لا تسالوني وش جرى في حياتي
خلوا همومي بالحشى مستقره
الصمت ثوبي والمواجع ماساتي
والحزن كله وسط قلبي مقره
لو استعيد بواقعي ذكرياتي
احيا واموت في الثانية الف مره
همي يجيني من جميع الجهاتي
وتجاوز حدود الكون والمجره
**********************
محتاج اضمك واترك الدمع ينساب
ويكتب على خدي بلاوي سنيني
بالحيل ميت من زمن مابه اصحاب
والكل منهم بالمصايب يجيني
الا انت وينك لاتعذر بالاسباب
ابيك تترك كل شي وتجيني
********************
ودي تسمع من حزين هل دمعه وانتثر
ياقبر اسمح لي لحظه ودي تسمع من رجاك
ودي تسمع من حزين هل دمعه وانتثر
ياقبر والله مصيبه كيف ابسلى من لفاك
كيف ابسلى عن حبيب غاب عني من شهر
ياقبر وشهي حياتي دام عزي في ثراك
الحياة والله بدونه ضيق نفس مع كدر
ياقبر عطني ثواني ودي المح من ضواك
ودي احضن من تشيخ البوادي والحضر
ياقبر هذا ابوي ياهنيك يامناك
كم نفس ترجي قربه في الرخاوي والعسر
ياقبر ياليت خدي تحت خد اللي معاك
ياقى وجهه عن ترابك وماختلط به من حجر
ياقبر احشم جنابه يرحم الله من بناك
والله لو ماهيب عباده ماتضمه ياقبر
ياقبر لو ادري اني لو بكيت اللي فخفاك
اقدر اهنى به دقيقه والله لذرف كم نهر
ياقبر تكفى المروفه المروفه باللي جاك
انفسح له مد شوفه بامر قايد هالبشر
ياقبر ياجعله جعله من تغافل او نساك
وفوسطك امه او ابوه جعله يدفن بالصخر
*************************





تقبلوا مروري.. ابي الردوود