السلام عليكم ورحمة الله وبركاته



هلا وغلا لكل من شرف ونور الموضوع،،

انا من عشاق البروستد وبالاجازات الغالب مايكون عشائي من برا ولازم يكون بروستد

وتبون الصدق لما شفت نفسي ادمنت عليه قلت خليني اجرب اسويه بالبيت
سويته مره مرتين لكن للاسف ماضبط
وماياست قلت خليني اجرب مرة ثالثة <- انا من النوع اذا حطيت شيء براسي لازم اسويه لين اتقنه ^
وع قولة القايل/ الثالث ثابته !

لقيت لي وصفة مصورة وكانت مشابهة لوصفة المطاعم بالشكل والطعم حصلتها باحد المنتديات للاخت الحنون الله يجزاها خير
رشة عطر

وكانت الصور مغرية ومشهية حمستني اسويها

وهذي المقادير/
دجاجة مقطعة الى 12 قطعة تقريبا
بهارات كمون فلفل اسود فلفل احمر حسب الرغبة زنجبيل بودرة ملح

لكن عدلت عليها بهالشكل/
لاني اضفت ثلاث دجاجات والبهارات
فلفل اسود بهارات مشكلة ماجي ابيض الملح الصيني نكهة باربيكا بهارات دجاج جاهزة من السوبر ماركت) ملح

التغليفة
كوب طحين او اكثر نصف ملعقة صغيرة بكينق بودر

الطريقة:

*اخلط البهارات واتبل فيها الدجاج واخليها بالثلاجة لتمتص نكهة البهارات لمدة ساعة ونصف وان زاد لايضر

نغمس الدجاج بالطحين المخلوط بالكينق بودر في صحن ونغلفة بنايلون او يوضع في صحن ويترك في الثلاجة مرة اخرى لمدة ساعة او اقل

بعد ذلك نخرج الدجاج ونقليه في قدر زيت او مقلاة ذا غطاء تم تسخينه مسبقا ويغطى لتنضج لمدة 13 او 15 قيقة

بعد مرور هذا الوقت تكون قطع الدجاج نضجت ولونها تغير واصبح ذهبي ارفعيها ع ورق ماص للدهون واكملي بقية قلي الدجاج.

قدمي البروستد مع البطاطس او المايونيز والكاتشاب او اي من الصلصات اللي تفضلينها

انا قدمت معاه صلصة الثوم الثومية)

مكوناتها/

بياض بيضه ربع عصير ليمونه نصف ملعقة صغيرة ملح+رشة سكر+ملعقة صغيرة خل ابيض فص واحد ثوم نصف كوب زيت

طريقة العمل:

نخفق جميع المقادير ماعدا الزيت بالخلاط الكهربائي الى ان يكون الخليط كريمي ثقيل نوعا ما ثم يضاف الزيت ويخلط ويقدم
وهذي صورته



جربوه من جد لذيذ وطعمه مثل حق المطاعم والذ
والاهم من كذا نظيف و لما ذاقه اخوي قال هذا الشغل النظيف مو اكل المطاعم اللي ناكله ولاندري وش فيه
وعليكم بالعافية

دمتم بود

ريمووه