مشاهدة : 4034
النتائج 1 الى 6 من 6
  1. #1
    صورة نامهره عجز من يروضني
    نامهره عجز من يروضني غير متصل يحضر الماجستير بالشغب
    تاريخ التسجيل
    Oct 2008
    الدولة
    في ارض الله الواسعه
    المشاركات
    973
    Thanks
    0
    شكر 0 مرات في 0 مشاركات
    السلام عليكم ورحمه الله وبركاته
    مساء هادىء لقراء " المساء "
    وصباح منعش لقراء " الصباح "

    حبيت انقل لكم بعض اشعار سيدي صاحب السمو الشيخ هزاع بن سلطان بن زايد ال نهيان

    صحيح

    صحيح ان البشر تخطي
    و لكن الخطى غلطة

    و مثلك ياخذ و يعطي
    و يرسم فالهوى خطة

    و حسنه بسيئه تغطي
    خطاك المنكشف غطه

    قبل موج البحر يسطي
    عليك و يسلبك شطه

    انا لك واضح شرطي
    حذر وسط الغزر ورطه

    اذا تبغي الغلا تبطي
    و اذا تبغي الندم حطه

    بحر فالقاف لك خطي
    و كل يفهمه خطه

    و لا تقرب وسط شطي
    تعالج بالغلط غلطه
    .................

    لا تحاول

    لا تحاول .. تحاول .. تظهر المستحيل
    لو تجرب .. تجرب .. تلقى انه محال

    وانت تدري .. وادرى .. والمحبة دليل
    من ملك قلب غيره ماتركله مجال

    مايفكر ب ثاني ولايبدل بدي ل
    يقهر اللي يلومه صار صعب المنال

    كالقمر يوم يطلع ينجلي كل ليل
    وان تمنيت قربه ياك صمت وسوال

    عن غرامك .. غرامك .. ليش شد الرحيل
    كيف صارت حياتك شبه وهم وخيال

    تتعب القلب فرقا طرف خل كحيل
    تتعب العين .. عين .. ماتود الوصال

    كالقمر يوم يطلع ينجلي كل ليل
    وان تمنيت قربه ياك صمت وسوال

    عن غرامك .. غرامك .. ليش شد الرحيل
    كيف صارت حياتك حياتك شبه وهم وخيال

    تتعب القلب فرقا طرف خل كحيل
    تتعب العين .. عين .. ماتود الوصال

    حلمك اللي رسمته من زمان طويل
    غير الوقت حلمك عن غرامك ومال

    خان عهد عطيته غصب واصبح يميل
    رغم كل التذلل والغلا والد لال

    لاتحاول .. تحاول .. تظهر المستحيل
    لو تجرب .. تجرب .. تلقى انه محال

    وانت تدري .. وادرى .. والمحبه دليل
    من ملك قلب غيره ماتركله مجال

    .................
    غاليه

    غاليه واغلى ومن الغلا اغلا
    غاليه وتغلى وحيل القلب يغليها

    اخلى وخلى ومنها ياعساني ما اخلا
    ومن قال مغرور لا محد يساويها

    عذال تعذل ولكن حبنا اعلا
    ماهي الثريا بعيد ابعد مواطيها

    ما اسلى ولا اسلى وانسى غيرها واسلا
    الشوق شوقني و شوقته لطاريها

    حلوت وصايف فتون عيونها نجلا
    نور القمر ضيها والليل يكسيها

    تنطق بحبي حروف لفظها يحلا
    تهمس لسمعي مشاعرها واناجيها

    .................

    رعشة الليل
    منزلك ما بين الحنايا والاهداب
    وموضعك مني ياحبيبي مكاني

    الحب يبقى لك ولو ناظري غاب
    يا اغلى وارهف من سكن في كياني

    نحيا على مر الزمن ربع واحباب
    والله لا يحرم زمانك زماني

    من كثر ما تهوى وانا اهواك الاعجاب
    احتار فيك وصار شوقي اغاني

    كل حرف لك في رعشة الليل ينساب
    وحبر الغلا يا كم يذرف حناني

    للحلم مع طيفك مواعيد واسباب
    حتى ولو تهيع عيوني ثواني

    وصلك مهاجر واللقا وصلك اغراب
    وتبقى الضيا في عربتي والاماني

    انته بخفوقي صاحبي وصل وغياب
    لا البعد عنك .. لا التلاقي كفاني

    لاجلك فتحت ابواب .. وانسدت ابواب
    معنى الموده لك عيون المعاني

    وتعلم بانك صاحبي زد الاصحاب
    واحد ولا في القلب والروح ثاني

    سافرت بك والموج عاتي وعباب




    لا مات حبي .. لا ولا يوم فاني

    تبقى لحروفي دايم حضن وكتاب
    يا بحر موجي .. هاجسي والمواني

    يا كيف اخفي الجرح .. والجرح ما طاب
    يا طب جرحي منك جرحي واعاني

    اسال ضميرك خاطرك واحسب حساب
    اذا صاحبك مجني ترى الحكم جاني

    .................
    مبزره

    ابشري يادار بقدوم السرور
    بوظبي تسعد وتهنىء مبزره

    سبع نبته جو فرشولك زهور
    سبع جنات بشذاك معطره

    لوصولك ينولد للنور نور
    الضيا انتوا ومنكم مصدره

    الزمن يعجز على مر العصور
    مثلكم ينجب اذا له مقدره

    اشهد انه من يماريك مخطور
    حكمتك ترجح وعزمه يخسره

    يا بويه لك في كل قلب الحضور
    شعبك اعيالك وحبك نجهره

    والله العالم بما تخفي الصدور
    كم قلب وفكر طيبك ياسره

    دون التاريخ لك اعظم سطور
    في سجل المجد حتى تشهره

    والسموحه منكم


    منقول














  2. #2
    صورة نامهره عجز من يروضني
    نامهره عجز من يروضني غير متصل يحضر الماجستير بالشغب
    تاريخ التسجيل
    Oct 2008
    الدولة
    في ارض الله الواسعه
    المشاركات
    973
    Thanks
    0
    شكر 0 مرات في 0 مشاركات
    افاااا وين الردود





  3. #3
    صورة الماسه مره حساسه
    الماسه مره حساسه غير متصل يمون على المشاغبين والمشاغبات
    تاريخ التسجيل
    Oct 2008
    الدولة
    $$$$$
    المشاركات
    1,989
    Thanks
    0
    شكر 0 مرات في 0 مشاركات
    يعطيك الف عافيه يا حلوه

  4. #4
    صورة نامهره عجز من يروضني
    نامهره عجز من يروضني غير متصل يحضر الماجستير بالشغب
    تاريخ التسجيل
    Oct 2008
    الدولة
    في ارض الله الواسعه
    المشاركات
    973
    Thanks
    0
    شكر 0 مرات في 0 مشاركات
    مشكووره على المرور





  5. #5
    مرام فطاني غير متصل طالب ابتدائي
    تاريخ التسجيل
    Dec 2008
    الدولة
    jeddah-ksa
    المشاركات
    75
    Thanks
    0
    شكر 0 مرات في 0 مشاركات
    يعطيك العافيه على النقل

  6. #6
    صورة نامهره عجز من يروضني
    نامهره عجز من يروضني غير متصل يحضر الماجستير بالشغب
    تاريخ التسجيل
    Oct 2008
    الدولة
    في ارض الله الواسعه
    المشاركات
    973
    Thanks
    0
    شكر 0 مرات في 0 مشاركات
    مشكوووره ع المرور





الدورات التدريبية جامعة نجران
يشرفنا اعجابك على فيس بوك facebook