بسم الله الرحمن الرحيم
وبه وحده استعين..
[IMG]http://www.************/vb/images/nasser2/f16.gif[/IMG]
تنويه:

راح تستغربون عدم وجود اشياء كثيره
تعودنا عليها كعادات متوارثه من الجدات والمهات..
لالهوم ولابخور ولاغيره..
هذا جدولي الخاص اللي استخدمه ولولا اني اطمع بدعواتكم
الطيبه .واطمع اني اكون قدمت فائده وتيسير لاخواتي المسلمات
كان والله ماطلع من خزانة اسراري لاي مخلوق..

والله ولي التوفيق والله وحده اسال ان يجعله في موازين اعمالي الصالحه
يوم لاينفع مال ولابنون..

***
((جدول النفاس))
المواد المطلوبه:
مطحونه___ كامله
1 المطحونه:
حلب ماش قشر رمان -فلفل اسود
2 الكامله:
رشاد قرفه كمون ورق زعتر حبه سوداء-
3 عسل تمر زنجبيل مبشور
***
بعض التفاصيل المهمه للاعداد:

1 المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..
نعم بتتعبين لكن ثمرة هالتعب تستاهل وبتعجبكم باذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للاسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..
[IMG]http://www.************/vb/images/nasser/hq1surt.gif[/IMG]
4 التمر
ممكن استخدامه معجون او عدل كله مفيد بس لقيت المعجون
اطعم واشهىللاكل بس اذا كنتي بتلقين شي نظيف ومن ثقه..
[IMG]http://www.************/vb/images/nasser/hq1surt.gif[/IMG]
5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..
[IMG]http://www.************/vb/images/nasser/hq1surt.gif[/IMG]
6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لانها تساعد باذن الله في فتح الرحم بسرعه ويسر..
والله الموفق.
***
المشروبات اليوميه في فترة النفاس:
1 الصباح حليب مغلي محلى بعسل ومعاه فلفل اسود < مع الفطور
2-شاي زنجبيل قرفه < بعد الغداء او بين الوجبتين
3 شاي الزعتر في الليل قبل النوم
4 الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
لمزيد من التفاصيل اظغطي هنا
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لانها تبطل مفعول المضاد..
[IMG]http://www.************/vb/images/nasser/hq1surt.gif[/IMG]
الوجبات:

1 الفطور: عندي خيارين بالنسبه لي هما:
سندويشة بيض مقلي مرشوش عليها ملعقه كبيره حلبه مطحونه فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر حليب اللي سبق شرحه.
مهم

اخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..
[IMG]http://www.************/vb/images/nasser/hq1surt.gif[/IMG]
2 الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لاكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..
[IMG]http://www.************/vb/images/nasser/hq1surt.gif[/IMG]
3 العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه .
[IMG]http://www.************/vb/images/nasser/11_1_201[1].gif[/IMG]
النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لانه يشدها .
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح
هذا ماعندي باختصار وبدون تعقيد وعند الالتزام به سترون فائده عظيمه
باذن الله تعالى..
الله ينفعني واياكم بما علمنا..
ويسهل علينا ويسخر لنا ازواجنا
ويهدينا ويثبتنا على الحق الى يوم نلقاه
انه ولي ذلك والقادر عليه..