وفي نفس الوقت وقال بتوكل على الله ، وعقب ما يملجون بيتفاهم وياها ، وكان عنده امل كبير انها بتحبه عقب الملجه ..
    اليوم الخميس يوم الملجه وروضه ماهدت التليفون من ايديها يالسه ترمس سالم واتصيح
    روضه : خلاص يا سالم انا الحينه زوجه لريال غيرك ؟
    سالم : الي بينج وبينه ورقه ، والي بينج وبيني حب ، الحب اقوي عن الورقه.
    روضه : انا ما اتخيل عمري يالسه عداله ، ما اتخيل عمري وهو يلبسني الشبكه ، اكره وجوده في حياتي .
    سالم : معاليه ياروضه بتهون جريب انشالله .
    روضه : سالم ، اتاكد من شي واحد اني احبك وبتم طول عمري احبك.
    سالم : اكيد، اخاف سعيد يقدر ياخذج مني.
    روضه : يخسي ويهبي سعيد مايسوي عندي بيزه ، وانته تسوي عندي الدنيا ومافيها .
    سالم : الله ياروضه على كلامج ، انا الحينه برتاح.
    روضه : انا الحينه لازم اسكر عشان اطلع من بين الحريم ، بس لاتنسي اني احبك، صدقني الثواني الي بكون فيها وياسعيد تفكيري فيها بيكون وياك .
    سالم : ما اتخيلج وياه .
    روضه : لا اتذكرني انا روحي يوم اذكر هالشي اضايج ، يلا يا عمري . باي .
    سالم : باي يا حياتي كلها .
    روضه : لاتنسي اني احبك. باي
    دشت ام روضه على بنتها عشان اتبارك وتزفها ، كانت اتحس انها تمشي على جمر ، عقب ساعه ونص وصل سعيد المعرس، كان فرحان ومستانس الدنيا مب شايلتنه من الفرحه ، كان يبا يخبر الدنيا كلها عن السعاده الي هو فيها ..
    دش وحب روضه على راسها ، وقال لها : مبروك يا احلى عروس في هاي الدنيا
    روضه ماردت عليه وكانت اطالعه بكل احتقار ، سعيد قال في خاطره اكيد هيه مستحيه، وعقب ما سلموا عليهم ، طلعوا عنهم وخلوهم بروحهم عشان ياخذون راحتهم .
    سعيد : شو بلاج يا روضه شكلج زعلان ؟
    روضه : يعني ما تدري شو بلايه ، انتي لو كانت فيك ذره رجوله جان ماخذتني ، اعتقد وصلك المسج .
    سعيد : انتي ليش تكرهيني ، انا شو سويت لج ، ذنبي الوحيد اني احبج.
    روضه : والله انا ما قلت لك ، مشكلتك هاي .
    سعيد : مشكلتي ؟؟ انزين شو المطلوب مني الحينه ؟
    روضه : طلقني وفكني من ويهك .
    سعيد : اطلقج واحنا اليوم مالجين ، شو تبين الناس يقولون عنا .
    روضه : انا محد يهمني ، انا ابا راحتي وبس.
    سعيد: يالله يا روضه لهاي الدرجه ، انا ما احيدج انانيه ، مب انتي روضه الي حبيتها.
    روضه : انانيه ، انتي الاناني والمغرور ، خذتني بس عشان انا رفضتك وقلت لك لا ، صدق انه نص البنات يتمنون بس ابتسامه منك ، بس هب انا تسمعني هب انا ، دورلك على وحده من مستواك .
    طلع سعيد من عند روضه، وكل السعاده الي كان حاس فيها طارت،وكان يسمع ..علمتني وشلون احب وشلون احب ..علمني كيف اقسي وسار عند اكثر مكان اتحبه روضه في الدنيا البحر ، ونزلت دمعه من خاطره ، ويلس يفكر ليش روضه تكرهه ؟ هو بشو غلط ؟ ليش الي يحب ماله حظ في هاي الدنيا؟
    وانا اقول لسعيد : مايهم جفف دموعك..مايهم اضوي شموعك .. مابقي شي ياقلبي يسوي دمعه من دموعك .. لا ياقلبي لاتكلم لا ياقلبي لاتالم .. هذا هو الي تحبه لو نسيته كان ارحم .. يازمن قاسي عليه .. يازمن وش بايديه ..كنت انا اشكليك حبيبي من جروح الي فيه
    روضه عقب الي سوته ولا افتكرت بسعيد ولا فكرت انها جرحت انسان لو لفت الدنيا هاي كلها ما بتحصل ظفره ، واتصلت بسالم
    روضه : حبيبي والله اتولهت عليك .
    سالم : روضه ؟؟ مسرع ما طلع عنج ريلج .
    روضه : يخسي ويهبي ريلي، لا اتقول انه ريلي انته ريلي وحياتي وعمري ، ومابكون بنت خليفه اذا ما خليته يطلقني.
    سالم كان يقول في خاطره : مسكينه تتحسب اني صدق احبها .
    روضه : شو بلاك ساكت .
    سالم : لا ياحبيبتي سرحان فيج .
    روضه : فديت الي يسرحون فيه والله
    وكملت روضه السهر وهي ترمس مع سالم ، مع انه المفروض الي ترمسه نسته ونسته وجوده .
    مر اسبوعين وسعيد على نفس الحاله ، صاك على عمر باب الحجره .. ورن موبايل سعيد وهو يفكر بروضه ..
    ناصر : الو ؟؟السلام عليكم
    سعيد : وعليكم السلام
    ناصر : شحالك يا بو الشباب ؟ وينك ياريال
    سعيد : الحمدالله بخير انته شحالك
    ناصر : بخير عساك بخير ، اشوفك من ملجت نسيتنا
    سعيد : لا مشغول شويه .
    ناصر : مشغول بشو ، اكيد ويا روضه .
    سعيد : ....
    ناصر : شو بلاك يا سعيد صوتك مول هب عايبني ، وامك اتقول انك ما تطلع من الحجره ، حتى الداوم ما تسيره ؟ خير انشالله .
    سعيد : اخخ يا ناصر تعبان .
    ناصر : تعبان منو شو ؟
    سعيد : قلبي يعورني .
    ناصر : قلبك يعورك من شو ، روضه الي حشرتني بها خذتها تراك ، اخاف روضه قايلتلك شي ، خبرني انته بس وشوف اذا ما كسرت لك راسها .
    سعيد : لا ياناصر كله ولا روضه ، عموما اليوم بيي اتعشي عندكم .
    ناصر : يا مرحبا الساع ، والله امط روضه من كشتها واخليها اتسوويلك احلى عشا .
    سعيد : هه ، لا كله ولا الكشه الله يخليك .
    ناصر : يالله من قلت روضه ضحك ، عموما بتراياك وبخبر ريسه بعد .
    سعيد : ريسه ، ها نصوور، ريسه ها .
    ناصر : ياريال عن الاحراج ، بعدين بتي ويا هلها ، يلا يلا برايك بتراياك مب ما تمر ، في مال الله .
    سعيد : مع السلامه .
    وسار ناصر بيخبر روضه انه سعيد بيي ..
    ناصر : روضه فجي الباب ؟
    روضه: سالم سالم بسكر عنك ناصر ناصر يلا باي .
    ناصر : روضه فجي البااب ؟
    روضه : انشالله انشالله .
    ناصر : انتي شحقه قافله الباب على عمرج 24 ساعه شو تسوين ها ؟
    روضه : ماشي ادرس .
    ناصر : والله انتي ذبحتني ادرس وادرس ، شو من دراسه هاي ، شوفي لا تتحسبين عشان ملجتي خلاص انا ما بقولج شي ، دام انج في هالبيت بعدج بتكونين تحت شوري ، سمعي سعيد وريسه وهلها بيوون للعشا ؟
    روضه بكل قرف : سعيد وريسه ؟؟؟
    ناصر : مب عايبنج ؟؟ اسمعي غدي حرمة ويا سعيد و ريسه والله صدقيني لو سووتي حركه جي ولا جي بتشوفين شي في حياتج ما شفتيه ، وتمين يالسه لين ما يسيرون

    روضه لاعت جبدها وتمت اتقول في خاطرها شو الحاله ، ويا وقت العشا ويت ريسه وعقب شويه وصل سعيد..
    ام روضه : حيالله ريل بنتي ؟؟ شحالك .
    سعيد : بخير وسهاله شحالج ياعموه ؟
    ناصر : ها حيالله بو عسكور، روضه نشي سلمي على ريلج .
    روضه : هلا شحالك .
    سعيد : الحمدالله انتي شحالج وشو الدارسه .
    روضه من ورا خاطرها : بخير.
    ام روضه : انا بسير احط العشا، روضه .. سعيد سيروا يلسوا في الميلس انتوا وخذوا راحتكم .
    روضه في خاطرها : الله ياخذ الساعه الي انته كنت فيها ولد عمي .
    وساروا الميلس سعيد ساكت وروضه اتهز ريولها بكل قوه ..
    سعيد : روضه ؟
    روضه: نعم شو تبا .
    سعيد : انتي مايهمج اني متعذب وتعبان ؟ شو شفتي مني عشان هذا كله ؟
    روضه : ما احبك يااخي ماحبك ، اكرهك .
    سعيد : حرام عليج انتي ليش جي اتقولينها وبكل سهوله ، ليش يوم خطبتج ايام الثانويه وافقتي ، وكنتي فرحانه شو الي اتغير الحينه ؟
    روضه : اتغير اني كنت هبله ومينونه ، ياهل ماصدقت قالولي معرس وقلت يلا .
    سعيد : شوفي روضه بتمين تكرهيني ماعليه ، بس فكري في ابويه وابوج انتي تتحرين لو قلت لهم انج تبين الطلاق بيوافقون .
    روضه : ما يهمني مشكلتك وانته حلها ، ولا اقولك قول انك انته عفتني ماتباني ، شايف لك شوفه ثانيه .
    سعيد : اتعرفين روضه عقب كلامج هذا كله انا بعدني احبج ، ابا اكرهج ما اقدر .
    روضه : وانته اتصدق عقب هذا كله ، انا كرهتك اكثر واكثر وبتم اكرهك لين ما اموت .
    سعيد والدموع في عينه : انا ما اقدر اذل عمري اكثر عن جي ، بحاول امهد الموضوع ، والي تبينه بتحصلينه، المهم راحتج.
    طلع سعيد وهو مب عارف وين يسير ، كان حاس انه ضايع .. تعبان ..متعذب ..محد حاس فيه، ياتري غلطته انه حب بنت عمه وفكر فيها بالحلال واتمناها زوجه ..
    وقف سيارته عند البحر ، وروضه مب طايعه تخوز عن تفكيره، يبغي ينساها مب قادر، دموعه كانت تنزل من عينه دمعه ورا دمعه، طرش لها مسجين اول مسج مكتوب فيه .. هذاليه اخر مسجين بيوصلونج مني ، روضه طلب اخير ، اذا ما كنتي اتحبني الحب الي انا كنت اتمناه ، لاتكرهني حبيني اقل شي كاخ ، والسموحه واتمني لج كل خير .
    المسج الثاني كان صوتي ( ..بودعك يالضنا انا وبخليك عسي عيونك ما تشوف النكاده .. انا لي الله وانته الله يخليك تسرح وتمرح وتشوف السعاده ، وان كان مالي في حبك حظ بعطيك بعطيك كل العمر بهديك وفوقه قلاده عساك تعود وتذكر حاضر ماضيك وتكون من ذكراي عندك شهاده).
    رن موبايل سعيد .. كان ناصر ..
    ناصر : سعيد وينك سرت من دون عشا .

  10. #10
    صورة الدمعه الحائرة
    الدمعه الحائرة غير متصل صعب اننا نوصفه
    تاريخ التسجيل
    Sep 2007
    الدولة
    اسافر بين البلدان (ما لازم اقول من وين ههههههه)
    المشاركات
    5,804
    Thanks
    0
    شكر 0 مرات في 0 مشاركات
    هذه عيديه مني لكم

    سعيد : مابغي عشا.
    ناصر : ليش جي صوتك شو بلاك ؟
    سعيد : سلامتك تعبان شويه .
    ناصر : لا ياسعيد حلفتك بالله تخبرني ؟ شو بلاك ياريال .
    سعيد : .......
    ناصر : روضه صح ؟ ماشي غيرها ، شو سوت لك ، صدقني ان ما خبرتني بجلب البيت على راسها.
    سعيد : لا ياناصر ، روضه طلبت مني شي من حقها، وانا الي زعلت
    ناصر : شو هو الي من حقها. سعيد : تبا الطلاق . ناصر: الطلاق ، انته شو تقول؟؟ ، سعيد برايك . سعيد : ناصر لحظه ؟؟
    وسكر ناصر التليفون بويه سعيد ، سعيد تم يقول انا شو سوويت ، انا ليش قلت لناصر ، اكيد انا ابا انتقم منها عشان هيه ماتباني ، انا اعرف انه ناصر ما بيسكت عن هالشي.
    سار ناصر عند روضه ، وكانت ترمس سالم حبيب القلب ، ناصر تم يدق الباب شويه وكان الباب بينكسر في ايديه ، فجت روضه : شو مستوي ؟؟
    ومط ناصر روضه من شعرها : شو مستوي ؟ تسالين شو مستوي ؟؟ تبين تتطلقين من سعيد .خدوا راحتكم... باقي جزء واحد
    روضه و هيه اتصيح : طلبت شي من حقي ، سعيد مثل اخويه ، ما اتخيله يكون ريلي.
    ناصر : اخوج ، وين هالرمسه هاي من زمان؟؟ وشو تتخيلين وما تتخيلين .
    روضه : هدني انته ما يخصك فيني ، انا وسعيد كيفنا .
    ناصر : الظاهر انه يبغيلج تربيه من اول ويديد و محد بيربيج غيري .
    روضه وبكل وقاحة: رب عمرك و سنع حالك عقب تعال ربني ، انته اصلا لو ريال ما بتمد ايديك عليه.
    ناصر : اربى عمري واسنع حالي انا بعلمج شقايل الرياييل الحينه ؟
    ضرب ناصر روضه ضرب من الخاطر سطرها من الطارقات ، ام روضه و ريسه سمعوا الصريخ وربعوا لحجرة روضه ..
    ام روضه : ناصر هد اختك ذبحتها من الضرب.
    ناصر: بنتج هاي ما تستاهل الا الضرب .
    ام روضه : و غلاتي عندك اتهدها ، استهدا بالله و اتعوذ من ابليس . و خذت الام ناصر وطلعته من الحجرة . تمت ريسه ويا روضه ، والدم يصب من خشمها ..
    ريسه : شو سويتي يا روضه ، انتي اتعرفين انه ناصر عصبي ؟
    روضه وهي اتصارخ : جب ، طلعي براع ، انتي هني عشان تتشمتين فيه ، طلعي براع ؟؟
    ريسه : انا اشمت فيج .
    روضه : انتي حماره ما تفهمين طلعي براع..براع .
    وطلعت ريسه وهيه مستغربه روضه وصل مستوى الفاظها لهاي الدرجة ، وينها روضه الهادية الخجولة المودبة ، وين طار هذا كله .
    ام روضه هدت اعصاب ناصر عقب ما خلته يتوضي وشربته ماي.
    ام روضه : ناصر انته شقايل اتمد ايديك على اختك ، محد من اخوانك جد سواها ، انته اتعرف لو ابوك عرف شو بيسوي؟؟ .
    ناصر وهو محرج : انتي اتعرفين بنتج مسودة الويه شو تبا ، بنتج تبغي تفضحنا .
    ام روضه :


    بعيد الشر عن الفضايح ، شو مستوي زيغتني ؟
    ناصر وبكل قهر وغيط : بنتج المحترمة تبا تطلق وتوها ما كملت شهر حتى من ملجت ، شو بلاه سعيد يامي والله انها ما بتحصل حد يحبها شرات سعيد ، انا اكثر شي قهرني حالة سعيد ، امايه حرام الي فيه سعيد بسبة بنتج حرام والله حرام .
    روضه : تطلق ؟ وا فضيحتي من بين الحريم والعرب ، ينيتي يا روضه ويلستي ، محد جد اطلق من عايلتنا ، بعدين سعيد ما بلاه شي عشان تتطلق؟!!! .
    ناصر : تقوليلي انا سيري رمسي بنتج ، والله يا امي على قص ارقبتي اذا اطلقت ، موتها على ايديه ، ولا تتحسب عشان خاطر عيونها هذا كله ، بس عشان خاطر سعيد لانه سعيد ما يستاهل .
    ام روضه : ما عندي بنات يطلقون ، هكن خواتها عرسن وكل وحده في بيت ريلها معززة ومكرمه، انا بعرف اتصرف وياها ، انته هد عمرك وما بيتسوي الا كل خير ، وشوف لا تخبر ابوك ولا حرمتك حتى ، ووص سعيد وقوله انه ما يخبر هله تسمعني .
    ناصر : انشالله يامي لا توصين حريص ، انا الحينه بسير عند سعيد ، ويلسي انتي ويا هل ريسه.
    ناصر سار بيتصل في سعيد ،شاف 10 مس كول من سعيد ..
    ناصر : هلا سعيد وين انته ؟
    سعيد وهو بيتخبل : انا هني ، انته وين ، شو سويت بروضه يا ناصر ؟


    ناصر : غسلت شراعها ، هذا ويها شوهته ، سويت لها اعاده تصنيع .
    سعيد وهو يصارخ: ليش يا ناصر ، هاي اختك حرام اتمد ايديك عليها ، هاي روضه يا ناصر ؟
    ناصر وهو محرج : سعيد لا تقهرني كثر ما انا مقهور، عقب الي سوته فيك و ادافع عنها بعد .
    سعيد : هاي مب اختك يا ناصر ؟؟ ناصر: اختي واحبها ، بس روضه دلوعه ، والدلع الزايد يفرط البنت ، يعني هاي سوي تبا اتسويها تتطلق ؟؟
    سعيد : من حقها تتدلع ، وهيه ما طلبت الا حقها ؟ . ناصر : ياااالله منك ، انته وين ؟
    سعيد : انا على بحر جميرا . ناصر : رومانسي انته وايد تراك انا الحينه ياينك .
    ناصر كان من داخل انسان وايد طيب وحنون ، وكان زعلان لانه هاي اول مره يمد ايديه على اخته ، بس في نفس الوقت ما قدر يتمالك نفسه يوم حس بالحزن الي كان في سعيد.
    روضه يلست اتصيح ، ويوم هدت اتصلت بسعيد ، سعيد كان على البحر يترايا ناصر ، ويوم شاف في الموبايل ( حبيبتي ) فز من مكانه وفز قلبه وياه ..
    سعيد : روضه ؟؟
    روضه : يالحقير ، ارتحت الحينه هذا الي كنت تباه استوي ، بس صدقني بعرف شقا اخذ حقي منك . سعيد : روضه عطيني فرصه ادافع عن نفسي ، انا ؟؟
    روضه : جب ولا كلمه ، وبعد مطرشلي مسج بودعك يالضنا ، مالت عليك وعلى مسجاتك ، اتعرف انا شو ردي على المسج الي طرشته .( بخلي دمعتك دايم على خدك نهر جاري ) وسكرت التليفون بويه.

    سعيد من الصدمة ما عرف شو يسوي ولا شو يقول ، وصل ناصر ونزل من سيارته ,,
    ناصر : شو بلاه ويهك جي ؟
    سعيد : ماشي يا ناصر ، اسمعني باجر لازم تيي ويايه عشان اقدر اخبر ابويه وعمي بالطلاق .
    ناصر : سعيد انته ينيت ؟؟ تبغي اتخرب الدنيا انته ؟ روضه ياهل وباجر بتعقل عقب العرس.
    سعيد وصوته مخنوق : لا يا ناصر ، بس حرام عليكم ما اقدر استحمل ما اقدر ، انا احس اني ضعيف و احس اني تعبان ، احس بضيج ابا اطلع الي في خاطري ما عرف شو اسوي؟
    ناصر وهو زايغ على سعيد : سعيد قوم بوديك المستشفي ؟؟
    سعيد : اخخ يا ليت لو دوايه في المستشفي ؟
    ناصر : دواك عند الله ، اشكي لربك همك والله بيفرج عليك انشالله ، سعيد قوم ويايه انا ما بخليك وانته بهل الحالة ؟
    سعيد : خلني يا ناصر بهمي ؟
    ناصر : الله يغربل عدوج يا روضه ؟؟ والله ما تستاهل هذا كله ، غيرها وايد الي يبوونك ، سعيد؟
    سعيد الدموع ما كانت توقف من عينه ، ناصر ما عرف شو يسوي يرد يضرب روضه ، الضرب ما بيخلي روضه تحب سعيد .. ناصر : اذا الطلاق بيريحك انا بساعدك وبقنعهم يوافقون .
    سعيد هو يصيح : ااااه يا ناصر، يا ليت لو الطلاق بيريحني ، وانته اتعرف انه ابوي وابوك ما بيرضون نسيت تفكيرهم ؟، بعدين حب هاي الانسانه كان في قلبي من اول ما عرفت كلمه حب ، كنت دوم احلم انها هيه زوجتي وام عيالي ، من سنين وانا اترايا اللحظة الي بتجمعني فيها، والحينه تطلع تكرهني ما تحبني تحبني.؟؟




    ناصر وهو حاط ايده على ظهر سعيد : سعيد والله انته جي اتعذبني وياك ، انزين انته ابتعد عنها فتره وعقب رد لها يمكن تتغير مشاعرها .
    سعيد وهو يبتسم ابتسامه باهته : مستحيل يا ناصر ، اختك تكرهني ؟؟
    ناصر : وشو الحل ، الطلاق من سابع المستحيلات ، وانته صعب انك تنساها ، وروضه صعب انها تحبك ، شو الحل .؟
    سعيد : الحل بايد رب العالمين ، خلها على الله يا ريال ، بستحمل الويع الي فيه والله بيهون عليه انشالله .ناصر : شو رايك انسير العمره ؟؟ شوف الكعبة واطلب ربك .
    سعيد : هيه والله فكره يمكن ارتاح ، انا ابا ارتاح ؟
    ناصر فرح حس انه قدر يسوي شي : خلاص يا بو عسكور ، بس شوف السفر على حسابك ؟
    سعيد : هه، ما طلبت شي ؟
    ناصر : والله انه روضه اغبي انسانه في هاي الدنيا ، صدق انها ما تعرف قيمتك ، ما تستاهل دمعة وحده من عيونك ، وما تستاهل حبك .
    سعيد : لا اتقول جي يا ناصر ، مثل ما انا حب روضه غصبن عني ، اكيد هيه تكرهني غصبن عنها .
    ناصر : يمكن الحب يكون غصبن عن الانسان ، لكن الكره لا يا سعيد ؟؟ الكره ينوجد في قلب الانسان الحقود و الي يحب يحب كل الناس ، والي يكره يكره كل الناس .
    سعيد : لا روضه ما تكره كل الناس ومب حقودة ، روضه شفافة وطيبه واتحب الناس، بس اكيد في شي غيرها . ناصر : حبك عجيب !!!!لهاي اللحظة وانته ادافع عنها ؟؟
    سعيد : لهاي اللحظة ولباجر وللي عقبه ولين ما موت .
    ناصر : حبك لروضه بهاي الطريقة ، عماك عن وايد اشياء وبيضعيك اخر شي ؟
    سعيد : ضعت وخلصت ، خلها على الله .
    حجز ناصر التذاكر وسافر هو وسعيد ، روضه كانها ما صدقت اتصالاتها بسالم ما توقف ، والمواعد ما يخلص عند باب الجامعة ، و حصوه ماشالله مب مقصرة ، روضه اختربت سمعتها وهيه مول مب هامنها بس الي كانت تبا سالم، ما فكرت انها هيه على ذمة ريال ثاني عادي ، وهل روضه عاطينها الثقة ويا غافلين لكم الله ، وحصه اتمهد الدرب اكثر واكثر ، سالم صار حياة روضه يوم واحد اذا ما شافته خلاص اتموت ، سالم حس انها امتلكها ولو طلب منها اي شي بيحصله .

    تكمله الجزء 4 من ضاعت
    حصة : سالم ، جنك طولت ويا روضه يلا خلص منها عندي لك صيده غيرها .
    سالم: جريب يا حصة ، بس خليني احصل الي اباه منها ، انا ما حصلت شي من وراها الي فواتير تليفون وانترنت ،والبترول بعد عشان هالدرب الي اصكه لين الجامعة .
    حصة : اصلا هاي السخيفة ما ايي من وراها الا الخساير ، انته استغل الوضع دام اخوها وريلها مسافرين .
    سالم : جريب بتسمعين خبرها ، وبتفرحين وبتتشمتين في نفس الوقت باعز صديقة لج .
    حصة : لا تقول اعز قول اكره وحده في حياتي.
    سالم : فقيرة روضه تتحراج اربيعتها المخلصة الوفية، ما تدري بالكره الي في قلبج .
    حصة : هه ، وما تدري بعد انك تلعب عليها ؟ اعتقد انه انا و انته
    متساوين .
    سالم : اخ منج مب لسان .
    حصة : برايك الحينه ، ابغي البشارة هل الاسبوع . سالم : اكيد انشالله ، اطمني واستريحي.

    سالم اتصل بروضه وهيه في الجامعة ..
    سالم : هلا والله بحياتي .
    روضه وهيه اتصارخ : سالم فديت روحك انا ؟ البنات كلهم صدوا عليها .
    سالم : روضه ممكن اطلب منج طلب ؟؟ بس ما اترديني.
    روضه : لو تطلب عمري بعطيك اياه .
    سالم : ابغي اطلع وياج ، انا وانتي بس روحنا .
    روضه : امم ، اوكي موافقة ، ناصر و محد مسافر ما بيدري ، و امي مسكينه تتحسبني اتاخر في الجامعة عشان الدارسة ، خلاص تم .
    سالم : يالله يا فرحتي انا ، اليوم الساعة 4 ونص بمر عليج .
    روضه : لا تعال قبل دوامي يخلص 1 ونص ، عشان ايلس وياك .
    سالم : خلاص تم .
    وظهر سالم ويا روضه ، وحاطوا ويا بعض ، وعقب ساعتين ساروا برج العرب ، وحجز لها سويت ،
    روضه في هاييج اللحظة نست كل شي ، نست انه ريال غريب ... وطبعا ...
    و ياليت لو روضه عقب الي استوي بينها وبين سالم ندمت او شي بالع** عادي ، اتكرر الي استوي من بينهم ، كانت واثقة 100% انه يحبها ، وكانت واثقة انه سعيد بيطلقها ، واثقة انه عقب طلاقها من سعيد بتاخذ سالم .
    طبعا سالم كان مستانس حصل الي يباه ، وخبر حصة ..حصة ما قصرت فضحتها من بين البنات ، وصل الخبر لريسه ، ريسه ما صدقت انه روضه جي اتسوى ، وسارت ريسه عشان اترمس حصة واتخليها تسكت عن الرمسه الي تقولها..
    ريسه : حصة ، انتي شو هالرمسه الي اتقولينها عن روضه ؟؟
    حصة : انا ما قلت غير الصدق وانتي ما يخصج ؟
    ريسه : شقايل ما يخصني روضه اربيعتي واخت ريلي ؟
    حصه : السالفة سالفة اخت ريلج ، انتي بس كنت مرابعه روضه عشان اخوها ، شو تبين بعد حصلتي ناصر الحلو؟
    ريسة وهي مغيظة : انتي قليلة ادب وهلج ما عرفوا يربونج ؟
    حصه : انا قليلة ادب ، يالصايعه يالضايعه .
    ريسه وهيه فاجه عينها : شو هل الالفاظ الوقحة .

    حصة : انا وقحة ؟؟ يا حيوانه .
    ونشت سطعت ريسه وضربتها ، وشرمخت ويها ، واستوت فضحيتهم فضيحة من بين البنات ، ريسه طبعا حمدت ربها انه ناصر مب موجود لانه لو عرف بيجلب الدنيا على راس روضه ، فقالت انا بتفاهم وياها .
    ريسه سارت لروضه البيت على امل ان يكون كلام حصه غلط ، دقت عليها باب الحجرة ..
    روضه : منو ؟
    ريسه : انا ريسه يا روضه ؟؟ . روضه : افتكيت من ريلج طلعتي انتي ؟
    ريسه : روضه ممكن بس ابغيج بكلمتين ؟
    روضه : اوف لحظه ؟ كانت اترمس سالم على المسن ، حطت brb
    ونشت وفجت الباب ، روضه : نعم شو تبين ، ناصر مب هني .
    ريسه : انا يايه عشانج انتي .
    روضه : والله انا ما قلت لج تعالي عندي ، اوه مسكينه ليش ويهج جي متشوه .
    ريسه وهي مب عارفة شو تقول : الي في ويهي هذا بسببج انتي ؟
    روضه : والله انا ما قلت لج رزي ويهج وسيري دافعي عني.
    ريسه : روضه انتي شو تقولين ، اتعرفين حصه شو قالت عنج .
    روضه : اتقول الي اتقوله انتي ما يخصج وانا ما يهمني كلامها.
    ريسه : روضه انتي اتخليني اصدق الكلام الي ينقال عنج .
    روضه : صدقي ما يهمني .
    ريسه : الله يسامحج يا روضه ، بس ابا اقولج كلمه اخيره ، قبل ما اسير عنج ؟
    روضه : الله لا يسامحني انشالله قولي وخلصيني .
    ريسه : صدقيني كنتي وبتظلين اغلى واعز صديقه في حياتي ، وبتم ادافع عنج لين ما اموت ، وبدعي لج دوم من قلبي ، وانا متاكده انج في يوم بتصحين .
    روضه : يالله على الصديقة المخلصة والحنونه والوفية .
    ريسه : واقولج بعد اذا خفت عليج اكثر بخبر ناصر ، ولا تزعلين مني ؟
    روضه : تهددني بناصر ، خبريه ما يهمني تسمعين يا .... مرت اخويه .
    ريسه والدموع اتصب من عينها : حرام عليج انتي ليش جي اتعامليني يا روضه ، ليش اتحسيسني اني حشره عندج ، اني ولا شي. دزت روضه ريسه وسكرت الباب في ويه ريسه
    ريسه ردت البيت ، وطول الدرب وهيه مب عارفه شو اتسوي عشان اترد روضه مثل ما كانت ، مب عارفة كيف اترد صديقة عمرها ..
    ناصر وسعيد عقب 3 اسابيع ردوا من العمره وهم في الطياره ناصر يقول لسعيد..
    ناصر : والله اني متوله على البلاد وعلى الربع .
    سعيد : بس ؟ .، ناصر : يا الملعون ، شو قصدك ها ؟
    سعيد : هه ، يالله على الي يستحون ؟. ناصر : يالله عليك الي يقول انك مول مب متوله علىناس .
    سعيد : لازم اتذكرني؟ اه الله يستر من الي ياي يا ناصر ؟. ناصر : خير انشالله ، انته الحمدالله الحينه احسن ، الله بيفرجها انشالله ، وروضه بتعقل .
    سعيد : ياارب ، انشالله والله اتمني من كل قلبي انه كل شي يتعدل للاحسن.
    ناصر : اقولك رومانسي .
    وصلوا البلاد ، واليوم الثاني يا سعيد بيسلم على قوم عمه وروضه .
    ام روضه : حيالله سعيد شحالك ؟ ، عمره مقبوله انشالله ؟
    سعيد : منا ومنج صالح الاعمال ، انشالله انتي بخير ياعموه .
    ام روضه : بخير ، ها عاد يا سعيد ماشي سفر بعد.
    سعيد : انشالله.
    ام روضه : بسير ازقر لك روضه .
    وسارت ام روضه تزقر بنتها ، والحبيبه اترمس سلوم ..
    روضه : سالم برايك امي تباني ، برمسك عقب .، ها امي شو تبين .
    ام روضه : طلعي سلمي على ريلج .
    روضه : اي ريل ؟؟؟ قصدج سعيد مسافر .
    ام روضه : لا قصدي ولد الجيران ، سعيد منو غيره بعد ، رد من السفر يالراكده.
    روضه : يعني هو وناصر ردوا ، اوف الله يعيني الحينه ناصر بيصك عليه .
    ام روضه : حد يقول جي ، الحينه بدال ما تفرحين جي ردج ، سمعي الحينه بسرعه اتبدلين وتطلعين لريلج ، وشوفي رمستج هاييج الماصخه ماباها ، ولا صدقيني بخبر ناصر هاييج المره فجيته عنج ، بس هالمره لا .
    روضه في خاطرها : شقايل لزقه ، متى يموت والله يفكني منه .
    سعيد يالس في الصاله وهو متوتر ، وفجاه دشت روضه ، وقف وابتسم لها ، روضه ما ردت الابتسامه ، مد ايديه اطالعت ايديه بكل احتقار ومامدت ايديها ..
    سعيد نزل راسه : شحالج ؟ . روضه : اووف بخير .
    سعيد : يالله حتى السلام من ورا خاطرج . روضه : ورقة طلاقي متى بتوصل .
    سعيد : انتي اتعرفين انه الطلاق من سابع المستحيلات .
    روضه : ابغي لو مره تثبت لي رجولتك ، انتي ما تفهم والله لو حمار جان فهم .
    سعيد : حمار ؟؟؟ سمعي روضه انا بطلقج ، بس اذا ما يهمج زعل ابوج وابويه انا يهمني زعلهم .
    روضه : بتتطلق غصبن عنكم كلكم ، وانا الحينه مب فاضيه لك ، عن اذنك ، نسيت اقول جابل التلفزيون احسن بدال ما تيلس روحك .
    طلع سعيد من البيت ، كان صدق حاس انه مخنوق ، رد للمكان الوحيد له في هاي الدنيا البحر ، وصاح وصاح وصاح .. دموعه ما خلصت يقول في خاطره : يالله يالدنيا ليش هل الكره هذا كله انا شو سويت؟ لهاي الدرجه انا انسان مب زين ، الشي الوحيد الي اباه ما احصله ، ليش ما اقدر انساها واكرها مثل ما هيه تكرهني ؟؟
    (انا القلب المجروح ..ضاع منى حبيب الروح ...بقت في عيني بقايا دموع ..حيرانة وين تروح ...بعد اليوم مافي شروق في قلبي ظلام وغروب ..هذي القصة وفيها قلوب والفرح فيها مسلوب)
    اتصل سعيد بناصر ، وقال ايمر عليه بسرعه ، وصل ناصر عند سعيد ..
    ناصر : شو بلاك سعيد ماخليتني اركد ، شو بلاك ؟ ليش عيونك جي منفخه وحمرا
    سعيد : اسمعني ، ما بغيك اتحرج ، انا قررت اطلق روضه ؟
    ناصر وقف : شو اطلق روضه ؟ ليش ؟ احنا شو قلنا ، ابويه وابوك ما بيرضون ؟
    سعيد : بقوللهم اني انا الي ما بغيها ، انا شايف شوفه ثانيه ؟
    ناصر : بعد وتبغي اترد على عمرك الرمسه ؟؟ انته مادري ليش ساكت عن روضه والله لو انا جان عرفت شقايل اصلبها ؟
    سعيد : احبها ياناصر ماقدر..ماقدر ، بس والله خلاص خلاص ، بنفجر والله بنفجر ورد يصيح . ناصر : انته الي يشوفوك يا سعيد يقول انه اقوي عنك ماشي ، محد يتخيلك في هالمنظر .
    سعيد : هذا كله يا ناصر وما سدك انا من متى وانا مستحمل ، طفح الكيل عندي ، ساعدني يا ناصر


    ولوى ناصر على سعيد وتم ايصيح وياه..
    رد ناصر البيت وهو نفسيا صدق تعبان ، من عقب الحاله الي شاف فيها سعيد ، وكان مصمم انه ما يخلي الطلاق يستوي ، سار ناصر عند ابوه وقاله السالفه
    ابو روضه : تتطلق ، هبت ؟؟ والله لو تحلم ؟؟ روضه .. روضه
    روضه : نعم يا ابويه ؟؟. ابو روضه : تبين الطلاق ؟؟
    روضه : ابويه انا ؟ . ابو روضه : شوفي انا عمري ما صارخت عليج ، ولا مديت ايدي عليج ، ولا غصبتج على شي ، بس لا تجبريني اسوي هالشي ، الطلاق هذا اتشيلنه من راسج .
    روضه : ابويه انا ما بغي سعيد ، احس انه مثل اخويه ما قدر اتزوجه .
    ابو روضه : الحينه يايه اتقولين هالرمسه ، سمعي ياروضه انا بجدم العرس ، بخليه عقب شهر .
    روضه وهيه اتصارخ :لالالا يا ابويه ، خلاص مابا اطلق ، بس لا اتجدم العرس .
    ابو روضه : كلمة ومب راد فيها ، رضيتي ولا انرضيتي. وسار عنها .
    ناصر كان واقف ، وروضه اتصيح . ناصر : تستاهلين ؟
    روضه : جب يا حقير ، الله ياخذك انته وسعيد .
    ناصر : جب انتي ، انتي والله نعال سعيد ما تستاهلينه .
    روضه : علكم الموت .
    ناصر : انتي ... ؟؟ ، اعوذ بالله من ابليس ، اطلع احسن .
    وطلع ناصر وروضه خلاص ، مب عارفه وين ادق راسها ، وكالعاده سارت اطلع حرتها بسعيد ..
    سعيد : ليش متصله ؟ بس كفايه اهانات ؟
    روضه : شو تتحراني متصله اعتذرلك يالحقير يالتافه ، انا اكرهك جدموا العرس كله بسببك ، طلقني الحينه في التليفون ، وخذ هالموقف الرجولي .
    سعيد : من دون رضا ابويه وعمي ، ما يهمج شعورهم ؟؟ احنا حتى ما كملنا شهرين من الملجه ، شو تبين الناس يقولون ؟.
    روضه : محد يهمني ، طلقني ولا والله ان عرسنا بتشوف الويل ، حياتك هاي بخليها سواد في سواد .
    سعيد : الي يحب يستحمل ؟؟ والي يبغي يرضي هله بعد يستحمل ، الله بيساعدني .

























    روضه وهيه تتطنز : يا حرام ، مسكين وايد انته، تبغي اتسوي عمرك مثالي
    سعيد وبكل ما كان فيه من غيظ وقهر وحزن : ماابطلقج ، عناد فيج اتعذبي مثل ما انا متعذب ، وسووي الي تقدرين عليه ، وبنشوف ، وصك التليفون في ويها .
    روضه احترقت صدق ، لاول مره سعيد يرد عليها جي ويسكر التليفون في ويها .
    سعيد قال الكلام الي قاله من الغيظ الي فيه ، لكن في نفس الوقت تم زعلان شقا جي قال لروضه حبيبته ، الود وده كان لو يعتذر ، لكن كرامته وين سارت ، يلس يسمع ..ليه كذا ليه وش سويت لك ,, كل الي حبيتوا لعمري .. اه حبيتوا لك ، كانت الدنيا كلها انتي وكل حياتي ومناي انتي ، غريب.. غريب مثلك علي يقسي ، وغريب غريب مثلي انا ينسي.
    الكل قام يجهز للعرس ، والكل فرحان ماعدا روضه الي كانت اتسوي كل شي بالغصب ومن ورا خاطرها ، وسعيد ماكان يعرف يزعل ولا يستانس
    اتصلت روضه بسالم ، عل وعسي يقدر يسوي شي ..
    روضه : سالم ، العرس جرب وانا مب عارفه شو اسوي ؟
    سالم : لا تسوين شي ، عرسي واتوكلي على الله ؟
    روضه : سالم انته شو تقول ، نسيت اني مب بنت ، ولو سعيد ... بننفضح ، وموتي بيكون على ايد ناصر .
    سالم : لا تخلين سعيد يقاربج ، قفلي على عمرج باب الحجره .
    روضه : لا تخاف سالم انا بعرف اتصرف ، بس شقا عقب بقدر اكلمك وبطلع وياك
    سالم : انتي لاتاخذين اجازه من الجامعه اكثر من اسبوع ، وقصي على سعيد وقوليله انه دوامج من 8 لين 5 ، عاد انا وانتي بنقدر نطلع ويوم بنخلص حواطه بردج انا الجامعه .

    روضه : هيه والله فكره ، بعدين بقولك سعيد يموت فيني ، فبستغل ها الشي ، وصدقني ما بطول لين ما اخليه يطلقني .
    سالم : بتم على نار لين هاليوم مايي .
    روضه : احلى شي في دنياي حبك ، سالم انا ما اقدر اعيش بدونك ، شو رايك اشرد وياك ، ونعيش انا وانته ويا بعض براع البلاد .
    سالم : هه ، حشا فليم هندي استوي ، لا حياتي خلينا هني من بين هلنا وناسنا احسن والله بيفرجها في يوم انشالله .
    عقب ما سكرت روضه عن سالم ، اتصلت حصه ..
    حصه : سلملم .؟ . سالم : سلالم .
    حصه : وينك انته ؟ . سالم : يا بوج هالبنات ما يفجوني ؟
    حصه : يالله توم كروز وانا مادري ؟ ، وشخبار روضه ، مب حصلت الي تباه منها، خلاص ودرها ؟
    سالم : لا بعدها تنفع ، ودام انها لين الحينه غبيه وتتحراني احبها ، خليني اتسلى وياها ؟
    حصه : كيفك ؟؟ بسير عرسها ابا اتشمت واطمش واضحك ؟؟
    سالم : هيه سيري وشوفي سعيد وقارني منو احلى انا ولا هو ؟
    حصه : اكيد خسف وغبي بعد دام انه يحب روضه ؟
    سالم : هه . حصه : خلاص عيل برايك ، see you .
    سالم : باي .
    اليوم عرس روضه وسعيد ، سعيد كان يفكر شو الي بيتسوي ، لانه متاكد روضه 100% ما بتسكت ، ولازم بترد تجرحه بكلمه ، كان يقول في خاطره ليش انا مب مثل اي معرس في هاي الدنيا المفروض اكون مستانس ، اسمي سعيد وانا تعيس ، يارب تستر ...
    روضه كان الود ودها لو يقطعونها 60 الف قطعه ، ولا يزفونها لسعيد، اليوم ليلة عرسها و هيه ترمس سالم ..
    روضه : سالم ، ما عرف كيف اعبر لك عن الي في خاطري احس اني اموت الف مره .
    سالم : بعيد عنج الموت يا بعد روحي ، انتي سوي الي قلت لج عليه وخلاص .
    روضه : انشالله يا عمري ، اتاكد انا وانته بنرد لبعض ، قريبا ، ما بغي اسكر عنك.
    سالم : لا يا روضه ، انتي جي بتفضحين عمرج ، سكري الحينه واتراياج فليل عقب الزفة
    وظهرت روضه من بين الحريم ..
    وصلت للكوشة وهلها كلهم فرحانين ومر الوقت بسرعة والمعرس وصل زفه ناصر وابوه وعمه وسلموا عليهم واتصوروا وياهم .. ناصر قبل ما يظهر صاصر سعيد وقاله :
    مبروك ، شد حيلك ؟؟؟ وغمز له . سعيد : وايد متفيج تراك ، الله يعين يا ناصر .؟
    ناصر : انشالله بتكونون اسعد اثنين في الدنيا هاي ؟؟ روضه ؟؟



    روضه من ورا الخاطر : نعم ؟ ناصر : وهو حاط ايده على كتف روضه : سامحيني ياختي ، ادري اني دوم كنت اعاملج بدفاشه ، وادري اني مديت ايدي عليج ، بس والله هذا كله من خوفي عليج ، و اتمني لج كل خير و سعادة ويا سعدون ، هالله هالله فيه .
    روضه ماردت حتى دمعة من عينها ما نزلت على فراق هلها واخوانها ، هيه وسعيد يالسين على الكوشة بس كل حد بصوب ولا يخصهم في بعض ..
    حصة شافت سعيد بغت تتخبل ما كانت تتوقعه بهل وسامه و الشخصية ، كانت تتحراه خسف وماله شخصيه عشان جي روضه ما تحبه ، نشت اونها بتسلم على روضه مب عشان شي بس عشان سعيد عيبها..حصة : مبروك يا روضه ؟ . روضه : على شو اتباركين قولي احسن الله عزاج .
    سعيد صد و اطالع روضه بكل استغراب ، حصة : افا ليش جي اتقولين عندج هالريل الغاوي وجي اتقولين ؟؟ . سعيد تم يطالع حصة وهو مستغرب من الجراه الي فيها هالبنت ؟؟؟!!! . حصة : سعيد ترا انا ربيعة روضه الروح بالروح ، ما اوصيها عليك هالله هالله فيها.
    عقب ما سارت حصة قال سعيد روضه : هاي اشكال انتي مرابعتنهم ؟؟
    روضه : صدقت بعمرك انك صدق ريلي ، وتبغي تمارس هالدور؟؟ .
    سعيد : كفاية اني حلمت بها الدور ، يسدني حتى لو ما صار حقيقة ، وهو بس شكل وصوره جدام الناس ، انا راضي الحمد الله .
    روضه و هيه رافعه حواجبها : والله انته مسكين .
    سعيد : اتعرفين روضه على الرغم طريقتج الوقحة ، ما اقدر اكرهج ارجوج ساعدني على كرهج بتكونين سويتي لي اكبر خدمه في حياتج .
    روضه : انا وقحة يا حقير ، انته اصلا ما تروم تكرهني ، حبي بيتم في قلبك لين ما تموت ، بس عموما بقولك شي الظاهر انه حصة انعجبت فيك شو رايك نتبادل الادوار انا و حصة ؟؟. سعيد : الله يسامحج دنيا واخره ، ويصبرني عليج ، و يفكني من حبج ، لاني صدقت تعبت والله تعبت .روضه : انشالله دوم .
    سعيد : حتى الراحة ما تبينها لي ؟؟ . روضه اطالعت سعيد وابتسمت له ابتسامه فيها كل خبث و طنازه ، عقب شويه زفوهم وكان ناصر حاجز لهم سويت في الفندق لمدة اسبوع، هديه عرسهم ، وابو سعيد وروضه كان حاجزين لهم تذاكر للسفر .. خلص العرس والمعازيم ساروا بيوتهم ، وهلهم سلموا عليهم وساروا .
    روضه ما صدقت الكل يروح وربعت الحجرة وقفلت الباب ، سعيد شل بعمره وسار لاعز صديق له في هاي الدنيا .. صديقه الي ما يمل منه ويستحمل همومه .. البحر
    يلس على شاطي البحر وهو حاس بالم كبير في قلبه ، بس مب عارف شو يسوي عشان يرضي هل الانسانه .. هاي هيه ليلة العمر الي كان يتمناها ؟؟ لكن مافي كلام يعبر عن الي في خاطره ..
    بس انا اقول لسعيد : قصتك رحلة طويلة ما تلملمها المشاعر .. الحزن ذوب نهارك و الساهمي يعيقه..ما بقا لك غير ذكري تحتضر في قلب شاعر ..الظما ادمي حياتك والامل مابل ريقه ؟؟
    روضه ولا افتكرت حتى ولا كانها عروس واليوم ليلة عرسها ، تفكيرها مجرد عن كل شي الا سالم ، الحب اعماها عن كل شي ، اعماها حتى عن فكرة انه سالم يخدعها ، اليوم الثاني اتصل سعيد بناصر ، و حليله سعيد كان راكد في السيارة عند البحر ..
    ناصر : ها سعيدان ، شحالك يا لمعرس ؟؟
    سعيد : اي معرس هذا الي ترمس عنه ؟. ناصر : شو بلاك ، جنى خربت عليكم الحينه الساعة 12 الظهر ، قلت يمكن قمتوا من الركاد .
    سعيد : ضحكتني يا ناصر وانا ما فيه ضحكه ؟ . ناصر : شو بلاك يا ريال ، روضه بعدها على رمستها الاوليه ؟؟ هاي مول مب ناويه تعقل ، ياخي انا شاك فيها اتصدق ؟
    سعيد : لا يا ناصر ، كله و لا الشك بس هيه عشان تكرهني جي اتسوي ، ولانها خذتني غصبن عنها .
    ناصر : اقول سعيد لو درست محاماة مب احسن عن الهندسة الي درستها ؟ والله انك تقهر طيبتك الزايده وتفكيرك الزين في الناس هو الي وصلك لهاي الحالة ؟؟ وانا احساسي يقول انه روضه وراها شي . سعيد : لاه يا ناصر ، انته ترمس عن شرف اختك ، وروضه مستحيل جي اتكون ، انه بعض الظن اثم . ناصر : ابا اسالك سوال و ابغيك اجوابني ؟
    سعيد : اتفضل ؟ . ناصر : ليش تحب روضه لهاي الدرجة ؟؟؟
    سعيد : ااه يا ناصر، مادري شو اقولك ؟؟ الحب يوم يدش في قلب الانسان ما يكون له اسباب ، حتى لو الي تحبه ما يفكر فيك ويكرهك ، بتم تحبه غصبن عنك .
    ناصر : رومانسي سعيدان ؟ بس والله انك ما تستاهل هذا كله يا سعيد ، مب حاله هاي الي انته فيها، انا روضه لازم ارمسها و اتافهم وياها واعرف شو الي في راسها.
    سعيد وبكل غصة : ماله داعي ، بترمس عمرك خلها على الله .
    ناصر : خلها عليه وعلى الله وانته بتشوف. سعيد : لا تجبره من عافنا ما ينجبر ، يا ناصر. .ناصر : احنا عمرنا ما غصبناها على شي ، ولو احنا غصبنها عليك ، فاحنا غصبنها على شي زين ، عمرها ما بتحصل حب وراحه و سعادة مثل الي بتحصلهم عندك، اصلا نادر في هالزمن الحب الي مثل حبك.
    سعيد : يا خسارة حبي الكبير ؟؟ يا خسارة كل شي.
    ناصر وهو يحاول يخلي سعيد يبتسم : شو رايك انزين انسير نشقح في مير كاتو ؟؟ يا حلوهم البنات الي هناك .
    سعيد : يا حلوهم البنات ها ، وين ريسه عنك ما عليه ان ما خبرتها عليك . ناصر: يا سعيد انا ابغيك تضحك وتنسي انته ولا جنك معرس البارحة ، والله جنك طالع من عزا.


    سعيد : خليني انا الحينه برد الفندق ، بتصل بك ، في مال الله .

صفحة 1 من 2 12 الاخيرةالاخيرة
الدورات التدريبية جامعة نجران
يشرفنا اعجابك على فيس بوك facebook