السلام عليكم ورحمة الله وبركاته

كيف احوالكم جميعا عساكم بخير



من غير مقدمات

سلام للي ورى شبكين &&& غريب غايب عن دياره

ياصاحبي اصبر وربي يعين &&& البعد محد قوى ناره

مير المقدر على المسكين &&& دار الزمن يقطع اخباره

بابنيلك الحزن في سطرين &&& مخالف الوقت واسراره

احذر دموع الاسيه تبين &&& لاجاءت امك لك زياره

اخفي دموع الحزن فالعين &&& اظهر لها الفرح بانواره

وقابلها باحلى الكلام الزين &&& قدم لها السمح واعذاره

واطلبها يا امي لاتبكين &&& الوقت يامصعب اخطاره

ادعي يا امي عسى الله يعين &&& في سجنتي تكون كفاره

لاتجعلين الحزن بابين &&& باب الحزن قفلي داره

السجن هذا عليه دين &&& مقابل الشبك وجداره

سجنة شرف ماهي سجنة شين &&& السجن ياكثر زواره

باصبر يامية لو اني وين &&& عادات الايام غداره

لو كان عنك اغيب سنين &&& الورد ماينكر ازهاره

انسى عذاب السجن لو وين &&& عنابر الحبس واسواره

العسر لابد بعده لين &&& والجرح ماتوجعه اثاره

يادنيا يكفي اسى لاوين &&& دايم للاحرار جباره

يامية منك الصبر تكفين &&& الكسر يحتاج لجباره

شوفي الاسى كيف ففلسطين &&& افعال شارون وانصاره

فالقدس كم ناس حزنانين &&& سلاحهم طين وحجاره

اطفال بالدم غرقانين && ماتوا من صغار وكباره

ورجال ماتوا قهر باكين &&& والام تصرخ والعذاره

وينادوا وين العرب هم وين &&& وين واجب الجار عن جاره

لاتتركوا القدس للطاغين &&& ياللي على الوغد قهاره

ياميه شوفي الاسى بالعين &&& يهون سجني ومشواره

كفي دموعك عن الخدين &&& ابغاك للبعد صباره

واللي خلقت امته من طين &&& وبرحمته تنزل امطاره

ماغبتي عن خاطري والعين &&& وبدونك النفس محتاره

دعواتك اليوم لاتنسين &&& السجن ماني من اخياره

واذا كتب عمري بتشوفين &&& لا عاش راسي ارجع الحاره

هذي وصيه لمن ورى شبكين &&& لاجات امه له زياره