سر حبي فيك غامض سر حبي ماانكشف
ايش لي خلاني اعشق فيك والعشقه تلف
ايش اوقعني في الشبكة وانا عيني تشوف
لاتعذبني والا سرت وتركت المكلا لك اذا مافيك معروف

فوق شاطي البحرحيث اللول يوجد والصدف
اللقاء قد كان صدفه لا جزى الله الصدف
عندما سمحت ظروفك لك وسمحت لي الظروف
لاتعذبني والا سرت وتركت المكلا لك اذا مافيك معروف

واجهتنا خلف بعد العصر و الحاسد خلف
والهوى يجري حوالينا يلف الموج لف
والجبل من فوقنا يشهد و تشهد لي الكهوف
لاتعذبني والا سرت وتركت المكلا لك اذا مافيك معروف

كل واحد مننا ماسك من السكه. طرف
لا هدف لي فيك يظهر لي ولا لك شي هدف
وانتهى المشوار كله ما تلامسنا الكتوف
لاتعذبني والا سرت وتركت المكلا لك اذا مافيك معروف


انت تحفه صاغها الرحمن من احلى التحف
انت في الدنيا قضيه ما تحملها ملف
انت اغلى اسم في قلبي رباعي الحروف
لاتعذبني والا سرت وتركت المكلا لك اذا مافيك معروف

حبك استولى على قلبي وحملني كلف
حبك احرمني رقاد يما طبق عالعين دف
حب مهما لك وصفته عنه يقصرن الوصوف
لاتعذبني والا سرت وتركت المكلا لك اذا مافيك معروف