مشاهدة : 9702
النتائج 1 إلى 6 من 6
  1. #1
    صورة ذيب الشيابين
    ذيب الشيابين غير متصل طالب ابتدائي
    تاريخ التسجيل
    Mar 2008
    المشاركات
    66
    Thanks
    0
    شكر 0 مرات في 0 مشاركات





    يوميات مراهقة محرومة





    طبعا هذي القصة مئلفتهاالكاتبه الصغيره TamZ و اهيه من مزج الخيال فاذا صادف و تشابهت احداث القصة مع احداث بالواقع او مع شخصيات واقعية فاهوه من باب الصدفة فقط لا غير . و اتمنى تقرون القصة و تعجبكم ..
    ترا من اولها الشخصيات واااااااااااااااا ااااااااااايد و راح تنصدمون . فلا تستغربون من العدد لانهم 68 شخصية و اهيه من 12 جزء و في اللي ادوارهم مهمة و في اللي ادوارهم عادية و بعدين لازم تعرفون ان الانسان في حياته يقابل حوالي المليون شخص المهم بلا طولة قرقة ..

    الشخصيات -
    1 بيت بو بشار -
    • احمد > بو بشار < صاحب عدة شركات و مشغول عن اهله 24 ساعة
    • اسماء > ام بشار < الام اللي ما يهمها احد غيرها و ما تدري عن عيالها
    • حصة >> زوجة احمد الثانية << مرت الابو الشريرة
    • بشار >> الولد العود << الاخ لؤم
    • بشاير >> البنت الكبيرة << البطلة 1
    • بتول >> البنت الصغيرة << البنت الضايعة
    • بسام >> اخر العنقود << الاخو اللي ربته بشور و اللي تعلق فيها

    ***********************************************

    2 بيت بو فهد -
    • يوسف >> الابو << صاحب عقارات و عدة شركات
    • سارة >> الام الحنونة <<
    • فهد >> الولد العود صاحب المسئولية <<
    • منال >> زوجة فهد <<
    • راوية >> البنت الكبيرة <<
    • خالد >> زوج راوية <<
    • رزان >> البنت الثانية <<
    • سعود >> زوج رزان <<
    • ريم >> البنت الثالثة <<
    • طلال >> زوج ريم << عم بشور
    • روان >> البنت الرابعة <<
    • داوود >> خطيب روان <<
    • فارس >> التوام المغرور << البطل 1
    • فراس >> التوام المتواضع << حبيب دنونه و البطل 2
    • رتاج >> اخر العنقود << البطلة 2
    • يوسف >> ولد فهد <<
    • مي >> بنت فهد <<
    • في >> بنت فهد و توام مي <<
    • احمد >> ولد راوية <<
    • محمد >> توام احمد <<
    • عبدالعزيز >> ولد رزان <<
    • هديل >> بنت ريم <<
    • سارة >> بنت ريم <<

    ***********************************************

    3 بيت بو محمد -
    • جاسم >> الابو المتوفي <<
    • روان >> الام المريضة <<
    • محمد > الولد العود و اللي ربى اخوانه بعد وفاة ابوه و يدير شركة ابوه <
    • علياء >> زوجة محمد <<
    • داليا >> البنت الكبيرة <<
    • عبدالرحمن >> زوج داليا <<
    • سلوى >> البنت الثانية << اللي متحملة مسئولية البيت فوق راسها
    • حمد >> زوج سلوى <<
    • دنونه >> البنت الثالثة << حبيبة فراس و البطلة 3
    • سارة >> البنت الصغيرة <<
    • مشاري >> اخر العنقود و اللي متعلق بدنونه وايد معتبرها قدوة له <<
    • جاسم >> ولد محمد <<
    • دانه >> بنت محمد <<
    • فهد >> ولد داليا <<

    ***********************************************

    4 بنات بالمدرسة -
    • شلة غريب غدير رؤى ياسمين بدور
    • شلة بدر: بشاير دانه رتاج
    • رغد البويه >> مبارك <<
    • زينب البويه >> نواف <<

    ***********************************************

    5 ناس من بره -
    • عبد العزيز >> اعز ربع فراس << البطل 3
    • ماجد >> اعز ربع فارس << البطل 4
    • نور >> بنت عمة بشور <<
    • روان >> بنت عم بشور <<
    • رشا >> بنت عم بشور <<
    • دلال >> بنت عم بشور و اخت روان <<
    • اريج >> عمة بشور اللي ربتها <<
    • ديما >> رفيجة بسام بالروضة <<
    • احمد >> رفيج بسام بالروضة <<
    • مريم >> بنت عم رتاج و مو متفاهمة مع رتاج <<
    • نور >> بنت عم رتاج اللي دايما تتهاوش معاها <<
    • خالد >> ولد عم رتاج <<
    • مبارك >> ولد عم رتاج و اخو مريم <<
    • محمد >> ولد عمة رتاج <<
    • فرح >> بنت عمة رتاج و اخت محمد <<
    • هويدا >> بنت عم رتاج و التوام الهادية <<
    • رويدا >> بنت عم رتاج و التوام المشاغبة <<
    • صبا >> بنت عم رتاج <<
    • عبدالله >> ولد عم رتاج و اخو التوام هويدا و رويدا <<
    • سعود >> ولد عم رتاج و اخو صبا <<


    متابع

  2. #2
    صورة ذيب الشيابين
    ذيب الشيابين غير متصل طالب ابتدائي
    تاريخ التسجيل
    Mar 2008
    المشاركات
    66
    Thanks
    0
    شكر 0 مرات في 0 مشاركات
    يوميات مراهقة محرومة

    Part 1

    حياتي لو اوصفها بالكلمات اوصفها بكلمتين غريبة حدها . انا اسمي بشاير و احب الكل يناديني بشور . و انا بنت ناس محترمين و عيال فلوس و خير و نعمة و عندي كل شي و محرومة من كل شي . تسالون شلون هذا باب يومياتي فتحته و استغربوا من حياتي -

    عندي اعز رفيجاتي دنونه و رتاج و اخوي اللي ربيته بسام و عمي طلال و مرت عمي ريم كانوا احن علي من الام و الابو اللي عمري ما حصلت حنانهم . و ما انسى اهل رتاج اللي اعتبروني بنتهم و اكثر و ما فرقوا بيني و بين رتاج بالمعاملة ابدا . و عندي الانسان اللي يسمعني و يحن علي فراس . و اللي ماخذني على قد عقلي فارس . و اللي يحاول يعالج عقدي النفسية عزوز .

    الله رحيم و محد لازم يياس من رحمته صج انه ياخذ اشياء بس يعوضنا بدالها . و مهما اخذ منا اكيد كان فيه شر لنا و كل اللي يعطينا اياه خير لنا . بس انا عانيت بحياتي بما فيه الكفاية و الله بعد هالعمر ريحني كان مجرد اختبار دام مدة >> ما ابي احرق القصة << و بالاخر ارتحت . الف حمد و شكر لك يا ربي ..


    * بيت بو بشار *







    بشور يبا ابي اخذ بسام معاي اليوم ابي اطلعه امشيه شوي
    الابو اي انزين . جم تبين
    بشور ابي 500 دينار . ابي اشتري جم شغله حقي و حقه .
    الابو Ok هاج . انا راح انام بره البيت اليوم .
    بشور عند سحيلة
    الابو سحيلة امج احترمي نفسج انا ابوج مو واحد من الربع اي و بنام عند حصة .
    بشور شفيك عصبت قعد اتغشمر .
    الابو لا تتغشمرين هالغشمرة معاي . هذي زوجتي مهما كان
    بشور انزين يبا دام ان امي ما تنام بالبيت و لا تدري عنه ييب حصة تعيش هني عندنا
    الابو Ok انا اكلمها اليوم . وين امج و بشار
    بشور يعني اللي يسمعك يبا يقول ان امي و بشار عايشين معانا بالبيت امي و بشار كالعادة
    الابو طالعين
    بشور اي .
    الابو و تلوميني اذا تزوجت على امج .
    بشور اي الومك لانها ام عيالك الاربعة بشار و انا و بتول و بسام !
    الابو و يعني انا مو محتاج اللي يداريني و انا بهالعمر
    بشور تقوم تتزوج وحده بعمري و بس طمعانة بفلوسك !
    الابو لا حصة تحبني مو طمعانة فيني
    بشور يبا احسبها صح وحده عمرها 19 شتبي من واحد كبر ابوها اراهن انها تحب واحد و متفقة معاه عشان تشفط كل فلوسك منك و تذلف !
    الابو انا مو مينون و صاحي لكل شي قعد يصير حوالي .


    و يروح الابو ...................



    بشور باجر تاخذ منك فلوسك و تقول بشور قالت . و الله اذا يبتها البيت الا من ثاني يوم اطلع اعصابها و اخليها تهج من البيت هين يا حصيص اذا ما بجيتج ما اطلع بشور !!
    بسام بشور راح نطلع ؟
    بشور اي روح بدل ..
    بسام شنو البس ؟
    بشور البس البدلة الزرقة
    بسام Ok .

    و تروح تطلع مع بسام تمشيه شوي بالمجمعات و توديه جم مكان يستانس فيهم . و اهيه راحت تتسوق اشترت ملابس يديده حقها و حق بسام و تلفون يديد و اشترت وصلة w.net و بعد ما استانست اهيه و بسام رجعوا البيت الساعة 11 بالليل . و اول ما دخلوا البيت كانت حصة قاعد بالصالة تنطر بشور .

    حصة حضرتج وين كنتي لي هالحزة ؟
    بشور مو شغلج . انا محد له خص فيني بهالبيت كل واحد يهتم بنفسه بس !
    حصة هالقانون راح يتغير ..
    بشور ما اظن لان يا حلوة ما تقدرين قانون عمره 24 سنة .
    حصة لا تتحدين .
    بشور اتحداج و اكسر راسج بعد
    حصة احترمي نفسج !
    بشور انا محترمة غصبن عليج
    حصة صج ان امج ما عرفت تربيج
    بشور لا حبيبتي تربيت و احسن منج خو مو انا خطافة الرياييل اللي طمعانة بالفلوس .
    حصة قصدج منو
    بشور اللي على راسه بطحه

    و تروح بشور دارها بعد ما رفعت ضغط حصة و فتحت دفتر لونه اسود و عليه جمجمة و كانت تسميه دفتر الشر كل مخططاتها الشريرة بهالدفتر و بدت تحط خطة طلاق حصة من احمد و بعد ما حطت الخطة ضحكت ضحكة شيطانية هاهاهاهاهاهاهاهاهاهاهاهاه اهاهاهاهاها مثل اللي لقى فكرة جهنمية ............ ,

    * بيت بو محمد *


    الام بس يا دانه !
    دنونه يما انتي اللي بس كل خواتي راح يتزوجون الا انا !
    الام بس كل بنت تحلم بيوم عرسها !
    دنونه الا انا
    الام اي ليش ؟
    دنونه لاني ما شاء الله تبارك الرحمن تربيت في جو من التالف الاسري اللي فيه ابوي يحب امي موووووت و ما يزفها ابدا و خواتي مو كل يوم اييون يشتكون من رياييلهم و الاخوان قلوبهم على بعض عرفتي ليش ما ابي اتزوج ؟ مابي افارق هالعايلة السعيدة !
    الام تتطنزين حضرتج ؟
    دنونه شرايج اي اتطنز ابوي الله يرحمه مات من كثر ما كنتي عنيدة و باسج قوي و الحين متحسفة .
    الام اووووووووووه و انا ليش معوره راسي فيج كيفج انتي ..
    دنونه اي احسن !

    * بيت بو فهد *


    فراس يا رتاج يا حيوانه ييبي الIpod الحين .
    رتاج هااك فارس القف
    فارس تعال اخذه من عندي !
    فراس فارس ييبه و خلصني ابي اطلع !
    رتاج فارس هااات
    فارس هااااااج !
    فراس هين والله لا اوريكم بس ارجع
    رتاج كاااااااااااااااا ااااااااااااااااا اااااك Bye .
    فارس ههههههههههههههههه هههههههههه Bye .


    * بحبك كل يوم اكتر >> محمد حماقي


    رتاج هلا والله بالقاطعة اللي ما تسال وينج مختفية اسبوع ؟
    بشور جفتي السخافة ابوي ياب حصيص تسكن عندنا !
    رتاج حصيص منو
    بشور شفيج مداج تفقدين الذاكرة حصيص مرت ابوي !
    رتاج اهاا اي شي عندكم وين غرفتها
    بشور بالدور الارضي يم غرفة امي و ابوي .
    رتاج انزين شبتسوين
    بشور طلاقها على ايدي !
    رتاج حاطه خطة ؟
    بشور اكييييييييييد !
    رتاج بدفتر الشر
    بشور yes انزين رتاج فتحي باب بيتكم
    رتاج ليش ؟
    بشور فتحيه و بس bye .

    و تروح تفتح الباب و لا ........................................... ،،

    تبون تعرفون الباجي ؟
    نطروا ال Part 2

  3. #3
    صورة ذيب الشيابين
    ذيب الشيابين غير متصل طالب ابتدائي
    تاريخ التسجيل
    Mar 2008
    المشاركات
    66
    Thanks
    0
    شكر 0 مرات في 0 مشاركات
    Part 2


    و تروح تفتح الباب و لا ما تجوف الا وحده ناطة عليها تحضنها حيل مثل الياهل الضايع اللي لقى امه . و رتاج ليلحين من منصدمة من الموقف . و لا -

    رتاج هاا
    بشور شفيج جذي مصدومة ؟؟
    رتاج و انا اوووووووه ههههههههههههههههه هههه
    بشور ههههههههههههههههه ه مفاجاة مو
    رتاج حدها ههههههههههههههههه هههه
    بشور المهم شلونج حدي ولهانة عليج فقلت اسويها مفاجاة و ايي ازورج ..
    رتاج لا والله احلى مفاجاة !
    بشور المهم قولي اخر تطورات حياتج و حياة فراس و اهلج ؟
    رتاج ويييييييييييييييي ييييه صارت وايد اشياء تعالي بس تعالي ..
    بشور يللا قولي ..



    * بنفس الوقت ببيت بو محمد *


    دنونه ههههههههههههههههه ههههههه ..
    ...... دوووم هالضحكة .
    دنونه تسلم .
    ...... بس شرايج فيني خوش صورة مو
    دنونه الله يقطع سوالفك حتى بالماسنجر ؟
    ...... افاا عليج اعجبج .



    * تم تسجيل دخول العن ابو السخافة حصيص ببيتنا *

    دنونه جسووم انطر بشور شبكت .
    جسووم اي يبا رفيجتج شبكت انزين روحي .
    دنونه غصبن عليك . brb
    جسووم tyt ..



    * تم تسجيل دخول ولهت عليكم بشور و دنونه وينكم ؟ *

    و تدش دنونه مع بشور و رتاج بمحادثة وحده ..

    دنونه Hi girls where r u I missed u
    بشور موجودين لو صج ولهتي علينا في اختراع اسمه تلفون بيت بما ان ما عندج نقال .
    رتاج دقي و سئلي عنا ؟
    دنونه اوووووووه ما كنت فاضيه كنت بالمزرعة الاسبوع اللي طاف مع اهل امي .
    بشور اعترفي مع منو كنتي تتكلمين ؟
    رتاج اكيد مع جسووم خو ما عندها غيره ؟
    دنونه اي صح كنت اكلم جسووم ولد خالي .So what شصار جريمة قتل ؟
    بشور هذا الحب يا روتا الحب و ما يسوي لوووووووووووول .
    رتاج اي صح . لوووووووووووووول ..
    دنونه ويييييييع ما بقى الا جسووم احبه عاد تخيلوا لو صج انا احبه ؟
    بشور ابجي بعرسج ما بقى الا جسووم تاخذينه
    رتاج عاد انا ابي ارقص و ارقص و ارقص و ما اقعد لمه اتعب .
    دنونه ههههههههههههههههه ه ...
    بشور المهم شلون كانت المزرعة ؟
    رتاج استانستي ؟
    دنونه اووووووووووه حدي
    بشور قولي شسويتي
    رتاج شنو لعبتي مع منو قعدتي متى نمتي متى قمتي ؟
    دنونه ويييييييييييييييي ييييه انا اقولكم رحنا يوم الاحد و اول شي سويناه طبينا حمام السباحة و حدنا استانسنا و بعدين طلعنا رحنا نلعب بالبقيات و سوينا سباق بين الفريق الاحمر و الفريق الازرق و انا كنت مع الفريق الاحمر و احنا اللي فزنا و بعدين تعشينا مشويات و بالليل لعبنا غمزه و بعدين لعبنا truth or dare و صج حدنا استانسنا و جذي كل يوم كان يطلع شي يديد و يعدي اليوم وناسه بس تعرفون لازم يصير بكل الطلعات شوية خلافات مشاعل بنت خالتي ما تبلع جسووم و كله تتهاوش معاه بس كانوا معطين الطلعة جو
    بشور اهم شي استانستي
    رتاج وناسه جان زين كنت وياكم .
    دنونه اوووووووه حدي استانست !!



    المهم و يكملون البنات سوالفهم و اتفقوا انهم يتلاقون قريب . و صار بعدها باسبوعين و ما بقى عالمدرسة الا يومين و يدامون البنات عطلة الربيع خلصت اهئ اهئ اهئ

    * بيت بو فهد *
    الخوات متجمعين ..

    رتاج فاااااااااااااااا ااااااااااااااااا اااااااارس !!!!
    فارس ههههههههههههههههه ههههههه !
    راوية و تضحك بعد جذي شعر روتا يحترق !
    فراس امبييييييييييه كك يحاول يمسك نفسه كك كااااااااااااااااك .
    روان و انت بعد حرااام عليكم نشفتوا شعر البنت !
    رزان حرااااااااااام شسويتوا فيها !!
    ريم حسبي الله عليكم !

    " كانت رتاج حاطه حنة على راسها و فارس و فراس و اهيه قعد تسوي الخلطة فراس شغل انتباه رتاج و قام فارس زاد الحنة الحنة تنشف الشعر و شال الدهن اللي راح تحطه بالخلطة و رتاج يا غافلين لكم الله المهم و تحط رتاج على راسها الخلطة و بعدها تسبحت و لقت شعرها ناااااااااااااااا ااااشف و ناقز و رتاج اساسا شعرها طايح و طويل لي اخر ظهرها "

    رتاج اهئ اهئ شع شعري اهئ اهئ
    ريم تره مو خوش شي اللي سويتوه شوفوا شسويتوا بالبنت ؟
    راوية الكل كان يحسدها على شعرها .
    روان و الحين اخوانها اللي حرقوه ؟
    رزان توقعت كل الشي من الثنائي الشيطاني الا انهم يحرقون شعر روتا .
    فارس كنا قعد نتغشمر ؟
    فراس ما ندري ان جذي راح يصير ؟
    فارس و شنو يعني خل تقصه ؟
    فراس بس مو جنه راح تقصه وايد ؟
    رتاج اهئ اهئ اهئ لاااااااا مابي ابي شعري اهئ اهئ اهئ .
    ريم راح تقص شبر كامل شبر
    راوية اااااا قصدج شبر و نص !
    رزان يعني شعرها راح يصير لي ...
    روان كتوفها !!
    فارس اوووووووه
    فراس اوووووولاه من اخر ظهرها لي كتوفها ؟
    راوية عشان مصاختكم !



    و طلعوا الخوات خذوا رتاج معاهم الصالون . و بعدين راح يودونها تتسوق حق المدرسة ..

    * بيت بو بشار *

    بسام بشور تلفون ؟
    بشور منو ؟
    بسام دنونه
    بشور قول لها تدق على تلفون داري
    بسام Ok



    * و يرن تلفون دارها *

    بشور هاا شتبين ؟
    دنونه تذكرين يوم قلت لكم ابي اسوي سايت
    بشور اي جان اقولج سوي سايت عال* و قلت لج عندي سايت واحد اعرفه من اهلي
    دنونه اي عطيني اياه ابي ادشه و ابي اجوف شلون ؟
    بشور اي Ok سجلي ************** Ok .
    دنونه Ok تسوقتي حق المدرسة ؟
    بشور No & u ?
    دنونه No I didn’t خل نروح انا و انتي اليوم نتسوق ؟
    بشور Ok خل ادق على ابوي و امره الشركة اخذ فلوس و ارد و بعدين نروح مكتبة جرير .
    دنونه Ok يللا انا الساعة 5 راح اكون جاهزة ؟
    بشور Ok بس مو جنه وايد الحين الساعة 2:30
    دنونه ابي اطالع سنوات الضياع
    بشور و انا ابي اطالع نور !
    دنونه خلاص الساعة 6 .
    بشور Ok Bye
    دنونه Bye



    و بعدها بساعة دق تلفون بيت رتاج ..


    فراس الوو
    بشور الوو وين رتاج
    فراس سلمي اول بعدين منو انتي
    بشور مو شغلك و بعدين اسلم عليك بصفتك منو اسلوب زفر
    فراس شنو مو شغلي شالاسلوب انتي داقة
    بشور انت منو فارس و فراس
    فراس فراس
    بشور اهلين !
    فراس منو انتي
    بشور انا بشور
    فراس بشور شالاسلوب الزفر والله كنت ناوي ارقع التلفون بويهج
    بشور شسوي بعد انا مو اي احد اعطيه ويه !
    فراس هلا شلونج
    بشور تمامووو & u
    فراس تمام .
    بشور وين رتاج
    فراس طالعة
    بشور Ok خلاص ان ادق بعدين Thanx و Sorry عالاسلوب الزفر
    فراس لا عادي و لو
    بشور Ok اخليك Bye .
    فراس Bye .

    و تروح بشور تطلع مع دنونه و تتسوق على كيفها و كل شي بخاطرها خذته و اشترت على حسابها حق دنونه كل شي كان بخاطرها و ردت البيت و دقت عليها دنونه -

    بشور الو
    دنونه بشور ابيج تقولين حق فراس اخو روتا اني ابي اضيفه عندي
    بشور ليش
    دنونه ابي اساله شلون اسوي السايت
    بشور Ok انا ادري انج ما تخونين جسووم ؟
    دنونه هيييييييييي بسج لا تغثيني اكثر !
    بشور هههههههههه .
    دنونه Ok .
    بشور خلاص نطريني انا ادق عليه و ارد لج خبر .
    دنونه Ok Bye .



    و تدق على فراس ...... ,


    فراس الو .
    بشور Hi شلونك
    فراس توه قبل جم ساعة مكلمج
    بشور ادري بس دنونه رفيجتي تبي تضيفك عندها تبي تسالك جم شغله عن السايت ؟
    فراس Ok .
    بشور Ok
    فراس يللا قولي لها اني بشبك باجر الساعة 1 الظهر Bye .
    بشور Ok Bye .

    و تدق على دنونه و تقولها و ترووووووح تنااااااااااااام عاد بشور شنو تموت عالنوم هههههههه والله اذا ما نامت باليوم عالاقل 5 ساعات تقوم مو شبعانة نوم و متنرفزة و مالها خلق احد و ترجع تكمل نومها و تدبل ال 5 ساعات تسويهم 10 . هههههههههههههه ..


    وصار باجر ..
    يوم السبت . 9-2-2008 . الساعة 5 العصر .


    بشور الو
    دنونه اللووو
    بشور دانووه شفيج
    دنونه لا امبله شبور من كثر ما اهيه متصرقعة قطت بدليه
    بشور شفيج
    دنونه فر فر فر اس .
    بشور فراس ؟
    دنونه لا قصدي اي لا امبله غلط صح ههههههههههههه استخفت البنت .
    بشور بشور اخترعت لا يكون صاير حق دنونه شي انزين .Bye
    دنونه B B B ye



    و تدق على فراس ...... ،


    فراس و انا ما ازهق منج كل ساع داقة ؟؟
    بشور بحده انت شقايل حق دنونه ؟
    فراس و لا شي ؟
    بشور فراس لا تحاول تجذب علي البنت داقة علي و زين منها قادرة تتنفس شصاير
    فراس و لا شي ..
    بشور صدقني تقدر تجذب عالكل الا انا !
    فراس اوووووووه احب الثقة !
    بشور لا ثقة و لا شي بس صدقني ما تقدر عشره 5 سنين مو شوية ؟
    فراس اوووووف منج بس !
    بشور شقلت لها
    فراس I wanna her 2 be My Girl friend
    بشور What !!!!!!!!!!!!!!!
    فراس هههههههه ههههههههههههههههه ه ...
    بشور & u r laughing >> و انت قعد تضحك بعد <<
    فراس انزين دقي عليها قولي لها اني مو قادر انطر ابي الجواب ؟
    بشور Stop Wait
    فراس شنو
    بشور انا اعرفك ما تخون خو انت مو مثل فارس
    فراس Ok So Your Point
    بشور انت عندك ..
    فراس قصدج هديل
    بشور yes .
    فراس تركتها
    بشور why
    فراس Bcuz اهيه ما تثق فيني و عبالها اخونها مليت كل ما ادق عليها تفتح لي س ج
    بشور شلون يعني
    فراس وين انت شنو حواليك في بنات اكيد ضبطت و من هالحجي
    بشور يا اخي كانت تغار
    فراس و انا تعبت من غيرتها هذي !
    بشور المهم !
    فراس المهم انتي دقي على دنونه و قولي لها ابي الجواب
    بشور انزين
    فراس Ok يللا .
    بشور ان شاء الله Bye .
    فراس Bye .



    و لا حصة بظهرها ..


    بشور نعم !
    حصة نعامة ترفسج انا مسافرة !
    بشور قلعة وادرين عساها روحة بلا ردة !
    حصة ايا هين والله لا اوريج بعد ما اسافر !



    و يرن التلفون .......


    بشور هاااااااا
    فراس ويعاااا دقيتي
    بشور لا الحين بدق .
    فراس يللا !
    بشور انزين !!
    فراس Bye .



    و اول ما صكرت التلفون جان يرن مره ثانيه على طول جان تجوف الرقم و لا !!!

    تبون تعرفون منو اللي دق ؟
    تبون تعرفون جواب دنونه ؟
    تبون تعرفون ردة فعل فراس و دنونه و بشور و رتاج ؟
    نطروا ال Part 3 ..

  4. #4
    صورة yaserr_911
    yaserr_911 غير متصل طالب متوسط
    تاريخ التسجيل
    Aug 2008
    الدولة
    المدينة
    المشاركات
    156
    Thanks
    0
    شكر 0 مرات في 0 مشاركات
    والله ما ينفع تحمست بعديت اقطع القصة

  5. #5
    صورة yaserr_911
    yaserr_911 غير متصل طالب متوسط
    تاريخ التسجيل
    Aug 2008
    الدولة
    المدينة
    المشاركات
    156
    Thanks
    0
    شكر 0 مرات في 0 مشاركات
    وين البارت والله كذا ما ينفع

  6. #6
    صورة مشاغبة نمبر وان
    مشاغبة نمبر وان غير متصل طالب ابتدائي
    تاريخ التسجيل
    Jan 2011
    الدولة
    كويت
    المشاركات
    50
    Thanks
    0
    شكر 0 مرات في 0 مشاركات
    مشكورة عالبارت

    ننتظرج

الدورات التدريبية جامعة نجرانبنات السعودية
يشرفنا اعجابك على فيس بوك facebook