مشاهدة : 1080488
صفحة 1 من 413 1231151101 ... الأخيرةالأخيرة
النتائج 1 إلى 1 من 413
Like Tree1Likes

رواية توأم ولكن أغراب في الجامعة الامريكية


مقالات مشابهه موضوع على صله

  1. أشهر شخصيات الأنمي
    بواسطة الفارس750 في المنتدى افلام انمي كرتون رسوم متحركة Anime Cartoon
  2. Manhunt 2 ( الحل الأول عربياً وحصرياً )
    بواسطة محمد عبود سلوم في المنتدى العاب اكس بوكس Games Xbox
  3. بإلغاء عقده مع وكيل أعماله , أحمد عطيف: الهلال والنصر رفضاني , وسأذهب إلى صاحب العرض الأفضل
    بواسطة مجنون الارسنال في المنتدى كورة رياضة كرة قدم Football Sports
  4. وأخيـــراً: الحـل الكامـل لـ Bully ; (تفضلوا)ارجو التثبيت
    بواسطة علي = the king في المنتدى العاب اكس بوكس Games Xbox
  5. Harvest Moon: A Wonderful Life Special Edition
    بواسطة الحـــ النـــــــداوي ــــــر في المنتدى العاب اكس بوكس Games Xbox
  1. #1
    صورة خواطر مجبورة
    خواطر مجبورة غير متصل صعب اننا نوصفه
    تاريخ التسجيل
    Mar 2009
    الدولة
    بنت جـــدة ..رقة وحــدهـ.. اليا ناظرت..شـــــــامخ تـهدهـ
    المشاركات
    2,219
    Thanks
    0
    شكر 0 مرات في 0 مشاركات


    هاي كيفكم اليوم جايبتلكم رواية للكاتبة / دم حبيبي يرويني انشا الله تعجبكم يارب


    العنوان :
    توام ولكن اغراب...في جامعه امريكيه ..
    وهي روايتي الثالثه ولكن الاولى بنشرها ...
    واتمنى الاقي منكم الحماس المتوقع . انشالله تعجبكم


    بالسعودي ه.. وبالتحديد بالرياض ...
    في ذالك اليوم الممطر ....
    بعد غياب ابن هذه العائله الكبيره والغنيه ...في سفره للروسيا ....
    عاد اليوم وهاهو يحمل امتعته وكله شوق للاهله .....
    للابوه وامه واخيه الصغير الذي لا يتجاوز . 9سنوات ..بندر...
    ...............................................
    يمااااااااه يوبااااااااااه وينكم ؟؟؟بندررر.....
    الام فزت من كرسيها على طاولة الاكل :يومه ولدي . ولدي بدر ..
    (الكل فز من كرسيه وبداخلهم شوق لولدهم اللي فارقهم من خمس سنوات يشتغل برا)
    ...............................
    لحظات صمت . وحنين .
    الجميع بدا بالسلام والكلمات المشتاقه للبعضهم ...
    ترحيب حار يملئه الشوق ...
    ولكن فجاه .. قال بدر برتباك وخوف :
    ابي اعرفكم على ... على . ااااااا... على نيكول زوجتي ...من روسيا ....
    فخرجت من الباب الكبير الظخم .. امراه فائقة الجمال ... تبهر بها اعين البشر ...
    شعر اشقر ...عينان كلون السماء الصافيه .. بياض كبياض الثلج الهادي .... نعومه فائقه ....
    جسم ممشوق .. تغطيه العبائه .. ابتسامه تذوب لها القلوب ...
    ولكن ....
    الجميع وضع يده على قلبه .... مصدومين ماتراه اعينهم وماسمعت اذانهم ....
    عائله كبيره ومعروفه بالرياض كلها .. عن سمعتهم ومالهم اللي مايتقارن باحد ...
    غجاه ولدهم يغدر من وراهم ويتزوج بنت من اصل روسي غير عربي وبالتحديد سعوديه....
    ومن عايله مايعرفون وش اصلها .. ومو من مستواهم ....
    الابو راح عند ولده وقال بكل هدوء :
    شقاعد تقول انت ؟؟؟
    -(بلع ريقه اللي جف من الخوف وقال
    مثل ماسمعت يوبه .. هذي زوجتي .. تزوجنا من سنه ...وهي حامل الحين بشهرها الثالث ...
    -من ورانا ؟ وبدون ماندري ؟؟ وعلى بنت ماينعرف وش اصلها ؟؟؟وروسيه بعد ؟؟؟
    (وهاهو حدث مالم يحسبه اي شخص ولا حتى بدر بطلنا ..
    اما بندر اللي واقف من بعيد يطالع بخوف وهو يسمع الصراخ من ابوه للاخوه بدر .. مايدري ليه بس عرف ان هذي زوجة اخوه .....
    (وبالاخير قال ابوه بكل عصبيه وجنون :
    اطلع برا مابي اشوف رقعة وجهك .. ولاعاد انت ولدي ولا اعرفك .. فظحتني بين العالم وش بيقولون اذا درو .
    ولده تزوج من وراه على بنت موب عربيه ؟ ماينعرف وش اصلها ؟ بنت شوارع شوار........
    (بس بدر ماتحمل وقاطع ابوه :
    يوبه ماسمح لك تقول عنها بنت شوارع ......
    (ماعاد قدر يستحمل الابو اللي يصير وقال :
    اطلع برا . وانا متبري منك ليوم الدين .. لا انت ولدي ولا اعرفك من اليوم ورايح ..
    (طاحت الام عليهم من اللي قاعده تشوفه وتسمعه ... بندر ركض للامه وهو يبكي مايدري وش سالفتهم بالظبط بي اللي يعرفه انه خايف على امه .
    -(صرخات طفل . يبكي : يومااااااه يوماااااااااااااااه .. يوباااااه شوف امي طاحت . بدر بدر اخوي ..
    شوفوا مي .. يومااااه ...
    (ركضو بكل خوف عند الام ....
    وعلطول على المستشفى . الكل على اعصابه .. خايف ويدعي ان ربي يسترها ...
    (طلع الدكتور بعد ساعه ونص .... سالوه بكل خوف ...
    بس كانت الفاجعه عليهم لما قال :
    اسف اني اقولكم ان الوالده اصابها شلل نصفي من اثار صدمه ماتحملتها ...الله يكون بعونكم وعونها يارب ...
    (كانت مثل المويه البارده اللي انكبت عليهم فجاه ... بدر ماتحمل يمسك دموعه اللي انسالت على خذه بدون سابق انذار ..
    والاب اللي جلس عالارض ماقدر يوقف على رجوله ...مسك راسه بكل اسف وحزن ..
    اما بندر الطفل البريئ راح عند ابوه وقال بكل خوف ودموع :
    بابا ايش يعني شلل ؟ بابا ماما ماتت؟؟؟
    (مارد عليه بس بدر مسك اخوه وظمه وهو يبكي .. ماطولو على هالحال الا والاب يبعد بندر عن بدر ويقول بكل عصبيه وغضب جنوني :
    روح باللي مايحفظك .. انت السبب بكل اللي صار ..لا عاد اشوف وجهك مره ثانيه ... انا متبري منك ..
    روح رووح باللي مايحفظك ...
    -(بين شهقات دموعه::بس يوبه . يوبه تكفى لا تقسى علي كذا . انت اسمعني بالاول ..
    صدقني انا ........
    -(قاطعه بغضب اكبر :اقولك اذلف عن وجهي يالخسيس ...
    -(بتوسل جالس على الارض وماسك ثوب ابوه : يوبه تكفى . يوبه تكفى لا تقسى علي انا ولدك ...
    -(بغضب اكبر : لا انت ولدي ولا انا اعرفك .. ومن اليوم ورايح مالك ولا فلس من عندي .. روح وعيش حياتك مثل مانت تبي .. اذلف الحين عن وجهي ....
    بس يوبه ..
    (راح وتركه ومسك ايد ولده الصغير اللي مو فاهم شي غير ان ابوه زعلان على اخوه بدر ...
    ................................................. .........................
    (مرت الايام والشهور ..
    بدر سافر للامارات في دبي وعايش حياته بشقه صغيره مع زوجته نيكول اللي متنرفزه من الوضع الفقر ... كانت متوقعه ان حياتها بتكون كلها فلوس بفلوس ... بس صار اللي ماتبيه ..
    وهي عيشة الفقر اللي متعوده عليها من طلعت بالحياه .. رغم ان بدر يموت فيها ومعمي عن اي شي ثاني ....
    صارت بالشهر التاسع .... وعلى نهاية الاسابيع .(بالمعنى : واصل ...
    كانت نيكول واقفه قدام بقاله قدام شقتها وتناظر ساعتها وهي مستغربه ليش بدر تاخر للحين من الصباح مارجع ؟
    بس لحظات من تفكيرها الا ... ورن جوالها :
    هالاو..............(بصرخه : واااااات ..؟؟؟؟؟؟؟!!!!!!!!!
    علطول ماحست بنفسها الا وهي بالمستشفى بتولد ..كانت تصارخ .. تبكي ...
    اي نعم تبكي على زوجها اللي رحل وتركها مع اللي ببطنها ؟؟........ وصلها خبر عن حادثه بالصباح وهي الحين المغرب ... بس مالحقو عليه .. توفي بثواني من حادث سياره عنيف ..
    (صرخة ....
    طفل خرج بالحياة.....
    (لا بل اصبحت صرختان للطفلتين هاهم خرجو للحياه ...ولكن....
    كانت صدمه عندما سمعو الجميع صرخة الطفل الثالث الذي الصبح ولد .....
    بالقليل في حيانتا نجد ثلاث توائم .. فكيف اذا كان الربع توائم ؟؟؟
    وهذا ماحصل مع نيكول .. عندما سمعو صرخة الطفله الرابعه ...؟؟؟؟
    الممرضات منبهرين مما يرونه .....
    ثلاث بنات وولد واحد توام ؟؟؟؟؟؟
    اول مره تحصل عندهم بالمستشفى ؟؟؟؟.........
    -(بعصبيه من الدكتور كيف مالها ملف الدعوه سيبه . تولدون بدون معلومات عن الحامل ...؟؟؟
    -(الممرضه بخوف: دكتور نحنا مابنعرف عنا انو شي . لسا ماصحيت المريضه مشان نسالها او بندا ع حدا من ارايبينا ...
    طيب من اللي جابها للمستشفى ؟؟
    واحد راعي تاكسي بيئول شافا طايحه بالشارع وجابى للهون بسرعه . وهوا مابيعرف عنا اي شي .؟؟
    (الدكتور خايف ان احد يدري من المستشفى كيف يسمح للقسمه بالولاده يولد احد بدون ملف متواجد عندهم من قبل ومايعرفون اي شي عن هذي ....
    في اليوم الثاني ... جت الممرضه تركض للعند الدكتور خايفه ...
    -(صرخت بخوف لما دخلت على غرفته بدون استاذان دكتور المريضه مانا موجودا ..
    -(برعب: كيف يعني ؟.. هرب ت !!!!!!!
    -(بخوف مابعرف بس تركت هاي الورئه على سريرا ..
    (خذ الورقه بيدين ترتجف . اتسعت عيونه من الصدمه وهو يقرى المكتوب بخط انقلش ...
    والمعنى هو :
    اطفالي ابناء بدر ابن سعد ابن محمد ال................
    (الدكتور عرف صاحب هالاسم المشهور بالرياض من تجارته الكبيره اللي كل اعماله بدبي .. معقوله هذي زوجة ولده بدر ؟!!!!!وهو يعرف بدر اللي دومه مع ابوه يشتغل معه بدبي
    كيف ومتى محد سمع عن هالزواج ؟؟
    ومن اجنبيه ..
    بس الفاجعه الاكبر .. ان بدر امس توفي بحادث .. معقوله هذي الاجنبيه متبليه عليه ؟؟؟
    كل شي بيثبت اذا سالنا الاهل اما الاجنبيه واظح انها هربت من عيالها .....
    بس وين بتكون ؟؟؟..... كل شي طاح على راس هالدكتور ..
    وامهم اللي هربت منهم ... وتبلت شخص انهم عياله .؟ شخص متوفي بعد ..
    ولله مصيبه على راسك يادكتور محمد ...
    لازم اتصرف قبل لا احد يعرف بهالمصيبه اللي يمكن تفصلني عن العمل بسبب اهمالي واهمال قسمي للقوانين ...
    (الدكتور محمد سافر للرياض بعد ماياس من سعد انه يرد على مكالماته .. بس كانت الصدمه عالكل لما قال بكل ثقه :
    ولدي ماتزوج اصلا لا على اجنبيه ولا على عربيه . واذا عندك اعتراض على كلامي جيب لي اوراق تثبت ان هذولي عيال ولدي بدر .
    -(الدكتور بتوتر وخوف منمشكلته اللي طاحت على راسه : بس . ااا... المريضه كتبت اسم ولدك وموب معقوله تكتبه من باب للطاقه ..
    -(ولله هذي مشكلتكم انا مالي شغل فيها .. واذا عندك اثباتات على صحة كلامك جب لي اوراق تثبت ان ولدي اصلا متزوج او عنده عيال من وحده اجنبيه راميه بلواها على ولدي ...والحين مااعتقد فيه كلام بينا ...
    -(تنهد بصعوبه من هالمشكله اللي جت على راسه هو .. قام ثم طلع بدون ولا كلمه ..
    يفكر وش راح يسوي بهالمواليد التوام .. كيف بيلقى ابوهم .. هل هو بالفعل عيال المرحوم بدر ولا ابتلاء عليه فقط ..
    (مر شهر على هالوضع والمستشفى كله درى عن هالسالفه .. الدكتور محمد فصلوه بعد ماياسو من وجود نسب للهالاطفال المساكين ....
    اما الاطفال قررو يودونهم للدار الايتام ....
    (كل من بالمستشفى ضايق صدره على حالة هالاطفال ....
    كل من يطل عليهم بالحضانه ينبهر بصفاء وجيه هالاطفال المتشابهين بكل حاجه ....
    بريئين . مظلومين من قبل اهلهم المتسلطين ..
    امهم انحاشت وتركتهم . وابوهم توفي بحادث . وجدهم تبرى منهم بكذبه محد قدر يثبت لها اوراق قانونيه .
    <<<الكل يعرف بالمستشفى عن هالقصه بس مايدرون اذا صدق هذولي عيال بدر او لا ...
    """"""""""""""""""""""""""""""""""""""""""""""
    (في ليله من اليالي . ام واب حالتهم تقطع القلب . يبكون على توامهم المتشابكين بالراس ..
    ينتظرون العمليه تنجح .. عائله امراتيه يعملون للتوامهم عمليه للفصل توام ...
    بعد ساعات طويله تملئها الانتظار والخوف والدموع ..
    طلع الدكتور ومعهم خبر سيئ وخبر حلو ...
    التوام... واحد منهم عاش والله الحمد والعمليه نجحت فيه ... والولد الثاني توفي وماقدرو ينقذونه ...
    الام انهارت ... والاب يحاول يخفف على زوجته ...
    بعد مرور يومين .. هذي العيله درو عن قصة اطفالنا الاربعه التوام .. قرر الاب ياخذ الولد ويكون توام
    للولدهم يعوضهم ويعوضه عن ولدهم الثاني اللي توفي ....
    بعد اجرائات القانون .. قدر اب هالعائله ياخذون بطلنا توام البنات ويربونه عندهم بالامارات ...
    عائلتنا الاماراتيه تتكون من :
    الام زينب ... ربة منزل .. فيها من الشطانه حقها _^
    يعني بالمعنى قشيرا)
    الاب: محسن .. لاهي بمشاغله في العمل .. رغم انه مو لذاك الزود تاجر . يعني متوسط الحال ..
    -(منى عمرها ثلاث سنوات ... مقعده عالكرسي ....
    ولدهم تركي توام المرحوم ....
    اما بطلنا اللي تبنوه ... فيصل ..
    عائله جدا بسيطه لها اعمام وخوال جدا بسيطين من الناحيه الماديه ماعدا عم واحد وراح نتعرف عليهم شوي شوي من خلال قصتنا ...
    """"""""""""""""""""""""""""""""""""""
    عجوز عاقين فيها عيالها .... تركوها بالمستشفى وماهتمو فيها ... سمعت عن قصة التوام .. وقررت انها تاخذ لها بنت عالاقل تعوظها عن عيالها العاقين فيها ...
    بعد الاجرائات اللي طولت كالعاده وهي صابره لانها معزززمه على اللي ببالها . وهي اصلا حبت البنت اللي تبيها رغم انها ودها تربيهم كلهم بس مو على كيفها بسبب عدم استطاعتها للصرف عليهم بمنزلها الصغير الفقير ...
    وبذلك استطاعت ان تاخذها للتربيها بمنزلها الصغير في حيها الفقير ...
    العجوز تدعى موزه ..
    وعيالها ثلاثه كبار ..
    -(يوسف . عمره 32 سنه . متزوج من الجازي وعندهم ثلاث عيال صغار ....
    -(ماجد ... عمره 28 سنه متزوج من مي .... وعندهم بنت وولد ...
    -(فهد ... وعمره 20 سنه يحب له بنت اسمها رنيم وناوي يتزوجها ...
    (وكل واحد الشر من الثاني ..لوول
    اما بطلتنا اللي سمتها :
    ليان
    """"""""""""""""""""""""""""""""""""""""""""""
    اما الدكتور محمد ... اللي فصلوه من عمله قرر انه ياخذ وحده من البنتين ويربيها ....وهو ماعنده غير بنت ولد واحد ...
    زوجته اسمها مها ..... مهمله لبيتها ولزوجها وحتى لولدها .. وكانت اول من يعارض فكرة التبني .. خاصتا للبنت ماينعرف وش اصلها ..
    بس محمد ماعليه منها وطنشها وهو معزم انه يربي وحده من ابطال قصتنا ...
    ولدهم بنفس عمر ابطالنا لانها ولدت بنفس شهر توامنا .. واسمه مشاري ....
    لما انتهت الاجرائات ... قرر يسميها محمد ...
    نارا
    عايشين في شقه بعماره من خمس ادوار ....
    بسيطه ومتواظعه الشقه ...
    وحياتهم جدا متواظعه وبسيطه زود بعد مانفصل من عمله وراح يدور له وظيفه باي مستشفى ثاني ...
    """""""""""""""""""""""""""""""""""""""""""""
    بقي في المستشفى طفله وحده من ابطالنا ... الكل متعاطف معها كيف انو مافي احد جى يتبناها ويربيها عنده ...
    كل الممرضات يمرون على هالطفله ويهتمون فيها تعاطف معها لانهم عارفين ومتاكدين انها راح تروح للدار الايتام ..
    بهالمستشفى فيه دكتوره نفسانيه ... متعاطفه مع هالطفله البريئه المظلومه من قصتها الغير معروفه ....
    دكتوره الرمله ..... وارثه من زوجها المال الكثير . زود على مكانتها بالدكتوراه النفسانيين ...
    دكتوره ليلى .......
    اليوم راح يجون اصحاب الميتم وياخذونها .....
    بهالوقت وفي هالساعه دخلو اصحاب الميتم بياخذون الطفله عندهم ....
    دكتوره ليلى واقفه من بعيد وعيونها غرقانه دموع ماتدري ليه هالبنت داخله قلبها ......
    كل الممرضات حبو هالبنت الرضيعه بما انها جلست معهم اكثر من توامها .. شالوها مع اغراظها من المستشفى ولفوها ببطانيه صغيره ورديه .
    بس فجاه الدكتوره ليلى راحت تركض عندهم وسحبت البنت منهم وضمتها للصدرها الحنون ... ودموعها على خدها صافيه ...
    قررت بدون تردد هي اللي تربي هالبنت ....
    وسمتها تولين
    وبالفعل ... انتهت الاجرائات حول موضوع التبني طبعا ماتنحسب بعايلتها .
    تطبيقا للاسلام واحكامه للكل ابطالنا اسماء بنسب مجهول ....
    التعديل الأخير تم بواسطة خواطر مجبورة ; 03-07-2009 الساعة 06:32 PM

صفحة 1 من 413 1231151101 ... الأخيرةالأخيرة
منتديات مدرسة المشاغبين
الدورات التدريبية جامعة نجران
يشرفنا اعجابك على فيس بوك facebook