مشاهدة : 969970
صفحة 1 من 41 1231121 ... الأخيرةالأخيرة
النتائج 1 إلى 5 من 201

نوف ومشعل >>>روايه رومانسية تجنن لاتفوتكم


مقالات مشابهه موضوع على صله

  1. صور حب صور رومانسية صور غرامية صور جميلة
    بواسطة هامور مان مان في المنتدى صور خلفيات ايقونات رمزيات Images backgrounds Icons
  2. قصائد المحششين لحبايبهم
    بواسطة هلالي مووووووووووت في المنتدى صور خلفيات ايقونات رمزيات Images backgrounds Icons
  3. الي عنده اي نكته بليززز يدخل هنا قبل ما ينزل موضوع فيه نكته
    بواسطة @البرنسيسه@ في المنتدى نكت محششين ضحك ترفيه طرائف مضحكة funny jokes
  4. ادخلــــــــوا وتعلمــــــــــــــــوا جمل رومنسيه
    بواسطة CrAzY G!RL في المنتدى نكت محششين ضحك ترفيه طرائف مضحكة funny jokes
  5. شعر محشش لحبيبته.... ام الفله
    بواسطة جذابه بس لعابه في المنتدى نكت محششين ضحك ترفيه طرائف مضحكة funny jokes
  1. #1
    صورة فراولة فوشية
    فراولة فوشية غير متصل صعب اننا نوصفه
    تاريخ التسجيل
    Mar 2009
    الدولة
    في القمر
    المشاركات
    3,873
    Thanks
    0
    شكر 0 مرات في 0 مشاركات


    بسم الله ا لرحمن الرحيم....

    قامت نوف على صوت صراخ وبجي نطت من فراشها وركضت صوب الصراخ شافت امها وخواتها يبكون ويولولون حاولت انها تستوعب السالفة وانها تفهم اللي قاعد يصير بس ماقدرت المنظر لحاله ارعبها وخلاها ترجف سالت اختها ابتسام بصوت مبحوح وخايف
    نوف: ابتسام شصاير ؟
    شافتها اختها بنظره حزينة وكانها عاجزة عن الرد بس جاوبتها والدموع تنزل من عيونها كانها النهر اللي ماله نهاية
    ابتسام: ا..ا..ابوي...ما..ماااااات
    طاحت هذي الكلمات على نوف مثل الجبل مثل البرق لما يشق السماء ومثل الرعد لما يهز صوته البشر وما صارت تحس بل الهوا اللي تتنفسه حست انه روحها طلعت منها والدنيا صارت سوده صارت تقول بنفسها لا هذا حلم انا لحد الحين نايمه هذا موحقيقه انا لازم اقعد لازم اقعد غمضت عيونها حيل وصارخة: انا لازم اقعد.. الكل شافها وراحولها وامها ركضت عليها كانت نوف معروفه عند الكل انها الغالية على قلب ابوها وانها الدلوعة عنده واهي اللي ماخذه قلبه واهي اللي كان ابوها دايما يقصد ويشعر فيها باشعاره
    راحت امها وضمتها حيل وقالت لها والدموع تركض من عينها
    الام: ماعليه يا نوف ترى الموت علينا حق وهذا يومه .
    شافت نوف امها واهي مو مصدقه الكلام اللي امها تقوله يعني فعلا ابوها مات من غير ما تشوفه ولا تودعه افلتت نوف نفسها من حضن امها وراحت تركض صوب الدوانيه رايحه تشوف المكان اللي دايما ابوها كان يقعد فيه المكان اللي مخاوي ابوها المكان اللي تعودت تلقى ابوها فيه وعنده استكانت الشاي ويسرح باشعاره وكانت دايما باسمها اهي نوف .حاولت امها تمسكها وتمنعها بس كانت نوف اسرع منها فتحت باب الديوان ولقت فيه رجال وانصدموا لوجودها لقت وجوه مالوفة بس ما كان هذا اهتمامها كان اهتمامها انها تلاقي ابوها قاعد بمكانه وعنده استكانت الشاي لكن اللي شافته غير كذاء لا ابوها كان موجود ولا استكانت الشاي اللي ماكانت تفارق مقعده حست بدوخة قويه وانها ما تقوى على الوقوف استنكرت الوضع وهزت براسها نافيه الحقيقة المره وبكل الم ومعانة وقهر صرخت نوف صرخة كلها حزن تخلي شعر الجسم يوقف صرخة توقف القلب من كثر الالم غمضت نوف عينها وانهارت على الارض و صارخة من حشاها والالم يعتصر قلبها .
    نوف: يباااااااااااااااا ااااااااااااااااا ااااااا لاااااااااااااااا ااااااااااااااا
    لا تخليني تكفى يبا لااااااااااااااا لاااااااااااااااا اااااا

  2. #2
    صورة فراولة فوشية
    فراولة فوشية غير متصل صعب اننا نوصفه
    تاريخ التسجيل
    Mar 2009
    الدولة
    في القمر
    المشاركات
    3,873
    Thanks
    0
    شكر 0 مرات في 0 مشاركات
    اقشعر بدن الموجودين كلهم لمنظرها وما عرفوا شيسوون غير واحد منهم قام بسرعة وضمها حيل وحاول انه يحتويها مو لانه كان متاثر من اللي صار على العكس كان معصب حيل اولا لانها دخلت ديوان الرجال وثانيا: لانها دخلت عليهم ببيجامه النوم كانت بجامتها ورديه وصغيره وتوصل لعند الركبة ونص كم وضيقه ضمها من ورى وقربها حيل من صدره ورفعها عن الارض ودخلها البيت وهي كانت منهارة مو عارفه شكانت تسوي واول ما دخلها لفت وجهها عليه ولا ما تشوف الا ذاك الطراق اللي لف وجهها ومن كثر قوته ماعرفت تتوازن وطاحت على الارض حطت ايدها على خدها واهي مصدومة وتطالع الارض وما سمعت الا صوت مثل زئير الاسد كله عصبيه وكان يوجه لها الكلام تراج مو اول ولا اخر وحده يتوفى ابوها و شنو كنتي تفكرين فيه لما دخلت الديوان بهشكل انتي اكيد استخفيتي شوفي عاد هذا وانا نفسي اللي قاعد يحذرج اذا شفتج داخل الديوان ولا سمعت لج اي حس داخل البيت بكبره بيجيج شي العن من هالطراق انتي فاهمه؟؟
    حاولت نوف انها تستوعب منو هذا صاحب هالصوت رفعت وجهها والدموع تنزل من عينها وشافته بس ما قدرت تتعرف عليه قامت من على الارض وحاولت انها تركز اكثر بس ماطلع معاها شي وردت عليه بصوت حزين بس فيه شويه من الخوف .
    نوف: ومنو تكون انت ؟
    رد عليه بطريقه باردة وضيق عيونه وقالها بتحدي بعدين بتعرفين..
    وطلع وراح لديوان الرجال ما عرفت شتسوي ردت لاستنتاجها وقالت هذا اكيد حلم ردت لدارها وحطت راسها على السرير وتهز نفسها وتردد انا الحين بقوم من الحلم انا.. الحين بقوم . انا الحين بقوم.. الى ان نامت وبعد فتره قامت من النوم ولقت هدوء بالبيت تنفست بهدوء وقامت من سريرها بحذر ورحت تلبس روب البجاما اللي كان معلق عند المرايه ولبست الروب ولفت وجهها وشافت نفسها بالمرايه وانصدمت كان خدها متورم مكان الطراق افتحت باب غرفتها وراحت تركض بسرعة ونزلت من الدرج مثل المجنونة لقت امها وخواتها قاعدين يتكلمون مع واحد صوته ما كان غريب ولما قربت اعرفت انه اهو الشخص نفسه اللي طقها فتحت الباب بقوه وكانت عيونها موجها على الرجال وكلامها موجه لامها وقالت بصوت حزين: يمه ابوي مات فتحت امها ذراعها لبنتها عشان تضمها وركضت البنت على حضن امها وانهارت بالبجي وصارت تقول كلام يعور القلب اما الرجال اللي كان قاعد طلع من الغرفة واهو معصب وصفق الباب وراه فزت نوف من صوت الباب العالي قالت بعصبيه
    نوف هذا شفيه ليش ما عنده احترام لمشاعر الاخرين يعله ربي يبليه بمثل حالتنا واردى..
    سكتت الام بنتها وقالت لها
    الام: استغفري بابنتي وعيب عليج ترى احنا لولا ربج ومن ثم هالرجال كنا رحنا فيها من عمانج
    نوف واهي مستغربه: شتقصدين يمه ما فهمت عليج؟؟
    الام هذا مو وقته اشرح لج يا بنيتي قومي شوفي عبير اهي اول ما سمعت الخبر واهي حابسه نفسها بدارها قومي يمه شوفيها..
    راحت نوف لغرفه عبير وطقت عليها الباب بس ما ردت طقت مره ثانيه وهم ما ردت
    نوف:عبير حبيبتي افتحي الباب...
    عبير: ما ابي وخرو عني خلوني لحالي...
    نوف عبير يا قلبي لا تسوين في نفسج جذي خلاص عاد افتحي الباب...
    عبير: تكفين نوف خليني ما ابي اكلم احد...
    نوف:عبير الله يخليج انا محتاجه اكلم احد افتحيلي الباب خمس دقايق بس...
    فتحت عبير الباب وعيونها منتفخة من كثر البجي ضمت نوف اختها ودخلت الدار وصكوا وراهم الباب قعدوا على السرير وراحت نوف تهدي اختها وردت عليها عبير
    عبير: انا ما كنت اتوقع انه هذا اليوم كان قريب لهدرجه احنا من غير ابونا ما نسوى شي الحين اعمامنا بيحذفون فينا يمين وشمال احنا حتى ما عندنا رجال نقدر نسند ظهرنا عليه احنا خلاص ضعنا
    تضايقه نوف من كلام اختها بس بالصراحة كان كلامها صح حاولت انها تهدي اختها وتذكر بعض من ايات الله اللي تريحها وبعد ما هدت اختها قالتلها عبير مستغربه
    عبير: نوف ليش خدج متورم ؟
    تفاجات نوف من السؤال وحاولت انها نرد عليه بطريقه ما تثير شكوك اختها فالمعروف انه عبير سريعة الملاحظة ومو اي جواب يقنعها
    نوف: ا..ا. خدي. ايه من اول ما سمعت الصراخ اليوم الصبح فتحت الباب حيل فطق وجهي من غير ما انتبه
    لفت عبير وجهها وكانها مو مستوعبه جذبت اختها بس غيرت الموضوع وقالت
    عبير: تصدقين نوف انا توقعت انج بتموتين فيها لانج كنتي اقرب وحده فينا لابوي بس تذكرت انج اكثر وحده عرفتها شجاعة وعنيده ولا ننسى الااصرار تصدقين انا لحد الحين ما شفتج تبجين على وفاه ابوي
    نوف: شنو يعني تبيني ابجي عشان ترتاحين ؟
    عبير: شوي بس...
    ضحكوا على تعليق عبير وقالت نوف بقلبها: انتي وينج عني يا عبير لما انهرت بالديوان خليني ساكتة احسن لي ولا بتمسكينها علي طول حياتي
    عبير:يعني مو راضيه تقوليلي ليش خدج متورم ؟
    نوف: شفيج انتي انا قلتلج ليش خدي متورم اذا ماتبين تصدقيني عاد كيفج اووف...
    قامت نوف متنرفزه وطلعت من دار اختها ولما طلعت جتها رغبه انها تشوف مكان ابوها مره ثانيه راحت وطلت بالديوان وتاكدت انه خالي ومافيه احد دخلت داخل الديوان وكان مظلم وكان ضوء القمر اهو اللي ينير المكان ركضت نوف لمكان ابوها وقعدت فيه وضمت صوف الخروف اللي كان يسند ابوها ظهره عليه قربتها منها وحاولت انه تشمها تشم ريحها ابوها ولا اراديا الدموع انسلت من عينها وقعدت تنوح من كثر تالمها وحزنها ومن غير ما تحس انفتحت اضواء الديوان ولفت وجهها الا نفس الشخص السخيف اللي ما عنده ذره احساس ولا مشاعر كلمها بنفس الصوت الغاضب واهي حست انه شويه ويعطيها طراق ثاني
    قال لها: انا مو قايلج لا تدخلين الديوان مره ثانيه انتي شنو ما تفهمين
    نوف بعصبيه ونرفزه انا شنو؟ اصلا انت منو ؟ ومنو سمحلك تتدخل بحياتنا وتتخذ قرارات من نفسك انا بدخل ديوان ابوي بكيفي وانا اللي اقرر...
    صك حيل باسنانه وعصب ورد عليها بنرفزه: اذا بتعرفين انا منو فروحي اسالي امج لاني مو متعود اعرف نفسي لبزران ..واللي سمحلي اتدخل بحياتكم اهو ابوج الله يرحمه وطول ما انا عايش فانا اللي اتخذ القرار وقراراتكم مالها اي معنى بالنسه لي فاهمه؟؟
    انصدمت نوف من كلامه وقالتله مصدومة
    نوف: مستحيل ابوي لا يمكن يتخذ جذي قرار انت جذاب ابوي ما يتخذ جذي قرار الا للي يثق فيهم ولا يمكن ابوي يثق فيك...

  3. #3
    صورة فراولة فوشية
    فراولة فوشية غير متصل صعب اننا نوصفه
    تاريخ التسجيل
    Mar 2009
    الدولة
    في القمر
    المشاركات
    3,873
    Thanks
    0
    شكر 0 مرات في 0 مشاركات
    رد عليها بطريقه وكان ناوي ينهي الكلام معاها: انا مو مستعد اتناقش معاج في مواضيع اكبر من راسج الصغير هذا والحين اذلفي داخل البيت وغير ملابسج...
    كانت نوف مستعدة انها تقلبها هواش ومشاكل معاه بس بالوقت الراهن كانت اعصابها فلتانه خذت صوف الخروف اللي خص ابوها وطلعت ولما وصلت عند الباب ومرت من جانب الشخص الكريه على قولتها سحب منها صوف الخروف ولفت وجهها عليه وقبل ما تتكلم قالها: هذا مكانه بالديوان
    نوف: محد راح يمانع اذا خذته
    قرب راسه منها وكانه يتحداها وقال: انا راح امانع...
    حاولت انها تتمشكل معاه لكنها عرفت انه هذا ماله معنى اهو راح يسوي اللي براسه فاتخذت طريقه كرهت انها تتخذها طالعته وترجته وقالتله
    نوف: بس هاليله ..
    شافها وفتح حلجه عشان يزفها بس لما شاف عينها والدموع محبوسة بمحجرها رد عليها وقال: بس هاليله ..




    قامت نوف على صوت صراخ امها و ونطت من فراشها وصارت تقول بقلبها الله يستر شصاير بعد ..ولما نزلت من الدرج لقت عمانها واقفين ويهددون اذا ما طلعوا من البيت بيدقون على الشرطة ويطلعونهم بالغصب ردت نوف بعصبيه ومستنكره فعايل عمانها وكاسر خاطرها دموع امها اللي من امس واهي تصب وقالت
    نوف: انتوا شقاعدين تسوون انتوا من صجكم ..ابوي امس توفى يعني لحد الحين ما نشفت تربته وانتوا جايين من غير ادب ولا اي ذرة احترام تتقاسمون حلاله ..اصلا انتوا مالكم شي من حلاله واذا لكم شي فاخذوه بالمحاكم ..
    رد عليها عمها مبارك وكان هذا اكبر عمانها ورد عليها بطريقه الانسان الفاهم والعارف .
    العم مبارك: اصلا انتوا من زمان تدرون انه ابوكم ما كان حيلته شي والفلوس اللي خذاها منا احنا اهي اللي خلته رجال ...
    نوف بعصبيه: صك حلجك ابوي رجال غصبن عليكم كلكم وارجل منكم ان كان عايش ولا ميت وسالفة الفلوس اللي تسلفها منكم رداها لكم من زمان وشوف عيني ...
    العم مبارك باستغراب: رد الفلوس لنا انا ما استلمت شي. شنو عنك انت يا فهد خذت من ناصر فلوس
    العم فهد: لا حشى ما استلمت منه اي فلس...
    العم راشد: وانا بعد انا ما خذت منه اي شي...
    نوف واهي مو مصدقه اللي قاعده تسمعه: جذب..جذب. اللي قاعدين تقولنه جذب . انا شفته لما عطاكم الفلوس بعيني حرام عليكم احنا بنات اخوكم ليش ناويين تقطونا بشارع..
    العم مبارك: احنا ما نبي نقطكم بالشارع بس هذا حقنا احنا نبي البيت يكون فاضي بعد 24 ساعة عشان في مشتري بياخذ البيت بسعر مناسب واحنا بناخذ حقنا واللي يزيد اخذوه لكم..
    نوف: واحنا وين نروح؟؟؟
    العم مبارك:عند بيت خوالكم والحين يلا وبلا ضياعه وقت وخلصو شغلكم ..
    جت نوف ترد على عمها بس سمعت صوت جاي من وراها صوت مدوي مثل صوت المدفع وقالهم: اي شغل اللي تتكلمون عنه ؟
    العم مبارك واهو منصدم مش.. مشع.. مشعل؟؟
    مشعل:اي عمي تذكرتني ؟
    العم مبارك: انت شتسوي هني؟؟
    مشعل: انا هني عشان زوجة عمي وبناتها انتوا ليش اهني؟؟
    العم مبارك واهو متلعثم: اح..احنا.. احنا نبي.. نبي ناخذ حقنا من عمك ناصر ..
    مشعل: حقكم؟ اي حق؟؟
    العم مبارك: الفلوس اللي خذاها منا ؟
    مشعل اي فلوس اهو اخر فلس خذاه منكم سدداه لكم صح؟؟
    العم مبارك واهو متوتر: اهو قالك جذي احنا اصلا ما استلمنا منه اي فلس .
    مشعل ولاحظ التوتر اللي على عمه: زين عندك دليل انه ماخذ منكم فلوس..
    العم مبارك: اي وصل الامانه ..
    مشعل: بس وصل الامانه شقيتوه لما استلمتوا فلوسكم صح؟؟
    العم مبارك: لا الا انا ما شقيته ا ..ا . اقصد ما شقيته لاني ما استلمت فلوسي...
    ابتسم مشعل ابتسامه خبيثة وقاله..
    مشعل:ايه زين. ما عليه . الله يكون بعونكم ..اكيد المبلغ كان كبير؟؟
    العم مبارك: اي . وكاهو وصل الامانه وشوف بنفسك...
    راح العم مبارك حق مشعل عشان يوريه وصل الامانه ولما شافه مشعل شهق وقال
    مشعل: اووف كل هذا ما خذه منكم ؟. انا كنت اعرف انه عمي كانت حالته المادية زينه وكان يقدر يرد لكم هالمبلغ هذا باي وقت...
    العم مبارك: ايه ندري بس شنسوي .احنا قررنا انه نبيع الشركات والعمارات والفيلا مع المزرعة عشان نقدر نطلع حقنا منه ..
    مشعل: اي شركات وعمارات وفيلا انت شقاعد تقول؟؟؟
    العم مبارك: حلال ناصر طبعا..
    مشعل: وعمي ناصر من ويله حلال؟؟؟
    العم فهد: انت تستغبى احنا كلنا ندري انه عنده حلال وخير ونعمه..
    مشعل يضحك بسخرية: هه . حلال . اصلا عمي ناصر ما عنده شي...
    استغربوا الموجودين واندهشوا من كلام مشعل رد عليه العم مبارك بعصبيه مبالغ فيها
    العم مبارك:انته شقاعد تخربط؟ انا كنت عند المحامي وقالي عن عقارات ناصر كلها ..
    مشعل: اي فعلا.. بس هذا قبل ما يبباعها لي . من فتره اشتريت حلال عمي ناصر كله حتى السيارات اللي تشوفها واقفه بره تراها باسمي بعد....
    ابتسم مشعل ابتسامه الانسان اللي فخور بنفسه وقالهم متحديهم ..
    مشعل: اللي عنده اي اعتراض يدق على المحامي يحدد معاه وقت الجلسة ..
    صارخ العم مبارك واهو مستنكر كلام مشعل وقعد يهدد ويوعد الى ان دخلوا عياله وعيال اخوانه كانوا بره ناطرينهم عشان يتغدون بره ويحتفلون بس لما سمعوا صراخ العم مبارك دخلوا ولف مشعل وجهه ولقى بنت عمه منصدمه وواقفة يمه لابسه البيجاما وقف بسرعة جدامها عشان يغطيها بجسمه انتبهت لحركته وكورت جسمها عشان تغطي نفسها بظهره كانه الدرع اللي بيحميها من عمانها وعيالهم لف وجهه عليها وقالها...
    مشعل: انا مو قايلج غيري هالبيجامه ؟؟
    رفعت عينها عليه واهي كانت منصدمه ما عرفت شترد وشتقول اللي قاله مشعل صدمها
    تكلم واحد من عيال العم مبارك وباين عليه الدهشة وقال واهو موجهه كلامه لمشعل
    عبد الله: انت منو؟ وشتسوي اهني ؟؟
    مشعل: انا ولد عمك وهذا بيتي . السؤال اهو انتوا شلي تسوونه اهني؟؟؟
    عبد الله وموجهه الكلام لابوه: يبه منو هذا وشهل الكلام اللي يقوله ؟
    العم مبارك: هذا واحد حرامي ونصاب وانا مراح اسكت...
    مشعل:صدقني راح تسكت وماراح تطول فلس واحد مني . والحين يلا بره طلعوا بره عن بيتي ترى للبيت حرمته
    عبد الله: وانت مفكر انه احنا بنخلي بنات عمي عند واحد غريب ؟
    مشعل: انا مو غريب .انا مثل ما قلت ولد عمك
    عبد الله عمي منو ؟انا اصلا اول مره اشوفك فيها...
    مشعل: انا ولد عمك محمد تذكره؟؟؟

  4. #4
    صورة فراولة فوشية
    فراولة فوشية غير متصل صعب اننا نوصفه
    تاريخ التسجيل
    Mar 2009
    الدولة
    في القمر
    المشاركات
    3,873
    Thanks
    0
    شكر 0 مرات في 0 مشاركات
    عبد الله هه اصلا عمي محمد ما تزوج ؟
    مشعل: لا تزوج وجاب من زوجته ولد وحذفاه بعد ما هدده ابوه انه يحرمه من الميراث اذا اعترف بولده وللاسف طلعت الفلوس اهم بالنسبة له..
    العم مبارك والخباثه طالعه من عيونه: ابوي كان عنده حق اهو شيلي يضمنه انك ولد محمد فعلا ..لا تنسى انه امك اجنبيه وعاداتها غير عنا وابوي كان يبي مصلحه محمد..
    مشعل وبدا يتضايق من الموضوع: عادات امي مالها اي دخل المفروض انه ابوي يصير رجال لو مره بحياته ويقول انه هذا ولدي بس للاسف ابوي طلع رخيص ما رضى يعترف فيني الا لما عرض عليه عمي ناصر الفلوس ابوي كان انسان مادي همته الفلوس والحمد لله اني ما عشت معاه...
    العم مبارك: ايه . اذكر لما خذاك ناصر وقعد يفتر فيك من بيتي لبيت راشد وبيت فهد اذكر لما كان يترجى عشان نقنع محمد انه يعترف فيك احسن من دخله المحاكم
    مشعل: ايه عباله انكم رياجيل..
    رد عليه عبد الله بعصبيه رياجيل غصبن عنك
    مشعل معصب لا مو رياجيل الرجال ما يحذف بنات اخوه اللي من عرضه وشرفه بالشارع والحين اطلعوا بره قبل لا ابلغ عليكم الشرطة...بره
    عبد الله: محنا طالعين بره قبل ما تعطينا بنات عمي احنا لا يمكن نخليهم عند واحد مثلك
    مشعل: اصلا بنات عمك طول ما انا عايش محد يمسك فيكم ظفر من اظافرهم ولا تلمسون شعره منهم هذي وصيه المرحوم وانا ناوي اني انفذها . تراني اكره اردد كلامي اكثر من مره يلا اطلعوا بره عن بيتي ما ابي اشوف رقعت واحد فيكم اهني يلا....
    العم مبارك واهو معصب وطالع من البيت: انا اوريك يا مشعلوا ما اكون مبارك ان ما وريتك
    مشعل: وريني انا بشوف شبتسوي....
    وبعد ما طلع اخر واحد منهم من البيت لف مشعل وجهه على بنت عمه اللي كانت منخشه وراه وباين عليها الدهشة والصدمة وقالها بعصبيه واهو يمسك كم بجامتها الصغير
    مشعل: انا ما قلتلج تغير هالبيجامه اللي انتي لابستها ترى لوعتي جبدي فيها من اول ما شفتج وانت لابستها يلا روحي غير ملابسج...
    راحت نوف لغرفتها وحطت راسها على الوسادة وقعدت تفكر بالكلام اللي سمعته من ولد عمها قعدت تفكر الى ان نامت و ما قامت الا على صوت الخادمة واهي تطق الباب
    روزا: مادام نوف.. مدام نوف....
    نوف: نعم ؟
    روزا: مدام نوف يلا غدا
    نوف: ما ابي شي روزا روحي
    روزا: بس مستر مشعل قال لازم كلوا ينزل عشان يتغدى
    نوف: اوه مالت عليج وعلى مشعل فوقج يلا انقلعي انا قلت ما ابي غدا
    ردت نوف وكملت نومها وماهي الا دقيق وتسمع صوت طق قوي على بابها خلاها تفز من سريرها عصبت وردت بصراخ
    نوف: وجع منو؟
    مشعل: انا مشعل يلا غدا
    نوف ما ابي اكل انتى شنو خبل ما تفهم قلت للهبله روزا اني ما ابي اكل
    مشعل: احمدي ربج انه اللي بيني وبينج باب واني لحد الحين ماسك اعصابي يلا انزلي عشان تطفحين
    نوف: انت شفيك لا تتصيمخ
    مشعل امج تقول انج ما كلت شي من يومين . وانا بصراحة مالي خلق تطيحين علي مريضه.. واللي اقوله لج تنفذينه من غير نقاش واذا ما نزلتي لي حساب ثاني معاج
    سمعت نوف صوت خطوات مشعل واهي تبتعد وقالت لنفسها انا ماراح انزل شنو يعني بيغصبني خليه يسوي اللي بيسويه بس انا ما راح اسمع كلامه .. حطت نوف راسها وقعدت تفكر كان كل تفكيرها بابوها قعدت تفكر شلون ابوها باع كل شي على مشعل شلون يسوي جذي ما خلالهم ولا شي شلون بيعيشون ومن وين بيصرفون وهل فعلا كان كلام مشعل صح انه ابوها وصاه عليهم بس ليش واشمعنى اهو ؟ كانت كل هذي الاسئلة تطيحها باسئلة اعقد منها غطت نوف راسها بالوسادة كانها تحاول توقف هالاسئلة وصرخت وقالت وكانها تلوم ابوها
    نوف: اوه يبه ليش صعبت علينا حياتنا بهالمشعل اللي انت جايبه ؟؟...
    وفي هدا الوقت كان مشعل يتكلم مع الام في موضوع البيت والملكية
    مشعل: شوفي يا مرت عمي تراني مو داخل على طمع ولا قصيت على عمي ناصر ولا شي
    الام: ادري يا ولدي مشعل وترى عمك ناصر شاورني بهالموضوع من قبل لا يسويه وانا اللي قلتله انه هذا اهو الصح ..
    مشعل: انا بس كنت خايف انه يصير بينا سوء تفاهم وترى هذا بيتكم وراح يضل بيتكم وانتو لا تحاتون شي حتى المصرف بيجي لحد عندكم....
    نوف: ليش بالله احنا راح ننطرك بعد تصرف علينا .. مشكور لا تكلف على حالك...
    مشعل: واخيرا قررتي تلبسين دراعه انا توقعت انه ما عندج غير ذيك البيجامه . ولا مغطيه راسج بعد هذا بحد ذاته تطور...
    نوف ارتبكت وصارت تعدل بملابسها وتعدل لفتها وقالت له بارتباك
    نوف: اصلا انا ما كملت الاسبوعين على لبس الحجاب.. وبعدين انا ليش قاعده اشرحلك؟ وبعدين انا كنت اكلمك بموضوع ثاني ...
    مشعل: وانا غيرته وقد ما تقدرين حاولي انج تكسبين رضاي لاني مابي اصعبها عليج انتي فاهمه؟؟
    نوف بعصبيه وصراخ: لا مو فاهمه ..
    نزلوا خوات نوف لما سمعوا صوت صراخ نوف وقفت عبير وساره وغديرعلى الدرج لان ابتسام اطلبت منهم بس اهم يقدرون يشوفون كل شي من مكانهم بوضوح راحت ابتسام حق نوف عشان تهديها وتطلعها لكن نوف عيت ووقفت تتحدى مشعل
    مشعل: نوف اطلعي دارج واسمعي كلام اختج احسلج...
    نوف: ولا شنو بتطردني من البيت؟؟؟
    مشعل بعصبيه نووف....
    نوف: مو لاننا عايشين بيتك تقعد تذلنا هه بيتك اذكر انه كان قبل يومين بيتنا والحين صار بيتك...
    مشعل: ولحد الحين بيتكم ؟
    نوف: مو بعد ما خذته من ابوي بنهيبه ...
    اول ما قالت هذي الكلمه جاها طراق سكتها شهقت الام وابتسام وعبير غطت حلجها من الصدمه رفعت نوف عيونها عشان تشوف مشعل كانت المسافه اللي بينهم قريبه قدرت تلاحظ طوله وشافت عيونه كان محتويها الغضب وقالته...
    نوف: انا ما اصدق . ما اصدق انه ابوي وثق فيك و امناك علينا... انت شخص ماعندك مسؤليه ولا عندك احساس انت مثل ما قال عمي مبارك انت حرامي ونصاب...
    غمض مشعل عينه لما سمع كلامات عمه مبارك تتردد على لسان بنت عمه وكانه هالكلمات اطعنته وكملت نوف كلامها الجارح لكن الطراق كان يجرحها اكثر كملت كلامها والدموع نتزل من عينها
    نوف: يريت ابوي يقوم من تربته ويشوف الغلطه اللي سواها يا ريته يقوم ..
    قالت الكلمه الاخيره بنوح شديد وغمضت عينها وكانها تتمنى انه طلبها يتحقق ما فتحت عينها الا لما سمعت صفق الباب وعرفت انه هذا مشعل اللي طلع وما هي الا دقايق الا تسمع صوت السيارة طالعه من الكراج شافت الام بنتها بعصبيه وصارخت ابتسام بوجه نوف
    ابتسام: انتي من صجج شهل الكلام اللي قلتيه ؟
    نوف: انا ما قلت شي غلط.. اهو لو كان غلط ما كان عصب كل هالعصبيه وبعدين اهو يستاهل ما له حق انه يتدخل في حياتنا ..
    ابتسام: صج انج هبله و مو فاهمه شي ترى مشعل صك علينا ابواب ما كان راح يكون لها اول ولا تالي و انا ما اقصد عمانج بس ..
    الام: وانتي شلون تقوليله انه حرامي و نصاب تدرين انه ابوج لما كتب اورق البيع كتب فيهم انه استلم المبلغ لكن مشعل عيه يوقع الى ان يسلمه المبلغ المذكور ولما ابوج قرر انه يخفض من قيمه العقد هم عيه مشعل انه يوقع والفلوس لحد الحين عندي ابوج وصاني اني اردها لمشعل لانه وعلى قولت ابوج انه ما فيه حساب بين الاب وولده واعتبر مشعل مثل ولده حرام عليج يا نوف تراج ظلمتيه وانا ما راح ارضي عليج الا لما تعتذرين له
    نوف منصدمه: اعتذر له؟؟؟
    الام: ايه من بعد هالكلام اللي قلتيه تتوقعين انه بيرضى يكلمج؟؟
    نوف: اصلا انا ما ابي اكلمه وبعدين اهو طقاني جدامكم المفروض اهو اللي يعتذر لي .
    الام: هذا اللي عندي اذا تبيني ارضى عليج اعتذري له ..
    عصبت نوف وطلعت لدارها وحذفت نفسها على السرير و قعدت تبجي الى ان نامت قامت من نومها على عور مو طبيعي كان خدها يعورها حيل راحت وشافت نفسها بالمرايه وتخرعت من المنظر اللي شافته خدها كان متورم حيل ما كانت تقدر تحرك عضله من عضلات وجهها مشعل طقها طراقين بنفس الخد لدرجه انه تورم عليها حيل طلعت من دارها وراحت حق دار امها بتوريها فعايل مشعل وش سوى فيها ولما دخلت لقت امها نايمه راحت لغرف خواتها لقتهم نايمين شافت ساعتها لقتها الساعه 1 الفجر استغربت انها نامت كل هالمده نزلت تحت عشان تحط ثلج مكان التورم وفتحت باب الفريزر وخذت لها تلج وحطته بجيس ولما بغت تطلع من المطبخ طلت على الديوان لقت النور مبطل عرفت انه مشعل داخله تذكرت الحوار اللي صار معاه وشلون اجرحته و لمست خدها وحست بعوار بس حست انها تستاهله وتذكرت كلام امها لما طلبت منها انها تروح تعتذر له ولا ماراح ترضى عليها حذفت نوف الملفع على راسها وطلعت من باب المطبخ وراحت حق الديوان واول ما حطت ايدها على مقبض الباب تذكرت طراقها الاول طقاها عشان دخلت الديوان وحذرها انها ما تدخل الديوان مره ثانيه خافت وتراجعت وقالت لنفسها اعتذر له باجر ولما لفت وجهها عشان ترجع البيت لقت مشعل جدامها ومعاه اوراق هندسيه وطالعها مستفهم وبنفس الوقت معصب وقالها بعصبيه
    مشعل: شتسوين اهني ؟
    نوف وركبها ترجف لانها ما توقعت انها تلقاه بوجهها قالتله بارتباك وخوف
    نوف: ا . ا .. انا بغيت اعتذر ...منك...
    مشعل: زين يلا ادخلي البيت ...
    نوف: شنو زين ؟ انا قلتلك انا اسفه ..
    مشعل: شتبيني اقولج يعني وحدة جايتني الساعة 1 الفجر وتقولي انا اسفه وانا اصلا مو متقبل منها اي اعتذار شتبيني اقول؟؟؟
    نوف قول اسف ..
    مشعل: اسف ؟؟
    نوف تستغبى شفت الكلمه مو صعبه وانا برد عليك باسلوب احسن من اسلوبك وبقول قبلت اعتذارك..
    مشعل: وليش اعتذر لج ؟
    نوف: على الطراق اللي عطيني اياه ..
    مشعل: كنتي تستاهلينه
    نوف بنرفزه انت وبعدين معاك ... انا جايه اعتذر وانت قاعد تغلط فيني ..
    مشعل: منو اللي يغلط بالثاني انا ما قطيت عليج شي غلط بحقج اما انتي ما خليتي شي الا و قلتيه....
    نوف: على العموم انا اسفة ويا ليت تسامحني

  5. #5
    صورة فراولة فوشية
    فراولة فوشية غير متصل صعب اننا نوصفه
    تاريخ التسجيل
    Mar 2009
    الدولة
    في القمر
    المشاركات
    3,873
    Thanks
    0
    شكر 0 مرات في 0 مشاركات
    هبت نسمه هوا خفيفه بس قدرت تطير ملفع نوف من على راسها حاولت نوف انها ترد الملفع وتغطي خدها عشان مشعل ما يشوف خدها بس كانت عين مشعل اسرع من ايدها قرب منها و مد ايده عشان يمسك خدها خافت نوف وردت بجسمها لي وره وخبطت ظهرها بطوفة الديوان لاحظ مشعل حركتها بس تجاهلها وقرب منها ومسك خدها واول ما حط ايده عليها حست نوف انه بيغمى عليها ضغط باصابعه وعورها بس ما تكلمت الى ان سالها
    مشعل: عورتج ؟
    طلعت منه هذي الكلمه بحنان ورقه ما توقعت نوف انه بيسالها بس هزت راسها نافيه مع انها تحس باصابعه على خدها مثل النار رد عليها وقال
    مشعل: روحي البسي عبايتج خليني اوديج الطبيب .
    نوف: لا عادي اصلا اهي ما تعورني حيل احط عليها ثلج وتبرى لا تشيل هم ..
    مشعل: انا ما قلت لج اني ما احب اعيد كلامي مرتين
    نوف: اي بس ...
    مشعل: ولا كلمه خلصي البسي عباتج وانا انطرج بالسياره ..
    نوف:بس ..
    مشعل واهو رايح لسيارته خلصي انا ناطرج ...
    ردت نوف بس بصوت واطي وقالت بس انا ما عندي عبايه ؟؟
    دخلت نوف البيت بسرعة عشان تدور على عبايه تذكرت انه مقاسها مثل مقاس عبير وراحت حق غرفه عبير وتسحبت ومدت ايدها عشان تاخذ العبايه الا عبير تفتح ليت الابجوره فزت نوف وسالتها عبير
    عبير: نوف شتسوين اهني
    نوف: ا.. ا . انا بغيت عبايه عشان اصلي . ثوب الصلاة مالي توصخ ..
    عبير واهي تحاول تقوم من الفراش شنو اهو اذن الفجر
    نوف بتوتر: لا ما اذن بس انا حاسه اني متضايقة وابي اصلي ..
    تربعت نوف على سريرها واهي قاعدة تفرك عينها
    عبير: نوف تبين تتكلمين معاي تراني قعدت انا مستعدة اسولف معاج ..
    قالت نوف بقلبها واهي تحاول انها ما تبين شي جدام اختها وليه شهل الوهقه هذا مو وقته
    نوف: لا.. لا ما له داعي انا اصلا بصلي وبروح انام يلا تصبحين على خير ..
    طلعت نوف من الغرفة واهي تتنفس بقوة اهي ما بغت تقول حق اختها عشان تدري انه الموضوع كان راح ياخذ اكبر من حجمه عند عبير لبست العبايه وركضت للسيارة افتحت الباب اللي ورى وقعدت لف مشعل وجهه عليها وقالها بضيق
    مشعل: سايق ابوج انا . يلا قومي قعدي جدام
    نوف: بس مو عيب اني اقعد عندك جدام
    مشعل وبدا ينفذ صبره: عيب اقولج قومي قعدي جدام ولا تخليني ابدا اعصب عليج
    سمعت نوف كلام مشعل وقعدت جدام و لما طلعوا من البيت قالها مشعل بصوت حنون
    مشعل: نوف انا ابيج تعتبريني مثل اخوج صدقيني انا الحين صار كل همي انتوا وانتي مو قاعدة تسهلين الوضع واتمنى انج تعتبريني مثل اخوج و ما تعتبريني شي ثاني ؟
    نوف: شي ثاني ؟
    شافها مشعل بطرف عينه وابتسم بخباثه وقال
    مشعل: حرامي ونصاب
    استحت نوف ونزلت عينها وتذكرت كلماتها حست انها من كثر الاحراج خدها صار يحرقها مسكت خدها وانتبه لها مشعل ومد ايده ولمس خدها فزت نوف وسمعت مشعل يقولها
    مشعل: انا فعلا عورتج . اسف
    استحت نوف ونزلت عينها ولفت وجهها رد مشعل ايده على السكان وابتسم ابتسامه خفيفة وكملوا طريجهم واول ما وصلوا راحوا لعيادة الطوارئ كانت زحمه شوي اخذوا دور وقعدوا ينطرون ولما وصل دورهم دخلوا على الدكتور كان الدكتور مصري الجنسية وجهه بحوح ابتسم لهم لما دخلو عليه وسالهم مستفهم...
    الدكتور: مين فيكم المريض ؟؟
    مشعل واهو ياشر على نوف: اهيا . قعدي..
    قعدت نوف على الكرسي ولفت وجهها للدكتور توريه خدها شافه الدكتور وكشر وقعد يعاينه
    الدكتور: ايه ده مين اللي عمل فيكي كدة ده خدك متورم ..
    شاف الدكتور مشعل واهو معصب وقاله
    الدكتور: ممكن تستنى بره؟؟
    مشعل مستغرب: ليش؟؟
    الدكتور: عايز اكشف عليها لو سمحت اطلع بره ..
    مشعل: تكشف عليها اصلا كل اللي يعورها خدها ما له داعي انك تكشف ولا شي
    الدكتور: وانت اشعرفك ؟
    مشعل: شنو شعرفني شوف خدها وتعرف
    الدكتور واهو يسال نوف: هو ده جوزك اللي ضربك
    نوف مستغربه: ها شنو ؟
    مشعل: انت شلي يخصك
    نوف: لا هذا مو رجلي..
    الدكتور: اه انا اسف اكيد انته اخوها ..
    نوف واهي متوترة: اي...اخوي
    الدكتور: انا اسف مره تنيه انتوا لو تشوفوا اللي بشوفوه ما تلومنيش على العموم انا كتبتلك على علاج مرهم و شويه مسكنات انا عارف انه بيلسعك ويحراك بس تخدي الدوا وانشاء الله هتباي تمام . تفضلي
    وقبل ما تمد نوف ايدها سحب مشعل الورقة ومسك نوف وشكر الدكتور وطلع قال حق نوف تنطره بالاستراحة على ما يجيب الادويه من الصيدلية قعدت نوف تنطر مشعل الا يتعرف عليها واحد شاب وقرب منها وكلمها
    نواف: نوف ؟
    نوف واهي تلف وجهها عشان تعرف صاحب الصوب نواف ؟
    نواف: عسى ما شر شتسوين اهني ؟
    نوف: لا ما كو شي بس حسيت بتعب شوي .
    نواف: انا سمعت عن خبر وفاة ابوج وبصراحة كان بودي اجي البيت واعزي بس تدرين ظروفي ما سمحتلي ..
    نوف: لا عادي انا مراعيه ظروفك
    نواف: عظم الله اجرج ..
    نوف اجرنا واجرك..
    شاف مشعل نوف واهي قاعدة تتكلم مع نواف راحلها معصب شلون تتكلم مع شاب بمكان عام شنو اهي ما سوتله حساب
    مشعل: نوف...
    نوف واهي تشوف مشعل بنظره عاديه: هلا مشعل .
    شافت نوف شلون مشعل قاعد يخز نواف فعرفتهم ببعض
    نوف: مشعل هذا نواف زميلي بالجامعة
    نواف مبتسم وماد ايده عشان يسلم بس مشعل كان منصدم شنو زميلي اهي من صجها تتكلم
    مشعل: شنو؟ زميلج انتي من صجج

صفحة 1 من 41 1231121 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران
يشرفنا اعجابك على فيس بوك facebook