مشاهدة : 13269
النتائج 1 إلى 4 من 4

كتاب للبنات .. كيف تصطادين عريساً

السلاااااام عليكم ورحمة الله وبركاته اخباركم يا حلوين:) اليوم وانا اتصفح الانترنط لقيت لكم هالاعلان العجيب ولا حظوا مهم جدددددداً وهذي قصة وحده من العوااااانس

  1. #1
    صورة ورع مشاغب
    ورع مشاغب غير متصل طالب ابتدائي
    تاريخ التسجيل
    Aug 2009
    الدولة
    llllll
    المشاركات
    57
    Thanks
    0
    شكر 0 مرات في 0 مشاركات
    Rep Power
    6

    كتاب للبنات .. كيف تصطادين عريساً


    السلاام عليكم ورحمة الله وبركاته

    اخباركم يا حلوينكتاب للبنات .. كيف تصطادين عريساً smile.gif

    اليوم وانا اتصفح الانترنط لقيت لكم هالاعلان العجيب
    ولا حظوا مهم جدداً

    كتاب للبنات .. كيف تصطادين عريساً e3lan_3geeb.jpg


    وهذي قصة وحده من العواانس لما لقت الاعلان


    7

    7

    7


    تقول:::


    وانا اتجول عبر بلوقات العوانس شفت كتااب غريب اسمه كيف تصطادين عريساا


    يعني مصر العزيزة ماخلت شي بكل شي دخلت فييه وانشرت افكاره الثقافيه والتعليميه حتى شلون تتزوج البنت هم نزلت كتاب ومسويه له دعايه.


    على طول خطر على بالي موقف واجهني ايام الثانويه كان فيه وحده الله يذكرها بالخير كانت دايما تقول انا رئيسه مؤسسه لا للزواج مع انه عمرها كان 16 سنه وعلى قدر عالي من الجمال بس مادري شنو بينها وبين الزواج فترتها وطبعا انا مع الخيل يا شقراا لازم اعطي رايي بكل صغيره وكبيره وبما انهاا صديقه صديقتي قلت يالله خليني اشوف افكارهاا وتقول انه لازم البنت ماتتزوج الرجل غير ضروري في الحياه < وانا تماماا ضد مبدأهاا


    وما في وراا الرجال غير عوار الراس الخ الخ


    مادري شنو سالفتهاا وراء كرهها للرجال وسبب ترويجها للمؤسسه الفاشله هذي وكانت البنت هذي من النوع اللي تتفلسف زياده عن اللزوم يعني بجمله اخرى تبط جبدي وعله على قلبي شنو اللي جابرني اسمع فلسفتها الزايده الله اعلم


    عقب سنيين طويله صادفتهاا مع صديقتي هذي وطبعا يومهاا شرشحت صديقتي لانها ماقالت لي انه هذي البنت كانت موجوده معاهاا << لا اعلم سبب كرهي لهاا وبمعنى اخر غيرتي منهاا مع انهاا بياعه كلاام وعلى قوله ابوي ضراط على بلااط .


    وقت اللي شفتهاا فيه قلت فلانه انتي لي اللحين مع فكره مؤسسه لا للزواج


    وقتها البنت تبلعمت وجنهاا ضحكت بينها وبين نفسهاا ولون وجها تغير جان تقولي : انا ,, لاا هه الله يقطع سوالفج اماني انتي معروف عنج نسايه شمعنى هذي مانسيتيهاا


    جان اقولهاا : لاا والله يا بنت الحلال جنه عاجبتني كلمتج ( وطبعاا انا باسلووب استفزازي حقير) << احياناا لي اطباع كريهه.


    جان تقول : لاا هه انا متزوجه اللحين صارلي سنتين وعندي بنت .


    طبعاا انا مثل الطراااق على وجهي ( بقلبي اقوول ولييه وانا كل اللي اعرفهم تزوجوو بس انا قاعده عله على جبد ابووي حتى ابوي يقولي ساشوو ( اللي اهي قطوتي) جاهاا زوج وانتي ماجااج زوج)


    قلت لهاا : لاااه مبرووك والله مادريت ليش ماعزمتيني على عرسج ( لاا وبوقاحه اقوول لهاا واهياا تدري اني ما اواطنهاا بعيشه الله )


    جان تقولي: والله مااعرف لج طريج ولا جان عزمتج شوفي شوفي هذي بنتي.


    لما شفت البنت ولا جميله بس من حقارتي الزايده قلت لهاا يا حليلها طالعه علييج اهياا استانست ولا اقولهاا مو حلووه.


    اهياا وجههاا قلب مره ثانيه بس شكلها عصبت << للامانه البنت غايه في الجمال بس انا مثل ماقلت مادري شسالفه كرهي لهاا عشان جذي قهرتها بتعليقي على بنتهاا.


    جان تقوول اييه عشان صغيره انشالله تكبر ونحورف فيهاا << رد دبلوماسي احرجني قليلاا .


    قلت ايه مااشالله اذا مؤسسه لا للزواج بكبرها تزوجت عيل منوو بيمسك منصبج


    ولا ترد علي بوقاحه : انتي


    انا هني جنهاا داست لي على طرف واقعد اخزهاا نظره مثل القطاوه بالفرييج لما يتخاززوون ويبوون يتهاوشوون.


    جان اقولهاا اي انشالله خليني اشووف جدول حياتي واضيف هالمشرووع


    وبعدين اهياا ابتسمت بنوع من الخباثه جنها انتصرت علي وحسافه قامت وخلتناا وطبعاا اناا حطيت حرتي بصديقتي.


    فلماا شفت هالكتااب الجميل اقوول سلمت يدااك يا كاتب هالكتااب لوول يمكن راح استخدمه في يوم من الايام واقهر مؤسسه لا للزواج.
    واللي يعرف طريج لهلكتاب يقولي لوول P;

    7

    7

    7


    والله مسيكينه تكسر الخاطر اللي يلاقي الكتاب يرسله لها كتاب للبنات .. كيف تصطادين عريساً icon10.gif
    وهذي صورة الكتاب بس لا يفوتك التعليق اللي كاتبه واحد من الطيور خخ
    كتاب للبنات .. كيف تصطادين عريساً icon10.gifكتاب للبنات .. كيف تصطادين عريساً icon10.gifكتاب للبنات .. كيف تصطادين عريساً icon10.gif
    كتاب للبنات .. كيف تصطادين عريساً IMG_1028.jpg

    بانتظار الردود
    كتاب للبنات .. كيف تصطادين عريساً regular_smile.gifكتاب للبنات .. كيف تصطادين عريساً regular_smile.gif

  2. #2
    صورة ...lolo
    ...lolo غير متصل طالب جامعي
    تاريخ التسجيل
    Jul 2009
    الدولة
    السعودية
    المشاركات
    797
    Thanks
    0
    شكر 0 مرات في 0 مشاركات
    Rep Power
    6

    رد: كتاب للبنات .. كيف تصطادين عريساً


  3. #3
    صورة زخ المطر
    زخ المطر غير متصل طالب ابتدائي
    تاريخ التسجيل
    Jul 2009
    الدولة
    مسقط رأسي
    المشاركات
    119
    Thanks
    0
    شكر 0 مرات في 0 مشاركات
    Rep Power
    6

    رد: كتاب للبنات .. كيف تصطادين عريساً

    وأنا أحد الطيور ..



    يحرر
    التعديل الأخير تم بواسطة جنرال حرب ; 15-08-2009 الساعة 03:53 PM

  4. #4
    صورة جنرال حرب
    جنرال حرب غير متصل مراقب قدير سابق
    تاريخ التسجيل
    Mar 2009
    الدولة
    الأرض مؤقتاً
    المشاركات
    11,069
    Thanks
    0
    شكر 0 مرات في 0 مشاركات
    Rep Power
    80

    رد: كتاب للبنات .. كيف تصطادين عريساً

    فعلا غريب الحمد لله على نعمة العقل

    يعطيك الف عافية على الموضوع

    ننتظر جديدك بكل شوق

الدورات التدريبية جامعة نجران
يشرفنا اعجابك على فيس بوك facebook