مشاهدة : 6936
النتائج 1 الى 5 من 5
  1. #1
    ابو حسن القناص غير متصل موقوف Baand
    بسبب الاعلانات تم حظر جميع روابطه واي وسيلة اتصال
    تاريخ التسجيل
    Aug 2009
    الدولة
    المريخ
    المشاركات
    192
    Thanks
    0
    شكر 0 مرات في 0 مشاركات

    مدري انا مقصر .. و الا انت زعلان .. و الا خمس وعشربن هلله .. تفرق الخلان !






    * دعيهم واهتمي بعملك فما ضر السماء نباح الكلاب والذئاب تعوي والقافلة تسير

    ماضعت في بعادك ولا توهن عني ويتناساني


    *اجمع احزانك وهمك والعتاب
    وهلها وسط صدري هلها

    لاتخاف من الملامه والعتاب
    دام انا راضي سيوفك سلها

    فدوتك روح تحبك ماتهاب
    تتجه للموت لوتاشر لها

    تمشي بشورك ولوهو خراب
    لعنبو روح تعاند خلها


    *الله يرحم حبنا اللي قتلتيه
    جفت دموعي والبقيه في حياتك
    انتي بديتي الحب وانتي نهيتيه
    اقراي عليه الفاتحه في صلاتك
    الله واكبر
    من يسوي سواتك
    مره لبستي الحب ومره شلتيه
    هذا الهوى لا تحسبينه عبايتك
    قلتي احفظه تذكار واقول مابيه
    تذكار حبي

    هو شهادة وفاتك


    *كلي عيوب
    ومعجبتني عيوبي..!
    وانا عيوبي عند غيرك
    ×مزايا×


    *كيف احبك بعد غدرك من جديد
    انت حبك مات في قلبي اكيد
    سهم غدرك صابني بوسط الوريد
    وتركت النار تسعر بقلبي وتقيد
    قبر حبك اندفن وغطاه الجليد
    وقع غدرك كان على قلبي شديد
    لازم ترحلي عني وعن قلبي بعيد
    مستحيل الماضي يرجع ما يفيد
    كم مرة رجيتك وقلبك الظالم عنيد
    والحين بعدك وفراقك عندي عيد


    *نفسي اقول:
    اني حزين
    اني سجين
    ~ لكل ذكرى لك معي ~
    وابغي اقول:
    اني انا
    اشكي العنا
    ~ واقول للذكرى ارجعي ~
    وارجع اقول:
    ليت الهوى
    يجمع سوى
    ~ اهل القلوب اللي تعي ~
    ونسيت اقول:
    من الفراق
    الصدر ضاق
    ~ والعين هلت مدمعي ~


    *بحضر زفافك مثل باقي المعازيم
    لو كان في ليلة زفافك وفاتي
    بحضر نهاية قصة الحب والضيم
    واكتب على جرح الهواء ذكرياتي


    *(((خلك معا الويتنج)))و سلملي عليها..
    الله يسهل دروبك وتنساني
    و المعاذير تكفى لاتطريها..
    خذ رسايلك عطها لواحد ثاني
    الرسايل بليااا نفس...

    ماابيها,,,!!!


    *انا لا شفتك بضيقة احس اني انا الغلطان..
    اعاتب نفسي بنفسي ولو ما كنت انا الجاني..

    "طلبتك كان لي خاطر"

    تبعد عنك الاحزان.. فديت عيونك الحلوة تبسم لو على شاني..
    تصدق بسمتك والله.. تفرح خاطري الولهان..


    *هداك الله يا اغلى انسان
    علامك ليه علي زعلان

    اخاف اني عليك اخطيت
    انا اسف اذا غلطان

    سكوتك طال وحيرني
    قطع حبل الصبر مني

    ياليتك بس تكلمني
    كفايه الصمت انا تعبان

    نسيت اهلي على شانك
    عشقت اهلك وخلانك


    *حاولت احط لغيبتك عدة اسباب
    مستبعده منها (غرور)و(تجافي)
    طول غيابك واصبح القلب منصاب
    مدري علامك امرك اليوم خافي
    من عادتك(ت ش ت ا ق) والشوق غلا ب
    الله حسيبك طول البعد كافي


    *الا ياطفل لاتكبر ..
    كذا اجمل
    كذا اطهر
    كذا لاهم يتراكم
    كذا لاضغط لاسكر ..
    ترى اكبر كذبه عشناها..
    »يالله متى نكبر«
    احلم قد ماتقدر ..
    واذا خفت !
    خب احلامك بدفتر ..
    ترى الايام سراقه ..
    والاحلام .. تتبخر !!


    *يمكن طيبتي غلطة !
    تجازيني بها الايام،
    تعلمني اكون قاسي
    واخلي عيونهم ماتنام،
    خذوها سيرتي لعبة
    وزادوا بي جروح والام،
    نسوا انه الزمان يدور
    وانه ربهم علام،
    مصير الدنيا تجرحهم
    ويطعنهم كلام بسهام،


    *تزاعلنا وتراضينا ،،
    (~نسينا من خطا فينا~)
    ولاسمعنا ابد كلمه ،،
    (~تاخذنا وتودينا~)
    تلاقينا وفينا شووق ،،
    تفاهمنا بمحبه وذووق ،،
    لقينا الدنيا!'ماتسوى'!
    لويزعل احد فينا،،
    (~وهذا احلى مافينا~)


    *ياللي غلطت مسامحك
    بجيك انا واصالحك
    غصب علي ابعتذر
    غصب علي اسامحك
    من كثر ما اعزك وابيك
    اعذرك لومالك عذر
    انا ازعل اذا انت زعلت
    وارضى اذاانت رضيت
    واتحملك مهماعملت
    غلاك من قده غلاك
    تكبر وهو يكبر معاك


    *جلست اقلب اوراقي..
    لقيت ايام ماضينا..
    بكت عيني وبكت معها
    روحي..
    على ماكان يجمعنا..
    ترجيت الزمن يرجع عشان امسح مدامعي..
    لقيت ان العمريمشي
    وموسامع مواجعي..
    عرفت ان الزمن راحل
    ولاهوبراضي يرجعني.


    *اسالي الاهات وش كثر اسكنت
    اسالي الدمعات كم مره ذرفت

    اسالي شفاتي اخر مره اضحكت
    اسالي السعادة ليه ودعتني واختفت

    اسالي الاحزان ليه هامت فيني واسكنت
    وقتها تعرفي حياتي من فراقك كيف اصبحت


    *ريح حياتي معك وارتاح


    لاتزيدهمي وتشغلني!

    لاشفتني خذمعاك
    سلاح..!!


    صوب على قلبي واقتلني..!!
    وان شفت دمي بصدري ساح

    ضمني وبدمع عينك
    اغسلني
    وان اسالوك اهلي وش فيه راح..؟!
    قلهم غلطته ليش يعشقني..!!


    *تقول انك جبل راسي ولا الريح تتحداك ؟؟
    تقول انك جبل شامخ تموت ماتحني الهامه ..؟
    ولكن ياجبل قلي الا من جاك من يرقااك ؟؟!
    الا من صاار في القمه وطا هاامتك باقدامه
    نعم ماتنحني لكن انا لامن صعدت اطااك
    بغيت تكحل عيونك وصار بطرفك عتامه


    *وش اللي بس ابغيره؟اساافر اغير ديره؟
    مادام الجرح مثل ماهو.ويوم عن يوم غصب يكبر
    .مادام الناس من داخل مذبوح الامل فيها
    .اعز الناس مو سال عن دمعات اداريها؟
    وش اللي بس يخليني بلحظه ممكن اتفائل
    واضحك من وسط قلبي من دون مااشك واتسائل؟؟!


    *ودي انسى
    اني في ليلة بكيت
    يوم جيتك مادريت
    انك تنادي علي
    لجل تسالني عليك
    عن عيونك
    عن جنونك
    عن الم جرح جفونك
    عن حبيبة قلبك اللي
    للاسف كانت تخونك


    *تستغرب لو قلت لك اني احب احزانك
    و تصدق اتمنى اعوم في بحر حرمانك
    من قال ان الحزن يطفي نور الوانك
    و الله ما حبيت الحزن الا على شانك


    *تحسب انه بغيابك بذكرك في كل حزه..
    واتندم .. واترجى .. واعتذر .. وابوس راسك..
    للاسف كنت زقاره تنتهي في كم مزه..
    وانتهيت وماطفيتك واختنق غيري وداسك..


    *ياقلبي ريح البال
    واترك الكلاب تنبح
    اخرتها
    تموت من القهر
    وانت بالاخر بتربح


    *غدار ليه انا قلبي جرحته
    وبكلام الحب ووعوده خدعته
    نسيتني ياغدار بهذي السهوله
    وانا الي كل عمري مصدق ماتقوله
    اثر قلبي على حبك صبرته
    بانتظار وهم ليلي سهرته
    خنتني ياغدار بليا عذر
    وهذا الجرح بصدري قهر
    لكن لك يوم على حبي تندم
    وتذكر الماضي من هجر وتالم
    كنت احسب الايام واتمنى اشوفك
    وماظن ان بعد اليوم رجوعك
    ماهميتك حتى بعد الخيانه
    ولافكرت ترضيني برساله


    *لحظه حبيبي وقف هناك بالدور
    مانيب فاضي يمكن افضى لك شوي
    لازم تعيش المر وتعيش مكسور
    واكويك من جمر الهوى لاغدى حي
    ولو بعتلي عمرك فلا قلت مشكور
    لانك بعيني صرت كلك ولا شي


    *حسافه ضاعت ايامي مع مغرورة تكابر
    تناست اصدق احساسي تناست حبي الطاهر
    خدعها شكلهاالفتان تفكرحسنهانادر
    نست اني عزيزالنفس وعلى نسيانهاقادر


    *بكيت ودمعتي سالت على خدي تعاتبي وقالت لي: علامك انت كل ماضقت ذارفني
    سكت شوي ثم رديت"
    انا حزني يعذبني وكل ماقلت بكره زين يجي بكره يحطمني
    {ولي خل احبه حيل بعد هو زعلني}


    *س/ليه الحقيقه تعتبر كذب ونفاق؟

    س/وليه الصراحه بالمحبه جريمه؟
    س/وليه الوفا معدوم من كل الاعماق؟

    س/وليه انتصاري في غرامك هزيمه؟
    س/وليه الجفا يامحرقن قلبي احراق؟

    س/وليه المشاعر مالها اي قيمه؟


    *ياللي حرمت القلب مبطي من الصوت ..
    لاتحرمه هالحين رد الرساله ..
    ايام عمري معك لحظات وتفوت ..
    وش تنتظر لاضاع عمري بداله .. ي
    عني عشان اسمك على القلب منحوت ..
    ماعاد تسئل ليه وش هالنذاله ...؟


    *مرت سنين الحزن محدن يراعيه والدمع ماتقدر كفوفه تلمه ابوه ميت بعدها من يواسيه يبكي ويشكي للمخاليق همه


    *منتي كفو حبي ولا قولة اهواك بس خانني حظي وهاذي المصيبه:انا اعترف ناس كثير تمناك
    بس احمدي ربك رضيتك حبيبه..


    *يوم شفتك ماسالت ضاق صدري ماحتملت قلت يمكن من عتبنا البارحه شكلك زعلت


    *ترى مهما جرى مني
    ومهما كنت انا الغلطان
    سوالك عني مايمنع لو قلبك علي زعلان


    *خوفي تكون انك زعلان بسيطة عندك ثلاث جدران قلبي روحي عيني
    وانت بس اختار بتصير مبسوط وفرحان


    *ياقلب تحمل وش يجيلك .. مالك بدنياك شريك .. غير الدمع ، غير الحزن .. وغالي يتغلى علي


    *اسف اذا لك قلت انسى زماني
    مهو بيدي قلبي اليوم ناسيك
    حبك نسيته يوم قلبك جفاني
    ابعد وانا ابعد ولا لي بطاريك
    شلون احب انسان طبعه اناني
    لا مايصير تبيع فيني واشريك
    اتبع طريقك خلني في مكاني
    يكفي جروح منك الله يخليك
    ياما بكيتك لين دمعي نساني
    ياما ترجتك ولا فايدة فيك
    الحن جيت تقول انسى عشاني
    جابك زمانك خلك اليوم
    (ما ابيك)..


    *شكرا لانك احببتنى
    ومن وجودك حرمتنى
    وبمنتهى الرقه تركتنى
    وبنفس الدقه ذبحتنى
    وبحنان المحب سلوتنى
    واحببت غيرى لاننى
    كان حبك كل مااهمنى
    شكرا لانك احببتنى
    فهجرتنى فالمتنى
    فقتلت قلبى لا والله
    بل قتلتنى


    *فيروس هجرك عطل القلب تعطيل..
    ودمر ملفات الفرح في حياتي..!!
    ياللي سكنت القلب من دون تحميل..
    متى لموقعنا تشرف وتاتي..؟!
    عنوانكم ماهوب (ياهو) ولا (هوت ميل)..
    عنوانكم روحي وقلبي وذاتي...


    *تزعل علي وانا الذي منك زعلان~
    وارضيك لوحقي عليك اشتكيلك
    احيان اجي ضدك واجي بصفك احيان~
    تطيح من عيني وقلبي يشيلك
    ان غبت عنك ردني الشوق ولهان~
    وان غبت عني ما ادور بديلك~


    *لي ايام حزينة
    ولي ذكريات اليمة
    وزدت عليها سواتك اللعينة


    *دريت اني بكيت
    لانك في حقي خطيت
    افضحتني دموعي
    ولامنديل لقيت


    *اصبر ياقلبي وانتظر خل الحزن مكتوم

    كل المعاني تغيرت واتضحت الصوره

    صار الصدق في هالزمن مثل الوفا معدوم

    ونفوسنا تجرحت والفرحة مكسورة

    كل المبادئ تنشري واللي معاه يسوم

    حتي المشاعر ارخصت والكلمة مهدوره


    *قلت: احبك..وانت قلت:
    البيت بيتك!
    قلت: نار.. وقلت لي:
    برد..وسلام!
    وراحت سنيني وانا..
    علك وليتك!
    بالغرام انك تبادلني
    الغرام!
    مابقى رجوة لي
    مارجيتك!
    ومن ورى ظهرك رميت..
    الاهتمام!
    جيت لك ميت واحسب..
    اني حييتك!
    واثر حبي مرك
    امرور الكرام!!


    *تعرف وش العذاب على اصوله؟

    العذاب انك تحب
    انسان
    مايعرف غلاتك؟؟
    العذاب انك تحب
    انسان
    يتجاهل حدودك!!
    العذاب انك تعذب
    كل قلب
    يشوف قلبك!
    العذاب تعيش
    بعالمك
    من دون حب!!
    العذاب يموت
    قلبك
    ولا احد
    يعرف بموته..!


    *ناظرني بطرف عينه وقال:لو تفارقتا بموت وافترقنا
    لارسايل ولا صوت كنت دايم اسال:ياترى وش صار فيه
    قالو لي يزقح ماعليه~وصار اجمل~ ابتسمت وقلت هذا اللي ابيه بس ياترى كيف صدقته يوم قال((لو تفارقنا بموت))


    *لاصد عنك من توده وجافاك
    خله وجازه بلجفا مثل صده
    خلك عزيز النفس والعز ماواك
    وكلن عطه تفصيل ثوبه بقده(خص الرفيق اللي اذا جيت حياك وان غبت عنه ياصلك بالموده)


    *ياعين ادمعي من صاحب مختفي مدري غيابه امتحان ولا هذا اللي يبي


    *اوعدك ماراح ازعجك واعذرني اذا ماارسلت ودقيت ابقى عزيز النفس اذا هذا مرادك وامانيك ولو مااعزك واحبك مادورت عليك الله يحللك ويبيحك في كل شي سويته حتى قلبي اللي جرحته والله مسامحك


    *حقيقه صفتحي بيضاء ولاعمري جرحت انسان..اجامل ابتسم للناس وانا كلي شقى واحزان..اقولك كل هالدنيا فداك الا(مواجعها)عمري لو هديته لك مااظن تعرف غلاك احلف اني اعزك واشري بروحي رضاك


    *عذبتي بالصد يازين الاوصاف تصد عني وانت غاية منايه بالصد مالك حق في عدل الانصاف وان كان طبعك صد هذا خطايه مشيت لك درب الوفا قدم وخلاف من صادق شعوري وصادق وفايه اهداء خااص


    *من يقول اني بنسيانك نوي وان تناسيتك يذكرني التعب مستحيل انساك لو حتى قويت وان قويت انساك نسيانك صعب في دقايق غيبتك ياما بكيت ياما لعيونك تجاهلك العجب كنت ادور فيك عيب مالقيت وان لقيت العيب يعجبني عجب


    * لاتساليني عن سبب كتم الاحزان
    بس اساليني عن غيابي وحضوري
    لاتساليني عن سبب دمع الاعيان
    بس اساليني عن دواعي سروري
    لاتساليني عن تصاريف الازمان
    اجامل احبابي وربعي والاخوان
    جبر الخواطر صار معنى حضوري
    اعطيهم الفرحه وانا وسط الاحزان
    واجبر كسور الغير واهمل كسوري


    * انا بالله كيف احيا بدونك
    اذا كان الهجر يعني مماتي
    اذا نوم الهنا داعب جفونك
    انا ما تعرف جفوني سباتي.
    حبيبي والغرام العذب كونك
    حبيبي والعطش كله بذاتي.
    تطمن ما احب الا عيونك
    لاني شفت في عيونك حياتي


    * مرت ..ولا حتى تلتفت مرت ..
    وعن عيني اختفت
    ما كنها في يوم ضحكت لي
    ولا كنها في يوم اعرفتني ..
    الله يا مبدل الاحوال
    كيف الهوى من قلبها زال ومرت ,,
    غابت عن عيوني وفي عيوني سوال
    الي حصل منها جفاا والا دلال ؟؟؟


    * انا من وين ماسافر عن احزاني تجد احزان/وظل اركض مثل ضحكة غريب ودمعة مسافر
    تعبت اهرب من الذكرى لها كل البشر عنوان/تجيني بالوجوه اهرب ولا اهرب دامها الناظر
    ونادي لك وانا باخر ليالي باخر الاوطان/اصارع غربتي بين الخفوق وعزة مكابر
    لك الله ماشعرت الا بعد فرقاك بالوجدان/شف غيابك عسف مهر العناد وروض النافر


    * انا مزاجي و اطيع اللي يطاوعني ،،، و ان كان لي خلق امررها..امررها


    * ابعتذر عن كل شي الا الهوى مال الهوى عندي عذر ..


    * ما كل من يضحك مع الناس مبسوط ،،، يا كثر من يضحك و نفسه حزينة


    * اضحك مع الناس و ابكي مع نفسي ،،، و امشي بلا احساس محد درى عني


    * من الفرحة نسيت اني عليك البارحة زعلان نسيت اقول لو تسمح تكرم لا تكلمني


    * يا ضايق الصدر بالله وسع الخاطر ،،، دنياك يا الزين ما تستاهل الضيقة


    * مصدر حياتي عزتي و اعذريني ،،، مقدر اواصل بالهوى حاني الراس


    * اون و كل يحسب اني اغني ،،، عليل و كل يحسب اني مداوي


    * انا ما امشي ورى غيرك و لو انه يطق الباب ...
    و ترى عيب علي اطعن و لو كثرت سكاكيني ...


    * لا تلومني حبيبي لو مره قسيت عليك و افهم شعوري و اعرف اني اموت فيك


    * طلبتك لاتخلي ضايق الصدر بالحاله .. تراني على حد القهر لا تخليني..


    * دامك عزيز و لا يساويك (مخلوق) ،، سيف ! الغلى طالبك لا تسله ؟!


    * هي اجمل الكلمات قلها كلما ضج الفواد و ضاقت الازمان .. ( لا اله الا الله )


    * عودتني ما ازعل عليك بحياتي .. و ان الزعل مرفوض ما بين الاحباب


    * كابر قد ما تكابر راضي و متحمل و صابر يا اللي الحياة من دونك (حبيبي)اعذبها مرار


    * ان كنت تضحك يا عساها على طول .. و ان كنت متضايق يا عساها دقايق


    * تكابر و انت تغليني .. تقدرني و تموت فيني .. اهمك او ما اهمك .. انا في قلبك و دمك ..


    * ان كان صدر اللي اعزه وسعني ماهمني ضيق الزمن و اتساعه


    * اسف على الطيب تردى حاله .. و الا الردي ما من عليه حسافه


    * كل الجروح بالدوى تبرى .. لكن اطعوني ما لها ادوى


    * باشتري ضحكة شفاتك بالف دمعه من عيوني .. و بحتوي حزنك و لو ضاعت كل سنيني


    * قلت ابكتب لك رسالة كلها لوم وعتب و يوم انهيت الرسالة غير احبك ما انكتب


    * مصير جروحنا تذبل قصر هالوقت او طالي .. بس خوفي صياحها يحيي جروح ميته فيني ..


    * ضايق و اشوف الحال ما هوب ينطاق .. لا الارض تاسعني .. و لا الجو جوي


    * لو انت سبب جرحي عساه ما يطيب .. و لو انا سبب همك .. عساني عن هالدنيا اغيب ..


    * احس الجرح ما يبرى كبير و حطم امالي !! خذلني واحد غالي ارخصني يوم اغليته


    * رشوا على قبري من دموع عينه .. لا بد يندم كامل الزين وينوح


    * تبسم للزمن تكفى .. ترى صمت القهر حراق و (حذاري) تذرف الدمعة لو ان النفس مجروحة


    * لا ضاق صدري تصفحت الرسايل ، و ارسلت للي يبعد عن الضيق طاريه


    * خلك كذا احسن يا زهرة السوسن ،،، نصيحة من قلبي اترك الاسى اهون


    * تلومني لا جيت كلي من اقصاي !!! هو في غيرك لا تضايقت جيته ؟؟؟


    * مشكور يا قلب صفالي من الناس عسى الحزن يمك يضيع طريقه


    * لا تزيد اطعوني اوجعت الخناجر ،،، ما بقى عرق بقلبي ما ثنيته


    * انا معك في مجلس الضيق (مركاك) و (سبحة) .. يمينك .. تلتهيبي اليا ..(ضقت)


    * امانه لا تلوم القلب اذا منه حصل تقصير ترى يكفيه يا عمري سهوم الوقت تجرح به


    * نصحت القلب لا تبكي .. و قال القلب وحداني .. ابي اضحك ابي احكي .. و لكن وين خلاني


    * عزاه من وقت مضالي بالافراح ... انشهد اني مفلس اليوم عنها


    * لا تسيل دموعك و ان سمعت كلمه من حقير اضحك .. ترى غبن الحقير ابتسامة الاحتقار


    * ان كنت ما ادري بغلاتي و انا حي ..!! وش مكسبي كانك حزنت بوفاتي


    * اكره الدنيا اذا كنت على زعلان و يا زين هالدنيا اذا قلبك على ولهان


    * مدري وشلون صارت جروحي ،،، تسليك عقب الوفا و شلون !! (غرتك دنياك)


    * يا ليت لي جرح ينشاف دمه مير البلا من جرح ما انشاف له دم


    * بانتظر باكر عساه يصير احسن من امس .. تهدا النفوس و تبرد عروق دمي


    * خل المعاند و اترك اللي براسك .. تلقاني اكثر من صدق لك بهالكون


    * من راح عني قلت يا عله مصيب .. دورت له عذر كريم و عذرته


    * اللي يبي بعدي انا ماني قريب .. اما ربحني و الا انا ما خسرته


    * انا ماني عصا بيدك تحركها يمين يسار .. ادلل من يدللني و من يلعب تناسيته


    * طبعك معي موجب ولي طبع موجب .. اشبهك و اقطاب التشابه تنافر


    * لا تعتقد في روحتي بتخسر شي .. خذني سحابة صيف مرت وعدت


    * للي صدق وياي انا اصدق انسان .. و للي كذب وياي كذبي مصيبة


    * صارت غيبتي عادي يمر اليوم و ما تسال يسره قلبك ابعادي و قلبي بغيبتك يزعل


    * ودي ولكن كيف تحقيق ودي؟ عيا (زماني) لا يجيني على الكيف


    * شرب على غير الضما يجرح الكبد ..!! و حب على غير المودة خسارة


    * للعشق براسي يا بنيه رصيد .. لو يطيح الحب وش لي بالحياة


    * بعلمك وفاي اللي تموت و ما تعلمته ! و بترك لك خطاك اللي بموت و ما تعلمني!


    * بعد الخيانة انتهت رغبتي فيك .. و ان كنت تذكرنا ترانا نسيناك


    * انا مع الايام طحت و تعثرت احتجتلك و بضيقتي ما لقيتك قصر زماني بالوفا وانت قصرت ضحيت من عمري و صنت ووفيتك ما دمت بوصلك عليا تكاثرت ارخص حياتي ان كان في يوم جيتك و اليوم حددت النهاية و قررت لاعاد يوم به عشقت و بغيتك لو يرجع اللي فات ومني تعذرت ما تلحق اللي في حياتي عطيتك


    * ابرحل و الطريق اللي يودي ما يرجعني يبي يغنيني الله عن هوى حبك و طاريه.. لا ذكرى و لا طاري تجيبك عندي بعد اليوم نسيتك مالك بقلبي لا ذكرى و لا طاري


    * ابشرك ما عاد يوجعني فراق .. و اقسى ( وجع ) فيني يزول بثواني .. عودت قلبي لا حمل هم او ضاق .. ارمي و لا اسال عن اللي رماني .. و عودت نفسي "للمتاهات" ما انساق .. و لا اسيل دمع عيني و اعاني ..


    * لا ضاق صدرك لا تلتفت و تحتار .. لك صاحبن يكسر عظام (المصيبه)


    * و انت مو يمي انا ياما بكيت من صبري و عناي .. زاد علي همي و انت مادريت انا مت و حييت و انت مو معاي..


    * فيني الم ما مر في " قلب مطعون" فيني حزن ما مر في "عيون الايتام"


    * و لا تزعل و لا تتعب شعورك و لاتاخذ على خاطرك مني ابي اتاسف الين ارضي غرورك و بقول اني مقصر غصب عني


    * علموج القساومه و انتي طبعج حنون .. كيف تجرحين دموعي و انتي وسط العيون ..


    * لا تحسبك لا اخطيت اضعف و اراضيك .. احط ( انا ) قمت غرورك ورايا ..


    * انا عندي بهالدنيا قناعه الم جرحي و لا اطلب شفاعه .. و لا اشكي و دمعي عيب علي اهله


    * نصيحه : اترك حبيب في عذابه يبكيك ..حبه و شوفه و اتصاله ( مزاجي )


    * في جيتك لي ترى ما تحرك اشجاني ..!! لا يفز قلبي و لا تشتاق لك عيني


    * ما دمنا احباب و الاعذار مقبوله .. الزله اللي تجي من بيننا عادي


    * نافق تعيش و جامل الناس تنحب و بيع الضمير و تشوف كلن يجيلك


    * جيتك على رجوى معالج جروحي .. ما كنت اظنك تلحق الجرح بالجرح ..


    * يا حلو الايام لو ترجع على كيفي .. ماكان قلبي شكى فرقا مواليفي


    * اترك عنادك معي بعرضه و طوله و انا معك باتلطف و اترك عنادي


    * اذا رجلك بدت تمشي بدرب الصد و النسيان سلامة رجلك الحلوه ابنسى قبل تنساني


    * من عقب الاحباب مكسوره مجاديفي .. غرقان و الموج يلعبي على كيفه


    * روح خل اللي خذاك من عيوني يسليك .. بكره تشوف الفرق بينه و بيني ..


    * انا جريح الامس و اليوم و الغد .. و هذي جروح العمر احصي عددها .. لقيت انا الدنيا ترى ملعنت جد .. فيها الكلاب السود تاكل اسدها ..




    اتمنى انها تنال اعجابكم







    من اقوى قصائد العتاب



  2. #2
    صورة كدش جوجو
    كدش جوجو غير متصل صعب اننا نوصفه
    تاريخ التسجيل
    Aug 2008
    الدولة
    ".في القمر."
    المشاركات
    4,744
    Thanks
    0
    شكر 0 مرات في 0 مشاركات
    *ياقلبي ريح البال
    واترك الكلاب تنبح
    اخرتها
    تموت من القهر
    وانت بالاخر بتربح


    رائعه القصائد
    سلمت لتميزك

    تحياتي لك,
    جوجو

  3. #3
    صورة بكرى اكيد احلى
    بكرى اكيد احلى غير متصل مشرفة قديرة سابقة
    تاريخ التسجيل
    Jun 2009
    الدولة
    بارض الله الواسعه
    المشاركات
    5,713
    Thanks
    0
    شكر 0 مرات في 0 مشاركات
    رووعة
    تسلم الاياادي
    يعطيك العافيه وننتظر جديدك وابداعك

  4. #4
    صورة "نمله مشاغبه"
    "نمله مشاغبه" غير متصل مشرفة قديره سابقه
    تاريخ التسجيل
    Aug 2009
    الدولة
    دنيا الشغب
    المشاركات
    10,595
    Thanks
    0
    شكر 0 مرات في 0 مشاركات
    رووعه ...
    تسلم الايادي .. يعطيك العافيه ..

  5. #5
    صورة لون الماء
    لون الماء غير متصل يمون على المشاغبين والمشاغبات
    تاريخ التسجيل
    Sep 2007
    الدولة
    الرياض
    المشاركات
    1,646
    Thanks
    0
    شكر 0 مرات في 0 مشاركات
    يسلموو

الدورات التدريبية جامعة نجران
يشرفنا اعجابك على فيس بوك facebook