السلام عليكم طبعا انا شاب لكن احب شي اسمه طباخ واحلى شي ابدع فيه السمك وطبق اليوم هو ايدام سمك لذيذ جدا جدا وما قد سويته الاويعجب الجميع ان شاء الله يعجبكم ما اطول عليكم00
المقادير
1-كيلوسمك فيلي متوفر في السوبر ماركت(وافضل شي الهامور)
2- ثلاث حبات طماطم تقطع ولا تعصر)
3-حبتين فلفل رومي اخضر وحبه حمراء
4-بقدونس+كزبره(قليل)
5-بصل(وحده وسط)
6-فلفل قرون بسباس وحده وتقطع قطع صغيره حسب الطلب الي يحب الايدامات الحاره)
7-معجون طماطم(ثلاث ملاعق)
8-البهارات(بهارات سمك متوفره في السوبر ماركت فلفل اسود مطحون فلفل احمر مطحون كزبره مطحونه طبعا تختار يا كزبره مطحون او كزبره خضراء)
9-مكعب ونص مرقة ماجي


طريق التحضير:
اولا تقطع السمك الفيلية ال مكعبات يعني على قد مكعب مرقة ماجي ويقطع البصل والطماطم والبقدونس والكزبره والفلفل الرومي والفلفل قرون
000000000000000000000000
يضع قليل من الزيت في الصاج ويكشن البصل وبعدين الطماطم وبعدين مرقة ماجي وبعدين الفلفل الرومي وبعدين الفلفل القرون وبعدين البقدونس والكزبرة واخر شي معجون الطماطم وقعد حرك الى تصير الخلطة مثل الصلصة وتصير ريحتها زي البتتزا وشهيه
تروح تحط عليها السمك وتحطها على نار هادئة وتحرك مده 20 دقيقة وانت تحرك حط البهارات ملعقتين بهارات سمك ونصف ملعقة فلفل اسود واحمر ونصف ملعقه كزبره وحرك الى ان يصير لون السمك بني محمر0000000


ويفضل ان يؤكل مع الرز الابيض يعني تحط الايدام فوق الرز وتاكل وانتبه لا تاكل اصبعك وبالهناء والشفاء وانشاء الله اكتبلكم ثلاث اكلات عن السمك بس ابغى ردود لا تفشلوني ههههههههه