مشاهدة : 9887
النتائج 1 الى 5 من 5
  1. #1
    بنت تحب الشرقية غير متصل يمون على المشاغبين والمشاغبات
    تاريخ التسجيل
    Mar 2009
    الدولة
    الرياض
    المشاركات
    1,792
    Thanks
    0
    شكر 0 مرات في 0 مشاركات

    قصص سعوديه كامله

    قصه رائعه للمبدعه صاحبة الكلمه بعنوان بين ثنايا الايام

    وللامانه منقوله



    السلام عليكم ورحمة الله وبركاته

    ماذا تخفي لنا الايام بين ثناياها

    فرح .. حزن .. الم .. امل .. لقاء او ربما فراق .....

    سانثر لكم حروفي في قصتي الاولى


    ؛¤,¸¸,¤؛°`°؛¤ بين ثنايا الايام ¤؛°`°؛¤,¸¸,¤



    ...:::][ الجزء الاول ][:::...




    اليوم حر .. الجو نار .. يوم مو طبيعي الله يعين ..
    اكيد كلكم تسالون
    من هذي اللي تتحرطم من الصبح .. انا رهف .. البيت يدلعوني برهوفه ..طبعا انقهر.. واتنرفز لما ينادوني برهيف .. ومحد يتجرا ويناديني رهيف .. لان يدرون وش بيصير .. قليل اذا اكسر البيت فوق راسه .. لا تصدقون عاد مو البيت مره وحده .. وين نعيش بعدين في خيمه.. لا تحسبون يوم اقول لكم اكسر البيت اني قويه .. لا .. قويه في بعض المواقف ..وبعضها لا ..حنا عائلة ابو يوسف عائله متوسطة الحال ..... انا ماعندي اخوات ماعندي الا اخوان .. ثلاث اخوان يوسف , محمد , سعد .. بتتعرفون عليهم قريب .. ومو حاسه بالوحده عشان ماعندي اخوات .. لا بالعكس صديقتي وبنت جيرانا الريم .. مثل الاخت لي واكثر .. عمري 18 و بصراحه.. انا عصبيه بقوه .. اقل شي يعصبني .. مثل جو اليوم الحار ..لحظه جوالي يدق




    ~~)(~~ كذا من ربي حبيته بسرعه يوم لا قيته
    ياناس اللي تمنيته اخيرا صار محبوبي ~~)(~~



    اغنية رابح صقر .. كانت نغمة جوالي

    & رفيقة دربي & اووه هذي الريم صديقتي ..

    رديت عليها : هلا والله .. هلا هلا ريوم

    ردت علي : اهلين .. كيفك

    قلت لها : تمام الحمد الله .. وانتي

    قالت لي : رهووفه .. موداخل مخي ان الاجازه انتهت .... وان حنا راح نبدا سنه دراسيه جديده

    ضحكتني بصراحه نبرتها المتحطمه قلت لها : لا ومو اي سنه .. ثالث ثانوي .. يعني تحديد المصير ههه

    الريم : ياسلام ... وتضحك بعد

    رديت عليها وانا اضحك : وش تبيني اسوي ابكي من الصبح يعني

    الريم : لا افاا من الحمار اللي قال كذا

    رديت عليها بسرعه : انتي ياحماره .. هههه

    قالت لي ومسويه معصبه : هين يارهووف انا اوريك .. المهم بمر عليك انا واخوي خالد .. بعد ربع ساعه .. عشان نروح المدرسه

    قلت لها اوكي وقفلت من عندها .. وطبعا بما انه اول يوم دراسي .. انا اصير متحمسه .. والحماس هذا مع الايام يتلاشا ويروح .. لبست العبايه وطلعت برا .. وقفت عند الباب اشوف الاولاد اللي بالابتدائي .. وهم رايحين مدارسهم .. وربي يهبلون .. بس الله يعينهم على هالجو .. جلست اناظرهم ربع ساعه .. وشوي الا وسيارة خالد اخو الريم واصله .. فتحت الباب .. وركبت .. وسلمت


    لفت علي الريم اللي كانت جالسه قدام وقالت لي : وش فيك تنتظرينا عند الباب .. كل هذا حماس

    اكتفيت بضحكه خفيفه بس .. لاني مستحيه من اخوها خالد .. خالد هذا وش اقول لكم عنه .. قليله عليه كلمة حلو .. يمكن احلى واحد شفته في حياتي ..وسيم مرره.. ..وشعره ناعم بني .. وجامعي ومثقف ..كنت سرحانه .. ماوعيت الا والريم تقول لي .. رهف .. رهف .. يللا وصلنا

    ........................


    __________
    بيت ابو يوسف .. الساعه 1:30 مساء
    __________



    **رهف**


    تو راجعه من المدرسه .. كان اليوم حلو تقريبا .. لان مادرسنا شي .. والجوع ذابحني .. اول مافتحت الباب صررخت : يم ه وش طابخه لنا غدا اليوم .. الا وامي طالعه من المطبخ

    وردت علي : الناس تسلم .. تسال .. شي .. وانتي على طول الغدا

    قلت لها : وربي الجوع ينسي الواحد كل شي .. المهم انا ببدل ملابسي الحين ..ماابي اجي الا والغدا
    جاهز .. ترا بموت جوع ..

    حتى ماسمعت رد امي علي رحت .. طيران بركب غرفتي .. الا والاسد معترض طريقي .. الاسد هذا اخوي محمد اللي عمره 24سنه هادي الملامح طويل القامه .. جسمه متوسط لا هو ضعيف ولا هو بدب .. شعره ناعم ويشبه لي مره

    قلت له وبحده : نعم خيرر .. وخر عن طريقي

    محمد : نوو نوو نوو ... قولي وخر اخوي لو سمحت

    قلت له : لا والله

    قال لي : ايه والله

    رديت عليه وانا معصبه : وخر احسن لك .. لا دعيت عليك الحين

    قال لي وهو يضحك .. ويوخر : لا.. انا اللي بدعي عليك.. تاخذين واحد يسوي لك نفس هذي الحركات واعضم ههه

    قلت له بسرعه : فال الله ولا فالك .. مالت عليك.. لو انت داعي علي بالموت اهون ..

    وشوي الا وتجي امي ..

    وتقول : للحين انتي هنا .. مابدلتي .. يللا لا تغدينا عنك

    قلت لها وانا راكبه بروح فوق : لا لا لا .. الحين بجي

    ................................


    __________
    غرفة رهف .. الساعه 2:00 مساء
    __________


    ** رهف **


    فتحت باب غرفتي .. وانا بموت من التعب .. ماتوقعت اليوم الاول كذا بدلت ملابسي بسرعه .. وصليت الظهر .. بعد ماخلصت من الصلاة .. تذكرت شي .. الجدول .. ايه صح الجدول .. ولا حتى ناظرت فيه .. فتحت شنطتي .. بشوف جدولي ..الا وتطيح من الشنطه بطاقه صغيره .. اخذتها وانا مستغربه .. فيها قلوب حمرا .. من وين جات هذي .. اول مره اشوفها .. قلبتها قبل لا افتحها .. فيه مرسوم ورا قلب كبير مكتوب داخله

    ..............من خالد ......... الى ملكة قلبي رهف .............

    فتحتها بسرعه .. كان مكتوب فيها ...


    ^*^
    /
    \
    /
    \
    /
    \
    /
    \
    /
    ^*^



    حبيبي عطني لو كلمه منك تريح القلب ونبضه


    حبيبي بس كلمه تعيد للحياه روحها


    انت ماتعرف غلاك ولا ماكنت تتركني بعذاب


    حبك عندي مثل الهوى والماي احلى من النفس والنبض


    غلاك بالروح والقلب واغلى من كل مافيني


    ياحبيبي لا تظن هذا حبر وكلام


    لا هذا من قلبي صادق الاحساس


    ودي اعطيك فوق كلماتي حياتي وقلبي


    وودي امشي بطريقك باقي عمري


    يا احلى زهر باحلى ارض


    يااعذب نبع باجمل حياه


    ياكل الحياه ويابعد هالناس والله ياقلبي مايوفيك الكلام


    بس كلمه اخيره اقولها لك انا احبك


    وغير حبك ما ابي ياغالي واغلى غالي

    محبك(( خالد))


    ^*^
    /
    \
    /
    \
    /
    \
    /
    \
    /
    ^*^

    لحظه لحظه ... انا مو فاهمه شي .. اذا انتو فاهمين شي خبروني .. وريحوني ..معقوله هذا خالد ..ما اصدق ....

    جلست على السرير .. وانا ماسكه البطاقه .. اقراها .. مره ... ومرتين ... وثلاثه ..

    وعلى طول رحت .. فتحت دفتري .. اللي انا مسميته .. او كاتبه على غلافه ..( انا سفينه في البحر وانت المرسى )

    مسكت القلم وكتبت


    .
    .
    .
    .

    § بطاقة خالد §

    السبت - 15\7

    اليوم مرت علي صديقتي الريم

    مع اخوها خالد شكلي بروح معاها كل يوم

    في المدرسه ماعطونا شي واليوم كان عادي

    ومافيه احداث تذكر بس اهم حدث لليوم او

    في حياتي كلها خالد اخو الريم عطاني بطاقه

    تجنن وانا للحين مو مصدقه احس نفسي بحلم


    ابي ردود عشان اكمل ترى القصه كامله وماراح اكتب

    الا لمن تردون اوكي اتفقنا:030104_emM7_prv:



  2. #2
    صورة تذكار
    تذكار غير متصل نبض عقيم
    تاريخ التسجيل
    Jun 2009
    المشاركات
    10,321
    Thanks
    0
    شكر 0 مرات في 0 مشاركات
    مشكووره والله يعطيك الف عافيه

  3. #3
    ssss love غير متصل جاي معه ملفه
    تاريخ التسجيل
    Jan 2010
    المشاركات
    2
    Thanks
    0
    شكر 0 مرات في 0 مشاركات
    Efd

    f1)(d'i*f(j3+b'*4ec*i4c*1d''(d'3

  4. #4
    ssss love غير متصل جاي معه ملفه
    تاريخ التسجيل
    Jan 2010
    المشاركات
    2
    Thanks
    0
    شكر 0 مرات في 0 مشاركات
    cool
    coooooooooooooooooooooool

  5. #5
    صورة بدر الكلبي
    بدر الكلبي غير متصل موقوف Baand
    بسبب الاعلانات تم حظر جميع روابطه واي وسيلة اتصال
    تاريخ التسجيل
    Aug 2011
    المشاركات
    508
    Thanks
    0
    شكر 0 مرات في 0 مشاركات
    مشكووووره

    ويعطيكي الف عافية

    يا بنت تحب الشرقية

الدورات التدريبية جامعة نجران
يشرفنا اعجابك على فيس بوك facebook