السلام عليكم ورحمة الله وبركاته


الشاعره مشاعر دبي


غمض عيونك واحلم انك معايا
ان الزمن ما يوم فرق حبيبين
بعطيك انا عمري و روحي هداية
واهديني احساسك و نبض الشرايين

من يوم شفتك شفت سعدي و هنايا
و ايام عمري يالغلا قربك اتزين
تذكر حبيبي يومك انته معايه
غنت ورود الحب وسط البساتين




شعري بوصفك يا حبيبي تعايا
وغلاك عندي فاق اعلى الميازين
ماقول من حبك حبيبي كفايه
دام الهوى جمع بالاحساس قلبين

اوعدني ما تعشق حبيبي سوايا
و اوعدك ما اعشق سواك انت يازين
اعيش احبك و اعشقك للنهايه
و احيا بوصلك يا غرام المحبين