مشاهدة : 116547
صفحة 1 من 5 123 ... الاخيرةالاخيرة
النتائج 1 الى 10 من 42

قصة مرسلة الى فوزية الدريع ..بصراحه اتخرع !!!!

  1. #1
    حماده& غير متصل جاي معه ملفه
    تاريخ التسجيل
    Sep 2008
    الدولة
    ينبع
    المشاركات
    11
    Thanks
    0
    شكر 0 مرات في 0 مشاركات

    [ قصه قرئتها قاعجبتني ونقلتها لكم] مرسلة الى فوزية الدريع






    انا متزوج وعندي ولد، في بداية مشواري دخلت كلية الضباط سنة وتخرجت
    وبديت ادخل مثل ما يقولون معترك الحياة تخرجت ملازم وخلال هالسنة
    شديت النجمة الثانية وحصلت على رتبة ملازم اول وكنت احب دوامي بشكل
    مو طبيعي وعلى فكرة انا مدمن شي اسمه كمبيوتر طبعا دوامي الصبح
    تدريب لغاية الساعة 12 وبعدين اقعد لين ارد البيت اناملي ساعتين وبعدها
    اقعد على الكمبيوتر لغاية الساعة 12 مساء هذا الحجي قبل لا اتزوج.


    يوم من الايام كلمني رفيجي وقالي تعال ادخل معاي الشات في برنامج معين
    قلتله انا ما حب الشات وايد، المهم قنعني وفعلا دخلت ولقيتهم خوش ناس
    وكانو الاغلبية في عمري.


    شوفي مع انه ما عرف احد بس حسيت بشي يشدني اني ادش هالغرفة
    بديت ادش الغرفة يوم بعد يوم وصار دخولي للغرفة شيء اساسي من غير لا
    ادري شنو اللي يشدني بالضبط.


    دارت الايام دشيت الغرفة بروحي دخلت فجاة وحدة من المجموعة اللي كنت
    ادردش معاهم وقعدنا نتكلم طول اليوم طبعا انا ما كنت متزوج وقتها واهي
    كانت متزوجة وعندها ولد راحت ايام ويت ايام واحنا كلنا على قلب واحد
    تخيلي مع انه اللي يربطنا مجرد صداقة الكترونية بسنة 2000 توفت امي اللي
    كانت بالنسبة لي كل شيء بحكم اني كنت عايش وياها من ولادتي لانه
    ابوي انفصل عنها وانا بالشهر الخامس في بطنها، دكتورة حياتي انقلبت فوق
    تحت بعد وفاة امي.


    ويوم دفن امي بالمقبرة طبعا اللي نزل القبر عشان يغطون امي اخوي وخالي.


    انا ما قدرت لانه اذا نزلت كنت حالف ما راح اطلع، مسكوني خواتي ووخروني
    عن المكان كله ودوني مكان شوي بعيد عن القبر.


    وبعدين حسيت بشي نفس الشي اللي يشدني للغرفة الي ادشها بالشات
    بس شنو ماني عارف بس اللي اذكره انه في بنت ما شفت وجهها ولا شي
    منها، وقفت وراي وانا كنت ابكي يم قبر امي وقالت لي شد حيلك، هذا
    الصوت ما راح انساه ابد طبعا رديت البيت وبعد فترة تقريبا شهر رديت ادش
    النت بديت احاول اتناسى مع زميلتي.


    قمت اشكي لها في بعض الاوقات والقى عندها الحل اللي يريحني واهي
    نفس الشي مع انها متزوجة وعندها بيت، لكن كنا بحدود معينة نسولف وبكل
    ادب واحترام وبعدها صار لي ثلاث سنين وانا على علاقة خاصة معاها بالنت
    طبعا مو برة النت، ووصل اليوم اللي قررت اتزوج فيه لانه خلاص مالي بهالدنيا
    احد مع انه الله منعم علي باهل لو اعدهم ما قدر اوفي بحقهم وفوق كل هذا
    مو عايش مع احد منهم وبيوم دشيت الشات وقلت للشباب اني بتزوج ويليت
    اشوفكم بعرسي الكل باركلي الا اهي سكتت حتى تمنيت تقولي مبروك
    ونطرتها تدخل علي بالبرايفت الخاص وما دخلت دشيت انا وحاولت اعرف بس
    بطريقة ثانيةتعرفين يعني كخبث بس ما كو فايده ما قالتها لي بس قالت لي
    ابي اكلمك برة النت انا هني انصدمت يا دكتورة، انا ما سمحت لنفسي اني
    اكلم وحده متزوجة وعندها بيت، قالت لي اهي مرة وحده بكلمك وما راح يصير
    اي شي بينا قلت لها بس ما يصير لانه هذا مو من حقي، قالت ادري ولا من
    حقي انا بس انا لازمك اكلمك، قلت اوكي، بس توعديني تلغين رقمي بعد
    المكالمة وما بي المكالمة تطول قالت اوكي، دكتورة انا من عطيتها رقمي من
    ذاك اليوم لو اقولج انه حياتي كلها تغيرت لدرجة ما تتوقعينها هم ما تصدقين
    اللي صار لي كانه فلم خيالي انكتب وانا والبنت ابطالها ، طبعا بالمكالمة
    سلمت عليها ودار بينا كلام عن الزواج


    شفتها مستانسه لي بس قالت لي شي يادكتورة والله لحد الحين ما انساه،
    قالت بعد زواجك بستة شهور راح تتاذى.


    وفعلا يادكتورة انا طحت مريض سويت لي ازالة كليه طبعا انا لحد الحين بعد
    المرض ما كنت مستوعب اللي قالته قلت قضاء وقدر، وانا متزوج كنت اكلمها
    بالانترنت يا دكتورة وما كانت علاقتي فيها شي مجرد احترام وزوجتي تدري
    اني اكلم مجموعة شباب وبنات بالنت واهي تدري اني ماخونها وزوجتي
    متفهمة الوضع المهم جه اليوم اللي ما بغيته يا دكتورة اليوم اللي تمنيت اني
    ما عرفت شي اسمه كمبيوتر، كنت ماخذ اجازة سنوية وزوجتي تداوم المهم
    دشيت النت الصبح وصدفة لقيتها انا كنت ماخذ شقة وساكن فيها، كنا
    نسولف ويا بعض سوالف عاديه.


    فجاة قالتلي افتح دريشتك اللي قاعد يمها، انا عبالي تتغشمر يعني كانها
    عايشه الجو وياي بالغرفة، ولااقولها اوكي، بطلتها كمجاملة، قالت لي بطلها
    خلني اشوفك، قلت اوكي، بس طبعا انا ما بطلتها شفتها، لحت على تقولي
    بطلها ترى انا مو ياهل تقص علي، قلت لها شفيج؟


    قالت انا اكلمك جد وانت تقص علي قلت اوكي بطلت الدريشة وانا بطلتها صج
    قالت لي وقف جدام الدريشة وشوف العمارة اللي جدامك الدور الاول ووقفت
    ولا تقولي راح تشوف دريشة تنفتح وتتصكر.


    وفعلا يا دكتورة والله وراس ولدي الغالي صارت نفس الحركة انا تيبست بمكاني
    بس قلت لا صدفه، قلت لها شنو قالت شفت اللي تبطل ولا لا قلت لا، قالت
    اوكي بطلع فوطة صفرة وباشرلك فيها، انا هني بغيت اقطع الشك باليقين
    وفعلا اطلعت فوطة صفرة واشرت لي تسمرت بمكاني، قلت لها انتي منو
    ومتابعتني لغاية بيتي؟


    قالت لي لاتسالني!


    قلت ليش؟ قالت انا بعد ما عرف بس اللي اعرفه اني اشترك معاك بكل شي،
    دكتورة هالكلام ضل بمخي اياما وشهورا وانا معاها ترى، وكل شي مني ومنها
    قريب من بعض اقولج شنو بالضبط، قبر يدتها يم قبر امي مع انه يدتها متوفية
    قبل امي بفترة بس وصل دور قبر امي يم قبر يدتها بالضبط، والاغرب من جذي
    تاريخ ميلادها مطابق لتاريخ ميلادي، بالضبط بالسنة والشهر واليوم والاسم
    قريب من اسمي حيل ونشترك بصفات غريبة، ووايد شغلات مشتركة بيني
    وبينها وايد موشوية.تلقين اقول فكرة اهي مفكرة بنفس الفكرة بنفس الوقت.


    انا اهني انصدمت اقولها انتي ساحرة او مسويه عمل مع اني ما تربطني فيها
    اي صداقة الا نت وتحلف لي تقولي انا ما عرفك اقولها اوكي انا بعد بس شلون
    جدي؟


    تقولي لا تسالني وللاسف اني استعملت طريقة موحلوة وانا الصراحة اقولها
    وكلي ندم رحت تقصيت من وراها بشوف يمكن اهي تكون على صلة قرابة
    مني، وسالت عنها وطلعت البنت لا اعرفها واصلها غير اصلي وعايلتها غير
    عني.


    دكتورة اهي استغربت حيل يعني شي غريب صار لي وماني عارف شنو اهو
    وليش قاعد يصير فجاة رن تلفوني برقم غريب شلت التلفون ولا هي طبعا لاني
    ما دشيت صار لي فترة.


    قالت: ادري غلطانة، دقيت عليك وادري انك بروحك وماكو احد يمك بس بغيت
    اطمن شفيك؟


    وليش تفكر كل هالتفكير فيني لاتخاف انا مو موذية.


    دكتورة اصدمتني بكلامها شدراها اني افكر فيها؟


    قالت لي قول الكلمة اللي بقلبك قلت اي كلمة قالت الكلمة اللي ودك تقولها
    قلت لها اشدراج واصل ما راح اقولها لانه انا متزوج.


    قالت لي انا متزوجة ومخلصة لزوجي نفس ما انت مخلص لزوجتك بس انت في
    شي تبي تقوله لي، والله يا دكتورة والله انها عارفه اللي بقلبي وعارفة اني
    احبها مع اني مو مبين لها يعني بالدرجة اللي تخليها تشك بحبي لها وكانت
    تعاملني معاملة امي بحنيتها خلتني اقرب منها لدرجة كبيرة بس ما قدرت يا
    دكتورة فجاة قررت اني اطلع من شقتي قبل لا اخلص تشطيبات الطلعة من
    الشقه بليلتها نمت وحلمت فيها تقولي اذا بتطع اقفل بيبان الغرف كلها وخل
    غرفتك مفتوحة قمت من النوم معرق يادكتورة وزوجتي تقولي شفيك؟ اقولها
    باجر نطلع من هني مابي اقعد بهالشقة.


    وطلعت من الشقة وفوق هذا دوامي اللي احبه حطيت واسطة وقدمت
    استقالتي من مكاني لانه صعبه اطلع وتركت النت سنه كاملة.


    اشتغلت بشركة داومي كان 16 ساعة شهر بالبيت وشهر بالدوام دكتورة
    حسيت اني رديت طبيعي وما فكرت باللي صار ابد خليته كله ورى ظهري،
    وكنت احاتي زوجتي وولدي اللي احبهم من كل قلبي.


    وكل ما شوف عيون زوجتي اتذكر اني كلمت وحده ومالي حق اكلمها لانها
    متزوجه وانا متزوج احس بندم من هالناحية بس تغلبت عليه فترة طبعا لصعوبة
    طبيعة شغلي تعبت منه وقدمت بشركة واشتغلت وطلعت من الشغل الثاني.


    فجاة بالمقبرة اطلعت لي بنت حلوة لو اقولج كلمة حلوة شوية عليها وما وفي
    حقها، كنت اقرا القران على قبر امي يت من وراي وقالت لي قوة نفس الصوت
    اللي ياني بالعزا وما شفت الوجه، اهني التفت بسرعة ولا بنت متحجبة وجمال
    رباني باهر وقفت وقلت هلا اختي امري قالت لي ليش غبت كل هالفترة عني؟


    دكتورة انا هني انربط لساني قلت لها انتي.. صاح؟


    وما تعرفين عني شي صارلج سنة قالت لي حرام عليك تسوي فيني جذي
    قلت لها هني مو مكان هالكلام خلينا نحترم عالاقل الميتين.


    قالت ان طلعت من هني ما راح اعرف عنك شي، دكتورة انا ذبحيني ولا بنت
    تبكي جدامي واهي قاعدة تبكي وما ادري شنو السبب؟


    قلت لها خلاص هذارقمي بس لا تبكين جدامي بس وعديني انج ما تدقين اكثر
    من مرة.


    قالت اوكي ومشت عني من طلعت من باب المقبرة رن تلفوني ودريت انها
    اهي واعدتني على البحر وقعدنا طبعا كل واحد فينا بعيد عن الثاني بس
    نسمع اصوات بعض انا طول الوقت عيني ما فارقت عينها اول مرة اشوف عيون
    جذي يا دكتورة حسستني اني لحد الحين طفل مع اني ابو، قلت لها انت منو
    وليش تلاحينني؟ قالت على والله وراس عيالي مادري بس في شي يشدني
    لك واخاف عليك بصراحة حبيتك وكله احاتيك طبعا انا ما تكلمت سكت وقلت
    لها المطلوب تقولي لا توخر عني قلت ليش؟ قالت بعدين اقولك وصار هالبعدين
    الفترة اللي بعدت عنها اهي طاحت مريضة وراحت المانيا وتعالجت وارتاحت
    بس دكتورة في شي ورتني اياه للاسف ماقدرت اخذه منها وتمنيت انه موجود
    عشان ادزه لج بالايميل تتوقعين شنو؟؟ اهي ما شا الله عليها رسامة
    راسمتني بالضبط واهي في المانيا مع اني انا ما عرف ويهها ولا عمري شفتها.


    شلون تتوقعين راسمتني؟ انا سالتها قلت لهاشلون؟ تقولي كنت كل ليله
    تييني بالحلم واتخيلك لما هديتني وانا قاعده مو نايمة فارسمك هالسالفة
    ذكرتني يوم قبل لا اطلع من الشقة قالت بطل باب غرفتك بالحلم!!


    اهني حسيت في علاقة بيني وبينها بس خفية


    والمشكلة قالت لي تفاصيل بعض سوالف يوم تركتها ، ما كانت على بال احد
    هني يديت امبيل لها يا دكتورة حيل حيل اميل لها احسها موجودة معاي بكل
    مكان والله لما اتضايق او احس بضيجه بصدري وما قدر اسولف القاها داقه علي
    تقولي ريح صدرك.


    حبيتها يا دكتورة وكله اناديها الينية لان سوالف خفية تصير بيني وبينه وحبي
    لها سر واحب زوجتي وولدي واهي تحب زوجها وعيالها بس حبها لي غير
    تعشقني لدرجة انها تفديني بروحها وانا نفس الشيء بس ما نتقابل برة مجرد
    لما اروح الدوام ندق على بعض ونطمن وارد البيت، والحين اهي بالمستشفى
    وصارلي 4 ايام مادري عنها، دكتورة الله يخليج ابي الحل..!!



    عاد انا اموت واعرف شردت عليه فوزيه دريع منقول

    فيس بوك

  2. #2
    صورة حلاتي بحركاتي
    حلاتي بحركاتي غير متصل جاي معه ملفه
    تاريخ التسجيل
    Aug 2008
    الدولة
    ][ شرقاويه ][
    المشاركات
    39
    Thanks
    0
    شكر 0 مرات في 0 مشاركات
    يو يو

    كل هذا صار له هالمسكين


    اذا شفت رد فوزية ورني اياه هع


    مشكوور اخووي ع النقلة الحلوه

  3. #3
    صورة حلاتي غلاتى
    حلاتي غلاتى غير متصل طالب متوسط
    تاريخ التسجيل
    Sep 2008
    الدولة
    السعودية جدة
    المشاركات
    157
    Thanks
    0
    شكر 0 مرات في 0 مشاركات
    مشكووووة اختى على القصة الحلوة
    حلات ى غلاتى

  4. #4
    قلوب متحجره غير متصل جاي معه ملفه
    تاريخ التسجيل
    Jul 2008
    الدولة
    القصيم
    المشاركات
    20
    Thanks
    0
    شكر 0 مرات في 0 مشاركات
    وااااو(لا تعليق)

  5. #5
    تاريخ التسجيل
    Sep 2008
    الدولة
    الرياااااااااض
    المشاركات
    259
    Thanks
    0
    شكر 0 مرات في 0 مشاركات
    يو يو يو يو
    شلوووون يصير جذيه<<<متاثره
    الصراااحه كسر خااطري
    ودي اشوف اش حيصيرلواا



    يسلمواا
    ميت ولكن ماني ضمن الاموات

    ميت بحبك وانته تشوفني حي وان كان حبي مات ليه المعانات


    انا بروح اموت / تامر على شئ؟






  6. #6
    ASOOM.ZOOM غير متصل طالب متوسط
    تاريخ التسجيل
    Jul 2008
    الدولة
    الدمام
    المشاركات
    269
    Thanks
    0
    شكر 0 مرات في 0 مشاركات
    قصه غريبه ويمكن فيها خياال شوي وتخووف

  7. #7
    صورة سكورا
    سكورا غير متصل طالب ثانوي
    تاريخ التسجيل
    Dec 2007
    الدولة
    مدينة
    المشاركات
    665
    Thanks
    0
    شكر 0 مرات في 0 مشاركات
    لو انا مكانة انتحر وش هذا ممكن خويتة جنية ولا شي

  8. #8
    صورة طيبتي هي غلطتي
    طيبتي هي غلطتي غير متصل طالب ابتدائي
    تاريخ التسجيل
    Jan 2009
    الدولة
    جده
    المشاركات
    93
    Thanks
    0
    شكر 0 مرات في 0 مشاركات
    مشكور ياخيو
    يسلمووو

  9. #9
    صورة hayonnah
    hayonnah غير متصل طالب ابتدائي
    تاريخ التسجيل
    Jun 2008
    المشاركات
    50
    Thanks
    0
    شكر 0 مرات في 0 مشاركات
    روعة بس تخوف والله

  10. #10
    تاريخ التسجيل
    Mar 2009
    الدولة
    دولة
    المشاركات
    30
    Thanks
    0
    شكر 0 مرات في 0 مشاركات
    السلام عليكم ورحمه الله وبركاته انا ابحث عن موقع لتعليم e ارجا مساعدتي الادارة وشكرا اخت بنت كيوت

صفحة 1 من 5 123 ... الاخيرةالاخيرة

قصة مرسلة الى فوزية الدريع ..بصراحه اتخرع !!!!


مواضيع على تشابه

  1. شاعر اهل البيت بدر الدريع قصيدة حتام يا قلب
    بواسطة امير الابيات في المنتدى مقاطع افلام يوتيوب Film clips YouTube
    مشاركات: 0
    اخر رد: 28-02-2013, 10:42 PM
  2. بصراحه .. ؟ انت تحب الملك .؟!!.. ادخل وقل رايك .. بصراحه ..
    بواسطة **!!خلودي!!** في المنتدى مواضيع عامة و مقالات منوعة
    مشاركات: 37
    اخر رد: 11-12-2008, 03:17 AM
  3. بصراحه !! بصراحه !! بصراحه !! بصراحه !! بصراحه !!
    بواسطة MIDO 32 في المنتدى مواضيع دينية اسلامية عن دين الاسلام
    مشاركات: 2
    اخر رد: 09-10-2007, 12:04 AM
  4. بصراحه
    بواسطة خالد فنان في المنتدى العاب اكس بوكس Games Xbox
    مشاركات: 0
    اخر رد: 27-09-2007, 01:09 AM
  5. اهلا وسهلا يا (فوزية)
    بواسطة فوزية في المنتدى تعارف اهداء افراح مناسبات سعيدة
    مشاركات: 0
    اخر رد: 17-11-2005, 10:34 PM

كلمات دليلية Tags

الدورات التدريبية جامعة نجران - ارشيف - تراسل
يشرفنا اعجابك على فيس بوك facebook