مشاهدة : 87730
صفحة 1 من 2 12 الاخيرةالاخيرة
النتائج 1 الى 10 من 17

اقوى قصيدة كتبت عن الحب والفراق

اقراه كامله وستعرف لم سميت بهذا الاسم الله يوفق مثلك الله يخليه. ........................كانك نويت الصد والهجر وياه غالي ولك بالقلب شي ومخفيه .......................اكبر من اللي بالضماير تهقواه في غيبتك

  1. #1
    تاريخ التسجيل
    Jan 2008
    الدولة
    الرياض
    المشاركات
    7,027
    Thanks
    0
    شكر 0 مرات في 0 مشاركات

    اقراه كامله وستعرف لم سميت بهذا الاسم

    الله يوفق مثلك الله يخليه.
    ........................كانك نويت الصد والهجر وياه
    غالي ولك بالقلب شي ومخفيه
    .......................اكبر من اللي بالضماير تهقواه
    في غيبتك قلبي ترى الهم صاليه
    ......................واسهرت ليلي بين ونه وويلاه
    البارحه طيفك مع الليل احاكيه
    ......................يشهد علي الليل والنجم يصغاه
    فكرت ويا الليل مبدع قوافيه.
    .................. ...مسحوب طرقي والقوافي تقفاه
    والحزن فوق القلب والهم مقفيه
    ...................و ليلي غدا ليلين والصبر مقواه
    اكتب شطروالشطر الاخر نجاريه
    ........................شاعر تحد ه والليالي توطاه
    اجزل بيوت الشعر وحكم معانيه
    ......................ولا هزيل القاف واضح ثناياه
    ياللي حرقت القلب منهو يطفيه
    .....................النار نار تتعب القلب واحشاه
    يا مانسيت اللي من الناس نغليه
    ........................ولاعاد به شي ليا حل طرياه
    استر عيوب الناس والطيب ابديه.
    ...................وش خانت اللي ماسترعيب رفقاه
    امس وقبل البارح القلب اهنيه.
    ......................امسي مع الفرحه وصبح بفرحاه
    في شوفتك افرح مع اللحن اغنيه
    .........................وطيفك يسلي كل طرق بمغناه
    قلبي كثير اللي من الناس ترجيه
    ......................وانا الذي قلبك من الناس يرجاه
    لاتحسب ان الصد صعب تحديه
    .......................ترى الزمن يشكي ومثلي تحداه
    انشد وتلقى الليل تقصر مساريه
    .................صدر الزمن يشكي من اقصاه ودناه
    راحت هجوسك مبعده في هقاويه
    .....................انشد جبال اطويق واللي ترقاه
    تلقى زمانك قاصرات لياليه
    .....................هذا الصحيح وتدمع العين فرقاه
    وانت الذي لاضاق صدره نراضيه
    ...................نتعب على شانه على شان نرضاه
    ولا انت تدري من زعل عيب اصافيه
    .....................يادارس اطبوع المشاعر وتدراه
    يا ما لقيتك تشكي الهم تشكيه
    ..................وجهك عبوس تشكي الحظ برداه
    ياللي خذيت القلب وشعادكم فيه
    ....................رده ترى قلب العنا وافي اشقاه
    ارفق بقلب هالليالي تفاجيه
    .........................يابو ثمان مرهفات مصفاه
    انا عشقت وعشقي محد يظاهيه
    ................جيتك على الفطره وذ القلب يغشاه
    احساس من قمة شعور وطريه
    ...................عليك ياللي ناسي القلب تنساه
    في كفي سيف للعواذيل مرهيه
    ................وفي صدري درع لسهوم المصلاه
    ياقلبي الليله على وادي التيه
    ...................جريت ونه والف ونه من الاه
    اسمع صدى صوت المعنا بتاليه
    ....................اضحك واقول الله يعين الذي تاه
    والحق انا اللي تايه في دواهيه
    .......................مجراك نار تكوي القلب تكواه
    باغيه قلبي والمشاعر تناديه
    ........................قلبي عشق قلبه مع الليل ناداه
    يفداك منهو يجمع اريال وجنيه
    .........................يفداه وجه الطيب والعز يفداه
    مثل البواخر لا رست في مراسيه
    ...................حبك رسا صبح ومسا ابكل مرساه
    بين الظلوع الحدب حبه ابنيه
    ....................واكتب عليه من الغلا شي يزهاه
    لكن كيف القلب هذا امتناسيه
    ...................ياصرح مدري جرح ياجرح ودواه
    يمكن صواديف الليالي تحاديه.
    ...........................ولا تغلا والغلا في مزاياه
    لكن قلبي ماصبر ليل مشقيه.
    .......................دنت هجوسي والبلا في محاتاه
    هم على قلبي وهم يباريه
    ...................... .ولا جروح القلب صعبه تبراه
    البارحه قلبي من اللي يداويه
    .......................ياكود وجه يبري الجرح ملفاه
    حامت شياطين الشعرمن بلاويه
    ...................وسرحت في عالم صعيب بمسراه
    هلت دموع العين هلت غواديه.
    .....................على الذي قلبي من الناس بداه
    اكتب حسين القاف وارجع ومحيه
    .......................جف القلم حبره ولا نافع ماه
    شطر نهليبه وشطر نحييه
    ..................وشطر على ماقيل ملعون مثواه
    هذا حبيب ولا عليه مشاريه
    ...................عشره قديمه والحكي تو معناه
    ترى الوفا والطيب حق موفيه
    ......................ترى الغلا والحب حق موفاه
    من باعني بعته وتقصر خطاويه
    ................مدعي عليه ادعي عسى الله يرعاه
    لا ياندي العرض هذي تواصيه
    .................ابوي انا اللي وافي الهرج بوصاه
    وانا الذي من يشري القلب شاريه
    .......................هذا محله قلبي واسعد بلقياه
    اقلطه في صدر قلبي وهليه
    ..................ارحب هلا واهلا وننحر له الشاه
    ونقدم الفنجال والهيل حاليه
    ...................اشقر مقره من ورى الهند مجناه
    يعني انتهى المشوار لاباس ياهيه
    .................خمسين بيت شاعر الجن سواه
    وخمسين بيت تقفي اللي مسويه
    ..............مسرج خيول الجن واهجيك بحكاه
    من قدم الطيبه نرفع معاليه.
    ..................ومن قدم السيه مع الدرب دسناه
    ادعيك من قلبي وانا الغير مدعيه
    .................مشتاق انا والشوق وشلون ابنهاه
    في داخلي حرب من الشوق مذيه
    ..................والصبر طعمه مر وكيف اتحلواه
    من لايعرف الحر لاشك يشويه
    .............اخطيت في حقي وانا ارجيك رجواه
    انا الذي منهو رقا فوق اوطيه
    ........................عليك ياللي كل رجم تعلاه
    لا تحسب اني بسهر الليل مقضيه
    ...................جاتك مثايل وفهم القول وقراه
    قبل امس احبه وفتخر في تلاقيه
    .................واليوم هذا مثلي صرح كرهناه
    الخط الاحمر ليه نفسك تعديه
    .....................قد قلت الك ومحذرك لا تعداه
    رادي ومثلي لاحشى ما ترديه.
    ..................درب الردى لارحم منهو تمشاه
    كان الغدر ميزه وتفخر بتاليه
    ......................الله يعينك تالي الوقت عزاه
    تصبح مابين الناس محد يدانيه
    .................قبلك صفق يمناه في كف يسراه
    الرادي اللي يمشي محد يراعيه
    ...................هذي حياتك باخر الوقت وتلاه
    ياللي تقول الحب وافي ومرخيه.
    .................حبل الوفا تقصره وشلون ترخاه
    الحر لامن فز يكفخ جناحيه
    ..................انا عزيز النفس واللي ورثناه
    المرجله والطيب لازم نقديه
    ....................ماني شحيح تايه ارداه برداه
    واليوم ياوجه بدا فيه وشفيه
    .....................الا عرفت القلب هذا ومرضاه
    لا يالذي قلبك من الغدر تحشيه
    ....................هذا وانا مهجيه وذكر حلاياه
    .لكن علي الله ماعاد انا ارجيه
    ....................في رجعته هم ولا عاد نبغاه
    فيه البقا واللي حلاته نعزيه
    ......................اقولها من بعد هذا عرفناه
    يرثيه وقت الحب والحال ترثيه
    مجلة مدرسة المشاغبين - منتديات مدرسة المشاغبين



    اقرا ايضا : قصص حب
    القطط في الحلم
    رواية بويات
    طريقة عمل الكوكيز
    الدورة الشهرية
    نكات
    الصلاة في المنام
    اسقف معلقة
    فوائد الحلبة
    كلمات اغاني خالد عبدالرحمن

    ....................كم واحد قبلك ترانا رثيناه
    هذاك غالي والله اللي متوفيه
    ..............ولاانت لا مثله ولا وجيت شرواه
    يشهد له التاريخ حضر وبواديه
    .............يرحمك ياللي وافي الطيب والجاه
    ونتي بديتي بالغدر من مواريه.
    ...............عمر الغدر شاين ولو زان مرباه
    درب العنا ياللي نويتي مساعيه.
    ...................خايب وظنك ضايع ابكل مسعاه
    فيك الغدروافي على كل اراضيه
    .................ثوب الغدر ما والله يوم لبسناه
    باسم من انزل محمد وحاميه
    ....................الواحد القهار رب عبدناه
    ماني على صدك ترى القلب اعنيه.
    ................وشعاد يعني لو مثلك هجرناه
    القلب يسلا مع هل الطيب اسليه
    ..............عندك خبر كل على كيف مشهاه
    اقفت ليال الحب واقفت لياليه
    ..............والشوق روح لاترجى وتنصاه
    اطغيت حتى القلب بالغدر معميه
    ..............الصبح لك قلب مع الحب يهواه
    والليل لك قلب من الغدر ماليه
    .............كنت الامل والنفس مثلك تحراه
    ماني صغير السن مثلك يخطيه
    ..............اخطيت ياللي كل شي تخطاه
    اللي رقا للخير ربي يجازيه
    ..............جعله بخير وراعي الطيب حياه
    واللي يحب الشر منهو يخاويه
    ...............ياكود مثل الطبع لاشك خاواه
    العقل راس المال وشلون اقديه
    .............في ذكر رب عالي الناس تخشاه
    جفت عروق القلب جفت خباريه
    ...............لاتحسب ان الحر مثلي تشواه
    حر وفي وصفه طوال مواميه
    ...............انا عريب الجد ياضايع اجداه
    اخطيت في قلبي على الكيف مهديه
    .............انا اشهد اني ظالم القلب وسقاه
    اسقاه من ظيم الليالي ومسقيه
    ..................هم وكل هم موفي زواياه
    الصدر لا من ضاق بالقاف اواسيه.
    ..............شاعر وومر كل شطر كتبناه
    اكتب حروف الشعر من كيفي ووفيه
    ..............والشعر وهبه والعفو ماشريناه
    وغيري كثير الناس لشعر تنخيه
    ............الناس واجد ياهل العرف تنخاه
    لامن كتب بيت تعزوا بعزاويه
    ...............مسكين ياللي كل شطر تبناه
    وانا احمد الله كل شطر موازيه
    ...............لاطاح شطر قام خيه توازاه
    العقل وافي واحمدلله مكسيه
    ............بالطيب والمعروف حنا كسيناه
    حاضر بحاضر ياهل الحسد اسويه
    ..........والموت حق يحصد العمر يفناه
    متين شطر وافي العرف محصيه
    .........ساعه وثلث الطرق حنا بدعناه
    وختم قصيدي عد ماهب ذاريه
    .........على النبي اللي طريقه مشيناه

  2. #2
    صورة الوردة المجنونه
    الوردة المجنونه غير متصل طالب ثانوي
    تاريخ التسجيل
    Jan 2008
    الدولة
    سوريا
    المشاركات
    542
    Thanks
    0
    شكر 0 مرات في 0 مشاركات
    والله احبك وانت ما تدري....!!




    ان جيت لاجل اصارحك بحبي
    الاقي الخجل .. دائما ضدي ..!!

    وان جيت ابكتب لك عن شعوري ..
    تجاهك .. ترجف بالقلم يدي ..!!

    هل هو خوف .. ولا خجل ..
    ولا مكانتك .. عاليه عندي ..!!

    صدقني يا عمري .. انا احبك ..
    وراح اظل احبك .. وانت ما تدري ..!!

    وراح اكتب .. في عيونك شعر ..
    وماني بكاتب .. باخر الشعر اسمي ..!!
    خوفي ل يخطر ببالك .. وتسالني
    عن المقصود .. في كل اشعاري ..!!

    ارجع واخبي عنك .. حبي وودي
    واقول كاتبها .. من نفسي .. ل نفسي..!!

    بس لي متى اخبي .. والغيرة تقتلني
    حتى ان تكلمت .. مع اقرب الناس عندي..!!

    حبيبي فكر .. في شعري وكلماتي ..
    وخلي الخجل .. وبصدق جاوبني ..

    وابغي الجواب ينتج .. من راحة وتاني ..
    فانت بيديك .. تحييني .. وتموتني ..!!

  3. #3
    صورة الشاعر مساير
    الشاعر مساير غير متصل مشرف قدير سابق
    تاريخ التسجيل
    Jul 2007
    الدولة
    الرياض
    المشاركات
    2,721
    Thanks
    0
    شكر 0 مرات في 0 مشاركات
    صح لسان شاعرها وتسلم يمينك على نقلها
    ابيات رائعه نالت الاعجاب
    شكرا لك

  4. #4
    صورة الوردة المجنونه
    الوردة المجنونه غير متصل طالب ثانوي
    تاريخ التسجيل
    Jan 2008
    الدولة
    سوريا
    المشاركات
    542
    Thanks
    0
    شكر 0 مرات في 0 مشاركات

    من كثر صدماتي بناس قريبين
    قمت اتحرى صدمتي من اظلالي
    كل مابديت انسى وجيه البعيدين
    ذكرت لي مع ضيقة الوقت غالي
    كل ماشعرت اني سليت المحبين
    بديت اطرد هقوتي واحتمالي
    وكل ماتخيلت المحبه من سنين
    ياخذني الهاجوس لابعد خيالي
    مدري بكيت الحلم مع هاجس البين
    والا شعوري بالغلا مايبالي
    مدري عزاي انك بعيد عن العين
    والا الندم يصفق يمينه شمالي
    مدري هو احساسي بفقدي لغالين
    واقول بعد اللي رحل وش بقالي
    او غربة احساسي خذتني على وين
    وضاع الجواب ولا تبدد سوالي
    دام اقرب احبابي نسوني وسالين
    وانا لو انساهم تناسيت حالي
    لو عشت من صده عذاب الامرين
    واستلهمت روحي عذاب الليالي
    ولو المواجع تقسم القلب نصفين
    ماضاق بي صدر الحليم الشمالي
    اترجم المعنى بكل المظامين
    وتجي مسافات المعاني توالي
    وبين الصبر والصمت والخاطر الزين
    ماقلت ياليل العنا وش جرالي
    ومن كثر صدماتي بناس قريبين
    قمت اتحرى صدمتي من اظلالي

  5. #5
    صورة المهاجر سعد
    المهاجر سعد غير متصل مشرف قدير سابق
    ~¤ô§( قلب من زجاج )§ô¤~
    تاريخ التسجيل
    May 2007
    الدولة
    في دنيا سماها امل وارضها وحل
    المشاركات
    8,034
    Thanks
    0
    شكر 0 مرات في 0 مشاركات
    الله يعطيك العافية على المشاركة الرائعة والنقل الجميل ونحن بانتظار جديدك

  6. #6
    صورة عمري بكفن حي طويته
    عمري بكفن حي طويته غير متصل مشرف قدير سابق
     كان سهاد الليل يعشق مقلتي   
    تاريخ التسجيل
    Oct 2007
    الدولة
    اميل مع النسائم حيث مالت
    المشاركات
    5,612
    Thanks
    0
    شكر 1 مرة في 1 مشاركة
    فكرت ويا الليل مبدع قوافيه
    مسحوب طرقي والقوافي تقفاه
    ابداع
    دائما ما تكون القصائد على هذا البحر (المسحوب) قويه وتميل للحزن اكثر .


    ماني على صدك ترى القلب اعنيه.
    ................وشعاد يعني لو مثلك هجرناه
    القلب يسلا مع هل الطيب اسليه
    ..............عندك خبر كل على كيف مشهاه
    اقفت ليال الحب واقفت لياليه
    ..............والشوق روح لاترجى وتنصاه
    اطغيت حتى القلب بالغدر معميه
    ..............الصبح لك قلب مع الحب يهواه
    والليل لك قلب من الغدر ماليه
    .............كنت الامل والنفس مثلك تحراه
    ماني صغير السن مثلك يخطيه
    ..............اخطيت ياللي كل شي تخطاه
    اللي رقا للخير ربي يجازيه
    ..............جعله بخير وراعي الطيب حياه
    واللي يحب الشر منهو يخاويه
    ...............ياكود مثل الطبع لاشك خاواه
    العقل راس المال وشلون اقديه
    .............في ذكر رب عالي الناس تخشاه
    جفت عروق القلب جفت خباريه
    ...............لاتحسب ان الحر مثلي تشواه
    حر وفي وصفه طوال مواميه
    ...............انا عريب الجد ياضايع اجداه
    اخطيت في قلبي على الكيف مهديه
    .............انا اشهد اني ظالم القلب وسقاه
    اسقاه من ظيم الليالي ومسقيه
    ..................هم وكل هم موفي زواياه
    [/quote]

    واضح ان القصيده هي تجسيد لحادثه واقعيه
    ودائما تكون هذه القصائد موثره في النفس وتدغدغ مشاعر الناس كثيرا كما هو الحال في هذه القصيده

    امتعنا يا ورقيس

    لك مني كل التقدير والاعجاب بطرحك الرائع
    وننتظر ابداعك القادم

    تقبل تحياتي ومروري

  7. #7
    صورة سعودبن تركي
    سعودبن تركي غير متصل طالب متوسط
    تاريخ التسجيل
    Feb 2008
    المشاركات
    187
    Thanks
    0
    شكر 0 مرات في 0 مشاركات
    تسلم على النقل الرائع..

    تحياتي

  8. #8
    محيره العشاق غير متصل جاي معه ملفه
    تاريخ التسجيل
    Apr 2008
    الدولة
    السعوديه
    المشاركات
    13
    Thanks
    0
    شكر 0 مرات في 0 مشاركات
    قصيده رائعه تسلم ايدك

  9. #9
    المظلوم غير متصل مشرف قدير سابق
    تاريخ التسجيل
    Oct 2007
    الدولة
    K.S.A
    المشاركات
    17,488
    Thanks
    0
    شكر 0 مرات في 0 مشاركات
    قصيدة رائعة جدا

    تحياتي لك

  10. #10
    برنس الصور غير متصل يمون على المشاغبين
    تاريخ التسجيل
    Sep 2007
    الدولة
    بحر جده
    المشاركات
    1,156
    Thanks
    0
    شكر 0 مرات في 0 مشاركات
    سلمت يمينك علي النقل الرائع هذا

صفحة 1 من 2 12 الاخيرةالاخيرة
الدورات التدريبية جامعة نجران
يشرفنا اعجابك على فيس بوك facebook