هذه مجموعة من الابوذيات
ان شاء الله تعجبكم


1.عليك الروح نص الليل ونت
لان برغي القلب مفتوح والنت
ادور عليك بالجات والنت
وينك ياحلو بس مر عليه

2.سفن حبك بشؤاطي القلب شرعن
وسهم حبك نبت بحشاي شرعن
اريدمذهب يحلل البوس شرعن
واذا ماكو راح ارد للجاهلية

3.شكثر بجفاك ون قلبي وهم لك
وعقلي غفل فاركني وهم لك
شتظن انساك ياغالي واهملك
وانت بدمي دم يدور بيه

4.عمي ذبت بغرامك مايع اني
ومنو بهجر الغوالي مايعاني
نشف من اثر هجرك ماي عيني
وبقى بس القهر والضيم بيه

5.اليريد الحلو لابد ويامر
وحبيب الروح يدلل ويامر
اصيرن نار من يبعد ويامر
وارد قالب ثلج لو رد عليه

6.قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه

7.الشوك وياك صدفة قابلاني
شيجي منك عليه قابل اني
تقشمرني بضحكتك قابل اني
غشيم وتعبر الضحكة عليه

8.تروح الروح بغيابك واردهه
وكتاب اجفاك يامدلل وردهه
روحي بغيابك ترى يذبل وردهه
ماي انته وترد الروح بيه

9.صرت مرهون حبك وانت راهن
وعليه ايام هجرك ون تراهن
تجي مرة نتواجه ونتراهن
من الاكثر يحب ويود اخيه

10.صديقي اشكد وفي بطبعك وصادق
واحبك مااحب غيرك واصادق
نخيت المهدي والباقر والصادق
تظل انت اعز محبوب اليه