قلبي اللي وقته الاقشر لعب به
بين هم العذب وصروف الزماني

واحد قلبي بنيرانه يشبه
مارحم قلب عليه الموت داني

يوم قلت ارحم خفوق ضاع دربه
قال وقف والحساب اليوم حاني

وين رايح والهوى سمه وطبه
في يميني وانت للغيض تحداني

قلت لحظه والزعل ياشيخ كبه
الزعل من بيننا ضايع وفاني

انت من عذبت قلبي بالمحبه
واخر الايام عزمت تعصاني

بس عطني للزعل والغيض سبه
لاتجيب علوم مامعها بياني

قال تجرح خافقي وتقول كتبه
وانت تدري من سببك الموت جاني

جيش حبك ولعت نيران حربه
واشعلت قلبي وشبت فالمحاني

والصراحه لو بغيت انساك صعبه
صعب نسياني لمن حطم كياني

قلت ياللي عشت من سبتك غربه
ماخبرت الحب يشكي منه جاني

جاني وتشكي صواديف الاحبه
مانصدق لو تقول انك تعاني

وانت تجرحني وبايع كل صحبه
ابشر اني ماتمنى من نساني

كنت ابي اعرف عن مدى حبي بقلبه
لين قال ارتاح مافي القلب ثاني

عقبها غنيت قيفاني بطربه
وستراح القلب من هم طواني

من هواني سقت انا دمي لقربه
واكتب لشخصه جزيلات المعاني

والنهايه من رحل ياجعل دربه
بالسلامه ماهوى من لاهواني




[/IMG][/URL]