مشاهدة : 1076185
صفحة 41 من 52 الأولىالأولى ... 31394041424351 ... الأخيرةالأخيرة
النتائج 321 إلى 328 من 413
Like Tree1Likes

رواية توأم ولكن أغراب في الجامعة الامريكية

  1. #321
    صورة أنا مدري لي الحياة تعذبني
    أنا مدري لي الحياة تعذبني غير متصل يطلع بدون استئذان
    تاريخ التسجيل
    Jul 2009
    الدولة
    KSA
    المشاركات
    293
    Thanks
    0
    شكر 0 مرات في 0 مشاركات
    Rep Power
    6

    رد: رواية توأم ولكن أغراب في الجامعة الامريكية

    plzzzzzzzzzzzzzzzz




    كمليها

  2. #322
    rezanof غير متصل جاي معه ملفه
    تاريخ التسجيل
    Aug 2009
    الدولة
    السعودية
    المشاركات
    24
    Thanks
    0
    شكر 0 مرات في 0 مشاركات
    Rep Power
    0

    رد: رواية توأم ولكن أغراب في الجامعة الامريكية

    متى التكمله والله طفشنا

  3. #323
    صورة خواطر مجبورة
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جدة ..رقة وحده.. اليا ناظرت..شامخ تهده
    المشاركات
    3,739
    Thanks
    0
    شكر 0 مرات في 0 مشاركات
    Rep Power
    9

    رد: رواية توأم ولكن أغراب في الجامعة الامريكية

    الباب العش20 رون ...
    والأخي ر ...
    الباب ال1أول ...

    وأخيرا ..$$
    بعد مانتهو من الإمتحانات ...$$
    اليوم .. حفل التخرج ..$$
    بعد انتظار طويل ..$$
    اليوم سوف يتخرجون أبطالنا ..$$
    من الجامعه الأمريكي ه ..$$
    لا أعلم إن كانت هذه اللحظات ..$$
    حزينه أم سعيده ..$$
    $$ولكن عالأغلب ستكون حزينه على أبطالنا بداخلهم
    للفراق أصدقائه م ..$$
    وللفراق الجامعه التي جمعتهم بكل لحظاتها الحزينه والمثيره ...$$
    والسعيده والمضحكه ...$$
    """"""""""
    ((الساعه .. 5 الفجر ...
    يزيد منسدح على سريره ...
    يفكر وقلبه تزداد نبضاته من التفكير اللي هو فيه ....
    اليوم يايزيد ... لازم تعترف للنارا كل شي ...
    كافي كذب عليها ...
    لازم تدري مني ولا تدري من غيري ...
    أدري اني راح أخسرك يانارا ...
    بس الحقيقه ولازم تعرفينها ...
    اليوم انشالله ...
    راح اعترف لك بكل شي ...
    ((من جهه ثانيه ..
    نارا وهي واقفه قدام المرايه وجمبها تولين تطالعها ببتسامه ...
    -(تولين وهي تضبط شعر نارا من ورى :~ طالع شكلج رووعه ...
    وأخيرا اليوم الكل بينصدم من شكلج ...
    الأسود لازم تنسينه والألوان الغامقه كلها ...
    -(نارا موب قادره تبتسم وهي تطالع شكلها ..
    تحس بشكلها غرييب موب متعوده عليه ابدا ...
    نارا ...
    أمس طلبت من تولين تغير في شكلها من فوق للتحت ...
    وتولين وافقت علطول ...
    أول شي غيرته تولين في نارا هو شعرها ...
    شعر نارا طال تقريبا لحد نص رقبتها ...
    تولين خذت نارا للكوافير ...
    وصبغو شعرها بلون بلاتيني راايق ....
    درجو شعرها شوي من ورى ..
    اما من قدام قصتها بما انها كانت طويله وصارت أطول ...
    قصروها شوي بحيث تكون القصه من قدام أطول بشوي من قصتها اللي ورى بس مو مره...
    استشورو شعرها على جمب ...
    بحيث قصتها مايله على وجهها بشكل انثوي وقمه بالنعومه ...
    والخطوه الثانيه اللي توجهت لها تولين بنارا ...
    هي البشره ....
    نظفت لها البشره بالمشغل للمدة ساعتين ...
    مساج على تنظيف وأنواع الكريمات ....
    بعدين ظبطت لها حواجبها بشكل حلو ...
    بعد كذا تولين ونارا خذو لهم حمام مغربي بالشوكولاته ...
    بحيث حست نارا بالنعومه بشكل غرييب ماتعودت عليه ابدا ...
    بعدها توجهو الثنتين للسوق ...
    تولين اشترت للنارا عبايه وطرحه ....
    لأن نارا هي اللي طلبت من تولين تختار لها العبايه بعد ماقررت تلبس عبايه
    وتفتخ صفحه جديده من حياتها ...
    بكامل انوثتها وجمالها ...
    بعد كذا تولين اشترت للنارا أنواع الملابس الأنوثيه ..
    وحاولت تبتعد عن الألوان الغامقه عشان تتعود نارا على الفاتح وتعيش حياتها كأي بنت تهتم
    بنفسها وأنوثتها ...
    اشترت لها كذا كعب مناسب عليها ...
    ((نارا التفتت على تولين وهم بغرفة تولين ...
    -(نارا :~ تولين من صجج حلو شكلي ... ماأدري احس فيه شي غلط ...
    -(تولين وهي تجلس نارا على كرسي التسريحه :~ اجلسي خليني اضبط لج المكياج بس .
    عشان يمديني على نفسي بعد أنا ...
    -(نارا غطت وجهها بيدينها :~ لا لا ميك اب مابي ...بس كحل حطي ...
    -(تولين وهي تبعد يدين نارا :~ لا لا ياحبيتي ...
    اللي يحطون كحل ويتحمسون فيه ماتو ...
    بحط لك كريم اساس خفيف وبودره برونز شوي مو مره ...
    وبحط لك مسكره ...و....
    ماعليك بضبط لك المكياج على الشكل اللي بيخليك تطلبين مني اني اعلمك كيف يكون ...
    -(نارا بتردد ماقالت شي بس فضلت السكوت على الرد بشي ماقتنعت فيه ..)
    ((تولين بعد مانتهت من نارا...
    :~ يالله البسي اللي قلت لك عليه وبعد كذا تعالي وريني كيف طلع شكلك ..
    ((نارا تنفذ كل اللي تقوله لها تولين بس عشان شخص واحد ..
    اللي هو يزيد ...
    تبي تافجئه اليوم بشكل غير ...
    تبي تكون حلوه بعيونه وتترك الإيمو ...
    ((نارا لما طلعت لقت بوجهها ليان توها جايتهم ...
    -(ليان كانت منزله راسها بضيقه وهي تفكر بصقر اللي اختفى من اسبوع ...
    وترك حتى امتحاناته بعد كل هالسنين وكل جهده بالمذاكره ...
    مانتبهت للنارا ..
    أما نارا وقفت لما شافت ليان تنتظر من ليان ترفع عيونها عليها وتمدحها ..
    بس استغربت لما لاحظت على ليان الضيقه ...
    -(نارا :~ ليان ..!!
    -(ليان رفعت راسها بهدوء ... رغم انها شافت شكل نارا كيف متغير للأحلى بكثيير ...
    بس ماعلقت ولا قالت أي شي ..
    لأنها توقعت انها تولين مو نارا ابدا ومستحيل تصدق انها نارا ...
    كملت طريقها ولا ردت ...
    -(نارا حست انو شكلها مو حلو عشان كذا ماعلقت عليها ليان ...
    لأنها هي اصلا متوتره من شكلها ...
    بس حاولت تستجمع حماسها وتكمل اللي قاعده تسويه ...
    تبي تشوف وجه يزيد اليوم كيف بيكون اذا شافها ...
    للمجرد هالتفكير ابتسمت بحمااس وبسرعه راحت تلبس ملابسها ...
    ((ليان لما دخلت غرفتها سكرت الباب بعدها ثم انسدحت على السرير وهي تفكر بصقر ...
    حطت يدها على قلبها اللي تحسه مكتووم بضيقه كبيره ...
    تنهدت بملل ...
    شوي الا وفتحت عليها تولين بقوه ..
    -(تولين ببتسامه عريضه :~ ليون مالبستي ...
    -(ليان بدون اهتمام :~ لا ...
    -(تولين فتحت فمها :~ من صجج انتي ...!! اليوم حفل تخرجنا وانتي جذي باارده ...
    صج ماعندج سالفه ...
    تعالي تعالي بضبط لج شكلج مالت عليكم من خوات ماعندكم سالفه ...
    ((مسكت يد ليان وسحبتها للغرفتها ....
    جلستها بالغصب وبدت تضبط لها شعرها والميك اب خفيف ...
    لما انتهت وصارت الساعه 6 ....
    -(تولين شهقت :~ يؤيؤ انا للحين ماخلصت ... قومي قومي ليان وكملي لبسج اللي بتلبسينه...
    يووه انا متى بيمديني اضبط شكلي ...
    ((قالة آخر كلمه وهي تفكر بطلال كيف بيشوفها اليوم وتبي تكون بشكل حلو وغير عن
    اللي تعود عليه ...
    ليان لبست اللبس بهدووء وبعد كذا لبست عبايتها ثم تحجبت ...
    ((نروووح للغرفة فيصل بالجهه الثانيه ...
    واقف قدام مرايته وهو يطالع شكله ببتسامه ...
    فيصل طالع شكله غير اليوم ...
    درج شعره من فوق للتحت ....
    وببتسامه شد شعره من قدامه بطوق أسود ...
    طالع شكله كيوت بمعنى الكلمه ...
    استانس على شكله وبقوه بما انو فيصل نعرف كيف يموت بشي اسمه سبيشل وملفت للنظر ...
    رفع يده على دقنه كيف مخليه ديردتي خفيف ...
    عدل ياقة قميصه الأبيض .... ثم ضبط حزام بنطلونه الأسود ...
    جلس عالكرسي وهو يلبس جزمته الرسميه السودا ...
    بعد ماأنتهى ... أخذ عباية التخرج وقبعة التخرج ...
    ثم طلع بعد مارش العطر كله عليه ...
    ((اتجه للغرف خواته ثم طق الباب على ليان أول وحده ...
    -(فيصل :~ ليون ... خلصتي ..!!
    ((ليان كانت بغرفة تولين جالسه وهي ونارا ....
    عشان كذا اتجه للغرفة تولين ثم طق الباب ..
    :~ تولين ....
    -(تولين :~ نعم ...
    -(فيصل :~ ماتبون نطلع مع بعض هالمره للجامعه ..؟؟
    -(تولين ابتسمت بحماس :~ الا والله خلاص وقف شوي بس .. احنا اصلا جاهزين ..
    -(نارا وهي تطالع الساعه :~ لا وين تونا بدري ... على شنو مستعيلين ..
    ((نارا اصلا ماتبي تطلع للأحد بهالستايل ...
    خاصتا انها مقهوره من ليان اللي للحين مامدحتها ...
    -(ليان رفعت عيونها على نارا ثم قالت :~ أي صج تونا بدري ..
    -(فيصل فتح الباب ... بهاللحظه صرخت عليه نارا وتخبت ورى ليان وهي تقول بغضب :~
    أطلع ..
    -(فيصل رجع على ورى من الروعه ..
    بس لما لاحظ ان الوضع فيه شي غريب ...
    قرب شوي يبي يشوف نارا وهو موب مصدق ...
    -(نارا بقهر :~ قلت لك اطل ع ....
    -(فيصل وهو يضحك :~ له له له ... لآآآآآآآآع .. موب مصدق .. انا عيوني شافت شي
    من عجائب الدنيا ...
    بسم الله الرحمن الرحيم ...
    منو هاي الحلوه اللي ورى ليان ...
    نارا بلاهي اطلعي خليني امتع عيوني بهالجمال
    -(تولين وهي رافعه خشمها بغرور :~ تتريق انت وويهك ...
    بعدين شنو هالطوق اللي لابسه ... لو سمحت افسخه لا تفشلني ..
    شبيقولون اخوها ولد ولا بنت ...
    لو سمحت افسخه ولا ترى ماراح اروح معاكو ...
    -(فيصل ميل فمه بتريقه يقاله يتدلع مثل تولين بالكلام :~
    معاكو ... ياربي .. آه ... لا ينقطع فيج عرق ...
    ولا لا تدرين ...
    ((قلد صوتها ومياعتها :~ حبيبي خلاص ولا تزعلي مني ...
    كلش ولا إنو يطيح وجهك ... فديتك وفديت قلبك ...
    ((ثم رجع صوته عادي :~ لعيونك قلبنا لهجه سعوديه ...
    شتبين بعد عمتي ... اقول بعدي بس خليني اشوف اللي متخبيه وراكم ..
    -(نارا حست انو وضعها غبي شوي وهي تتخبى ..
    طلعة بكل ثقه وهي تقول برتباك ..:~
    نعم شتبي ...
    -(تولين حطت رجل على رجل وهي تحط الروج الأحمر الفاقع على شفايفها :~
    حبيبتي خليه مسجين ... الظاهر ماقد شاف بنات حلوين مثلنا ...
    -(فيصل :~ ههااهاااا ااي ... والله شوفي ..
    يمكن خواتي نارا وليون .... بس انتي لا لو سمحتي خليج على جمب ...
    انتي اصلا للحين شاك انج اختي ...
    -(تولين بغرور :~ يحق لك ماتصدق انو فيه وحده حلوه وكشخه تكون اختك ...
    اطلع اطلع لو سمحت ... هاي غرفة بنات ...
    وبعوه ماشفت خير انت ...
    -(فيصل يبي يقهرها ... يعدل طوقه بنعومه وهو يقول لليان :~ ليون
    شرايج بالطوق ... روعه .. مو <~ قال آخر كلمه بدلع ...
    -(ليان ضحكت بخفيف وهي تهز راسها بالإيجاب ...
    -(فيصل :~ ؤلله ؤلله ... نارا ... شهالزين كله ....
    تصدقين ماعرفتج ...
    -(نارا :~ أي واظح ماشالله ...
    -(تولين ضحكت بصوت قصير ... فيصل كمل :~
    يالله يالله ترى عاد ماتنعطون ويه ...
    يالله قومو نروح للجامعه بسرعه ...
    -(ليان :~ وميما ماراح تاخذها وياك ...!!
    -(فيصل :~ لا شنو ميما ... اليوم تخرجي وتقولين آخذها ...
    لا خليها مع المربيه وياها ..
    أحسن لها .. أمس كله مانامت عدل ...
    -(نارا وهي تلبس عبايتها :~ يالله خلونا نطلع ...
    -(تولين وهي لازالت تحط الروج بتدقيق :~
    لحظه لحظه صبرولي دقيقه بس ...
    -(فيصل وهو يطالعها :~ اقول انتبهي لا تطيح شفايفج من كثر هالروج ...
    بالله كم طبق صار ... سنه تحطينه ...!!
    -(تولين بدلع :~ انت شعرفك بالكشخه ... لو سمحت اطلع اطلع ..
    خلاص انا ماعاد اتحملك انت وثقالة دمك ... ياثقيل ...
    -(فيصل :~ هاها ثقيل ولا خفيف ...
    -(تولين :~ يادممك ...
    -(فيصل وهو طالع من الغرفه :~ ياحلو دمي .. عسل مثلي .. وه يالبا قلبي ...
    -(تولين خلاص بتنتحر من ثقته الزااايده بنفسه .... تغلب عليها بمليون مره ...
    ((لما طلعو الأربعه ...
    وواظح التشابه الكبير اللي بينهم ...
    بعد ماحطو الميك آب نفسه البنات ولبس العبايات ونفس الطول ...
    أما فيصل اللي يمشي جمبهم .... اللي يشوفه ...
    يقول الله لا يلومه يوم يقلب كيوت .. دام توأمه ثلاث بنات ...
    ((لما وصلو الجامعه ...
    دخلو الأربع التوأم ...
    ليون ونارو وتوتي يمشون بجمب بعض ... وعلى طرفهم فيصل ...
    طالعه أشكالهم ملفته بمعنى الكلمه ....
    جمالهم وشبههم الكبير يجذب الواحد لهم ...
    لما وصلو مكان قروب فيصل عند باب المبنى ...
    ((الشله كلهم كانو واقفين جمب بعض ...
    فهد ومساعد ومتعب وبرهوم وعبادي ...
    التفتو مع بعض ...
    وكلهم بصوت واظح وعالي قامو يصارخون بنبهار للأشكال التوأم اللي متغيره
    وصايره ملفته ...
    -(فهد :~ ياويل حالي ......
    -(برهوم :~ فصول شمساوي في نفسك ... بديت اشك انك ولد ...
    -(فيصل يضحك بخجل مصطنع وهو يعض اصبعه بستهبال :~
    أه أحرجت تواضعي الراقي ...
    -(تولين بغرور :~ ؤفف بنات خلونا ندخل ...
    ((نارا موب معهم اصلا لأنها تتلفت يمين ويسار تدور يزيد ....
    أما ليان لفت وتبعت تولين ...
    بهاللحظه قروب نارا الإيمو ....
    كانو لابسين عبايات التخرج وبنفس اشكال الإيمو ...
    ((مرو من عندها وهم مو عارفينها زين ...
    ماعدا لميا اللي التفتت تحاول تدقق بملامح نارا ...
    فجأه صرخت بصوت عالي ثم حطت يدينها على فمها بصدمه ...
    قروب فيصل ونارا التفتو عليها ...
    -(لميا وهي فاتحه فمها بصددمه :~ نارا ..!!! مستحيل ...
    -(فيصل ابتسم بفخر :~ أكيد قلتي هالحلوه هي اخت فيصل ...
    ((قروب فيصل كلهم نزلو روسهم يائسين من ثقته العميااا واللي يقولها بكل ثقه
    وكأنه ماقال شي غلط أو يفشل ...
    -(نارا لفت عن لميا وطنشتهم وهي تدور على يزيد ...
    همها كله بيزيد ...
    -(لميا وقفت جمب نارا وهي تطالعها بعجااب كبير :~ يااي نارو طالعه جناان ..
    وربي مو صدقه انج نارا للحين ...
    -(نارا مطننشتها ولا حتى طالعتها ... قاعده تدور بعيونها على يزيد ..)
    ((بهاللحظه طاحت عينها على عين نوف ...
    بس نارا ماهتمت وردت تدور على يزيد ...
    نوف عقدت حواجبها تحاول تتذكر هالأشباه اللي مو غريبه عليها ابدا ...
    شوي وقفت مجمده مكانها لما سمعت لميا تقول للنارا :~
    نارو منو اللي ساوى فيج جذي ... منو اللي خلاج جذي رووعه ...
    -(نارا تنهدت بملل من لميا ثم راحت عنها من جهة نوف ....
    مرت من جمب نوف بدون ماتطالعها ولا تعبر وجودها ...
    نوف فاتحه فمها مو مصدقه عيونها ...
    نارا طالعه غير شكل ...
    طالعه كيوت يمكن أكثر من تولين وليان برضو ...
    -(نوف ماتحملت :~ نارا ...
    ((بس مثل مانعرف نارا ...
    تمشي ولا كأنها تسمع أحد ..
    وهذي طبيعتها ...
    للتطنييي ش عنوان ...
    نوف لحقتها وهي تبي تتأكد اذا فعلا هذي نارا ولا تتوهم ...
    وقفت قدام نارا :~ انتي صج نارا ولا يتهيئ لي ...
    -(نارا تأففت بملل ثم قالت بهدووئها المعتاد :~
    لا خيالها ...
    ((كملت طريقها نارا بعيد عن نوف ...
    حست باليأس وهي ماتشوف يزيد بأي مكان ...
    ((نرووح للميش و ....
    اليوم ميشو بالنسبه لها آخر يوم بالإمارات لأنها بتروح للأمريكا
    عند راكان بالمستشفى اللي سألت عنه ...
    ((دخلت وهي على نفس الأبيض ...
    ونفس الستايل ..
    ولا غيرت في نفسها أي شي .....
    بهاللحظه صدمت بقوه في مايد ...
    -(مايد التفت عليها بحترام وهو يقول وعيونه تطالع الأرض :~ سوري ...
    -(ميشو بهدوء غريب وأدب :~ نو بربلم ...
    ((لما راحت عنه ... مايد التفتت يطالعها ..
    مستغرب من شكل هالبنت ...
    توقع قبل انها ولد ....
    شوي الا والتفت على امه وخالته أم تولين اللي يمشون بجمب بعض
    بغرور كعادتهم ..
    اللي تولين ماورثت الغرور الا من خالتها وأمها ...
    أما مايد عكسهم ..
    فيه من التواضع وهي ميزة أخلاقه ...
    بس من يشوفه بهدوئه وثقله يقول هذا مغروور....
    -(أم تولين ببتسامه :~ ياقلبي على بنتي ... تلاقونها تعبانه الحين ..
    -(مايد وهو يضحك :ئ خالتي وانتي للحين تعاملين تولين مثل الأطفال ..!!
    -(أم مايد :ئ ياولدي عبالنا مهما يكبرون يبقون بعيننا أطفال ..
    -(مايد :~ لااع يعني انا ياهل بعيونج يومه ..!!!
    -(أم مايد :~ هذا اللي حاصل ...
    -(مايد :~ هذا وانا يبت الشهاده من الخارج ...!!! .. عيل بتزوج عشان اكبر بعينج شوي ..
    -(أم تولين :~ على طاري الزواج لقيت لك عروس وش حلوها ..
    -(مايد نزل راسه ثم قال بهدوء :~ بس أنا قلت تولين اللي بتختار لي العروس ..!!
    -(أم تولين تضايقت شوي لأنه واظح عالولد للحين يحب تولين بس بهدوئه المعتاد لما
    يجيبون طاري تولين أو يتذكرها ...
    :~ ماعليك هي لو تشوفها علطول بتوافقني الراي ..
    بنتي ونفس ذوقي ..
    مالعينا بس يالله ندخل ...
    ((بهاللحظه دق جوال أم تولين ..
    -(ام تولين :~ هه وهاي تولين .... ادري بتسألني ييتي ولا لا من أسبوع تحرص علي ..
    آلو .... ....... هه أي أي ييت .. وانا الحين بدخل ...
    ((وهي تأشر لهم بعيونها وكأنها تقول شفتو انو كلامي صح ...
    مايد ابتسم عالخفيف ثم كمل طريقه ...
    ((من جهه ثانيه ...
    فيصل لما دخلو داخل ...
    أميره واقفه تطالع اللي رايح واللي جاي ...
    وهي تعلق على كل واحد من اللي بيتخرجون مع نجود ...
    وأنواع الحش ...
    فيصل ابتسم لما شاف كيف اشكالهم واظح انو يحشون بالعالم ...
    مر من قدامهم وهو يعدل شعره ويقول بصوت ناعم :~
    ياربي .. الجو مره حاار ...
    -(أميره طلعت لسانها متقرفه ثم لفت عنه ...
    -(فيصل بسرعه :~ أميره ...
    اميره ممكن احاجيج شوي ...
    -(أميره مطنشته ...)
    -(فيصل ماتحمل تطنيشها .. سحبها من يدها ...
    ودخلها بقاعه خااليه ...
    أميره قلبها صار يدق بخوف من حركته ...
    -(فيصل بلع ريقه بتوتر ..
    بس أميره تقدمت بتطلع من الباب اللي هو مسكره وواقف عنده عشان ماتطلع ...
    مسك يدها وهو يقول :~
    دقيقه بس ...
    -(أميره سحبت يدها بحقد وهي تقول بشمئزاز :~ لا تلمسني ..
    -(فيصل بضيقه :~ أميره بس دقيقه ..
    -(أميره :~ ولا دقيقه ولا شي .. كيفي انا مابي اسمع لك ...
    بعد عن ويهي ..
    -(فيصل بلع ريقه اللي جفف وهو متوترر ومتضاايق بقوه ...
    تقدم قدامها وهو يقول :~
    طيب اسمعيني بعدين احكمي ...
    -(أميره رفعت عيونها بعيونه وهي تقول بجديه واظحه :~ مابي ... ماابي .. أي شي منك
    مابيه ..
    مو انت تقول اطلعي من حياتي وماأدري شنو خلاص بعد عن ويهي واللي يعافيك ..
    صج ماني ناقصتك ...
    -(فيصل وهو يطالع عيونها اللي واظح عليها معصبه ...
    وهو بعكسها مرره متضايق ...
    فيصل من غير شعور مسك كف يدها بين يدينه ....
    بقوه .. وهو يقول بضعف :~ ممكن تسامحيني ...
    -(أميره حست بقلبها بيطلع من الصدمه ... سحبت يدها بقوه ودفته وهي تقول :~
    احلف عاد ... عبالك انا من البنات اللي تلعب عليهم ...
    خلصو بنات الجامعه ومابقى الا انا الظاهر ..
    -(فيصل تنهد :~ طيب ادري اني غلطان بحقج وايد .. بس ليش ماتقدرين تسامحيني ..
    -(أميره موب قادره تستوعب تحسه انسان كذاب :~ بعد عن ويهي قبل لا أصارخ
    وألم عليك العالم كلهم ...
    بعد احسن لك يافيصل بعد ...
    ((فيصل مسك ذراعها بقوه وهو يقول : ~ ماراح اهدج لين تسامحيني...
    -(تحاول تبعد يده عنها :~ فيصل هدني .... استح على ويهك تمد يدك على بنت ...
    أي صح نسيت انك مشبك نص بنات الجامعه بطريقه قذره ...
    ويايب من ال..#####.. بنت حرام ...
    -(فيصل حس بقهر من هالكلام بس حاول يتغاضى عنه وهو يقول :~ لا تييبين طاري بنتي
    على لسانج ... ولا تشككين بأخلاقي لو سمحتي يعني ...
    -(أميره سحبت يدها :~ عيل بعد عن ويهي ...
    ((دفته من قدامها ثم طلعت ...
    فيصل سكت شوي يفكر ....
    بسرعه راح للقروبه بعد ماتفق معاهم على فكره ضد أميره ...
    فهد رفع عيونه بقهرر ثم قال :~ والحين انت ليش تساوي فيها جذي ..
    -(فيصل رفع عيونه على فهد :~ مو شغلك ...
    -(فهد بين اسنانه بقهر :~ طيب قول انك تخبها وفجنا ...
    ((القروب توتروو بقووه ... من وضع فيصل وفهد على أميره ...
    -(فيصل :~ طيب أي شعندك ..
    أحبه ا ...
    ارتحت الحين ...!!
    -(فهد وقف بقهر بيطق فيصل بس القروب مسكوه عن فيصل اللي جالس بكل راحه
    وهدووء وبروود ...
    -(فهد بقهرر التفت على ربعه وهو يقول :~ اللي بايع صداقتي من بينكم
    ينفذ فكرته السخيفه على أميره ...
    ((القروب توتروو بقوه ...
    ماتوقعو ردة الفعل بتكون كذا قويه ...
    فيصل ابتسم ثم قال لهم :~ الظاهر انك تبي تفرق ربعنا عن بعض ...
    -(فهد :~ اللي مايبي صداقتي وياه ينفذ لك فكرتك ...
    وأنا اللي بطلع من القروب كله ...
    -(متعب بقهر : هيه انتو ميانين ..
    -(فيصل وقف بثقه وهو يقول :~ عبل اذا هذا اللي تبيه ؤكي ...
    يالله ياشباب .. اختارو .. أنا ولا فهد ...
    -(برهوم وقف بقهر :~ صج موب بعقلكم ..
    -(مساعد :~ انتم هيه .. شلون تخلون للبنت تفرق بينكم ...
    -(متعب :~ اذا انتو جذي عقولكم صغيره وتتعاملون بحركة الإختيار ...
    فانا من ناحيتي بقول لا انت ولا هو ...
    اذا جذي تفكيركم وصل .. اسمحولي اقول ..
    لا انت ولا فهد راح اعتبره رفيجي ..
    -(برهوم ومساعد :~ واحنا بعد ..
    -(أما عبادي وقف وهو متردد مايبي يخسر فيصل عشان كذا قال :~
    فهد فيصل خلاص تعوذو من الشيطان ..
    -(فهد التفت عليه ثم قال :~ عبادي اختار الحين انا ولا فيصل ...
    -(فيصل بسلطه :~ عبادي اذا فيط خير اختار فهد ...
    ((القروب كلهم انصدمو من تصرف فيصل المحررج للعبادي الضعيف ...
    عبادي نزل راسه مايدري وش يقول ..
    -(متعب سحب يد عبادي وهو يقول :~ فيصل ... اذا انت جذي فأسح لي
    اذا صفيت مع فهد ...
    بس باللنهايه اذا ردت عقولكم انت وياه تعالو لنا ...
    ((لف متعب وهو مايك عبادي اللي متردد مايبي يترك فيصل واقف كذا ...
    مساعد وبرهوم راحو مع متعب وعبادي ..
    -(فيصل التفت على فهد ثم قال :~ مستانس الحين ...!!
    -(فهد تنهد بقهر ثم لف عنه وراح ...

  4. #324
    صورة خواطر مجبورة
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جدة ..رقة وحده.. اليا ناظرت..شامخ تهده
    المشاركات
    3,739
    Thanks
    0
    شكر 0 مرات في 0 مشاركات
    Rep Power
    9

    رد: رواية توأم ولكن أغراب في الجامعة الامريكية

    ((بقاع ة التخرج الكبي ره ...
    الكل لما جهز وجلسو على كراسيهم المتخرجين ...
    تولين رفعت عيونها على الحظوور الكبير اللي قدام عيونها على الكراسي بالمدرجات اللي
    ماليه الصاله كلها ...
    الحظور كبي ر بشكل مو طبيعي ...
    العربي والأجنبي ..
    ومن مختلف الجنسي ات ...
    ((بعد مقدمه وبعد محادثات بالحفل ....
    ((الدكتور طلال يطالع تولين ...
    اما تولين مانتبهت له ...
    تولين طاحت عينها على مايد ...
    عقدت حواجبها ...
    من زماااان عن مايد ...
    شلون رد للإمارات وهي ماتدري ...
    تغير شكله مية درجه عن قبل ثلاث سنوات ...
    فيصل جالس وهويدور بعيونه من بين الحظور الكبير على اميره ...
    للحظات ...
    وبتدو يسلمون الشهادات على الطلاب ...
    ينادونهم واحد واحد بأسمائهم ...
    بنص التكريم واستلام الشهادات ...
    من ورى الطلاب المتخرجين ...
    عالجدار بحيث الحظور يطالعونه علطول لأنه زرى المتخرجين ...
    الجدار كبير ومعلق عليه بعض الألواح للتخرج ...
    طفت الأنوار ....
    الكل سكت ...
    شسالفه ...!!!
    الهمسات بدت تعلى اكثر وأكثر ...
    بس ماطول الوضع الا وتشغل بروجكتر على الجدار ...
    الطلاب غمضو عيونهم بقوه لأن النور جى على عيونهم يما انهم قدام جهاز
    البروجكتر من فووق القاعه ...
    فيصل نزل راسه من النور اللي بيفقع عيونه ..
    بس لاحظ الوضع غريب انهم يطالعون الجدار اللي وراه ...
    التفت عالجدار ...
    ثواني ورتسمت ابتسامه وسييعه على فمه ...
    رفع حاجب وهو يحس بشعور رائع ....
    التفت على أصحابه اللي جالسين بالصف اللي تحته ...
    لقى معاهم فهد يبتسم له ...
    عرف ان كل اللي صار كان مقلب فيه ...
    وحتى فهد كان متفق معهم بالمقلب ...
    ونفذو اللي كان مجهزه من أسبوعين وتعبان عليه ....
    من بعي د ...
    بآآآآخر القاعه .....
    أمي ره واقفه بجمب نجود يطالعون المتخرجين ..
    -(نجود فتحت فمها :~ أميرووه ...
    -(أميره كانت مدنقه تبي تطلع من شنطتها علبة (مويه – ماي – ماء __^ ... )...
    نجود سحبة أميره من شعرها ..
    -(أميره بقهر :~ ويعووه شعر...........
    ((انربط لسانها لما شافت من بعيد اللي الكل يشوفه ...
    قلبها صار يدق بقووه ...
    وهي تشوف :~....
    صورتها بوجهها بس وهي تضحك ....
    بعد كذا اختفت صورتها ..
    وطلعت كلمات ورى بعض ..
    واللي هي :~
    آسف ....
    آسف ...
    آسف ...
    ثلاث مرات ...
    وزيدي عليها ...
    . . . . نقط . . . الخ ...
    لأن حبي لك ..
    ماله نهايه ...
    سامحين ي ...
    سآآآآآآآآآآآآآآمحيين ي ...
    أكررها للآخر يوم بحيات ي ...
    سامحيني ...
    لأن ي ...
    (((بهاللحظ ه انقطع البروجكتر وتشغلت الأنوار ...
    فيصل حس بقهر لان العرض ماكتمل ..
    لما رفع عيونه على فوق شاف الإداره مسكت الطلاب اللي شغلو البروجكتر ...
    ماحب يضيع هالفرصه ...
    عشان كذا نسى الشهاده ...
    ونسى عمره ..
    ونسى العالم اللي قدامه ...
    وقف بسرعه وهو ينزل من المدرجات بين الطلاب المتخرجين بسرعه ...
    صار ينقز الدرجات وهو مستعجل ...
    لما وصل للتحت ... سحب المايك من دكتوره اللي تلقي الأسماء ...
    وبسرعه وقف فوق الطاوله اللي مصففه عليها الشهادات ...
    وهو يقول بصوت عالي زياده عالمايك ...
    -(فيصل يطالع الالم اللي قدامه ويدور من بينهم اميره :~
    سامحي ني ...
    سامحي ني ...
    لأن ي ...
    أحب ج ...
    أحبج .. أحب ج أميره ...
    ~~~
    ((بهاللحظه قروب فيصل وقفو وهم يصفقون ويصفرون
    بحمااس وضحك وفرحه ....))
    ~~~
    سامحيني ...
    وريحي قلبي ...
    أميره انا اسف لأني مالاحظت حبج لي ...
    أميره أنا آسف لأني حبيتج متأخر ...
    آآآآآآآآآآآآآسف ....
    آآآآآآآآآآآآآآآحب ....
    ((مسكوه المسئولين ونزلوه بقوه وهم معصبيين من تصرفه اللي خرب عليهم الحفل كله ...
    خذو منه المايك ...
    أما فيصل ماأهتم لهم وهو يصارخ بصوت عالي :~
    سامحيني ...
    واقبل ي بحبي ...
    أحب~~~~~~~~~~ ج ....
    ((المسؤلين سحبوه بالغصب لين داخل عن القاعه ...
    أما قروب فيصل وقفو وبصوت عالي مع بعض الخمسه :~
    أمي ره ..
    فيص ل مين ون بحبج يالمينون ه ...
    ((اللي يفهم عربي صار يضحك بستغرااب من الموقف العجيب اللي صار قدامهم
    بشكل ملفت بهالقاعه الضخمه بكبرها ...
    ((بسرعه نزلو والمسؤلين بيمسكونهم بس بسرعه كل واحد صار يركض بجهه ثانيه
    بين مدرجات كراسي الحظور ....
    كل واحد يحاول ينحاش من المسؤلين اللي من جد من جد
    من جد عصبو ...
    فهد وهو يركض ماعاد يقدر يكمل لأنه يضحك ضحك موب طبيعي ..
    جلس من التعب ومسكه واحد من المسؤلين اللي كان شويات ويطقه ...
    ((برهوم ضحك بصوت عالي على شكل فهد اللي يلهث من التعب وهو ميت ضحك ...
    انمسكو كلهم ودخلوهم عن القاعه ...
    أميره واقفه بدون أي كلمه ...
    مصدووم ه ...
    ماتوقعت شي زي كذا يصي ر ...
    ((بنف س هاللحظ ه ...
    وصلت بلوتوث ات على غالبية الجوالات ...
    وكأن فيه اشخاص ارسلو المسج مره وحده للغالبية الحظور ...
    كانت القاعه كلها تضحك ...
    بس من بعد هالبلوتوث الكل سكت من الصدمه ...
    ((ميش و ...
    عقدت حواجبها لما حست انو اللي جمبها من الطالبات اللي بيتخرجون مثلها
    يطالعونها بشمئزاز ....
    بلعت ريقها بخوف ...
    سحبت من وحده جوالها تطالع شنو هالبلوتوث ...
    لما قرت المكتوب ...
    وهو :~
    مشاع ل ال.............
    You are gay
    ((الكلمه صارت تتردد بعقلها بشكل مزعج ...
    الغريب للحين يضايقها ...
    بس هالمره نشرها عالقاعه غالبيتها ...
    ميشو النار صارت تشتعل بقلبه ا بقوه ...
    وقفت ورمت الجوال لين تكسر وهي تصارخ بين عبرتها اللي خانقتها ....
    :~ خلآآآآآآآآآآآآآآآآآآآآآآآ آآآآآآآآآآص ...
    خلآآآآآآآآآآص تكفى تكفى خلآآآآآآآآآآآآآآآآآآآص ...
    شساويت لك أنا ...
    اذا كنت تبي تكرهني حياتي ..
    اهنيك ...
    اهنيك ..
    لأني صج كرهتها منك ...
    ليش ماتتركني بحالي لييييش ...
    تعبت حرام عليك ...
    خلااص ارحمن ي ارحمني ...
    ((نزلت دموعها بضعف لما تحولت لهجتها للحزن واليأس ...
    :~ اذبحني موتني ...
    بس فجني ...
    ((ليان وقفت مصدومه من اللي يصير ..
    بسرعه نزلت للميشو ومسكتها مع كتوفها وهي تحاول توقفها على رجولها لأنها جالسه وتبكي من قلب ووجهها احمرر ...
    ميشو مانتبهت لليان بس كملت تقول وهي تبكي بصوت عالي :~
    اطلع لي الحين ...
    اطل ع ...
    من بعيد ...
    شخ ص وقف ...
    وبصوت عالي قال :~
    رآك ان مآآآآآآآآآآآآآآ آآآآآآآآآآآآآآت ...
    انسي ه ...
    انسيه ...
    ((ميشو رفعت عيونه وشفايفها صارت ترتجف من اللي سمعته ...
    حاولت تميز الشاب اللي واقف بأعلى المدرجات بس ماقدرت ابدا لأنه بعيد مرره ...
    حطت يدينها على اذانها بخوف وهي تبكي وتهز راسها بالنفي ماتبي تصدق اللي يقوله ...
    -(بصوت يرتجف بين دموعها :~ جذاب ... جذاب ...جذااب ...
    ((ميشو بلحظه طاحت عالأرض مغشي عليها من التعب والإرهاق اللي تعبت منه ...
    ليان صرخت :~
    مشاعل ... مشاعل ...
    ((اللي قريبين منهم بسرعه شالو ميشو من عالأرض ...
    ودخلوها داخل ..
    بهاللحظه وهم داخلين بميشو ...
    طلعو قروب فيصل وهم يضحكون على هبالهم ...
    لأن الإداره ماتدري وش تسوي لهم خاصتا انو هذا تخرج ...
    ومن بعدها ماعاد راح يشوفون الطلاب المتخرجين ...
    وهم يضحكون سكتو بسرعه لما شافو ميشو مغشي عليها ...
    -(برهوم معقد حواجبه :~ فصول مو جن اللي معها تبجي اختك ليان ..!!
    -(فيصل التفت على ليان وبسرعه مسكها وهو يقول :~ على وين رايحه ...
    -(ليان من بين دموعها :~ ماأقدر اهد مشاعل لحالها ...
    -(فيصل :~ واذا نادوج ...!!!
    -(ليان وهي تهز راسها بالنفي وتبكي :~ ماأقدر ... بقعد مع
    مشاعل ...
    -(فيصل :~ ليان لا تطولين بعد الطلاب هذولي شعبتج اللي وياج ...
    ((ليان دخلت بدون ماترد على فيصل ...
    لأن كل تفكيرها مع ميشو ...
    ((ليان لما دخلت ماحست الا بشخص مسكها مع يدها ثم قال بهدوء لها :~
    ماعليج .. انتي روحي ... أنا بهتم فيها ...
    ((ليان حاولت ترفض بس خافت من هالرجال اللي واقف قدامها ...
    حست بجديته وكلامه الخشن ...
    بلعت ريقها وهي تبكي ماودها تترك ميشو بس ماعاد عندها حل غير انها ترجع ...
    ((لما دخلو ميشو غرفة .. سدحوها وحاولو يرشونها بمويه ...
    ((ميشو فتحت عيونها ببطئ وهي ترتجف ...
    فتحت عيونها على الرجال اللي جالس عندها ...
    عقدت حواجبها وهي تشوف شخص غريب عليها ...
    -(الرجال :~ الحمدالله على سلامتج ...
    -(ميشو بخوف :~ منو انت ...!!
    -(ابتسم لها ابتسامه حلوه وهو يقول :~ أنا ...
    إسحآق .... ييت اتطمن عليج ...
    -(جلست عدل وهي تقول :~ منو اسحاق ..!!
    -(اسحاق :~ واحد ماتعرفينه ...
    -(ميشو عقدت حواجبها بس بسرعه ماعطته فرصه يكمل معاها الكلام
    لأنها قامت بسرعه بتطلع من الجامعه ...
    -(اسحاق مسكها بسرعه من يدها وهو يقول :~ وشهادتج ..!!
    -(سحبت يدها :~ وانت شكو ...
    -(اسحاق :~ شكو ونص .... استلمي شهادتج وبعدها طلعي ...
    ((ميشو والعبره خانقتها :~ لا لا ماقدر ... من بعد اللي صار شلون اطلع لهم ...
    -(اسحاق :~ منو متى وانتي جبانه ....
    -(ميشو غرقت دموعها :~ بس الكل يفم غلط ...
    تلاقيهم الحين ينظرون لي نظره قبيحه ..
    لا ماأتحمل الموقف ..
    بطلع ...
    -(اسحاق بلهجه ريحتها :~ انا وياج .... وماعليج منهم ..
    انتي واثقه من روحج ...
    فليش تخلين الناس تشك فيج ...
    -(ميشو نزلت راسها بضيقه ثم قالت :~ يعني ماألومهم حتى لو بيشكون فيني من ستايلي ..!!
    -(اسحاق :~ خليج واثقه بنفسج ....
    اطلغي وخليج واثقه من روحج ... واتركي الناس ورى ظهرج ...
    كلام الناس ماراح ينتهي ...
    -(توها مقتنعه بس تذكرت كيف يطالعونها بشمئزاز ..
    بسرعه بخوف ودموعها اللي نزلت بدون شعور :~ لا لا لا مابي ...
    خايفه اطلع لهم .. مابي ...
    -(اسحاق عدل عباية التخرج للميشو وهي لابستها ثم لبسها القبعه وهو يقول :~
    اطلعي .... وانسي الناس وكلامهم ..
    اللي صار كله تو ... مقصوده يقويج ...
    -(ميشو عقدت حواجبها موب فاهمه :~ مقصوده يقويني ..!!
    شلون يعني ..!!
    -(اسحاق ابتسم بلطف وهو يقول :~ لأني اشوف ميشو وحده ثانيه الحين
    من بعد اللي صار .. صايره تهتمين للناس وموب بالعاده ..
    ماتتوقعين ان اللي صار للصالحج ومقصوده عشان تتغيرين من اسلوبج الجاف
    والسيئ ...!!
    -(ميشو تحاول تستوعب :~ انت شتقد بحجيك .. منو متى تعرفني اصلا ..!!
    -(اسحاق رفع يده وهو يحك جبهته ببتسامه يصرف الوضع بأسلوب واظح انه يصرف :~
    امم لا ابدا ماأعرفج .... أصلا انا قطري .. شبيعرفني بوحده امراتيه ..!!
    ولا شرايج ...؟؟
    -(ميشو مشت عليها التصريفه رغم انو واظح جدا جدا جدا انو اسحاق يصرف
    بستهبال واظح قدامها وكأنه يقول انتبهي تراني اعرفك من زمان ...
    بس ميشو اصلا مافي تفكيرها غير الناس اللي برآ وراكان ...
    حاسه بخوف ...
    طلعت بتردد كبير ...
    وهي رايحه بتجلس بمكانها ...
    ليان ابتسمت براحه كبيره وهي تشوف ميشو بصحه وعافيه ...
    ((تولين التفتت على ليان اختها اللي جالسها بعيد عنها بين شعبتها ...
    ابتسمت لأنها تعرف شكثر ليان تغلي ميشو ...
    عشان كذا بصوت عالي تصفق للميشو للرجوعها ..
    فيصل لما انتبه للوضع بسرعه اشر للأخوياه اللي جمبه جالسين وصارو يصفقون
    ويصارخون بصوت عالي يرحبون برجوع ميشو اللي محد كان متوقع انها
    راح ترجع خاصتا بعد الموقف السخيف ..
    بس هي اظهرت شجاعتها لهم وطلعت مره ثانيه وكأنها تواجههم بوجه قوي ...
    ميشو ابتسمت براحه كبيره وهي تشوف اللي يرحبون برجوعها ...
    جلست بكرسيها وهي متوتر وتحس موب من عادتها تتوتر وتخاف كذا ...
    التفتت على اسحاق اللي جالس بين الحظور ويطالعها ببتسامه مريحه ...
    بلعت ريقها ثم لفت عنه ..
    ((تسليم الشهادات وصل للشعبة تولين ...
    وهم ينادون عالأسماء ...
    بسرعه المسؤله عن تنظيم الحفل تقول للشعبة تولين يقومون بترتيب
    ورى بعض ...
    تولين لما وقفت ...
    شافت جوجو واقفه قدامها ...
    حست بضييقه ثم قالت بتردد كبير :~
    جواهر ...!!
    -(جواهر التفتت ماتدري من اللي يكلمها بس لما شافت انها تولين
    كشرت بوجهها ثم لفت عنها مطنشتها ..
    -(تولين حست بالعبره خنقتها وهي تحس بشووق كبيير للأعز صاحباتها اللي ماتكلمها
    من سنتين ...
    -(تولين بضيقه كبيره وهي منزله راسها تحاول تكتم دموعها :~ جواهر انا
    صج آسفه ...
    ((تولين ماتدري شلون قدرت تقول اسفه ..
    موب من عادتها تتنزل للأحد وتعتذر له الا اذا كان شخص جدا جدا يهمها ..
    وهذا دليل شكثر غلاة جوجو بقلب تولين
    بس اللي صار صار ...
    ومايقدرون يغيرونه او يرجعون الزمن على ورى ...
    -(جواهر بدون ماتلتفت عليها قالت بصوت جاف وقاسي :~
    رجاء لا تنطقين اسمي على لسانج مره ثانيه ...
    وانسي ان و كانت بينا علاقة صداقه تجمعنا ...
    ((تولين نزلت دمعه رغم انها تحاول تمسك دموعها ..
    بسرعه مسحت دمعتها وهي تحاول محد يشوفها ...
    تنهدت بقوه وكأنها تبي تبعد الحزن اللي بداخلها وتستعد للدورها بعد شويات ..
    الدكتور طلال من بعيد يطالعها وشاق كل شي صار بينها وبين
    جواهر بس مايدري وش قالو للبعض ...
    بس اللي حسه من تولين انها تبي ترجع للجوجو بأي طريقه وهي ندمانه عاللي صار ..
    طلال مايدري ليش صار يحس برتباك للمجرد هالتفكير اللي توصل له ...
    عدل جلسته وهو حاط رجل على رجل بين الدكاتره يطالعون المتخرجين ...
    -(بهاللحظه نادو على أسم ...
    تولين بنت بدر ال...................
    ((تولين حست بقلبها يدق بسرعه لما سمعت اسمها كامل والأول
    مره تسمع احد يقوله كامل ...
    أسمها الكمال حسسها بشعور حلو كثير ...
    بهاللحظه لما قالو اسمها ....
    أغلب شباب الجامعه صارو يصفقون بقوه وأنواع التصفير بحماس ...
    فيصل بغت تطلع عيونه وهو مستغرب ...
    أما بنات الجامعه أبدا محد صفق لها من الغيره والكره اللي بقلوبهم عليها ..
    ومن يلومهم ... شايفه روحهها عليهم من بداية الجامعه ...
    واللي يبط كبدهم اكثر ان شباب الجامعه دايخين عليها رغم غرورها اللي ماينطااق
    ومستحيل تغيره .. لأنه صار طبع فيها ....
    طبعا طبعا طبع ا ماعدا خواتها نارا وليان اللي صارو يصفقون لها من غير
    شعور رغم انهم ماتعودو عالحماس والتشجيع بصوت عالي ...
    نارا هاديه وغامضه ...
    وليان خجووله وأهدى من نارا ...
    بس هالمره شعورهم غير ...
    اختهم تستلم شهادتها ...
    توأمهم ...
    شي طبيعي يتحمسون وبقوه ...
    وبرضو أم تولين وخالتها اللي صارو يصفقون بحمااس ..
    أم تولين ماقدرت تمسك دموعها اللي نزلت غصب عليها وهي تشوف بنتها اللي
    كانت بعمر الشهور بالمهاد ..
    تتخرج بكل ثقه قدامها الحين ...
    أما مايد حاط رجل على رجل وهو مبتسم
    ابتسامه جانبيه ويصفق بهدووء وتقريبا هو أهدى واحد صفق لها ..
    بس شعوره .. غي ر عن الكل ...
    هو أكثر شخص فرحان لها ...
    وحاس بالفخ ر كونها صارت بنت خالته ...
    حتى لو انها ماتبادله شعور الحب ...
    المهم يشوفها بكامل سعادتها ...
    أما الدكتور طلال .... وقف علطول وهو يصفق لها
    من بين الدكاتره اللي دارين انها خطيبته ...
    ابتسمو له وهم يشوفون الفرحه اللي على وجهه ...
    وهو يطالع تولين ببتسامه وحب ...
    أما جوجو لما شافت الدكتور طلال كيف فرحان وواقف يصفق لها ...
    نزلت راسها بحز ن مو طبيعي ...
    الود ودها تبكي ...
    بس الوضع مايسمح لها ...
    أما فيصل اللي صدمه أكثر ..
    أن المسبهين اللي جمبه قروبه يصفقون بحمااس وكأنهم يعرفون تولين ...
    -(متعب التفت على فيصل وهو يقول بصوت عالي عشان يسمع فيصل :~
    انت ويى ويهك ليش ماتصفق للأختك ...
    -(فيصل بصوت عالي :~ وانتي ليش متحمس مع ويهك ...!!
    -(متعب بصوت عالي :~ مدري ... بس أختك لها شعبيه مو طبيعيه بالجامعه ...
    اتوقع هاي من بين خواتك بس ....
    -(فيصل حس ان الوضع ماأعجبه بس سلك للوضع ووقف تهو يصفق ويصفقر بصوت عالي
    ...بس المصيبه على حظه لما وقف الكل سكت وصار هو الوحيد اللي يشجعها ...
    فيصل سكت بسرعه لما لاحظ الوضع هادي ومافيه قلق غيره ...
    بهاللحظه قروبه قلبو ضحك عليه ...
    شوي شوي والقاعه كلها صارت تضحك عليه ....
    فيصل من زود طيحة الوجه ماقدر يجلس ...
    حس برجوله جمدت وهو واقف يطالع الناس تطالعه وتضحك ...
    -(فهد وهو ميت ضحك :~ انا قايله .. من يوم لبست هالطوق وانا غاسل يديني منك ..
    اجلس الله يفشلك ...
    -(برهوم وهو ميت ضحك الثاني :~ صباح الخير توك تصفق للأختك ...
    ((أما تولين ابتسمت على اخوها وهي تحس بشعور غير الكل لما
    صفق لها اخوها ... تحس بالفخر ومستانسه انه صفق لها وماأهتمت من الوضع
    اللي طاح وجهه فيها ...
    حاسه بالفخر وهي تشوف اخوها وخواتها يشجعونها ...
    أما الباقي محد هاامه ا ...
    حتى انها مافكرت لا بطلال ولا بغيره ...
    أخوانه ا بالنسبه لها الدنيا ومافيها ...
    وبنفس الوقت ماتدري شلون بتقدر تفارقهم مره ثانيه ...
    ((لما جى دور جواهر ....
    جواه ر بنت عبدالله ال.................
    ((تقريبا محد صفق لها الا صاحباتها
    وسعد ...
    وبرضو الدكتور طلال بما انها بنت عمه ...
    أما تولين ماقدرت تمسك نفسها وصارت تصفق وبصوت عالي تنادي بأسمها
    جواهر لاحظت تولين كيف متحمسه لها بس تجاهلتها بكره كبير ...
    وحقد ...

  5. #325
    صورة خواطر مجبورة
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جدة ..رقة وحده.. اليا ناظرت..شامخ تهده
    المشاركات
    3,739
    Thanks
    0
    شكر 0 مرات في 0 مشاركات
    Rep Power
    9

    رد: رواية توأم ولكن أغراب في الجامعة الامريكية

    .......................................
    التعديل الأخير تم بواسطة خواطر مجبورة ; 23-10-2009 الساعة 05:22 AM

  6. #326
    صورة خواطر مجبورة
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جدة ..رقة وحده.. اليا ناظرت..شامخ تهده
    المشاركات
    3,739
    Thanks
    0
    شكر 0 مرات في 0 مشاركات
    Rep Power
    9

    رد: رواية توأم ولكن أغراب في الجامعة الامريكية

    الباب العش الأخيررون ...
    الفصل الثاني ...

    ((شعبة فيصل الحين ..
    المسؤل التفت على شعبة فيصل آخر شعبه وهو يقولهم يستعجلون بسرعه ويصفون بالترتيب ..
    -(فيصل توه بيوقف بس فهد سحب قبعة تخرج فيصل ورماها تحت وهو يضحك :~
    هه أنا قبلك ياعسل ...
    -(فيصل بقهر سحب قبعة فهد ورماها أبعد من رمية فهد ...
    فهد رفع حواجبه والتفت على فيصل ...
    -(فيصل ابتسم على جمب وهو يرفع حاجب وينزله :~
    وحده بوحده .... أنا قبلك ...
    -(برهوم :~ لا انت ولا فهد .. انا قبلكم ...
    -(متعب سحب قبعة برهوم ورماها بعييد وهو يقول بثقه :~ لا يكثر أنا قبلكم ...
    ((بهاللحظه الثلاثه كلهم حقدو وبسرعه دفوه بدفاشه من الدرج بين مدرجات الكراسي اللي كانو جالسين فيها ..
    متعب طاح للنص الدرج ...
    ((قروب فيصل كتمو ضحكتهم على شكله ال (كآآآآآآي ) كك ...
    وعبالهم ماسوو شي ...
    -(متعب بسرعه وقف ولا كأنو شي صار رغم ان الطلاب كتمو ضحكتهم واللي شافه
    برضو كتمو ضحكتهم على شكله التووحفه ...
    -(فيصل والباقي مرو من جمبه وعلبالهم ماسوو شي ...
    ((كل واحد أخذ قبعته وصفو ورى بعض ...
    أول شي طلاب الشعبه ...
    وبالأخير ...
    عبادي ثم مساعد ثم برهوم ثم متعب ثم فهد ثم فيصل ....
    ((كل شخص يطلع وعلى حسب التصفيق اللي يجيه ..
    ياقوي ياقليل ...
    تقريبا أعلى تصفيق كان للتولين وبعض الطلبه الأجانب المعروفين بالجامعه ...
    لكن لما جى دور قروب فيصل ...
    -(اللي ينادي أخيرا قال :~
    عبيد بن ناصر ال ...............
    ((عبادي لما تقدم ..
    قروب فيصل كلهم أنواع الإزعاج بالتشجيع ....
    عبادي استلم الشهاده وهو مبتسم بسعااده ...
    -(الأسم الثاني :~
    مساعد بن خالد ال ............
    ((نفس الإزعاج والتصفيق من قروبه ....
    -(فهد التفت على فيصل وهو يقول :~ أح ياخي فقعت اذني ...
    -(فيصل تقدم من اذنه وصفر بقووه نحاسه وهو يضحك ...
    -(الأسم الثالث ..:~
    براهيم بن نايف ال ................
    ((نفس القلق والتصفيق من القروب وبعض الطلبه والحظور ...
    -(الأسم الرابع :~
    متعب بن سعود ال ................
    ((نفس القلق والتصفيق من القروب وبعض الطلبه والحظور ...
    -(فيصل وهو يضحك بصوت قصير :~ فهيدوه يى دورك ياك الموت ياتارك الصلاه...
    -(فهد :~ فهيدوه بعينك احم احم اسكت خلني اكشخ ... ترى بنطلع بالتفلزيون للمتخرجين
    لا تنسى ...
    لزوم الكشخه بالتلفزيون ...
    ((فيصل رفع حاجب بخبث ...
    -(الأسم الخامس :~
    فهد بن محمد ال ....................
    ((فهد توه بيتقدم بس فيصل مد رجله مع الجنب بدون مايلاحظ فهد اللي بلحظه
    سريعه ماحس نفسه الا وهو عالأرض متمدد والعالم تضحك عليه ...
    طاح طيحه قويه على وجهه ...
    فيصل بصوت عالي ضحك للدرجة انو ماقدر يتحمل يوقف على رجوله ...
    جلس عالأرض وهو ميت ضحك ...
    الإداره وصلت معها من قروب فيصل ..
    بس بقلوبهم فرحانين انو هذي اخر سنه يشوفون فيها القروب اللي سبب انواع القلق لهم ...
    -(فهد وقف ولا كأنو صار أي شي ... حك جبهته وهو مرفع حواجبه وأنواع التصريف على وجهه ...
    وبداخله يغلي نار من فيصل ...
    لما استلم الشهاده قروبه صار يصفق له وأنواع الإزعاج من القروب للبعض ....
    فيصل وقف وتعدل ...
    عدل قبعته شوي ثم تنهد لأنه آخر واحد من المتخرجين ...
    -(على آخر أسم ...
    وآخر متخرج بهالسنه :~
    فيص ل بن بدر ال .................
    ((بهاللحظ ه ...
    كل بنات الجامعه يصفقون بحمااااس ...
    للدرجة انو الشباب فتحو عيونهم مرتاعين ...
    أما قروب فيصل ماعاد بان تصفيقهم وتصفيرهم من ازعاج البنات وتصفيقهم ...
    كان فيصل أعلى تصفيق من المتخرجين كلهم ...
    الحظور الكبير صار يصفق له رغم انهم مايعرفونه بس لما لاحظو التشجيع القوي
    اللي صار له تحمسو برضو مع الطالبات وبعض والطلاب ...
    فيصل نزل راسه بعد ماقلب أحمر مره وحده وهو يسمع كل هذا له ...
    ماتوقع بجد شعبيته بكل الجامعه كبيره ...
    وهو يستلم الشهاده ...
    سلم على بعض اللي يسلمونه الشهاده ...
    وعيونه بالأرض حاس بحرااره بداخله من التوتر ....
    ماتوقع كذا بيصير له بس من بعد كل هالتصفيق طبيعي تقلب حالته كذا ...
    كمل طريقه بس من الخبصه طاحت شهادته دنق بياخذها بس صدم وراه واحد من المصورين
    ... بقوه طاح على وجهه وبكذا خرب البرستيج اللي تو وطار بالهوآ ...
    ((أول واحد ضحك ..
    فه د ...
    للدرجة انه قام يناقز ويصفق مستاانس على طيحة فيصل ....
    القاعه صارت تضحك عليه ....
    فيصل وهو عالأرض جلس متربع وطلع لسانه بضحكه يحاول يصرف الوضع المخجل قدام هالعالم اللي تطالعه ...
    بس الصدمه لما شافو بعض الطالبات الأجنبيات المتخرجات تقدمو للفيصل
    بيساعدونه ...
    فيصل أشر لهم يبعدون عنه وهو يقول قريب من قروبه يستهبل :~
    لا داعي لا داعي خوفة قلوب المعجبات عالفاضي ... الله يهديني ....
    ((رغم اللي صار بس لازآآآآآآآآآآآآآآآآآآآآآآ آلت الثقه العمايء موجوده ببطلنا فيصل وهو يقولها
    بكل ثقه وجديه ...
    قروب فيصل مره وحده جلسو بيأس وبصوت واحد :~
    لآآآآآآآآآآآآآآآآآآآآآآع تكفى خلاص يرحم ؤمك ....
    -(فيصل التفت على شلته وهو مرفع حواجبه بستغراب وكأنه ماقال شي ...
    ((بكذا لما انتهى الحفل ....
    كل المتخرجي ن مره وحده ...
    رمو قبعاتهم على فوق بفرحه وكل واحد يخطط للمستقبله المهني ...
    لما طاحت القبعات على بعضها بالأرض ...
    كل واحد اخذ له أي قبعه وراح مع اقاربه وأصحابه يعيشون جو الفرحه مع بعض بالجامعه ...
    أما عبادي قاعد يدور من بين القبعات ...
    لما التفتو عليه قروبه ...
    -(فهد بستغراب :~ عبيد شسالفتك شقاعد تدور ..!!
    -(عبادي :ئ على قبعتي .. انا كتبت عليها اسمي ...
    -(بصوت واحد كلهم ضحكو عليه ...
    -(متعب :ئ ههه طيب انت وويهك جان مارميتها ويانا ...
    تلاقي واحد اخذها .. بعدين ترى القبعات كلها واحد ..
    خذ لك أي وحد وتعال بسرعه ...
    ((عبادي ماوده بس مايدري وش يسوي ..
    اخذ له أي قبعه ولحقهم ...
    -(فيصل :~ اقول شباب انا ابي شي باارد ...
    -(برهوم :~ آآآيسكريم أكييد أحلى شي على هالحر ياشيخ ...
    ((لما اتجهو بيطلبون آيسكريم ...
    وقف فيصل ثم قال بسرعه :~ شباب خلاص خلاص هونت ارجعو ...
    -(فهد :~ ليش ...!!
    -(متعب لما شاف أميره واقفه تطلب آيسكريم قام يضحك :~
    هه لأن الحبايب يعني موجودين ..!!
    -(كلهم التفتو على اميره وبصوت واحد يطالعونها :~
    يآآآآآآآهووو ووهه ...
    -(فيصل بقهرر :~ لعنه انت وياه ... خلاص عاد بلا استخفاف دم ...
    -(متعب :~ والله وصاير جاد بموضوع أميره ...
    -(مساعد :~ فيصل وقع في شباك الحب خلاص شتبون انتو ... هه
    -(فيصل :~ اقول لا يكثر انت وياه امشو امشو نروح نشتري عصير بارد او أي ثاني ..
    -(فهد :~ فصول ترى ماراح تشوفها مره ثانيه ..
    استغل فرصتك الحين ...
    ((لفو كلهم بيطلبون آيسكريم ...
    وتركو فيصل واقف من بعيد يطالعهم مايدري يروح ولا لا ...
    -(أميره التفتت على قروب فيصل وبسرعه نزلت راسها مختبصصه ...
    -(نجود لما شافتهم قالت بصوت قصير للأميره :~ مو جنهم ربع فيصل ..!!
    -(أميره :~ اشش قصري صوتج ماله داعي يسمعونج ويحسبون انفسهم وااو شي ...
    طنشيهم ماعليج منهم ...
    -(برهوم وهو يطالع نجود ببتسامه ينتظرها تعبره بس مطنششته ...
    أما فهد يطالع برهوم :~ برهوم انت وويهك شتطالع بأميره ..!!
    -(برهوم بقهر :~ منو قال اني اطالع اميره .. قاعد اطالع برفيجتها ..
    -(فهد وهو يضحو :ئ ادري .. وكشفت نفسك بنفسك ... هه صج غبي ...
    -(متعب :ئ يؤ يؤ لا يكون وقعت في حبها ...
    -(برهوم التفت عليهم بقهر :ئ يازينكم ساكتين .. صج ماألوم فيصل يوم يعصب
    عليكم انتم وحركاتكم ...
    -(أميره تقول للفلبيني اللي يبيع :~ بليز تو آيسكريم تشوكلت ...
    ((بهاللحظه ...
    دخل فيصل عندهم وهو قريب من اميره ونجود ...
    علباله ماأنتبه للأميره وهو يقول للفلبيني :~
    انت هيه ... بسرعه عطني علبه كبيره فيها الوان قوس قوزح ...
    ((قروبه والفلبيني وأميره ونجود التفتو عليه بستغراب ...
    وش قوس قوزح هذا ...!!
    -(الفلبيني :~ ايش قوس قوزح ...!!
    -(فيصل ولازال مسوي حاله يتكلم بجديه وثقه :~ قوس قوزح ماتعرف شنو قوس قوزح انت
    وويهك ..!!
    يعني حط لي من الآيس كريم كل الوان قوس قوزح ..
    احمر وأصفر ونقط الخ .. يالله بسرعه ...
    ((قروب فيصل كتمو ضحكتهم أما نجود لفت وهي تضحك عليه ...
    لكن أميره ماضحكت .. لفت عنه وهي تطالع الوان الآيس كريم ...
    -(الفلبيني مافهم زين بس اللي عرفه انو راح يحط له كل شي بسطل كبير ...
    لما حط له كذا لون ...
    وصل للون التشكوليت ....
    الفلبيني حط التشكوليت ...
    وبهاللحظه فيصل قال بثقه مصطنعه :~
    ياغب ي ... قد شفت قوس قوزح فيه لون بني ...
    ((بهاللحظ ه ...
    سمعو ضحكه عاليه طالعه من قلب ...
    التفتو ولقوها أميره ميته ضحك على آخر جمله للفيصل ...
    -(بهاللحظه فيصل التفت على أميره وهو يقول بضحك وحمااس :~
    yes …….. Yeeeeessss ….
    أميره تضحك .... مابغييتي ...
    -(قروب فيصل كلهم أنواع الإزعاج بالضحك ...
    -(متعب :~ ياهووه ...
    -(فهد :~ هه لااع ماأقدر انا ....
    ((فيصل وهو مبتسم ويطالع بأميره ...
    أميره حست انها خربت على نفسها لما ضحكت ...
    بكذا التفتت وطلعت بدون أي كلمه ....
    قروب فيصل كلهم بصوت واحد :~ الحقها انت وويهك شتنطر ...
    ((فيصل تنحنح شوي وهو يقول بستهبال :~ برايكم مايخرب برستيجي وانا الحقها ...!!
    -(فهد وهو ميت ضحك :~ لاا ماأتوقع ... من بعد الطيحه بالحفل وماأظن فيه برستيج
    -(فيصل :~ تتريق انت وويهك ....
    ((قالها بستهبال ثم طلع يدور على أميره ...
    لما التفت على آخر الممر ...
    بسرعه وهو يركض بيلحق على اميره لا تختفي من قدامه ...
    -(بصوت عالي يناديها :~ أميره ..
    أميره أميره ...
    ((أميره التفتت بهاللحظه عليه وهي موب عارفه مين يناديها ...
    بس لما شافته فيصل ...
    نزلت راسها بتروح ...
    لكن فيصل ماعطاها مجال لأنه وقف قدامها وهو يقول بتعب :~
    أميره ممكن دقيقه من وقتك شوي ...!!
    -(أميره وهي منزله راسها :~ ؤكي ...
    -(فيصل ارتاح من كلمتها لانها سهلت عليه الوضع :~ آآآآ
    شرايج ندخل ونتحجى على راحتنا ...
    -(أميره التفتت تدور على اخوها القلق بس حمدت ربها انها ماشافته ...
    :~ ؤكي بسرعه ...
    ((لما دخلو بمكان هاادي بس فيه ناس غيرهم ...
    -(فيصل بتوتر :~ آآآآآ .... اتوقع اللي صار اليوم وظح لج كل شي ...
    -(أميره نزلت راسها :~..............
    -(فيصل :~ ايوآ ... ممكن تردين لي الحين ...
    شوفي يمكن انا ماعندي اسلوب ...
    والدفاشه اسلوب من اساليبي ... بس ياليت تقولين لي الجواب الحين وتريحيني ..
    -(أميره :~......................
    -(فيصل يحاول يطل بوجهها وهي تطالع بالأرض ... رفع حواجبه وهو يقول :~
    يعني ..!!! ...
    -(أميره بلعت ريقها :~ ليش كل هذا عاد ...
    -(فيصل عقد حواجبه :~ مافهمت ..!! وظحي اكثر ...!!
    -(أميره :~ اقصد قدام الحظور كلهم .... مافكرت بموقفي كيف احرجتني ...
    -(فيصل صك على اسنانه :~ أح لا يكون ضايقتج ..!!!
    -(أميره رفعت راسها :~ لأني عارفه انك تتسلى ...
    -(فيصل :~ من صجج انتي ...!! ...
    لو بتسلى جان ساويت كل شي بيني وبينج ..
    موب جدام العالم ..!!
    شدعوآ أميره ... شهتفكير عاد .... مره ماخذه فكره شينه عني ..
    -انت اللي طبعت فكره مو حلوه عنك عندي ....
    -(فيصل ببتسامه :~ طيب ممكن تسمحين لي اغير هالنظره اللي تنظرين لي فيها ..!
    وأطلب ايدج من اهلج اليوم ...!!
    ((أمير ه بغت تشهق من الصدمه ...
    التفتت عليه مستغربه :~ شنو قلت ..!!
    -(فيصل ابتسم اكثر :~ شفيج موب مصدقتني بعد ..!!
    -(أميره :~ من صجك ..!!
    -لا من عمي ... أي من صجي ...
    أميره أنا صج صج صج ندماان قد النجوم اني ضيعت كل هالسنين بدون
    ماأحبج ....
    وندمان برضو اني جرحتج وايد ....
    اعتذرت لج ثلاث اعتذارات جدام الكل ....
    على نفس طلبج ...
    ولا بالنسبه لي .... لو اعتذر مليون مره ماراح اقدر امسح الأغلاط اللي ساويتها فيج ...
    بليز سامحيني ...
    وخلينا نبدى صفحه يديده ..!!
    -(أميره ابتسم وهي تطالعه بس ماقالت شي ...)
    -(فيصل لما شاف ابتسامتها ابتسم اكثر وهو يقول :~ شنو افهم من هالإبتسامه ..!!
    -(أميره تنهدت بسعاده وهي تقول :~ افهم اللي تبي تفهمه ...!!
    -(فيصل :~ يعني افهم انج موافقه على كل الحجي ومسامحتني ..!!
    -(أميره :~ بس اسمح لي اعاقبك ... لأنك عذبتني ثلاث سنين ....
    -(فيصل غمض عيونه وتقدم منها وهو يقول :~ يالله .. عطيني كف ...
    ساوي فيني اللي تبين ...
    انا جدامج ...
    -(أميره نزلت راسها مسستحيه من حركته ...
    رغم جرائتها الكبيره ..
    بس تبخرت مره وحده وهي مع فيصل وبينهم كل هالحب المتبادل وأخيرا ...
    مدت يدها بدون ماتحس وقبصت خده بقووووه ...
    -(فيصل فتح عيونه وفمه وهو يقول بألم :~ آآآه آآآآآآآه يالعربجيه موب جذي ...
    آآآآآح فجي خدي قطعتيه ...
    ((أميره زادت عليها بحقققد من جد من جد تبي تطلع كل اللي بقلبها ..
    بس ماكتفت بيد وحده ..
    مدت اليد الثانيه وبقووه قبصت الخد الثاني ....
    -(فيصل :~ آآآآآآآآآآآآح ترى ببطل احبج ... آآآآه ...
    -(أميره زاادت بقووه وهي تضحك بخبث واستمتاع بألمه :~ احسن احسن .. اذا فيك خير
    قول انك ماتحبني ...
    -(فيصل :~ ىىىىه طيب هديني يرحم ؤمج ماينمزح وياج ....
    -(زاادت بقوه وهي تضحك ...
    -(فيصل :~ أه أه أه شكل وتين ارحم منج ... برد احبها وانساج ...
    ((علطول فكت خدوده وهي تقول :~ لا لا لا خلاص الا وتين لا تييب لي طاريها ..
    صارت كابوس لي يعلها تعرس وتفجني ...
    -(فيصل يستهبل وهو يفرك خدوده :~
    لا خلاص انتي صعيديه .... بعكس وتين كل الأنوثه فيها موب انتي ..
    بسم الله علي .. اذا هذا اول يوم عيل بعدين شبتساوين ..
    -(أميره :~ أي يصير خير بعدين ..انت أول شي تقدم لي بعيدن يحلها الف حلال ..
    -(فيصل :~ يلعن بليسج ماتستحين تقولين هالحجي ...
    والله اني شاك من زمان انج ولد موب بنت ...
    -(أميره التفتت عليه :~ اعتذر يالله اعتذر بسرعه اعتذر بسررعه ..
    -طيب طيب لا تدفين ... أي على حلق شعري اعتذر ..
    صج انتي ولد .... هذا وانتي (وهو يقولها بثقه ويعدل ياقته :~
    تحبيني ماتستحين وتقولين تقدم لي .... عيل مع الباقي شبتساوين ..
    -(أميره تطالعه بنص عين وهي تقول بصوت قصير :~ يالييل لا يكون انت للحين على
    أسلوب الثقه الزايده ...
    بعدين اسمع ... أول شي شعرك تقصه .... ماعندي عيال يطولون شعورهم ...
    وثاني شي لا عاد اسمعك تلعن ... استغفر الله ياربي ...
    -(فيصل حط رجل على رجل :~ لا عمتي احلفي بس ...
    أي اوامر ثانيه ...!!
    -(أميره :~ أي وبعد ابيك ماتشوف غيري ..
    يعني حركات البنات انسااها ...
    -(فيصل ماأعجبه آخر شي حتى انه سكت ...
    -(أميره :~ ايوه ايوه لا يكون للحين على حراكات المغازل .. قول عشان اهون ..
    -(فيصل :~ لا لا لا من قال ... انتي اصلا مغنيتني عن العالم كلهم بأنوثتك ونعومتك ..
    -تتريق انت وويهك ...
    -(فيصل وهو يدخل اصابعه بشعره :~ بعدين انتي شفيج على شعري ..
    اكيد غايره مني عشان كذا تبيني اقصه ...
    -(أميره رفعت حاجب :~ الله يعيني على هالثقه ..
    أي شي ثاني .. حركات الثقه مالك ابيك تبعدها عني ...
    يعني مو كل شوي تقعد تقول .. يؤ هاي البنت تحبني ..
    أي اكيد هاي تطالعني ..
    يؤ يؤ لا هاي اكيد تبجي لأني ماعطيتها ويه ...
    لااع اما عاد هاي شي ثاني فرحانه لأني عطيتها نظره وحده بس ...
    ترى اعرفك انت وهالثقه اللي مدري شلون يايه ...!!
    -(فيصل وهو يخلل اصابعه بشعره بغرور :~ مايحق لي ...!!
    بعيدن ترى شعري امس مقصره ومدرجه ... ماملا عينج ..!!
    -(أميره سحبت الطوق اللي بشعره وهي تقول :~ وعن حركات البنات ...
    ماأحب الخكرنه ...
    انشالله قبل لا تتقدم لي قص شعرك ....
    ولا عاد اسمعك تلعن مره ثانيه ...
    -(فيصل :~ انتي الظاهر تبين تنحشيني منج ...
    -(أميره مشت قدامه وهي تقول بستهبال :~ شباب ماييون الا بالعين الحمرا ...
    -(فيصل وهو مبتسم ويطالعها .. سكت ولا قال شي ..
    مستاانس عالأخر على هباالها .. مايتوقع راح يلاقي بنت مرحه مثلها ...
    """""""""""""""""""""""
    ((من جهه ثانيه ...
    تولين واقفه بجمب ليان لحالهم ...
    جوجو بالصدفه طاحت عينها بعين تولين ...
    تولين حست بقلبها يدق وهي تطالع جوجو ...
    بس مثل ماتوقعت ...
    جوجو ماعبرتها أي اهتمام ولفت وبداخلها حقد للتولين ..
    بتردد كبيير ..
    تولين اتجهت للجوجو وهي تقول :~
    جواهر ...
    -(تمشي وهي مطنشتها ...
    -(تولين وقفت قدام جوجو وهي ودها تبكي من حالتهم الصعبه ...
    تولين حطت يدها على كتف جوجو وهي تقول بضيقه :~ جواهر عفيه اسمعيني بس شوي ..
    -(جوجو بعدت يد تولين ثم كملت طريقها ...
    تولين تنهدت بضييقه ...
    لما شافت طلال من بعيد واقف بين الحظور والدكاتره ...
    ردت تطالع جوجو مره ثانيه ...
    وكل ثانيه تنقل نظرها بين جوجو وطلال ....
    بهاللحظه ... بسرعه قالت بصوت عالي :~
    جوج و ...
    ((بسرعه راحت لها ثم قالت وهي قدام جوجو :
    جوجو بليز اسمعيني ...
    وسامحيني على كل اللي صار ...
    ادري اني غلطانه ...
    غلطانه بحبي للطلال ...
    بس وربي كان غصب علي ...
    وبرضو غلطي الأكبر لما وافقت عالخطوبه ...
    بس ياجوجو ...
    أنا كذا مره فضلت الصداقه على الحب ...
    رغم اني ماشفت منج أي اعتبار لي ...
    وبعدين رديت للحب ...
    أما اليوم وبكل ثقه راح اقول ...
    ((تنهدت وهي تستجمع القوه :~
    أليوم أنا اختار الصداقه على الحب ...
    أنا وطلال ماراح نتملك على بعض والخطوبه راح نفسخها ...
    حتى لو ماسامحتيني ...
    المهم عالأقل اقدر اعيش مرتاحه لو يوم بدون ماأفكر فيج بتأنيب ضمير ...
    جوجو ... انا صج اشتقت لج وايد ...
    ((جوجو رفعت عيونها بصدمه من كلام تولين ...
    يعني خلاص ..
    هي ودكتور طلال بيفترقون ..!!!
    بينفصلون ...!!!
    ((مايد كان واقف وراهم بالصدفه ...
    منزل راسه وهو يسمع الكلام بدون قصد ...
    التفت على تولين اللي شوي وتبكي وكأنها تتحمل بقووه ...
    -(تولين مسكت يد جوجو وهي تقول :~ جوجو أنا اسفه ...
    سامحيني ...
    بليز ريحيني قبل لا أرجع للسعوديه ... بليز ...
    -(جواهر نغزها قلبها لما سمعت طاري رجعة تولين
    للسعوديه .. حست انها راح تفقدها رغم انهم مايكلمون بعض ..
    بس تبقى العشره بالقلب مانستها ...
    -(جواهر نزلت راسها ثم قالت :~
    الله يوفقك بحياتك ...
    ((جواهر راحت رغم انها تبي تضم تولين بس بنفس الوقت تحس
    بحاجز بينهم وهو طلال ...
    ((بهاللحظه تولين حست برااحه كبير ه ...
    ابتسمت من قلب وهي تحس براحه عالأقل انو جواهر دعتها لها بالتوفيق يعني
    كل شي تمام ...
    تنهدت بعد وقوف طويل وهي تفكر بضييقه وحزن كبير كيف بتترك طلال
    حبيب قلبها ...
    رفعت راسها تدور على طلال ...
    لما شافته من بعيد واقف بين الدكاتره يسولف ..
    اتجهت له وهي تستجمع كل ثقتها بنفسها ...
    تنهدت بخووف وتوتر ..
    -(تولين من وراه :~ دكتور طلال ....
    -(طلال التفت عليها ولما شاف انو تولين ابتسم بحب وهو يقول :~
    أهلن ... مبروك ألف ألف مبروك التخرج ... وعقبال ماأقلو لج مبروك لنا مع بعض ...
    -(تولين بلعت ريقها ماتدري كيف بتقول اللي بداخلها ...
    هي اختارت الصداقه عالحب ...
    خلاص لازم تنفذ كل شي بشجاعه ...
    :~ دكتور طلال ممكن تسمعني زين وتفهمني عدل ...
    وماتصعب الوضع علي أكثر ماهو صعب علي ...
    ((من بعيد مايد متسند عالجدار وهو رافع رجله ويطالع في طلال وتولين
    بين الناس اللي رايحي وجايين بالقاعه والزحمه ...
    وبيده علبة مويه يشربها ...
    وهو يطالعهم بهدووء كعادته المعتاده ...
    ((نرجع للطلال اللي حس بتوتر كبير من كلام تولين اللي مايطمن ابدا ...
    برتبااك :~ ايوا قولي شعندج ...!!!
    -(تولين تنهدت بتوترر وأنفاسها ترتجف من الإرتباك ..
    ماتدري شلون بيهون عليها تقول كذا ...
    صعب عليها والله ...
    اللي يحب من قلب صعب يختار بينه وبين شي ثاني ...
    صعب ...
    -(تولين نزلت راسها :~ لازم ننف .... نن .... فف ...
    -(طلال بخوف :~ تولين تحجي خوفتيني ...
    -(تولين تنهدت ويدينها ترتجفف وهي تفركهم ببعض وتطالعهم :~ آآآآ ...
    مثل ماقلت لك .. لازم ننفصل ...
    ماأقدر أعيش براحة بال وأنا مفضله الحب على الصداقه ...
    ماأقدر وربي ..
    -(طلال مصدووم ...
    بخوف يفقد تولين بسرعه قال :~ تولين شهالكلام .. بليز مابي اسمعه ..
    هذا موب وقته عفيه ...
    -(تولين بإصرار :~ الا وقته ونص ..
    ((رفعت راسها بحزن :~ طلال انا اسفه ... ماقدرت ماأحبك من اول ماشافتك عيني ...
    ماقدرت وربي وماألوم جواهر يوم تحبك من هي صغيره ...
    انا اخذت اللي تحبه صاحباتي .. ثم اخذته وهو كان زوجها ...
    والله ماأقدر ضميري يعذبني ...
    شلون برتاح لما نتزوج ..
    جواهر مصيطره على تفكيري وربي موب قادره ...
    -(طلال شلون أوصف لكم حالته ....
    $$ حطو نفسكم بمكانه مع من يحبه قلبكم وهو يقول لكم نفترق ...
    الشعور اللي تحسونه يمكن طلال أعظم منه ...$$
    موب سهله عليه يفقد صاحبه وهو صغير ويفقد خطيبته وحبيبته وهو رجال $$
    الله يكون بعونك ياطلال ..$$

    -(تولين :~ أحسن شي نفترق وانت الله يوفقك بحياتك ...
    برد للسعوديه مع عمي ...
    وانتي بتبقى ذكرى بقلبي للأبد ...
    حبك بقلبي كبير ...
    بس ماأقدر أكمل الغلطه ونتزوج ...
    صاحبتي بتبقى صوره جدامي بحياتي كلها وياك ...
    أحسن حل نفترق ...
    أو بالأصح ننفصل ...
    بس ابيك تعرف شي واحد وتتذكره ...
    اني حبيتك من كل قلبي ...
    اذكرني بالخير دكتور ...
    الله يوفقك ...
    ((لفت بتروح بس طلال مسكها مع يدها وهو يقول :~ تولين ...
    لا تسوين جذي فيني ...
    تولين أنا أحبج ... موب حارم تسوين جذي في واحد حبج ...
    موب حرام عليج تعلقين قلبي فيج وبعد جذي تقولين الصداقه على الحب ...
    لا ياتولين لا تسوين جذي فيني ..
    تولين حسي فيني بليز ..
    انا لي قلب ومشاعر لا تسوين جذي فيني ..
    تولين بليز بليز فكري عدل ..
    جواهر مصيرها ترضى ..
    جواهر مصيرها ترضى ..
    بس لا تحرميني منج ياتولين ..
    صج احبج بجنون .. تكفين لا تصدميني بهالحياه مره ثانيه ..
    كفايه فقدت رفيجي ومات وهو ماسامحني ..
    كفايه اني اعيش عذاب موتت رفيجي وهو غضبان علي ..
    بليز عوضيني عن كل هالعذاب اللي عشته ولا تزيدين عذابي عذاب أكبر وأكبر ..
    تولين لا تصيرين قاسيه ..
    تولين انا طلال .. خطيبج وقريب زوجج ..

  7. #327
    صورة خواطر مجبورة
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جدة ..رقة وحده.. اليا ناظرت..شامخ تهده
    المشاركات
    3,739
    Thanks
    0
    شكر 0 مرات في 0 مشاركات
    Rep Power
    9

    رد: رواية توأم ولكن أغراب في الجامعة الامريكية

    تولي
    -(قاطعته لما نزلت دموعها :~ لا تكمل .. تكفى لا تصعب الوضع علي ..
    من قال اني ابي يصير جذي ..
    بس ياطلال حط نفسك مجاني ..
    لو انت تحب اللي يحبها سامي ...
    وخلاص راح تتزوجون ... برايك بتقدر تعيش مع بنت يحبها رفيجك وانت كنت
    تدري بهالشي من قبل لا تحبها ..!!
    برايك بتعيش حياة سعيده وانت محطم قلب أغلى انسان على قلبك ...
    اتركني ياطلال اعيش حياتي وانت تعيش حياتك بسعاده ...
    وبتلاقي البنت اللي بتسعدك ...
    ((سحبت يدها من يده بكل هدووء وهي تبكي من قلب وتحس بقلبها يتقطع
    وشوي وتقول لا خلاص انسى اللي قلته لك ...
    -(طلال وهو يقول بصوت خفيف وكأنه يكمل نفسه :~ بس أنا مابي غيرج ...!!
    ((تولين كملت طريقها ولا سمعت آخر كلمه قالها لأنها تبكي من قلب ...
    طلال جت بباله مقطع صغير للحماد زيد ...
    وهو يطالعها رايحه عنه ...
    ............
    لملمت أحساسك ...!!
    شعورك وقلبك ..
    خلاص بتسافر ...
    زين التفت لحظه ..!!
    عطني جروحك بس ...
    خلها تسليني ..
    بغيابك الكافر ...
    واخذ النظر مني ..
    وخبه مع أشيائك ..
    م ابي أشوف الناس ...
    وشلون أشوف الناس ...
    وشوفي معك سافر ...
    ...............
    ((تولين دخلت للدورات المياه وهي تبكي ...
    تبكي من قلب للدرجة انو يدينها ترتجف ...
    صوتها وهي تبكي عالي شوي ...
    بس هالمره مو هامها أحد يشوفها أو لا ..
    رغم اللي يدخلون ويطلعون وهم يشوفونها بستغرااب ...
    بس هي ماتشوف الناس ...
    تبكي على حظها هي وطلال ...
    عمرها ماتهنت بحب حتى لما بيتحقق لها كل شي ...
    بس جواهر ماتقدر تنساها وتعيش حياتها ...
    ماتقدر تترك الصداقه وتروح للحب ..
    لأن الصداقه كانت قبل الحب ...
    وحبها للطلال علط من البدايه ...
    $$عشان كذا حلو الواحد لما يحب شي له وحده $$
    مو للشخص ثاني ..$$
    ولا عمره ماعاش مرتاح وهو سلب سعادة انسان آخر ..$$
    ((مايد شاف كل الموقف ..
    شاف كيف تولين بكت من قلب ...
    حس ان الدعوه فيها شي غلط ...
    خاصتا لما شاف طلال لف وطلع من الجامعه كلها ...
    لف وأخذ له كاس عصير يبرد على روحه شوي ...
    بس مثل هدوء مايد وبرووده ماقد شفنا ...
    ((ليان ...
    وهي واقفه لحالها بعد ماتركتها تولين ...
    لفت بتطلع من القاعه بس سمعت أحد وراها ..
    -(شاب غريب عنها :~ لو سمحتي ..
    -(ليان التفتت :~ نعم ...
    -آآآآ .. انتي الأخت ليان بدر ال .......!!!
    -(عقدت حواجبها :~ اي ..؟؟
    -(مد لها ظرف صغير شوي وهو يقول :~ هذا لج ....
    ((ليان عقدت حواجبها بستغراب ...
    خذت الظرف بتردد ...
    -(الشاب راح عنها بعد ماستأذنها ...
    ليان بين زحمة الناس بداخل القاعه فتحت الظرف وهي تحس بخووف ماتدري ليه ...
    لما لقت ورقه بيضا .. فتحتها ...
    وياليتها مافتحتها ...
    ((ورقة طلاقها من صقر بين يدينها ...
    ليان جمدت مكانها ماتدري وش تسوي غير انها مصدومه من حركة صقر لها ...
    طلاق مره وحده ...
    رغم انها اعترفت له بحبها ...
    صحيح اعترافها كان متأخر ومو متأكده هي منه ...
    بس المهم انها اعترفت له ...
    ((دخلت الورقه بالظرف بس طاحت ورقه صغيره عالأرض ..
    ومكتوب فيها :~
    الى :~ ليان ...
    بالبدايه ماأدري شنو أقول لج ...
    بس هالظرف هديتي لج بحفل تخرجج ...
    يمكن يكون هالهديه بعينج أحلى هديه تييج بهاليوم ...
    ويمكن تكون هديه صدمتج وماتبينها ...
    بس كل هذا ماعاد يهمني ...
    ليان ..
    انتي علمتيني درس عمري ماراح انساه ...
    وأشكرج جدا على هالدرس ...
    الحب وكل شي بهالحياه ... مايجي بالغصب ...
    يمكن لو اني ماغصبتج بالزواج وبالحب ...
    راح تحبيني مع الأيام ...
    ويمكن العكس ..
    بس خلاص هالأفكار كلها ماعاد تفيد ...
    احنا أولاد اليوم ...
    وأولاد اليوم يفكرون بالغد ...
    عشان جذي بقول لج ...
    رغم اني عشت وياج فتره طويله وكلها آلام ...
    الا اني اشكرج عليها ...
    لأنج بقيتي وياي وماهدتيني ...
    أشكرج لأنج حققتي لي جزء من اللي ابيه وهو انج بجمبي تبقين ...
    بس هالمره ...
    أنا بنفسي ..
    راح انفذ وعدي لج ...
    لما ماأقدر أسعدج ...
    راح ننفصل وأخليج تعيشين حياتج ...
    أنا مسافر للمجان بعيد جدا ...
    ووياي ولدي الصغير عبدالمحسن ...
    من اليوم وللأبد راح أعيش عشانه ...
    وراح الربيه تربيه غير التربيه اللي تربيت عليها ...
    راح أعلمه معنى الرجوله والأخلاق ...
    راح الربيه على الدين ومايخاف من أحد غير من ربه ..
    سبحانه وتعالى ...
    وكل هذا الفضل يعود للربي ثم لج ...
    انتي اللي علمتيني من هالحياه قد شنو هي فانيه ...
    وقد شنو تحتاي للريال اللي يقدر يمشيها على الصح ...
    ليان ....
    أنا راح أكون أبو عبدالمحسن موب صقر ...
    هذا اللي راح أعيشه للأبد ...
    يمكن الاقي البنت وأتزوجها ...
    بس أنا اقول لج الحين ..
    ماأتوقع أبدا اتزوج وحده من بعدج ...
    عشان جذي ابي اقول لج ...
    أهتمي بأخوي .... لأني غلطت بحقه وايد ...
    وعمري ماراح اسامح نفسي عاللي ساويته له ...
    قولي له يقول لك أخوك صقر ...
    أهتم في ليان وسعدها ...
    عسى الله يسعدكم يارب ...
    اقولها من كل قلبي وبكل ثقه وراحه ..
    هذا الشي الوحيد اللي أنا متأكد اني على صح ...
    ليان ....
    لي ان ...
    آخر شي راح أقول لج واحفظي هالكلمه عدل ....
    ليان ..
    ((عيش ي حياتج ))
    بالتوفيق ...
    محبج في الله :~
    صقر ...
    ..............
    ((ليان ارتجفت يدها من آخر كلمه ...
    طاح منها الظرف بس حست بثقله ...!!
    جلست وهي تشوف بداخله ...
    شريط تسجيل ...!!!
    ((دخلته بالظرف ثم سكرته عدل وحطتهم بشنطتها ...
    وهي ساكته ...
    ردة فعل ليان هاديه ...
    رغم انها تحس بشي خاقنها من داخل بس لحد الحين هاديه ...
    لفت بكل هدوء وهي تتذكر الناس اللس فقدتهم ..
    أمها اللي ربتها ..
    أبوها الحقيقي اللي عمرها ماشافته ...
    أمها الحقيقيه اللي رجعت للبلدها ..
    جدها اللي مات وهي ماسلمت عليه وتقول له انها مسامحته ...
    والحي ن ...
    صق ر ...
    ((مشت بكل هدوء وصمت ...
    بس وقفت لما حست بأحد قدامها ...
    رفعت عيونها على عبدالمحسن اللي واقف يطالعها ...
    وهو عارف كل شي من بعد ماأخذ صقر اخوه ولده وسافر أمس ...
    -(عبدالمحسن :~ ليان ...
    -(وهي تطالعه :~ نعم ...
    -(عبدالمحسن :~ انتي بخير ...!!!
    -(ليان نزلت راسها شوي ثم بلعت غصتها وكملت بهدوء :~ أي نعم ...
    -(عبدالمحسن :~ مبروك ...
    التخرج ...
    -(ليان وهي تطالعه :~ الله يبارك فيك ...
    -(عبدالمحسن متوتر :~ ليان أنا آسف عاللي ساواه فيج أخو....
    -(قاطعته :~ لا تتأسف ... صقر ماسوا لي شي ...
    هو الحين مع ولده ...
    الله يوفقه ...
    ((كملت طريقها وتركت عبدالمحسن مستغرب من ردة فعلها الهاديه ...))
    """"""""""""""""""""
    ((تولين لما طلعت من دورات المياه بعد مامسحت دموعها وعاهدت نفسها
    تفتح صفحه جديده بعيد عن طلال ...
    وهي تمشي ماتدري للوين ...
    شافت مايد وهو واقف يطالعها من بعيد ...
    تنهدت بشجاعه ثم تقدمت له ...
    وهي تحاول تكون عاديه ولا بكت قبل ..
    ((لما تقبلو قدام بعض ..
    مايد عدل وقفته وهو متسند عالجدار ويطالعها ...
    -(تولين ابتسمت ابتسامه خفيفه :~ الحمدالله عالسلامه ...
    -(مايد ابتسم ابتسامه جانبيه وهو يطالع بعيونها اللي شكثر اشتاق لها :~ الله يسلمج ..
    وانتي مبروك عليج التخرج ...
    -(تولين :~ الله يبارك فيك ... وأكيد بعد انت مبروك عليك شهادة الخارج ...
    -(مايد :~ الله يبارك بعمرج ...
    ((سكتو شوي للحظات ثم قالت تولين وهي مقرره تفتح صفحه جديده :~
    موب ناوي تتزوج بهالإجازه ...!!
    -(مايد اختفت ابتسامته وهو يقول بهدوء :~ على ايدج ... دوري لي وحده
    مثلج ...
    -(تولين ببتسامه :~ مثلي ..؟؟؟
    -(مايد ابتسم لها :~ أي .. نفس جمالج .. نفس غرورج هه .. نفس اخلاقج ..
    نفس كل شي فيج ...
    بتقدرين تلاقين لي ...!!!
    -(تولين ابتسمت له أكثر وهي ساكته وكأنها تفكر وهي تطالع فيه ...
    بعدت شوي على ورى وهي تقول :~ طيب ..... شرايك بالنسخه
    الأصليه ...!!!
    -(مايد اختفت ابتسامته وهو مصدوم من اللس سمعه ...
    من جدها ولا تستهبل ...
    رفع حواجبه وكأنه يقول عيدي ماسمعت ...
    -(تولين ببتسامه وهي تطالع فيه :~ قلت تبي وحده مثلي قلت لك شرايك بالنسخه الأصليه
    اللي هي أنا ...!! ....
    -(مايد بهاللحظه ملامحه لانت ببتسامه حنونه وهو يقول :~
    شرف كبير لي أكيد ..
    -(تولين نزلت راسها ثم قالت :~
    للحين تحبني ...!!
    -(مايد تقدم شوي منها وهو يقول :~
    ماقدرت انساج ولا لحظه ...
    -(تولين رفعت عيونها وهي تطالعه :~ ثلاث سنوات تفكر فيني ..!!
    -(مايد ببتسامه حنونه :~ والعمر كله راح أظل أفكر فيج ...
    تولين ... أنا أحبج ... وماأعتقد راح اقدر احب أحد غيرج ...
    حاولت بس ماقدرت ...
    ماقدرت ...
    لأنج ماخذه عقلي وقلبي وروحي ...
    -(تولين :~ أنا آسف.....
    -(مايد قاطعها :~ شش ..... لا تكملين ...
    تكفيني كلمه وحده جوابيني عليها ...
    -(تولين وهي تطالعه :~ تفضل ...
    -(مايد سكت شوي ثم قال بحب كبير :~
    تتزوجين ي ..!!! ..
    -(تولين ماشالت عيونها عنه وهم يطالعون بعض ...
    للحظ ات ..
    ساكته وهي تطالعه ...
    شوي قالت ببتسامه خفيفه :~
    يسعدني أوافق ...
    -(مايد اتسعت ابتسامته وهو يقول بداخله ...
    أدري انج مانسيتي الدكتور طلال وللحين تحبينه ...
    بس بإذن الله راح أخليج تنسينه وتحبين زوجج وانشالله ...
    أبو عيال ج ....
    <~ هذا اللي جى في بال مايد بكل حب وحنان ...
    -(مايد ببتسامه وهو يطالعها من فوق للتحت بإعجاب كبير :~ طالعه اليوم أحلى
    بنت بالجامعه كلها ...
    -(تولين نزلت راسها وهي تضحك بخجل على إطرائه اللطيف لها ...
    تدري ومتأكده ان مايد راح يسعدها ...
    بس هي تفكر كيف بنفسها راح تسعده ...
    $$وهذا أكبر دليل على اقتناع تولين باللي سوته اليوم $$
    """"""""""""""""""""""
    ((لما دق علييهم العم بندر على عيال أخوه بس نارا ماردت ...
    قال لهم يطلعون برآ الجامعه عند البوابه ...
    لما طلعو ...
    -(العم بندر تقدم من عيال أخوه وهو يقول ببتسامه :~
    مبروك التخرج ...
    -(فيصل وتولين وليان وهم مبستمين له :~
    الله يبارك فيك ...
    -(العم بندر التفت على فيصل وهو يطقه بكتفه :~ شحالك ياريال ...
    -(فيصل وهو يضحك على عمه :~ هه عمي لا تحاول تحتك بالإماراتيين ...
    -(العم بندر :~ أفا بس أفا .... الحين اللي يسمعك يقول امراتي ...
    -(فيصل وهو يعدل ياقته بثقه :~
    امراتي .. سعودي .. بحريني ...
    قطري .. عماني ... كويتي ...
    كلها واحد ...
    وعلى قولتهم ...
    خليجنا واحد ...
    -(العم :~ والله وصرت فيلسوف زمانك ...
    ماعلينا بس عندي لك شي بيعجبك انشالله ... واذا ماأعجبك قول ...
    ((التفت على السياره الجمس السودا ثم أشر له يبعد ...
    لما بعد السياره السودا بأمر العم بندر ...
    طلعت وراها سيارة Bugatti
    فيصل وكل اللي جمبه فتحو فمهم من الهديه الفخمه ...
    ((شلة فيصل تقدمو من السياره بنبهار موب مستوعبين ...
    -(برهوم :~ فصول عطني كف صحني من اللي انا فيه ..
    -(فيصل وهو فاتح فمه عالآآآخر :~ والله اللي يبيله واحد يصحيه هو انا ...
    من سيارتي الددسن أقدم موديل للسيارة بوغاتي مره وحده ..!!!
    -(العم بندر وهو مبتسم ويطالع ولد اخوه اللي واظح عليه الفرحه موب سايعته :~
    ولو تبي وحده ثانيه حاظرين .. كم عندنا من فصول احنا ..!!
    -(فيصل :~ لا لا صج عمي ترى ماأتحمل أنا ...
    شوي شوي خف علي يرحم ؤمك ..
    -(أميره من وراه :~ ماعليه شرهه ولد فقر ..
    -(فيصل بقهر التفت عليها :~ لا يابنت العز ...
    ((شلة فيصل كلهم مره وحده بيأس من اميره وفيصل :~
    ردينا ...!!!
    -(فيصل لف على السياره وهو يقول :~ لا لا فجونا زين بلا أميره بلا هم ...
    يالبا السياره ياناس ...
    -(أميره فتحت فمها عالآخر بسرعه تقدمت من السياره وضربتها برجلها وهي تقول :~
    كلمه ثانيه وبكسرها جدامك ..
    -(فيصل شهق بروعه :~ لااع بعدي يالعربجيه ...
    ((أميره :~ عربجيه هاه طيب ...
    ((فيصل ركب السياره وهو موب مصدق عيونه ...
    أما أميره فتحت الباب اللي جمبه وركبت ...
    بس بدون قصد سكرت بالباب بقوه وهذا اسلوبها يعني فيها دفاشه شوي ...
    بس شهقت من الروعه لما صرخ عليها فيصل :~
    لآآآآآآآآآآآآآآآآآآآآآ ... كسرتي الباب الله يكسر راس عدوج ..
    انزلي ... انزلي يالعربجيه ..انزلي ..
    -(أميره وهي حاطه يدها على قلبها مرتاعه من صرخته تو ..
    التفتت عليه بقهر :~ مالت عليك انت وسيارتك ...
    ((فتحت الباب ثم سكرته بأقوى ماعندها ...
    فيصل نسى سالفة الباب لأن أميره واظح عليها زعلت ...
    بسرعه نزل وهو يلحقها :~ أميره أميره شدعوا تزعلين...
    -(العم بندر وهو يطالع بولد اخوه بستغراب التفت على بنات اخوه :~
    اقول بنات منو هاي اللي واظح عليها ماخذه عقل فيصل ..!!
    -(تولين بغرور :~ هاي من غيرها أميروه ...
    مدري شلون انقلبت الآيه ... قبل كان مايواطنها اخوي والحين العكس ...
    سحرته هالبنت مره وحده ...
    -(بندر التفت على ولد اخوه وهو مبتسم عليه ...
    رد بندر ثم قال للتولين وليان :~
    وانتو ماتبون تسألون وش هدية تخرجكم ..!!!
    -(تولين ببتسامه :~ صج والله توقعتك نسيتنا ..
    -أفا .. يعني فيصل هو الغالي بس ... كلكم غالين على قلبي ...
    عيال المرحوم الله يرحمه ويسكنه الجنه ...
    -(ليان وهي تطالع عمها ببتسامه :~ الله يخليك لنا ياعمي ..
    -(العم بندر ببتسامه :~ طيب ماعلينا
    ((فتح جواله ثم عطاه تولين وهو يقول :~ شوفي صورة هالبيت اللي بالجوال ...
    -(تولين فتحت فمها مصدومه :~ وااو شنو هالبيت ... أصلا حتى المجان اللي هو فيه يطل عالبحر
    طالع جنان ..!! ليش شفيه هالبيت ..!!
    -(بندر وهو مبتسم :~ هذا البيت هديه مني لج ... بيت يطل عالبحر في
    النمسا ...
    -(تولين بفرحه موب سايعتها :~ ليون شوفي البيت كيف جنان ..
    النمسا وااو .. عمي صج كلفت على نفسك ...
    -(العم بندر :~ عيب عليك تولين تقولين هالكلام ...
    اذا مادلعت عيال اخوي من أدلع أجل ..!!
    -(تولين وهي تغمز له :~ زوجتك ...
    -(العم بندر :~ أي زوجه ياحسره .... عمري بالثلاثينات وانا توني ماتزوجت ...
    اصلا بديت انسى شي اسمه زواج ...
    ((ليان وتولين وهم يطالعون بعض وكأنهم يخططون على عمهم بس اكتفو ببتسامه بين بعض
    بدون أي كلمه ...
    -(العم بندر طلع تذكره ثم عطاها ليان وهو يقول :~
    وهذي تذكرة سفر للروما ... رحله خاصه لج تلفين فيها روما كلها ...
    مع شخص تختارينه ...
    -(ليان خنقتها العبره وهي تشوف طيبة عمهم الكبيره ...
    من غير شعور ضمته بقوه وهي تقول :~ مشكور عمي ...
    ((العم بندر ابتسم وهو يشوف ليان اللي ضامته بقوه ودموعها تنزل ...
    التفت على تولين وفتح يده الثانيه وكأنه يقول لها وانتي ماتبين تضميني ..
    تولين ابتسمت بسعاده وشاركت ليان بضمة عمهم بندر ..
    وهذا اقل شي يقدرون يشكرونه ...
    ((فيصل وهو يشوف خواته وعمه من بعيد ابتسم بسعاده عمره ماقدر حس فيها ...
    -(أميره التفتت عليه :~ يالله ماتبي تراضيني وتلف بي كم دوره بسيارتك هالخايسه ..
    -(فيصل التفت عليها :~ طيب دامها خايسه لا تركبينها ..
    -(أميره بثقه :~ احسن عيل لا تحاجيني ..
    -(فيصل :~ خلاص خلاص ياربيي منج ... ماينقدر عليج انتي ابدا ...

    $$ انته ى البارت ماقبل الأخير ...$$
    القاكم بالبارت الأخي ر ...
    من بابنا الأخير ..
    أختكم ...
    الك اتبه :~
    فيرزاتش VirsatCheي ...

  8. #328
    صورة خواطر مجبورة
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جدة ..رقة وحده.. اليا ناظرت..شامخ تهده
    المشاركات
    3,739
    Thanks
    0
    شكر 0 مرات في 0 مشاركات
    Rep Power
    9

    رد: رواية توأم ولكن أغراب في الجامعة الامريكية

    ((لما انتهو من شعبة تولين ...
    اللي واقفين على جمب كراسي الحظور ويطالعون باقي الطلاب اللي للحين ماجاهم
    الدور ...
    تولين تطالع خواتها اللي جالسين .. ثم لفت عيونها على اخوها فيصل ...
    بدون ماتحس باللي يطالعها طووول الوقت ..
    وقريب منها بما انها واقفه بجمب كراسي الضيوف بعيد عن الكارسي اللي كانت
    جالسه فيها ...
    مايد ... يطالعها بعيون سرحان ه ...
    حب الطفوله تولين ..
    مو حي الله ...
    تنهد بحب كبير وهو يعاتب روحه لما عرف بهاللحظه ان حبه للحين
    بداخله وماقدر يحب شخص غيرها رغم توقعه انه نساها ...
    ((شعبة ليان ...
    لما وقفت ليان بترتيب ...
    حاسه بقلبها يدق بقووه يمكن اكثر وحده بالجامه كلها خايفه لأنها موب متعوده
    على هيك مواقف ...
    -(لما جى دورها :~...
    ليان بنت بدر ال................
    ((بهاللحظه فيصل أول واحد صفق عشان مايطيح وجهه مثل قبل لما
    كان آخر واحد ...
    بس المصيبه أنه طاح وجهه للثاني مره ..
    لأنه هو الحيد اللي يصفق لها ...
    واحنا عارفين وش السبب ...
    ليان مالها أي معارف أو حتى تحاول تظهر نفسها للطلاب ...
    -(فهد :~ هاههآآآآآآآآآآآآآآآآآآآآآ آآآآآآآآآآآآآآآآآآي .... فصول خشمك شفه
    تحتي هههاا ااي ...
    ((القاعه قلبت ضحك عليه ...
    أما ليان للحين ماتقدمت تاخذ شهادتها .. تحس بخووف ورجلينها مو شايلتها ...
    بهاللحظه ...
    نارا وتولين صفقو وهم ينادون بأسمها مع بعض بصوت عالي
    وكأنهم يشجعون اختهم على انها تتقدم وتاخذ شهادتها لانهم عارفين
    خجلها وعدم جرأتها ..
    فيصل لما شاف خواته يصفقون التفت على قروبه وبسرعه قال بقهر منهم :~
    لعنه انت وياه ... صفقو بسرعه ابي ضجه على كل خواتي ....
    ((بهاللحظه قروب فيصل وقفو وصارو يصفقون وأنواع القلق بصوت عالي ....
    ليان حست بالعبره خانقتها ...
    تبي تتحرك بس ماقدرت ...
    خاايفه بشكل مو طبيعي ...
    -(مره ثانيه نادو على اسمها ...
    ليان بدر ال...............
    ((من بعيد بين كراسي الحظور ....
    عبدالمحسن وقف وهو يصفق لها ويحاول يشجعها بكلمات ...
    ليان عرفت صوته علطول ...
    عبدالمحس ن ....!! ...
    حست بخوف أكثر ...
    بس ماحست الا بنارا وتولين اللي واقفو جمبها ومسكو يدينها وكأنهم يقولون
    يالله تقدمي ...
    ليان وهي تطالع خواتها بعيون خايفه ...
    بس ارتااحت لما عطوها ابتسامه تشيعيه لها ...
    تنهدت ثم تقدمت لحالها ...
    أما تولين رجعت للمكانها بعيد عن نارا اللي جلست بكرسيها القريب بما انها تو الدور ماجاها..
    ليان لما استلمت الشهاده سمعت تشجيع اخوانها وقروب فيصل وعبدالمحسن وميشو...
    التشجيع كان قليل ...
    بس بالنسبه لها يكفيها هالتشجيع بما انهم حبايب قلبها ...
    ليان وقفت على جمب تولين مع شعبتها ...
    ((بعد كذا طلعو كذا شعبه من الأولاد ومن البنات ...
    ومن بين هالشع ب ...
    شعبة يزيد ...
    نارا مالاحظت ابدا ..
    يزيد وقف من الكرسي بالترتيب ...
    -(من بين الأسما قالو وأخيرا :~
    يزيد بن سلطان ال ................
    ((يزيد تقدم بثقته المعتاده ....
    وبطوله وهيبته النادره ...
    نارا بهاللحظه نغزها قلبها بقوه ...
    وقفت من غير شعور تبي تشوف يزيد ...
    وفعلا لما شافته من فوق مدرجات الكارسي وهو تحت رايح يستلم
    الشهاده ...
    ((قليل اللي صفقو له مو كثير ..
    لقلة شعبيته ومعارفه بالجامعه ...
    نارا بصوت عالي :~
    يزي د ...
    ((الكل التفت عليها مستغربين شفيها ...
    ماع دا يزيد اللي عرف صوتها بس مالتفت عليها ولا كأنه
    يسمعها ...
    مما سبب صدمه للنارا ...
    كانت تبيه يلتفت عليها ولا يعرفها لأنها بقوه متغيره للأحلى ...
    بس احبطت بشكل مو طبيعي من ردة فعله الغريبه ...
    ماقدرت تفسر تصرفه بس اللي قدرت تفكر فيه ..
    انها تعذرت له على انه ماسمعها اكيد ...
    رغم انه عذر غبي وتدري انه سمعها ...
    بس تحاول تلعب على روحها انو ماسمعها ...
    بعد كذا وقف بعيد يزيد جمب اللي استلمو شهاداتهم ...
    ((أما الحين .. شعبة صق ر ..
    ليان بلعت ريقها لانها تعرف شعبة صقر ...
    حاولت تطلع من بينهم صقر بس مالقته موجود ....
    حست بخيبة أمل كبيره ...
    بس اللي استغربته وبقووه ...
    انهم ماقالو اسمه ابدا ...
    رغم انو هذي شعبته ...
    بس بدو بالشعبه الثانيه وهم ماقالو اسم صقر ....
    شسالفه ...
    شي غريب فعلا ...!!
    ((وأخيرا
    لين ما جى دور آخر شعبتين ...
    شعبة مشاعل ونارا ونوف ...
    وشعبة فيصل وقروبه ...
    ((نارا وقفت ورى مشاعل ينتظرون دورهم ....
    -(بصوت عالي :~
    مشاعل روبرتسون ....
    ((نارا توها تلاحظ اسم ميشو الغير عربي ...
    وهي كانت متوقعه انها امراتيه على قولة ميشو للكل ...
    ميشو تقدمت كم خطوه وهي تسمع صوت تشجيع صاحباتها
    وبعض البنات ...
    بس ولا واحد من الأولاد ماعدا اسحاق اللي يصفق بصوت مو واظح وهو يطالعها ...
    أما ليان تصفق لها بفرحه ...
    ميشوحاسه انها محط انظار الكل من بعد اللي صار ...
    بس شعورها انعكس لما سمعت تصفيق من الحظور ...
    متعب بصوت تصفير وتشجيع ...
    التفتو عليه القروب علطول بعيون مفتوحه عالآآآخر وهم يقولون بشك كبير :~
    متعب ... لا يكون تحبها ...!!
    -(متعب علطول سكت وهو يقول بقهر منهم :~
    احلف انت وياه ...
    اصلا ماعرفها عشان احبها ...
    -(فهد :~ يامينون هذي اللي قد تطاقت ويانا ..!! ماتذكرتها ...
    ((فيصل كشر بقهر وهو يتذكر السالفه اللي طلعت عنها هي وأميره ...
    ميشو بشكلها صارت محل شبهه ..
    مره مع ليان ومره مع اميره ...
    ((بعد ميشو ...
    نادو على أسم :~
    ن ارا بنت بدر ال..............
    ((قروب وقفو مع بعض وصارو بصفقون بصوت عالي وأنواع الإزعاج
    رغم انهم مايعرفون نارا بس عشانها أخت فيصل صاحبهم ...
    فيصل استانس على ربعه وهو يصفق ...
    تولين وليان برضو يصفقون بحماااس وفرحه كبيره لها ....
    بس المصيب ه ...
    لما الكل سكت من بعد التصفيق ...
    وهم يطالعون نارا اللي تقدمت بتاخذ شهادتها ...
    نارا وقفت بنص طريقها وهي تلاحظ ان الوضع موب طبيعي ...
    التفتت على الحظور الكبيير اللي عالمدرجات الواسعه كلها ...
    قلبها صار يدق بقوه من التوتر ...
    حست بوضع سخيف بس ماتدري وش سببه ...
    ليان وتولين وفيصل توهم بيتقدمون للنارا ...
    بس سبقهم شخص ...
    نارا ماحست الا بيزيد وهو يلبسها عباية تخرجه الواسعه عليها ...
    نارا موب فاهمه أي شي ...
    هي بين يدين يزيد اللي يغطيها بعبايته وكأنها عريانه او شي زي كذا ...
    وبالفعل بعدت عباية يزيد شوي وهي تطالع من ورى عبايتها اللي مقصوصه وبرضو تنورتها اللي تحت العبايه مقصوصه بشكل قصيير ومخجل ...
    نارا حست بكل خليه بجسمها جمدت وهي تشوف كيف طلعت للعالم بهالمنظر المخجل ..
    وهي اللي عمرها مالبست تنوره او شي يظهر جسمها ...
    وبالأخير كذا يصير فيها ....
    خنقتها العبره وهي تستوعب كيف كانت نظرات الناس عليها ببجاحه ...
    يزيد غطاها زين بعباية تخرجه وقدمها بنفسه لين تسليم الشهادات ...
    لما مدو لها الشهاده ...
    نارا موب قادره تفكر بأي شي غير نظرات الناس اللي مارااحت عن بالها ...
    يزيد مد يده وأخذ الشهاده بدالها ...
    كمل طريقه وهو ماسك نارا ومغطيها بعبايته ...
    نارا للدرجة انها مصدومه ...
    مالاحظت يزيد اللي لازق فيها ...
    بس تفكر بكيف صار كذا ...
    ومن اللي قصها بدون ماتحس ...!! شلون ..؟؟
    شوي وتذكرت لما كانت داخل بالغرفه والبنات يتجهزون للحفل ...
    انكب عليها كوب كافي عالطاوله ...
    فسخت تنورتها بداخل دورات المياه وغسلتها زين ...
    ثم دخلت للحمام تتنظف من الكافي اللي حرقها بشكل مؤلم ...
    سمعت صوت المسؤله وهي تقول لهم بسرعه يطلعون للقاعه ويجلسون بالكراسي لأن الحفل ابتدى ...
    وهي طلعت بسرعه ولبست تنروتها وعبايتها حتى بدون ماتشوف هي وش قاعده تلبس من
    اللخبطه والإستعجال ...
    خاصتا ان القص من ورى عبايتها وتنروتها فما لاحظت ابدا السالفه كلها ...
    كملت طريقها وماكان موجود بالغرفه في الأخير
    غير نوف وهي .... استغربت لما كانت نوف تطالعها ببتسامه ساخره بس ماهتمت
    وعلطول جلست بدون محد يلاحظ او هي تلاحظ ...
    لين ماطلعت الحين وصارت بموقف حقير ...
    ((نارا لما تذكرت هالموقف ...
    النار بت تشتعل بقلبها ...
    لفت تدور على نوف ...
    ولقتها بين شعبتها للحين مانادو اسمها لأنها وراها ببنتين ..
    بهاللحظه نادو على اسم نوف تستلم شهادتها ...
    بس المصيبه لما نارا فقدت اعصابها وبسرعه مسكت عباية يزيد وسكرت زرارها زين
    وهي متجهه للنوف بحق د وغضب ..
    يزيد ماقدر يمسكها لأنها بسرعه راحت عنه وهي تركض للجهة نوف ..
    نوف وهي تمشي بتستلم شهادتها ماحست الا باللي نقزت عليها
    بهمجيه ...
    الكل فتح فمه بروع ه ...
    نارا موب بشر أكيد من اللي يشوفونه قدامهم ...
    يزيد طلعت عيونه مصدوم من نارا وهو يشوفها كيف ماسكه
    نوف وتظرب راسها بقوه على زاوية المدرجات الحاده ...
    للدرجة انو دم نوف طلع بشكل كبير ..
    -(نارا بصراخ وحقد وغضب مو طبيعي وجنوني :~
    يا ####### ..... يال ####### ...
    والله لأموتج يال ###### ...
    أنتي تساوين فيني جذي ...!!!!
    آآه يال ####### ....
    ((نوف غابت عن الوعي ...
    الكل من الصدمه ماقدر يتحرك وهم يشوفون وحش مو آدميه ...
    نارا كل مره تزود على ظربها وهي ماسكه شعر نوف بقوه وتظرب
    راسها على الزاويه بشكل مقزز ...
    تولين حطت يدها على فمها مصدومه ...
    أما ليان شهقت بروعه كيف اختها تشوي كذا ....!!! ...
    فيصل واقف وهو مبتسم ابتسامه جانبيه ...
    لأنه متأكد ان هالبنت هي اللي مسويه كذا بأخته ...
    وبقلبه مستانس على تصرف اخته ...
    ويمكن حاس برضو بالفخر لأنها خذت حقها وبردت قلبه بعد هو ...
    لأن الموقف اللي صار للنارا قوي وماله داعي ابدا وسخيف جدا ...
    -(متعب بروعه :~ فصول اختك فصل عقلها ...
    -(برهوم بخوف :~ روح الحق عليها قبل لا تموت البنت ...
    -(فهد مصدوم من ابتسامة فيصل :~ فيصل من صجك انت بارد جذي ومستانس على
    وضع اختك ...!!
    -(فيصل جلس ببرود وهو مبتسم :~ وانتم شحارق رزكم ...
    اذا انا راضي لا ومستانس بعد عاللي تساويه اختي ...
    انتو شعلاقتكم بالموضوع ...
    -(متعب :~ لاا ابد ... ماأهبل من اختك الا انت ...!!!
    ((نرجع للنارا اللي للحين على غضبها وجنونها ...
    الكل حاول يفكها عن نوف اللي بتوقعون انها ماتت ...
    بس نارا تصارخ عليهم ودفهم بقوه وهي تضرب نوف بتوحش ...
    يزيد تقدم من نارا ...
    وهو الوحيد اللي قدر يشد نارا بقوه من يدها عن نوف ...
    للدرجة انو نارا تأملت بيدها بقوه من شد يزيد عليها ...
    -(يزيد لف نارا عليها وهو يقول بغضب :~ تبين تقتلين البنت انتي ولا ايش ...!!
    موب كفايه الإشاعات اللي تتهتمك بقتل اخوك وريان ...
    تبين بعد تدخلين السجن مره ثاني ه ...!!!
    انتي مجنونه ..!!!تبي تأكدين للناس هالإشاعات اللي طلعت عنك ولا شلون ...!!
    ((نارا سآآآآكت ه ...
    مصوودمه من يزيد اللي رافع صوته عليها بشكل سخيف قدام العالم اللي تطالعهم ...
    من صباح الله وهي تدوره ...
    تبي توريه شكلها اللي متغير مليون درجه ...
    لبست تنوره عشانه ..
    تغيرت عشانه ...
    بالأخير كذا يصير فيها ..!!!
    كذا يفشلها قدام خلق الله ...
    فيصل ماتحمل وضع اخته تنهان من رجال غريب ...
    توه بينزل بس قروب فيصل مسكوه بقوه وهم يقولون :~
    انت مينون .. لو تنزل انسى شهادتك ...
    لا تنسى اللي ساويته قبل ...
    -(فيصل بغضب وهو يسحب يده منهم :~ بالعنه الشهاده ..
    اختي تنزف جدامي وانا متكتف ماأسواي شي ..!!!
    ((لف بيروح للنارا بس وقف لما اختفت نارا ويزيد ...
    عقد حواجبه وين راحو ..
    تو كانو قدامه ...
    أما الحين موب موجودين ...
    لأن يزيد سحب نارا للداخل بعيد عن القاعه والناس ..
    شالو نوف للإسعافات ...
    أما الوضع بالاقاعه توتر ...
    صحيح كل شي صار هدوء بس شوشرات الناس صارت عاليه ...
    عشان كذا كملو الحفل عشان مايخرب أكثر ماهو انعفس ..
    مره مع فيصل ومره مع نارا ومره مع ميشو ...
    ((شعبة فيصل دورها الحين ...
    بس خلونا نرجع شوي ونشوف ايش صار مع نارا ويزيد ...
    لما دخلها الغرفه باعصاب تلفانه منها ...
    -(يزيد بغضب :~ نارا انتي شلون تفكرين ..!!!
    البنت لو تموت انتي تبدخلين السجن ومأتوقع انك راح تطلعين ...
    اصلا هذا اذا ماطبقو القصاص عليك ..!!
    بجد بجد بجد انا مصدوم منك ..!!!
    يعني احيانا اقول مافيه مثل نارا بذكائها وعفويتها ..
    بس هالمره عكستي لي كل شي ..
    -(نارا بعبرتها :~ لا لا تقول جذي ...
    بعيدن انت ماالحظت انا قد شنو متغيره عشانك ..!!!
    -(يزيد بدون شعور وهو مرره معصب :~ مابي الاحظ وعمري مالاحظت ..!!
    اقول لك بغيتي تموتين البنت وتقولين لي متغيره عشانك ..!!
    نارا انتي بتجننيني بجد ..
    لا لا جد بتجننيني ..!! ..
    -(نارا :~ انت ليش تقول جذي ..!!! ... بعدين انت ليش معصب ..!!
    نوف هي اللي قصت تنورتي وعباتي ..!!
    وانت قاعد تدافع عنها جدامي ..!!
    انا اللي المفروض اعصب ..!!
    بعدين انت ليش ماترد علي من يومين ..
    ومن الصبح الدورك وماألاقيك ..
    بعدين لما ناديتك اليوم بالحفل ليش ماعبرتني عالأقل ..
    طيحت ويهي جدام الكل وانت تتجاهلني ..!!
    انا شساويت لك ..!!
    لا صج انا اللي المفروض اعصب عالحركات السخيفه اللي تساويها لي ..!!
    لا تنسى يايزيد اني سويت اشياء انا بالعاده موب متعوده عليها بس عشانك
    مستعده اساوي كل شي ..!!
    انت شفيك صاير جذي غريب ..
    يزيد انا احس اني ماأعرفك على آخر الأيام ..!!!
    يزيد انت ل....
    -(قاطعه ا بيأس وضيقه مو طبيعيه :~
    أن ا متزوج ..!!!
    أفهمي أفهم ي ...
    أنا متزوج ...
    بس أحبك انتي ...

    $$ ماأقدر أوصف الصدمه اللي نارا فيها الحين ..$$
    بس اللي أقدر اقوله ..$$
    مث ل ماأنتو مصدومين ..$$
    نارا ضعف ضعف ضعف صدمتكم من يزيد $$

    ((للحظات من الصدمه اللي فيها نارا ...
    ضحكت بصوت ساخر وهي تقول :~
    انت مينون ... شقاعد تقول ..!!!
    -(يزيد نزل راسه :~ هذا اللي سمعتيه ...
    انا متزوج .... نارا ...
    نارا انا متزوج من قبل لا أعرفك ...
    بس الحقيقه .. هي ...
    لما وصتني جدتك الاقيك ...
    بعدها تركت زوجتي بالسعوديه ..
    وجيت ادورك ...
    وفي بالي اني راح الاقيك وأرجعك وعادي تمشي الأمور مثل قبل بحياتي ...
    بس الي ماكنت حاسب له حساب ...
    هو اني صرت احبك ...
    لا لا موب احبك وبس ...
    نارا انا كلمة أعشقك ماتكفي أوصف لك مشاعري ...
    صار كل شي عكس اللي خططت له ...
    صرت احبك يانارا وماأقدر افارقك ...
    حتى من بعد مالقيتي اهلك ...
    انا قررت من بعدها نتفارق ...
    رجعت للسعوديه وقررت انساك ...
    بس المصيبه اني رجعت لك بالإمارات بنفسي وأنا موب قادر انساك ابدا ...
    حاولت وربي حاولت ..
    بس فشلت ...
    حاولت موب عشاني .. عشانك انتي يانارا ...
    عشان ماتتأذين لما تعرفين اني متزوج وكذبت عليك كل هالمده ..
    صدقيني .. وربي ماكان ناويني اكذب عليك ابدا ...
    بس لما حبيتك مابغيت اخسرك ...
    كنت اناني ومأفكر غير بحبي لك ...
    بس بعيدن خاولت ابتعد عنك ومثل ماقلت لك فشلت ...
    أدري انك تكرهيني الحين ...
    أدري انك حاقده علي الحين ...
    بس الحقيقه هذي وماأقدر اغيرها ...
    ولو بيدي ماكان سمعت كلام الرجال اللي بحسبة عمي ...
    كنت أحترمه كثير ... عمي هذا له فضل كبير علي ...
    ماأقدر أوصف لك شكثر فضله مغرقني ...
    عمي كان عنده بنت قبل لا يموت ...
    لما كان عمري 19 سنه ... توني صغير مالي ومال الزواج ابدا ..
    بنته تقدرين تقولين انها موب بعقلها ...
    يعني مهما تكبر ..
    عقلها يضل طفولي جدا جدا جدا ...
    بنته كانت مره وبشكل كبير متعلقه فيني ...
    رغم انها أكبر مني بثمان سنواات تخيلتي كيف ...
    كانت تطلع وماتعرف شي اسمه عبايه لأنها بعقل طفولي ...
    أبوها كان يتضايق لما تطلع بنته لي وتطلب مني العبها ...
    لين جى اليوم اللي طلب مني عمي اتزوج بنته
    أول شي عشان يقدر يأمن مستقبل بنته مع واحد واثق فيه ...
    وثاني شي لأنها تطلع علي بدون عبايه وهذا كان يضايقه ...
    وبعد زواجنا ماراح تحتاج للعبايه ...
    انا ماقدرت اقول لا ... فضله علي كبير ..
    ولو اقول له لا مابي بنتك راح اكون واحد بدون اخلاق ..
    بعد فضايله علي وعمره ماطلب مني شي غير هذا اقوله لا .!!!
    بكذا تزوجتها ...
    ضيعت شبابي بزواج وانا صغير ...
    زواج مايتسمى ابدا ابدا زواج ...
    هي بغرفه وأنا بغرفه ...
    يعني لو أقرب منها يمكن تنجن لأنها بعقل طفل وماتفهم غير انها تجلس جمي وألعبها
    وتلعب معاي ...
    يعني ماأقدر اسمي نفسي متزوج ...
    عمري مادخلت عليها .. لأني لو بدخل عليها راج تكون مجنونه وهذا اللي قاله
    الطبيب الخاص فها ...
    يعني تقدرين تقولين يتسمى عمل انساني لا أكثر ولا أقل ...
    بعد كم شهر مات عمي اللي هو ابوها ...
    لما مات .... أمجاد اللي هي زوج .... (ماقدر يقول هالكلمه قدامها فقال :~
    اللي هي بنته ... سائت حالتها ..
    صارت ماتتكلم .. ماتتحرك ... حتى اني أكلمها .. أحاول أذكرها فيني ...
    ساكته ... تطالع فيني ولا كأنها تعرفني ...
    منسدحه والممرضه الخاصه فيها طول الوقت معها ...
    ((يزيد ماحب يدخل بالتفاصيل عشان كذا كمل يقول :~
    نارا انا ماأكأني متزوج ....
    انا ماأعتبره زواج ...
    تخيلي لي ثلاث سنوات ماشفتها ولما رجعت لها ..
    على نفس حالتها ماعرفتني ابدا ...
    منسدحه وماتتحرك ...
    نارا اتمنى انك تفهمين الوضع كيف ...
    -(نارا تقدمت منه بهدوء ثم قالت :~ انت متزوج ..!!!
    -(يزيد فتح فمه بيتكلم بس سكت لأنه ماعاد يدري وش يقول أكثر من اللي قاله ..
    متزوج أي متزوج ... بس ماأعتبر نفسي متزوج ..!!
    وش بعد يقول اكثر من كذا ...
    سكت ونزل راسه ...
    -(نارا بصوت عالي ودموعها نزلت مره وحده :~ كذبت علي ..!!
    ياحيوان ثلاث سنين تكذب فيها علي ..!!!
    حقير ... انت واحد بدون ضمير ...
    خليتني احبك للجنون وبالأخير تقول انك متزووج ..
    -(يزيد بضيقه :~ نارا انا كل مره ابي اقول لك بس انتي ماعطيتين فرصه ..
    دايم تقولين لي مايهمني أي شي غير اني احبك وتحبني ..
    نراا انتي ماعطيتيني فرصه اقول لك ...
    -(نارا بقوه عطته كف رغم انه ماأثر فيه شي لأن ضربتها على طاقتها ماتساوي شي
    قدامه ...
    :~ كذاب .... لعبت علي ..!!! تسليت فيني ..!! ...
    بالنسبه لك كنت مجرد تسليه تلعب عليها ..!!!
    متتزوج ..!!! كذبت علي ..
    ((يزيد منزل راسه بدون أي كلمه ...
    نارا صارت تضربه بقوه من صدره وكتوفه ...
    وهي تبكي من قلب وتردد كلمة كذاب ...
    لعبت علي ..
    تسليت فيني ...
    ((رفع راسه للفوق ثم نزلت دمعه منه وهو يشوف نارا كيف
    تصارخ عليه ....
    -(نارا جلست عالأرض عند رجوله وهي ماسكه بلزته وشادتها وهي تبكي بقوه
    وتقول :~ شأكثر من جذي ..!!
    جذبت علي وتسليت فيني ..!!
    أكرهك ..
    أكره ك ...
    آآآآآآآآآآآآآآآه ((صارت تبكي بصوت عالي بشكل ملفت جدا ..
    حتى اللي برا الغرفه دخلو يشوفون شسالفه ..
    صوت بكيها عالي لين برآ ...
    ((يزيد عطاهم نظره وكأنه يقول أطلعو ...
    بدون أي كلمه طلعو ...
    أما نارا بعد بكيها العالي ..
    وقفت وهي تحاول تجمع شجاعتها ...
    التتفت عليه ثم قالت بين دموعها وهي تمسحهم بحقد وغضب :~
    لا عاد اشوف ويهك مره ثانيه ...
    ((لفت بتروح بس يزيد مسك يدها وهو يقول بضعف :~ نارا لا تنسين اني احبك ..!!
    -(سحبت يدها بقوه وصرخت بوجهه بحقد وكره :~ بس أنا أكرهك ...
    أكره ك للجنون ...
    ((قربت من وجهه بقووه وهي تصارخ عليه بغضب :~
    أنا ... أ ك... رآآآآ .. هك ...
    أكرهك ...
    لا عاد اشوف ويهك يالجذاب ...
    ((لفت ثم طلعت من الجامعه بكبرها وهي تبكي بصوت عالي رغم انها تحاول تكتمه ...
    دايم حظها بالحياه ...
    صدمات ورى بعض ...
    صدمات تجرحها وتكسرها ...
    ((نر جع للقروب فيصل ...
    المسؤل بسرعه طلب من شعبة فيصل يتقدمون .....

    أنتهى البارت ...
    $$ أحداث روايتي لكم لم تنتهي $$
    رغم أن النهايه قربت ...$$
    لكن فيرزاتشVirsatChe ي عودتكم $$
    على كل ثاني ه ... مليئه بالأحداث المفاجأه للجميع ..$$

    تحيات ي وسلامي للجميع ...
    أختكم ...
    فيرزاتش ي ...
    SALAM………………..

صفحة 41 من 52 الأولىالأولى ... 31394041424351 ... الأخيرةالأخيرة
الدورات التدريبية جامعة نجران
يشرفنا اعجابك على فيس بوك facebook