بسم الله الرحمن الرحيم


الجزء السابع

الفصل الخامس والاخير


من قصتي مع عمي ناصر

××××××××××××××××××××
في الطريق

انا: عمي ناصر مجود ويا مشاريوه ليه قدام وانا في الشنطه
عمي عشان ينزلوم يشترون
انا: ليه بروح المريخ كلها روضة راشد لا وفي الليل
شيخوه كان مالها داعي في النهار احسن
عمي ومن قال انا رايحين لروضة راشد
كلنا اجل وين
عمي رايحين للمخيم لهلي
انا:صدق اخيرا باروح للبر
هنوده الحمدالله انا باروح
مهوي ليه شسالفه رضواهلي
عمي الله يسلمكم ابوي درى بلموضوع وكلمني اجيبكم بعد ماغسل شراع خواني
شرايكم بسبرايز
انا:يجنن الله لايحرمنى منك ومن جدي
ندوي عمي طلال موب رايح معنى
عمي طلال راح مع اهلي ليه
شيخوه اذكره زعلان مع امه
عمي لا رضى وراح مع اهلي
انا رندى انتي على طول ساكته شفيس
رندى ما فيني شي عادي
انا طيب قولي لنا عن حياتس قبل نقتحمها
رندى او كي امي تزوجت ابوي بعد زواجين فاشلين وبعد ما قالو الاطبا ان مافيه امل تحمل لان عندها القلب وبعدين حملت فيني وكانت سعيده مره وجيت انا وسمتني امي على الدكتوره اللي بشرتها وبعدين جاء ماجد وسمته امي على جدي اللي توفى هو وجدتي وخالي محمد في حادث وبعدين توفت امي بسكته قلبيه وبدت تبكي والكل هديها وبعد شوي سكتت
مهوي انزين رندى وين وصلتي في التعليم
رندى: فصلت من ثاني جامعه لاني ماحب الدراسه
ندوي ياحضس محد قالس شي
رندى لا طبعا ابوي مدلعني واي شي ابيه ينفذه على طول
لميوه يا سلام عني ضمنى الو سطات
مجود اكيد وانا عمكم
الكل هههه
نوير رندى عندس خوال وخالات
رندى ايه عندي 3 خوال و خالتين وكلهم كبار اصغرهم امي الله يرحمها
الكل امييين
وكملنا الطريق والبنات يلعبون اكس او
عمي ترا باقي على المخيم تقريبا ساعه
الكل هههيههيه
ندوي عمي تصدق فارس طول الطريق ساكت
عمي اكيد اصدق صدق فارس شفيك مستحي
شيخوه: ايه مستحي اذا قدنا عنده في غرفته يقعد يحقق واذ شافك صار موئدب
فارس حرام عليج يابنت العم بس ما جا موضوع اتكلم فيه وبعدين كل ما قلت شي قلتو تحقق قلت اسكت احسن لي
ندوي: اهم شي انك معنى
ضميري اختس ذي ماتستحي على وجهها تصرفي ياكبيره
انا مصوت واطي اسكتي يا حقيره جعلس المرض فضحتيني حسبي الله عليس
ندوي بصوت واطي شدخلس انتي انا حره وبعدين ماقلت شي
انا هين والله لاعلم امي على حركاتس
ندوي والله لا قول عن الافلام اللي ذبحتيني بها
انا: هين ان شفتي معي فلم كابل اكسبرس
ندوي:لا خلاص الله يخليس معاد اتكلم
وصارت الساعه 12 الليل وصلنى المخيم ونزلنا وكان المخيم روعه الخيام على شكل مربع بس الخيام من ثلاث جهات يعني خيمة جدي ثم خيمة عمتي ساره ثم خيمة عمي سلطان ثم خيمة عمي فيصل ثم خيمه اهلي ثم خيمة عمي ناصر ثم خيمه كبيره مجلس للحريم وخيمه مطبخ كبير وخيمه حق الخدم وحمامات وبعيد شوي يعني تقريبا 40 متر جنب المخيم خيمه كبيره مجلس لرجاجيل وخيمتين لشباب وننزل ونحصل العائله ونسلم ونتعشى والكل يسلم على ضيوف العايله طبعا عمي راح لخيام الشباب ويا العيال ويتعرفون على بعض وكانت لولوه متقطعه من الوناسه اما جدي وضم رندى كنه صايرله شهور ماشافها ونجلس كلنا في خيمة جلوس الحريم ومعنى جدي
قلت انا جدي وشذا الظلم
جدي اول مادريت انهم خلوكم عصبت على العيال وكلمت ناصر يجيبكم
انا لا موب قصدي ادري انت ماقصرت بس ليه مالنا يا البنات خيمه نفس الشباب
جدي والله قاله سلطان بس ولا يهمكم هاذا هو الشراع بركبه الحين
انا الله لايحرمن منك
شيخوه ولا يحرمكم من ابوي
الكل اميين
ويركب جدي الشراع يفصل الخيمه الى جزءين
ونجيب اغراضنا وشناطنا من خيام اهالينا ونجيب فرشنا وتونا في قسمنا نرتب اغراضنا ونحتل الاماكن
شوي وجاء عمي جاسم وجدي والحريم جالسين في القسم الثاني في الخيمه
جاسم ترا الشباب الحين بيجون كلهم يسلمون على رندى
جدي بناديها تسلم عليها
جاسم: بعدين بسلم عليها مع الشباب
في قسم البنات
رندى بنات احس جاسم موب مرحب بي صح
انا: يابنت الحلال انسي جسوم مايعبر احد
لميوه: ولايحب الا نفسه
رندى بنات بسراحه مستحيه ماعرف احد احراج
مهوي خلاص البسي عبايه ونقاب
الكل هههه
انا تراس عمتهم يعني عادي خيلس كووووول
وجاو الشباب كلهم حتى فارس معهم وقفو في الجزء الثاني اما احنى كل وحده فتحت لها فتحه في الشراع وجلس تراقب وش يصير
و نادى جدي رند ى وجات و هي مستحيييييه وكل الشباب بطلو عيونهم اول ما شافوها وبدويسلمون ويعرفون انفسهم
والكل كان فرحان ويرحب برندى الا جاسم الي كان واضح عليه انه موب مستانس من جيت رندى وسلامه كان بارد شوي وطلعو الشباب ومعهم جدي والكل راح يرقد شوي والقى ريموه جايه ويا البنات عهود و ونجود خوات شيخوه وامجاد وعبير خوات مهوي ومعهم فرشهم يبون يرقدون معنا
انا هذا اللي قاصرني اذلفو يالله رايحين واحنى موب اكثر همكم
امجاد لا قسم بالله ليلى انا قلنى لهلنى و يوم ماعبرونا قلنا لجدي على طووول
عبير امانه بنات والله ماسوانا شي عشان تكرهونا
شيخوه بنفكر يالله روحو الرقدو وبعدين نتفاهم
وراحو وكل وحده منى على فراشها
رندى بنات بسراحه احس اخوي جاسم موب طايقني
لميوه طبعا كانو هو اخر العنقود وجيتي واحتليتي مكانه
رندى طيب انا وش ذنبي
نوير معليه شوي وبيتعود ويصير عادي
رندى الحلو اللي يشبه فزاع منهو اخو من فيكم
البنات كلهم الحمد الله موب اخوي
انا هاذا طليل ولد عمي ناصر
رندى وشفيكم عاد كذا ما تحبونه مع انه حلوووو وتحمدون الله انه موب اخوكم
مهوي لانه غثيث ومانحبه مالت عليه هو وامه
رندى وش دخل امه بعد
انا:هاذي قصه طويله بتعرفينها مع الايام
ونرقد بعد ماصلينى الفجر
واقعد الساعه 7 على صوت الحريم المزعج لانا معهم في نفس الخيمه وصوت والبزران واغسل وجهي واللبس عند البنات طبعا كلهم راقدين وتوني فاصخه بلوزتي بلبس الثانيه الاورامي ولد عمي سلطان 4 سنوات داخل واول ماطالعته ويروح يركض
ويقول يعيه ليلى راقده ماعليها ثياب
والطالع مع بابا الخيمه بعد مالبس بلوزتي بسرعه وهويعيد
قلت رويمي تعال هانا
رامي يع ليه ماعليس ثياب
والروحله ركض وامسكه واظربه
واقوله وش مدخلك خيمتنى هاه و يقعد يبكي ويقول ابي شيخه واخذ تراب واحط على راسه واخليه الا وعمي سلطان شايفني
عمي سلطان ليلوه خير وشفيس عليه هاه
انا ولدك ياعمي قليل ادب داخل علي وانا ابدل
رامي وهو يبكي كذابه يبه كانت راقده ماعليها ثياب
وجلس عمي يطالعني بشكل غريب وبعدين ظحك
انا:ممكن تظحكني معك
عمي بلوزتس مقلوبه هاهاهاا
قلت الحمد والشكر ورحت للخيمه عدلت بلوزتي ورحت للمطبخ وافطرت ورحت قعدت البنات وخليتهم يلبسون
وطلعت برا والجوا كان خياااالي حلو وبعدين رحت لخيمت الجلوس وقعدو نص البنا ت وريموه وشلتها
قالت جدتي يالله الركبوخلى نتمشى شوي
على طول البنات ماكذبو خبر و كل وحده ماخذه معها
شي خذينا كوره وورقه بيلوت وانواع الكوافي والعصيرات
واشبس وشلت ريموه ماخذين معهم رشاشات ماي كبيره ومعبينها فل وبعد لميوه ماخذه معهى سي دي فيه انواع الاغاني الي هي تحب ونركب كلنا في سيارت جدي:ستندر
وهوشه على الي بيركب قدام وانا ركيبت قدام بعد هده مدتها 7 دقايق ومهوي بغت تجيها جلطه تبي تركب قدام
وفي الاخير ركبو ورى
. مهوي ..وشيخوه .وندوي ..ونوير .وهنود ..رنود وزحمه على الاخر... وفي الشنطه ورى
ريموه ..لميوه .امجاد .عبير ..نجود .عهود .
وبعد زحمه بس عادي محد اشتكاء منالاناسه وتو جدتي تشغل السياره تبي تحرك لاوخلود بنت عمي سلطان اخت شيخوه متمسكه في السياره
جدتي خير عسى ماشر
خلود ماشر بس بروح معكم
جدتي بلا بودي البنات يستانسون
خلود ليه انا رجال ولا حرام استانس
جدتي انتي متزوجه اجلسي مع المتزوجات لين امشيهم بعدين
خلود والله لاخلي زوجي رحومي يطلقني من بكره
لو ماتخذوني معكم
جدتي بس انتي حامل
خلود عادي توني في الشهور الاولا وبعدين ماعندي مشكله بروح معكم
جدتي يابنت النا مالس مكان معني فهمتي
شوي لا جايه جواهر اخت خلود بنت عمي سلطان
جواهر حتى انا
جدتي الحين طارده اختس الي بلاحامل وماوراها بزران وتجين انتي يام البزران
جواهر: جدتي كنس شاتمتني
جدتي صارو البزران شتيمه الحمد لله
جواهر تكفين ياجدتي اخذينا معكم
جدتي مالكم مكان
جواهر بشكل يكسر الخاطر حراام عليكم والله دلال بتروح ويا عمي وليد يتمشون ونجلا بتروح مع زوجها عمي فيصل والهنوف بتروح مع مع زوجها خالد اخوي والبنات انتي تبين تودينهم يتمشون وانا واختي خلود من الي بيودينا ازواجنا موب معنى ولاحد معبرنا وحتى عماني كل واحد بيروح ويا زوجته يمشيها ويغيرون جووحنى ويش نسوي مالنا الله ثم انتي ياجدتي الغاليه ترا والله حرام
جدتي خلاص خلاص دورو لكم مكان وركبو
ماكذبو خبر وبطلو بيبان السياره
جواهر يالله زحفو لنا
مهوي يالله لقينا لنا مكان عشا نزحف لكم موب لازم تروحون معنى
ندوي ياليل جده روحي وخليهم مالهم مكان
وتوهم يدورون جات دلال مسرعه هي والهنوف
دلال ياحرميات تبون تروحون وتخلونا
الهنوف حديناكم
خلود ياليل ويش بيفكنا فيهم
الهنوف ليه انشاء الله لايكون بتودينا على راسس
خلود لا بس مالكم مكان
مهوي حتى انتي مالس مكان وسكرو البيبان البنات وقفلو
انا جده روحي وخليهم
جواهر والله لاتخلوني ان اتعلق معكم ورا
جدتي يابنات بوديكم بعدين مالكم مكان بلابتئخرونا
جواهر لا اخذونا معكم
دلال ايه نبي نستانس
الهنوف صدق خلونا نروح معكم
خلود دبرولي مكان انا لحالي بمائني اصغر ذولا
وتبطل شيخوه الدريشه
شيخوه العن ماعندكم كرامه مانبيكم ومالكم مكان يالله اذلفو وتحرك جدتي ونروح وهم يطالونا وهم منصدمين بعد ماهزئتهم شيخوه
ورحنى اول ما ابعدنا عن الخيام قطينا شيالنا وبطلنا الدرايش السياره وشغلنا السي دي حق لميوه واول اغنيه الواوا وجلسنا نغني معها وجدتي تسوق
انا: جده علميني كيف اسوق مثل مهوي
جدتي طفي المسجل واعلمس السواقه
على طول طفيته انا يالله جده خليني اسوق وتوقف جدتي وتنزل وانا رحت اسوق علمتني كيف الشغل السياره وجلست اسوق بشوي شوي والبنات يصايحون وراي فحطي فحطي وتهورت واسرعت بس ..
مهوي انا بسوق ياجده تكفين ذي ماتعرف تسوق
انا اكلي تبن بتعلم وبصير احسن منس
لميوه امانه ليلوه خلي مهوي تسوق عشان تفحط
انا لوا انا بفحط
جدتي لاحد يقلبنا
انا افا عليس ياجده
شيخوه انا بسوق ذي بطيئه ماتعرف تسوق
جدتي هاذي السرعه كلها وتقولين بطيئه
شيخوه وين السرعه ..وتبطل الباب شيخوه وتنزل والسياره تمشي وتجي تركض قدامنا وسبقتني عاد انا حسيت بلاهانه وضغط على البنزين بكل ما اتيت من قوه والسرعت السياره سرعه فائقه وجدتي كانت تصارخ تقول
جدتي شوشو ياليلى
انا كيف
جدتي شيلي رجلس جعلها الكسر من البنزين
واشيل رجلي من النزين الاوقفت السياره
جدتي وهي معصبه انزل جعل امحق سواقه وتوني نازله الاومهوي راكبه عند السواق
انا جده شوفي مهوي
جدتي خليها تعرف تسوق احسن منس
انا لاوالله علموني السواقه وعرف السوق
جدتي لاتعلمتي خليتس تسوقين
انا والله لقول لبوي يدخلني دورة سواقه ولا مهوي احسن مني
جدتي الركبي عاد
وجات شيخوه وهي فاحه من التعب
شيخوه ليلوه جعل ربي ياخذ روحس ويش ذي السرعه خليتيني ورحتي
انا احسن يالله الركبي
شيخوه الركبي انتي قبلي
انا لاوالله انتي الركبي عشاني ابي اجي عند الباب
شيخوه حتى انا
جدتي خلصوني
انا جده شوفي شيخوه عيت تركب
جدتي شيخه الركبي عشان خاطري
شيخوه انتي تامري امر يالغاليه
وركبت شيخوه وانا ركبت عند الباب
ومشت مهوي
مهوي افحط
الكل ايييه
جدتي لاااااا
انا تكفين ياجدتي خليها تفحط عادس احنى في بر
جدتي لا بتخرب سيارتي
مهوي اف عليس ياجده شايفتني علميه ترا انا احسن من .بوبو .وقشطه ..خفوش .وبوزقم ..وكل المفحطين
جدتي من ذولا سكون
مهوي لا ياجده ذولا ناس حايسين شوارع السعوديه
انا جده خلي مهوي تفحط
شيخوه جده انا ابي اسوق ولا مهوي وليلوه احسن مني
ريموه بعد انا ابي اسوق
عبير ايه صح كلنا نبي نسوق
رنود خلينا نوقف ياعمه شوي
جدتي صح وقفي يامها خلينا نجلس شوي
مهوي انشاء الله .
وتجي مهوي عند عرق وتوقف وعلى طول نزلنا كلنا ونتشرنا وحطينا عبياتنا وكلنا كنالابسين بنا طيل جنز وتيشرتات وكابات وجواتي سبور عشان نلعب كوره وجدتي كن موب عاجبها الوضع وفرشت ريموه فرشه لجدتي وحطينا اغراضنا
انا بنات الحد يروح خلونا نخطط ويش نلعب مع بعض حتى جدتي
مهوي نلعب ثلج ماء
رنود لا شرطي حرامي
ريموه خلونا نلعب مسدسات الما
شيخوه لالا خلونا نلعب بطين
كلنا كيف
شيخوه احنى جايبين معنى ماء يكفي سنه خلونا نكبه على الارض ونلعبه ونتحاذف
جدتي لا تلعبون بنعمه
شيخوه عادي ياجدتي وخير يعني موب ميتين عندنا غيره
جدتي لالادورو لعبه غير
امجاد اخت مهوي خلونا نلعب خطه
لميوه لا موب حلوه خلونا نلعب كريزي
الكل لالالا
عبير اخت مهوي احنى جاين عشان نلعب لعبه كلها ركض ووناسه موب جايين عشا نجلس
هنود ايه صح يالله عاد خلونا نلعب
عهود اخت شيخوه خلونا نلعب كوره ويش رايكم
انا لا
ريموه خلاص موب لازم تلعبون معنى يالله بنات نلعب بمسدساتناحقت الماء
وراحت هي وعهود ونجود بنات سلطان وعبير وامجاد بنات نايف
شيخوه خلونا نلعب العبه الي قلت لكم
انا يالله خلونا نلعب
جدتي لالا العبو غيرها
انا تكفين جدتي خلينا نلعب
جدتي لا كيف العب معكم في ذي العبه
نوير جعلكم المرض جدتي تلمح تبي لعبه هي تحبها
ندوي يالله ياجده انتي الي بتختارين العبه وكلنا بنلعب
جدتي كوره
كلنا يااازااحفه يااجده
جدتي ههه موب احسن من الي تبي شيخه
انا يالله ننقسم فريقين وانا مع فريق جدتي
هنود طل انا الي معها
شيخوه جدتي معي في فريقي ولا ليه مسميني عليها
جدتي لا انا حارس
رنود بايعتها ياعمتي والله لاتشوتس شيخوه ان تروحس ورا الشمس
جدتي عادي انا ابي حارس
وحطينا السياره مرما وفرشنا الفرشه وتربعت جدتي
وحنى انقسمنا فريقين
انا وريموه وامجاد وهنود ونوير ومهوي
شيخوه ورنود وندوي وعبير وعهود وامجاد ولميوه
وجدتي الحارس
وبدت العبه ولميوه اشتغلت في الصياح كنها صفات انذار
وريموه كنها في حلبت مصارعه ومهوي ماخلت عكسيه ولا تربعه ولا تخميسه ماسوتها كنها تسوق يساره وشيخوه كنها دبابه تركض وتدعم البنات ندوي انواع السب والشتم وانا ماخليت دعاه ماقلتها وهنود كل محد طاح راحت تكشف عليه مصدقه نفسها انها دكتوره ونوير مسوتلي رولاندينهو بتعديات والتزريقات على قولتها تعرف تلب ولعبها عجيب اما رنود تدربي راسها بلا تحلطم طول الوقت ناولوني ناولوني وامجاد طلعت دلع الدنيا الي موب لايق وعبير تلعب بخبث معنى عهود شوي وتموت ضعييفه وكل شوي طايحه ونجود كنها عبير اثنتين خبيثات
وجدتي جالسه في حالها وكل ماجاتها كوره انحاشت بس احنى نشوت بخفيف عشان مانذي جدتي الي جالسه تتفنجل ومشغله الريدو اما شيخوه متحمسه مشكل موب طبيعي وكل شوي شايته الكوره بقوى ماعندها
ولوجدتي ما تنحاش كان الحين في قبرها بسبت شيخوه
المهم لعبنا وجلسنا نستريح شوي ونشرب عصير وناكل
مهوي ويش رايكم نروح نتدربا من فوق العرق
لميوه بميوعه لا والله وشلون بنمتلي تراب
امجاد بميوعه غطت على ميوعت لميوه لا مستحيل نسوي هاذي اللحركه البايخه
مهوي محد عزمكم
انا يالله
رنود كيف ذي العبه
مهوي ماتعرفين ترقين العرق و تدربين نفسس من عليه لين تاصلين الارض
رنود وبعدين
مهوي بس ويش تبين بعد
رنود طيب وين الوناسه في هاذي العبه
مهوي انس تدربين احلى وناسه
انا جربي وماراح تندمين
رنود:يالله وامر لله
ريموه صدق وناسه يله نتسابق
لين العرق
عبير من الي بيروح معنى
انا قلعتهم الي تبي تلعب تدلنا
وتروح عبير وترسم خط ونوقف عليه انا ومهوي ورنود وريموه وعبير ونجود ونوير اما الخايسات هنود وندوي ورلميوه وامجاد وعهود عيو مايبون يلعبون وجلسو عند جدتي انا غريبه وين شيخوه هي تحب هاذي العبه المهم تونا بننطلق
الاطينه ويش كبرها على ضهري واول مالتفتت لاطينه ثانيه على وجهي ومسحهى بسرعه ابي اشوف من الحقيره الي حذفتني لقيت شيخوه ورا السياره وميته من الضحك وقدامها قوز طين
انا:جعلس الجلطه يالحقير والله ماخليس واخذ دبت الماء وكبها على الارض وسويلي طينه كبيره وحذفها لاصاقعه في ريموه وينتشرو البنات كل وحده كبت لها ما وجلسو يتحاذفون وقامت الحرب العالميه الثالثه وجدتي ركبت في السياره وقفلت هي ولميوه وامجاد ونوير ركبت فوق التنده هي وندوي وجلست تصورنا بكمرت فيديو وانا وباقي البنات مسويين زحمه بر ونتحاذف بطين وموب قصدي ابي اخذ طينه خذيت حصاه وحذفت مهوي في ضهرها وجلست تتئلم شوي وجات مسرعه داقه 800 مدري كيف ونا انحشت وهي تلحقني وندور على السياره وفي الاخير عكرفتلي الحقيره اختها عبير وطحت ونطت فوقي وداست وجهي في لارض ونويرتصورها وهي تعذبني وقامت ونحاشت الخايسه وخذيت طينه وحذفت الكمره الي مع نوير الي فوق السياره وجلست تتحلطم وقعدت تنضفهى وانا رحتى ورا مهوي ولاقا شيخوه معطتني قفاها وتوايق من ورا السياره واخذ دبت ماي وكبها عليها واخذ تراب بيدي وكبه على ضهرها ونحاش وهي وراي وحنى مسرعين لقينا نجود ذابحتها الرومنسيه مسويه قلعه بطين واجي وانطها وطا قلعتها لين انفرشت كنها ماسوت شي وتوها تدعي علي جات شيخوه وطت نجود وفرشتها فوق قلعتها ورحنى وهي تتحلطم وشيخوه وراي وماخليت عرق ماذبيته وماخليت مكان مارحت له وذي الدبه مافيها حيله تعب انا الرشيقه تعبت المهم ونا اركض لقيت عصى وعلى طول خذيتها ولتفتت على شيخوه وسويتها كنها سيف نفس الزير سالم ونحاشت واروح وراها والقى رنود واقفه واعطيها على ظهرها لين قامت تصيح من الالم واروح ورا شيخوه والقى مهوي جالسه على ركبها وتوايق تحت السياره وتحذف ريموه بطين واعطيها ذيك المصطه على مئخرتها لين دخلتها مع ريموه تحت السيار وهي تصيح من الالم واروح ورا شيخوه الي غرزت في نصف العرق واجيها وامصطها لين تفلت العافيه واروح وابي اكفخ عبير الخايسه لين رنود جايه مسرعه صوبي ومعصبه حدها ويوم جييت الرجع لقيت شيخوه جايه نفس الحكايه ويوم لفيت لقيت مهوي معهى هندل مال السياره حديد وضاايقه مووت
وادق 12000ودعست وهم وراي وركبت مع نوير فوق السياره ومعي العصى وكل محد حط يده يبي يركب ضربته بلعصى وجلست ندوي تتحلطم ودزيتها من فوق السياره لين طاحت على الارض وهددت انوير اي صوت تصدره بسويلها مثل ندوي وخافت وجلست تصور البنات وانا اضربهم المهم عجزو وراحو كل وحده حطت لها قوز طين وجلسو يحذفوني فوق السياره وانا تورط ويش اسوي ونخش ورا نوير ونوير صارت كنها عرق جايه مطر من كثر الطين الي عليها وملت مهوي وراحت الحقيره وبطلت باب السياره وركبت وشغلت السياره ومشت وحنى فوقهى ومتماسكين في بعض ومهوي تمشي على السياره وتجلس تفحط وتسوي عقده لينا طايحين انا ونوير على الارض وكمرت انوير جعلها الجلطه طاحت على راسي وهي تصور وجات شيخوه ورنود وهرسوني مالت عليهم بدال ميتطمنون علي جلسو يكفخون فيني والحقيره شيخوه تاخذ تراب وتحط على راسي ونوير خذت كميرتها ونحاشت وجات مهوي وخذت عصاي ومصطتني لين قلت بس ولا حد هان عليه يفزعلي حتى جدتي وراحو الحقيرات يلعبون ونا طايحه موب طيبه وحالتي يرثا لها وبعد نصف ساعه قمت ورحت ركبت في السياره
جدتي انزلي لاتوصخين السياره
انا جده شفتي ويش سووفيني الحقيرات
جدتي وشفت ويش سويتي فيهم انتي بعد
انا هم الغلطانين
لميوه بدلع امانكم عنيفات شوفي كيف يلعبون برا
امجاد بميوعه لونا معهم كان الحين دافنينا
انا مالت عليكم انزلو افزعو معي
امجاد لميوه لاوالله
انا: مالت عليكم واشغل السياره
جدتي لا التسوقين ياليلى
انا مهوي احسن مني
وشغل السياره وامشي بعد ماقفلت البيبان وحذرت لميوه وامجاد مايفتحون لحد
ورحت امشي بشوي شوي والبنات يلحقون السياره وكلهم طين كنهم طالعين من مقابر ونا بعد كلي طين والبنات عبير متعلقه في السياره من ورا وريموه تركض قدام السياره ومهوي راكبه على الكبوت وشيخوه تحذف السياره بطين ونوير جالسه بعيد وتصور وهنودورنود وندوي جالسين فوق العرق ونجود وعهود يتراشو نبمسدسات الماء وانا ادور على السياره وبعدين اسرععت ومهوي متمسكه على الكبوت وتصارخ ثم سحبت بريك لينهاطايره وطايحه على الارض ومندفنه خشتها في التراب
ونزلت ونطيت فوقها وكفختها وقمت بسرعه ابي اركب في السياره لقيتها مقفوله قافلتها جدتي وهي داخل وجات مهوي معصبه ونحشت ونجلس ندور على السياره وفجئه نسمع صياح
ندوي بصوت عالي بناااات تعاالو بسرعه
وننطلق كلنايا البنات لهاويوم وصلنا لقينا عنده ضب واقف بعيد
شيخوه وناسه خلونا نمسكه
رنود يمه لا اخاف يقرطنا
عهود: بروح انادي جدتي وراحت
مهوي: يالله نلحقه
نوير لالا خلوني اصوره اول
ريموه خذت العصا ووراه هي وعبير وشيخوه ونويرتلحقهم و تصورهم وانا لحقتهم ومهوي راحت تجيب السياره
ونروح وراه وهو يركض بسرعه
انا كيف نمسكه
شيخوه مع عكرته
عبير ريوم اذبحيه بلعصا
ريموه ليه علا بالس فار
انا ويش نسوي
ريموه بمسكه بيدي مع عكرته
انا لا خاف يقرطس
شيخوه عادي موب ميته
نوير امسكوه عاد ياغجر تعبت
انا خلاص امسكيه ياريموه
وفجئه وقف الضب وجلس يطالعنا
انا ويش فيه لايكون سكني
شيخوه عادي كل الضبان تسوي كذا
عبير اخس يالخبره
شيخوه يالله ريموه امسكيه
واول مامدت ريموه يدها تبي تمسكه لف لفه غريبه وعلى طول حطينا رجلينا ولقينا مهوي حدتنا علا رجليها واول ماشافتنا منحاشين انجاشت قدامنا لين وصلنا السياره
ريموه يمه شكله موب صاحي
انا مهوي ليش ماجبتي السياره
مهوي شو فت عينس جدتي عيت مافتحت الباب
شيخوه ياحراام ليتنا مسكناه
عبير وبعدين اذامسكناه ويش نسوي به
ريموه ناكله
رنود ووووووووييييييييي عععع تاكليينه
ندوي ويع برجع بنات
ريموه ولا نسوي لجدتي عليه مارق
هنود احد قايلس انا مانبي جدتي نخليس تسوين لها مرق بضب مسكون
انا والله حرام فاتنا
شيخوه ايه صح
وفجئه لين جدتي تضرب بواري ثم بطلت الدريشه
جدتي يالله نروح
كلنا لا ياجده تونا
جدتي ترا محد راكب معي في السياره الاوهو نضيف
ريموه كيف نتنضف
جدتي تصرفو
شيخوه بنات وناسه خلونا نربط الفرشه في السياره من ورا ونخلي جدتي تسحبنا ويش رايكم
انا وانسه صدق
ندوي عاد معنى حبل
ريموه:حراام فاتنى نجيب
مهوي ولا يهمكم انا اعرف مكان الحبل
الكل وين
مهوي في السياره
الكل:ونااااسه
ورحنى قلنا لها بروح للخيام وحنى على الفرشه وهي تسحبنا وبعد ايش وافقت وقلنا لها تودينا مع الجهه الثانيه عشان مايشفونا الشباب
ورحنى وجمعنى الاغراض الي كلها وصخه وركبناهاولبسنا عباياتنا
وربطنا الفرشه زين عشان نركب عليها وبطلنا الشنطه من ورا وعيت جدتي ماخلت البنات يركبون قدام عشان مايوصخون سيارتها وهي تسوق ولميوه جنبها وامجاد في المرتبه الي ورا وعبير وونوير والكمره معها ونجود وهنود راكبين في الشنطه ويدلون رجليهم ونوير تصورنا وحنى على الفرشه انا ورنود ومهوي وندوي وريموه وعبير وشيخوه ومتمسكين حدنا عشان مانطيح
ومشت جدتي وكانت تمشي بشويش عشانا وحنا متقطعين من الوناسه ونسولف
نوير وهي تصور:بنات ويش شعوركم في ذي الحضه
انا بسراح مايوصف
عهود بسراحه خاطري ارقص من الوناسه
نوير لميوه طولي على المسجل عشان البنات بيرقصون
وتطول لميوه وكانت اغنيت الي بتقصر تنوره وقامت عهود ترقص وكل شوي طايحه طبعن الفرشه كانت كبيره يعني مستحيل نطيح الى اذا احددز احد وعهود كن فيها سكون ارقصت من قلب وتهز وريموه ويا شيخوه كل وحده تدز الثانيه والي يرقص والي يسولف نوير تصور وهنود جالسه جنبها تنقط واول ما اقبلنا على الخيام جات جواهرمسرعه هي وولدها حمني يلحقها ونطحتنا وركبت معنى وهي متقطعه من الوناسه وشوي وتجي خلود داقه 500 مسرعه حدها وتبي تركب معنى ولا لقت مكان وهي تركض جنب الفرشه مسكت مهوي ودزتها من الفرشه وركبت هي مكانها واول ما الركبت لين جدتي واقفه وتورطت وجات مهوي مسرعه ونحاشت خلود ومهوي وراها وكانت الساعه 11 يوم وصلنا للمخيم الكل كان قاعد والحريم يسوون الغداء وحنى رحنى وفرشنا فرشه و جلسينا كلنا نلعب شرطي وشاب لين الظهر صلينى وتغدينا وبعد الظهر رحنى نقيل لانا مارقدنا البارح وقعدتني هنوده العصر وكان الجو حلوو صليت ورحت حصلت البنات جالسين برا فارشين زوليه برا وجالسين عليها ويا الحريم وكانا في دكان كل انواع الاكل و العصير
والفواكه ونقعد نسولف
نوير يمه شفتي عمتي رنود ياحضها فصلت من ثاني جامعه ولحد قالها شي موب انا فضحتوني عشاني قلت ماحب الدراسه