المهم اني ماحب اعود نفسي وشعري على شي معين
احب اغير كل فتره وسويت هالخلطه طبعا بعد البحث في كل مكون استخدمته فيها توكلت على الله وسويت الخلطه واستخدمتها وصار لي الان شهر والله العظيم اني كل يوم افك شعري واشوفه ماني مصدقه يابنات قولوا مشالله


وانا قلت مابي احطها الا لما اشوف نتيجتها وعلى فكره انا ماخليتها ومداومه عليها
وماراح اخليها الان .

الخلطه

زيت زيتون علبه متوسطه
وهذا مايحتاج صوره الكل يعرفه والافضل جيبي مقري عليه .

زيت دابر املا وهذي صورة اللي استخدمته وجبته من الصيدليه :




زيت هيماتاج زيت هندي وجبته من عند العطار وهذي صورته بالضبط :



واخيرا ملعقه كبيره سدر مطحون



الطريقه :

تخلطين الثلاث زيوت مع السدر وتحفظينهم بعلبه وترجينها زين زين وخليها يومين ثلاثه
ولما تجين تستعملينها رجي العلبه اول اخذي اللي تحتاجين منها وسخنيه شوي لما يصير دافي
وادهني شعرك فيه وركزي على الجذور بعدها لفي شعرك بالنايلون حق الاكل والبسي كاب صوف او لفي شعرك بفوطه .
وخليه مدة من 4 الى 6 ساعات او نامي فيه .

اول شي استخدميه يومين ورا بعض بعدها كل يومين مره
بعدها بالاسبوع مرتين او ثلاث مرات تكونين خلصتي شهر
بعدها كل اسبوع مره ولو تخلينه يطول على شعرك افضل .

ولما تجين تغسلينه استعملي شامبو خفيف مثل جونسون او نونو
ولما شعرك يجف استعملي كريم صانسيلك بالصبار او كريم مكسام وركزي على الاطراف

استعملي فيتامينات الزنك او فيتامينات زيت السمك .
ممكن تشطفين شعرك بالسدر بكل مره تغسلين شعرك مثل ماذكرت في تجربتي الاولى
بالموضوع فوق بس انا مو دايما اسويها مع خلطتي هذي والخيار لك انتي .