هذا طال عمركم يوم طلعت من الرياض وانا اقف في محطة القصيم ابشتري بعض الحاجيات من فصفص وبسكوت وبايسن وغيره
المهم اني شريت كل مالذ وطاب وحاسبت وطلعت وركبت السياره
يوم ركبت تفاجئت بواحد راكب معي
وانز
قلت السلام عليكم . مارد
بالخير يالخوي مارد
هاه وش القصه ليش ما ترد وش اللي مركبك بسيارتي برضوه ما يرد
قلت طيب تب اوصلك والا وين تبي
هو ساكت ولا حرف زي الالف ما يتحرك وساكت
لا حول وش اللي بلاني فيه هذا قلت تدري خلينا نمشي ونشوف وش قصته يمكن انه اطرم والا ما يتكلم يمكن يبين اوصله قدام
عشقت بواحد ومشيت الهوينه .ز لعله يقول شئ والله وساكت وكل شوي يناظرني
يوم مسكت الخط وحطيت رجلي على الطبلون وفتحت الفصفص والبايسن
قلت له تبي بايسن ما يرد تبي بسكوت ما يرد تبي فصفص تنقم ما يرد
لا حول وجلست اسولف معه من وين انت وين تبي وش اللي ركبك وراك ما استاذنت ما يرد مؤدب مثل بعير الشنفره
المهم يوم وصلنا تفتيش صلبوخ قلت الله يستر انا شلت هالعله ولا يصير معه مخدرات والا من المطلوبين والا معه شئ ما شيات
والحكومة شاده حيله هاليومين
الغريبه ان الجندي قال لي تفضل اول مره يوقولن لي تفضل بالعاده يحسرون بي
مشيت انا وفصخت شماغي وجدعته ورى وجلست اسولف عليه كنه ما همني ولا خفت
من وين يالحبيب وين ودك اوصلك ساكت هو ما يرد
طيب المكيف تبي اشغله لك ما يرد .. تبي اشغل لك شريط ما يرد حجاب والا عتاب برضوه ما يرد شكله يسمع للنانسي وانا ما اسمع له
والله واحمق واشغل له خلف قلت خله ينقهر
يوم وصلت تفتيش المجمعه والا الطابور واصلن الرياض قلت الله يعين هذا اللي وله صادونا والله وهو يتحرك شوي وتقل انه خاف قلت انحش اوالله البلشه . واللي رحت يا مستغرب دهن محاله وشولوا تبزع وتشيله كان نزلته غصبن عنه
يوم وصلنا الجندي قال لي تفضل ولا سالني
نزلنا مع طلعت الغاط ووقفت اصلي بالغاط وهو ما نزل من السياره جالس ومسكت ومؤدب وزي حرف الطا
صليت جمعا وقصرا . وركبت السياره والا هو جالس ما يتحرك قلت يمكن انه مصلي وجامع ما ندري
سلمت عليه مرة اخرى وركبت السايره ومشينا
يوم وصلنا تفتيش ام سدره عاد عارفهم هذولا ما يخلون واحد يمر ما يبهذولون فيه قلت هذولا اللي يبي يصيدونه
وقفت عندي الجندي وانا اشر للجندي واقول له شف اللي معي وهو ما يسمع
من زود القهر قال الجندي تفضل يا اخي على الاقل اسال كل عمركم تبهذولون فينا ليش اليوم تمشونن
مشيت انا وقلت خربانه خربانه خليه

المهم ما لكم بالطواله

يوم وصلت القصيم ومسكت الدايري وافتح القزازه حقت الراكب
8
8
8
8
8
8

والله ويطير العصفور اللي كان راكب معي من الرياض والله انبسطت انا وياه بالخط