بسم الله الرحمن الرحيم
طريقتها سهله وتونس وممتعه
والاشياء اللي نحتاجها مع فوايدها
1-صابونه الكركم ----------------------- تبييض نظافة تشيل الحبوب الدهنيه بالجسم
2-صابونه الغار-------------------------- تبييض نظافة وتشيل الحبوب وتصفي)
3-صابونه السحرية----------------------- تبييض)
4-صابونه البابايا ------------------------ تبييض تشيل الحبوب وتوحد اللون)
5-ماي ورد قلاص وربع------------------ ترطيب نعومه تبييض)
6-اشوية كركم جسم ---------------------- تبييض)
7-ملعقة كبيره ملح خشن ----------------- تطهر الخلطة نظافة)
8-ملعقتين كبار سفيد اب مطحون -------- تبييض)
9-ملعقة وسط نشا------------------------- تبييض لتماسك الخلطة)
والحين نبشر صابونه الكركم وصابون الغار و الصابونه السحرية وصابونه البابايا
نبشرهم في المبشاره مالت السلطة عرفتوها انا من حلاات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندج كميه من الصابون المبشور
نخليهم ونروح ناخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار واذا سخن اشوي بس الماي نحط الصابون كله مع بعض ونحرك رااح تلااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طااع التشبيه المهم
اي والله صج بيذوب وتتكون عندج الخلطة والحين اذا سخنت الخلطة وبدت تبقبق اشوي حركيها بعد اشوي واذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل
وبعدين تكون الخلطة جااهزه فرغيها بس في علبه او مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عاادي وراح تكون مثل اي صابون عاادي ماراح تخترب ولا راح يضرها شي ان شاء الله
طريقة استخدامها:
مع كل استحمام استخدميها اخذي كميه في ايدج وفركي فيها جسمج كاامل ومع الوجه حتى الرقبة والمنطقة الحساسة والابط وخليها عليج من 2 3 دقايق او اذا تبين اكثر وغسليها والتنتيجييه شي خياالي بيااض ولون منور وحلو
وبعد الحمام بعد ما تنشفين جسمج دهني جسمج في اي كريم مرطب للجسم عشان تزيد النعومه وترطبين الجسم بعد الصابون
للعلم انا سويت خلطتي الاولى وخلصت وسويت ثانيه وبتخلص بعد والحين ببتدي في الثالثه ان شاء الله