مشاهدة : 1522
النتائج 1 الى 4 من 4

قصه مولمه تبكي العين (لحب حقيقي)‎

لكل زوجة امانة حافظي على زوجك ,,, لكل اخت متزوجة .. حافظى على زوجك ولا تزعليه واحمدى الله على نعمة وجوده فى حياتك ولكل اخت غير متزوجة

  1. #1
    صورة هيام نصراوي
    هيام نصراوي غير متصل يمون على المشاغبين
    تاريخ التسجيل
    Nov 2008
    الدولة
    . الرياض .
    المشاركات
    1,317
    Thanks
    0
    شكر 0 مرات في 0 مشاركات




    لكل زوجة امانة حافظي على زوجك ,,,


    لكل اخت متزوجة .. حافظى على زوجك ولا تزعليه واحمدى الله على نعمة وجوده فى حياتك

    ولكل اخت غير متزوجة احمدى الله انك ما تزوجتى وحصل معك كذا ...... ( حال اهون من حال )

    ولله الامر من قبل ومن بعد ...... وله الحكمة فى قضائه


    اليكم القصة

    هذي قصة احدى قريباتي .. يا عيني عليها ..

    تمووووو ت على زوجها

    و هو كذلك يمووووت عليها ..

    كنا نسميهم طيور الكناري ..

    زوجان مثاليان بمعنى الكلممة

    قمة المثالية

    قمة الرومنسية

    قمة الحب

    قمة السعادة و الاندماج

    تحسي كل طرف منهما يكمل الطرف الثاني ..

    بداية القصة :

    خطبها و عمرها 17سنة

    مع العلم انه ما كانوا العائلتين يعرفون بعض

    اهلها رفضوا يزوجونها لصغر سنها و انها دلوعتهم و ما تعرف تطبخ

    تخيلوا يا بنات قال انا راضي فيها و انا لو تبي باطبخ او تتعلم شوي شوي ..

    المهم

    حصل النصيب

    تزوجوا

    و عاشوا تقريبا 8سنوات حياة ما يحلم فيها حد

    الله ما يسر لها الحمل الا في السنة الثامنة..

    حملت و كلنا فرحناااا ا لها ..

    يا رب قد ايش كان الخبر مفرح للجميع ..

    زوجها انهبلللل من الفرحه .. سوى حفلات لمدة اسبوع .. بيته امتلى هدايا منه

    ارسل رسائل جوال للجميييع يخبرهم بالخبر ..

    تخيلوا رسائل حتى لزملائه اللي يدرسون برا المملكة ..

    و حلف عليها ما تلللمس شيء ..

    لا طبخ و لا تنظيف بيت و لا غيره

    جاب لها شغالة زود على الشغالة اللي عندها ..

    غير عن المطاعم و الرفاهية كللل يوم

    ما بقى فندق راقي الا و سكنها فيه يقال لك يغير جو هو واياها عشانها تتوحم ..

    مرت الشهور

    و هم يشترون ملابس البيبي

    و تركته على راحته يشتري على ذوقه ..

    هو ذويق ماشاء الله عليه

    كنا نروح عندها تفرجنا على ملابس النونو ، تقول خليته هو يختارها حتى لما اشيل النونو بحضني اتذكر ابوه ،

    وصلت الشهر الثامن

    و ما ادرااااك ما الشهر الثامن

    اااااااااااااااااااااه بس

    الحمدلله على قضائك يا رب

    يجينا خبر زوجها سوى حادث سيارة و مااات

    و الله يا بنات كلنا كان تفكيرنا كيف بيوصل لها الخبر

    ابوها اغمى عليه ارتفع عليه السكر و ما عرف شلون يخبر بنته

    اخوانها الثلاث صياح و دموع مو قادرين يصدقون .. كان لهم اكثر من اخ و زوج اخت لا يقارن بازواج اخواتهم الباقين ..

    و اخواتها اجتمعوا في بيت اهلها ينتظرون احد يجيبها حتى يخبروها عند اهلها ..

    تخيلوا يا بنات راح اخوها الكبير لها قال لها : اختي فلانة زوجها شكله يبي يطلقها (اخته هذي عندها مشاكل مع زوجها).. فتعالي عندنا واسيها

    لبست عبايتها و جت معه ركض ، و قبل ما تطلع من الباب قالت : يا اخوي ما قلت لزوجي ، خل اعطيه خبر ..
    قال : وش دعوى يزعل .. انت بس تعالي لا تدقين عليه و تشغلينه ..

    جت يا عمري تبي تفزع لاختها ..
    دخلت البيت
    شافت العالم جالسه
    ركضت تدور على اختها
    شافت اختها تبكي
    قامت تواسيها يا بنات تقول لها : اصلا ما يسوى من ظفرك شيء ..
    المفروض تحمدين ربك

    و هنا دخل ابوها ..

    اول ما شافها جلس يبكي و يحضنها ..
    هي حست بشيء .. قامت تخيلوا تدف ابوها تقول : فلاان صار له شيء ؟؟؟؟؟
    تكلموا .. تكذبون علي
    باروح لبيتي
    و ركضت تبي تطلع
    مسكوها خواتها و اخوانها : قالوا لها : تعبان شوي
    قامت تصررخ يا بنات صوتها سمعوه الرجال في المجلس
    قامت تقول :ودوني له اكيد يبيني اوقف جنبه في مرضه ، انا زوجي ما يمرض الا و اكون جنبه ،
    <<<<< ااااااااااااه يا بنات .. ما تدري انه مااات

    قام ابوها يهدي فيها يقول لها باخذك معي نروح له ..
    و هي بس تبي تطلع
    و خواتها ماسكينها ..
    يا ربي يا صعب هاللحظة ..
    تخيلوا ابوها ما قدر يكتم الكلام ..
    قام يصيح و يقول لها يا بنتي وين تروحين له و هو ما هو حولك ..
    عاد هي بدات تستوعب و سكتت ، و قفت صراخ
    قالت : وشو ؟؟؟ فهموني وش تقولون ، لهالدرجة زوجي تعبان و مو قادر يحس فيني ؟؟

    <<<<< يا بنات المشكلة انها كانت مستبعدة تماما ان زوجها ماات

    قام يقول لها ابوها : يا بنتي خلاص ماهو حاس فيك .. و جلس يببكي
    و امها تبكي
    هي هنا فهمت قالت : لا تقولون مااات
    لاا .. اصلا هو ما راح يموت و يتركني
    يتركني و لسه ما شاف اللي في بطني
    و اغمى عليهااا
    و لا حست باحد
    حاولوا اهلها يصحونها
    ما قدروا
    نقلوها المستشفى ، قالوا جايها انهيار عصبي شديد و احتمال ولادة مبكرة يمكن تفقد فيها الجنين لان الجنين صعبة ولادته في الشهر الثامن و نبضاته ما تطمن..
    جلسنا ندعي لها ربي يهون عليها ..
    بيت اهلها صااار حزن في حزن
    و هي استمرت في المستشفى غايبة عن الوعي تقريبا 3اسابيع
    تفتح عيونها و تناظر اللي حواليها و هي ساكته و ترجع تنام ( كان الدكتور يقول هذي حالة نفسية تبي تهرب من الواقع)

    دخلت الشهر التاسع و هي ما زالت في المستشفى
    مجلة مدرسة المشاغبين - منتديات مدرسة المشاغبين



    اقرا ايضا : قصص حب
    القطط في الحلم
    رواية بويات
    طريقة عمل الكوكيز
    الدورة الشهرية
    نكات
    الصلاة في المنام
    اسقف معلقة
    فوائد الحلبة
    كلمات اغاني خالد عبدالرحمن

    قرروا الاطباء لازم يولدوها قيصري
    ولودها و جابت ولد ما شاااء الله جميل .. و الشبه نسخة كربون من ابوه ..
    طبعا ولدوها و هي مو حاسة بنفسها
    بعدها قرروا الاطباء ان خروجها للمنزل افضل حتى تتاقلم مع الوضع ..
    طلعت لبيت اهلها .. امها و اختها الكبيرة كانوا يهتمون في المولود
    و هي جلست ملازمة للصمت تقريبا شهر في المستشفى و شهرين في بيت اهلها

    تخيلوا ما تتكلم مع احد
    صاااامته و لا حتى تبكي و لا شيء و لا دمعه
    فقط تناظر في عيون اللي حوالينها
    حتى الاكل يوكلونها كانها طفل يدارونه
    و لقمتين بس
    بعد ما كان وزنها قبل 65صار 49
    جلد على عظم

    الى ان جاء اليوم اللي فرحوا فيه اهلها انها بدت تتكلم
    و لكن
    المصيبة انها صارت تتكلم مثل اللي فاقدين الذاكرة
    تاشر على ولدها تقول : منو ذا ؟
    تقول لها امها : هذا ولدك اللي حملتي فيه ؟
    ترد على امها : كيف حملت فيه ؟
    تقول لها:لما كنت متزوجة فلان
    و تسال امها : وين فلان ؟
    تقول:راح الجنة ان شاء الله
    تقول لها : يعني ما راح يرجع ؟
    تقول امها لا .. تقوم و تصرخ يا بناات ااااااااه يا ربي بكاها ما انساه
    كانه بكاء طفل
    تعرفون ليش ؟ لانها كتمت ردة فعلها تقريبا لمدة 3شهور ..
    و فجاة طلعتها ..
    عاد قصتها و تعذيبها لاهلها بصياحها اخر الليل قصة طويلة .
    اذكر منها : لما اهلها يحطون العشا و ينادونها تتعشى ، طبعا ترفض
    بس بعد شوي يشوفونها داخلة المطبخ يفرحون يفكرونها بتاكل
    تخيلوا تروح تفتح القدر و تغرف في صحن و تدخله في الفرن
    وتقول لاهلها : هذا اللي في الفرن لزوجي .. لحد ياكله .. هو كلمني قال باجي بعد نص ساعة ..

    ااااااااااااه يا قلبي ..
    يقومون اهلها من العشا و يبكوون ....

    و من المواقف الصعبة ان احد اخواتها كانت تشوفها كثير تمسك جوالها
    تقول اختها شدني الفضول ابي اشوف ليه في يدها الجوال
    تقول لما طلعت من الغرفة رحت اشوف جوالها الا هي طول الوقت قاعدة تدق على تلفون بيتها و على جوال زوجها ، طبعا محد يرد عليها
    و ترسل لجوال زوجها رسايل : حبيبي وينك ، لا تتاخر ، ما راح اتعشى الا معاك ... يعني كانها مو مصدقة الوضع

    الرجاء الدعاء له بالرحمه والله يصبرها اميييين ...

    منقووول

  2. #2
    صورة هيام نصراوي
    هيام نصراوي غير متصل يمون على المشاغبين
    تاريخ التسجيل
    Nov 2008
    الدولة
    . الرياض .
    المشاركات
    1,317
    Thanks
    0
    شكر 0 مرات في 0 مشاركات
    اسف على الاطاله بس موضوع القصه غريب بعض الشي حبيت انكم تشاركوني

  3. #3
    صورة اجمل احساس\
    اجمل احساس\ غير متصل جاي معه ملفه
    تاريخ التسجيل
    May 2009
    الدولة
    مدينة الطايف
    المشاركات
    4
    Thanks
    0
    شكر 0 مرات في 0 مشاركات
    الله يرحمه واموات المسلمين
    قصة مولمه

  4. #4
    صورة Dark Stars
    Dark Stars غير متصل مشرف قسم المصارعه
    Show Off
    تاريخ التسجيل
    Nov 2008
    الدولة
    נє∂∂αн
    المشاركات
    6,157
    Thanks
    0
    شكر 0 مرات في 0 مشاركات
    مشكوور على الحب سلملي على الحبيب
    ههه
    تحياتي لك

الدورات التدريبية جامعة نجران
يشرفنا اعجابك على فيس بوك facebook