الحياه حلوه ياشباب - مواضيع عامة و مقالات منوعة






عدد المشاهدات : 3566 | عدد الردود : 9
صفحة 1 من 2 12 الأخيرةالأخيرة
النتائج 1 إلى 8 من 10

الحياه حلوه ياشباب

السلام عليكم الحياه حلوه ياشباب .. حلوه للي بس يعرف شلون يتعامل معها .. للدكتور محمد الثويني :icon14: مأخوذه من برنامجه .. الحياة حلوه ياشباب اللي يجي

  1. #1
    الصورة الرمزية المهستره
    المهستره غير متصل طالب ثانوي
    تاريخ التسجيل
    Apr 2004
    الدولة
    السعوديه
    المشاركات
    527
    Thanks
    0
    شكر 0 مرات في 0 مشاركات
    Rep Power
    11

    الحياه حلوه ياشباب



    السلام عليكم
    الحياه حلوه ياشباب .. حلوه للي بس يعرف شلون يتعامل معها .. للدكتور محمد الثويني الحياه حلوه ياشباب
    مأخوذه من برنامجه .. الحياة حلوه ياشباب
    اللي يجي على قناة الكويت الثالثه كل جمعه الساعه 4 العصر
    بصراحه البرنامج في غاية الروعه ..
    وهذي بعض المواضيع اللي تطرق لها البرنامج يوم الجمعه اللي فات وفيها مواضيع للفراشاتالحياه حلوه ياشباب يعني بنوتيه ومواضيع للتماسيح الحياه حلوه ياشباب يعني ولاديه ومواضيع مشتركه بين البنواتات والاولاد
    قبل لا نبدا ندخل بالمواضيع هذا موقع الدكتور محمد الثويني
    www.dr-thuwaini.com
    الحياه حلوه ياشباب
    كيف اطور نفسي في بيئه لا تسمح ..؟؟
    اكون مقتنعه .. احاول أقنع اللي حولي ان المجال اللي انا ماشيه عليه مجال حلو ومفيد وراح يفيدهم قبل لا يفيدني واتخذ الأساليب الحلوه ..
    اطيع الله على هالشي يعني اسوي بالشي اللي مقتنعه فيه شي يرضي الله مثلا لو كنت مهتمه في مجال اللغه الإنقليزيه وحابه اطور نفسي بس البيئه ما تسمح لي اجاول اسوي عمل اسلامي باللغه الإنقليزيه بحيث يفيدني باخرتي قبل لا يفيدني بالدنيا ..
    ادور الشي اللي يحبونه اللي حولي وانفذلهم بالشي اللي انا احبه يعني مثلا اخوي يحب السيارات والرياضه بشكل عام احاول اسويله مواضيع باللغه الإنقليزيه عن الرياضه بحيث انه يستفيد منها ويطلع عليها بين فتره والثانيه راح يحب هالشي وراح يحب مجالك اللي انتي مبدعه فيه وهالشي ما ينطبق بس على اللغه الإنقليزيه ينطبق على المجالات الاخرى ..
    اطور نفسي في هالشي واحاول اني يصير عندي معلومات مهمه في هالمجال عشان اللي حولي يعرفون اهمية هالمجال
    الفرق بين الثقة بالنفس والغرور :
    الشكل الظاهر واحد لكن المضمون مختلف
    مثال بسيط : لما اقول من اللي بيشيل الطاوله ..
    ثنين يقولون انا لكن واحد منهم عشان واثق لانه يقدر ويعرف انه يقدر ولأنه يحب هالشي
    بالإضافه إلى صفة ثانيه في الواثق من نفسه وهي صفة
    الادب في العمل ..
    المغرور يقول انا لانه لايعرف أنه لا يستطيع و يتعامل من دون ادب ..
    هذا تفسير تطبيقي بسيط ..
    كيف ابعد الصفات السلبيه عن ابني .. او بمعنى اخر ابني خائف وغير جريء .. ماذا أفعل لجعله جريء او محبوب اكثر ؟؟
    خذي ورقتين وحده تكتبين فيها صفات ابنك الايجابيه زي مثلا طيب حبوب ذكي ... إلخ
    وحده تكتبين فيها سلبياته زي مثلا خواف جبان .. إلخ
    اكتبي الإيجابيه في ورقه
    واكتبي السلبيه في ورقه
    انعتيه دايم بالصفات الإيجابيه زي البطل الطيب الشاطر الوفي
    حاولي الإبتعاد عن الصفات السلبيه قدر الإمكان ولا تذكريه فيها لانها راح تبقى فيه خصوصا لو كان صغير
    ...
    انا ناجح في كل شي إلا دراستي ماذا أفعل ؟؟
    اقرأ معي هالقصه .. ابو عمر توظف على شهادة ثاني ثانوي واليوم هو متقاعد لما تقاعد كمل الثانوي ودخل الجامعه ونجح في الحقوق ما درس عشان الوظيفه عشان يثبت لنفسه انه ناجح
    تحتاج اشياء عشان تنجح
    تشوف استشاري وتجلس معه وتحاول توصل للسبب لأن العمر ماله حد في الدارسه وتناقش يمكن يكون فيه اسباب بيئيه او نفس المدرسه او من شخصيتك نفسها يعني بالعربي تحاول تعرف سبب عدم تقبلك للدراسه . .
    البنت المسترجله ..
    بدا في هالزمن انتشار ظهور الفتيات المسترجلات( او البنات اللي حركاتهم وشخصياتهم زي الأولاد الشعر بوي والملابس ولاديه والكلام عربجي ومن هالسوالف) ولحل هالطريقه
    نجلس مع البنت نحاول نعرف ليه هي تسوي هالحركات ..
    1-يمكن يكون حب تقليد زي تحب تقص شعرها قصير او يمكن تحب تقلد صديقاتها في هالحله ما نخاف لأن هالشي طبيعي خصوصا في سن المراهقه
    2-يمكن تكون ماعندها صديقات وتبي تبرز نفسها حاولي تدورين لها صديقات يحبونها وتحبهم يمكن بعدين تحاول تغير من شكلها خصوصا لما يكونون صديقاتها عاقلات
    3-لو كانت من الداخل تحس انها مسترجله ابحثي لهاعن استشاره ولازم تتدخل الحالات الطبية في هالحاله ..
    أمي عصبيه وش أسوي ؟؟ الحياه حلوه ياشباب
    كل بيت في هالدنيا له قوانين يعني مثلا انتي فيه اشياء اهلك يسمحونلك فيها صديقتك هالشي ممنوع عندها هالأشياء وبنفس الوقت صديقتك فيه اشياء هي عندها عادي بس انتي ممنوع عندك .. هذا شي عادي يختلف من اسره إلى اخرى
    على العموم حاولي تسمعين كلام امك وتنفذين كل قوانينيها
    والجمله المشهوره "يمه شوفي البنات وش معنى انا .. اهاليهم عادي وانا لا ...الحياه حلوه ياشباب >>> كنت دايم اقولها لأمي واحيانا اقولها الحياه حلوه ياشباب  هذا الكلام مايفيد .. حاولي تغازلين امك وتنكتين معها حتى تلين لك وحاولي انها تحبك
    لما تريحينها وتستانس بنجاحك بتساعدك على هالامور ولوقالت لك لا قولي انشالله ولا تقعدين مهمومه وزعلانه طول اليوم لان امك ما وافقت بالعكس روحي استانسي بوقتك
    عندي كسل عن المسجد .. اتمنى اروح بس عجاز ومالي نفس
    اقوم واسمع صوت المسجد واقول بدل ما اروح المسجد اصلي بالبيت واتكاسل عن الروحه للمسجد مع العلم اني بالنهايه اندم واقول ليتني صليت بالمسجد وش الحل ؟؟ الحياه حلوه ياشباب
    بعض العلماء يرون ان الذهاب والصلاة في المسجد واجب وهالشي مهم
    تصور انت وش كثر ضيعت على نفسك لما صرت ماتروح المسجد ..
    المشي في كل خطوه في الذهاب والعوده كل خطوه فيها حسنه كل خطوه مو كل كيلو كل خطوه الحياه حلوه ياشباب
    دخول المسجد والخروج منه والحسنات اللي راح تجيك
    مقابلة الناس والصلاة في المسجد افضل من صلاة الفرد بسبعه وعشرين درجه
    الفجر .. فيها خير عجيب يقول الرسول كفيت ووفيت ووقيت .. وانت بس تتمشى شوية خطوات في الليل
    راح يحميك الله طول اليوم
    انت طيب وفيك الخير لكن نبي الخير الزياده منك
    عشان كذا حاول تروح وتصلي بالمسجد الحياه حلوه ياشباب
    حاول انك بالإسبوع الاول تختار صلاتين تصليها في المسجد واستمر عليها لمدة اسبوع
    وبالإسبوع الثاني خلها اربع صلوات واستمر عليها اسبوعين
    وبعدين استمر على الخمس صلوات في المسجد وعاقب نفسك لو تركتها
    وبعد حاول انك تكافيء نفسك لما تشوف انك استمريت على الصلاة ..رح المطعم رح البحر تمشى سو اي شي كمكافأه لنفسك على هالإنجاز الحياه حلوه ياشباب
    كانت هذي بعض الأشياء اللي تطرق لها الدكتور في الحلقه اللي فاتت وبصراحه افادتني وحبيت انكم تستفيدون منها .. اتمنى تكون افادتكم
    مو مهم افادتكم واللا لا المهم التطبيق وراح تحس نفسك مرتاح الحياه حلوه ياشباب
    تحياتي واتمنى من كل قلبي انها تعجبكم مثل ما اعجبتني

    تعليقات فيس بوك facebook



  2. #2
    الصورة الرمزية غربة مشاعر
    غربة مشاعر غير متصل يمون على المشاغبين
    تاريخ التسجيل
    Dec 2005
    الدولة
    دار الحب بوظبي يب
    المشاركات
    1,113
    Thanks
    0
    شكر 0 مرات في 0 مشاركات
    Rep Power
    10
    مشكوووورة خويتي
    المهسترة
    ع الموضوع
    واحلى شي فيه
    أغازل امي
    خخخخخخخخخخ
    والله حالة
    بس جد هاذي الطريقة تنفع
    وكل كلامه منطقي وبسيط
    وتسلمين

  3. #3
    الصورة الرمزية nighty_girl
    nighty_girl غير متصل يحضر الماجستير بالشغب
    تاريخ التسجيل
    Jan 2006
    الدولة
    ب الوسمي يت
    المشاركات
    921
    Thanks
    0
    شكر 0 مرات في 0 مشاركات
    Rep Power
    9
    تسل م

    بس حالة البنات عندنا في المدرسه غرييييييبه

  4. #4
    الصورة الرمزية المهستره
    المهستره غير متصل طالب ثانوي
    تاريخ التسجيل
    Apr 2004
    الدولة
    السعوديه
    المشاركات
    527
    Thanks
    0
    شكر 0 مرات في 0 مشاركات
    Rep Power
    11
    هلا غربة مشاعر ايه غازليها جربي وتشوفين


    نايتي قيرل بصراحه البنات بالمدارس تغيرو مو زي اول

    مانقول غير الله يهديم

    ثاانكس لمروركم

  5. #5
    الصورة الرمزية المهستره
    المهستره غير متصل طالب ثانوي
    تاريخ التسجيل
    Apr 2004
    الدولة
    السعوديه
    المشاركات
    527
    Thanks
    0
    شكر 0 مرات في 0 مشاركات
    Rep Power
    11
    الحياة حلوه ياشباب


    -3-

    السلام عليكم ورحمة الله وبركاته

    موضوع الحلقه : الصلح خير ..

    1994 موقف : حملة الوفاء وكان شعار الحمله هو أيجاد الامان الامني للكويت

    فكرة ورده لكل أم هالورده سوت شي عجيب خلال اسبوعين وزعوا 1200 ورده لكل ام كل واحد يهدي أمه ورده ..

    النتائج : تفاجأو بعد اسبوع اتصلت احدى الامهات وتبكي .. هالورده اللي دخلت بيتها ردت القطيعه بينها وبين بنتها اللي كانت لمدة سنتين ..

    ورده رجعت علاقه بين أم وبنت

    عونان الحلقه
    الصلح خير
    ارقام الهواتف
    00965 2431299
    00965 2468425
    .
    .
    --

    جزء كبير من مشاكل الشباب هو الشحناء .. قال الرسول صلى الله عليه وسلم : لقد أيس الشيطان أن يعبده المسلمون في جزيرة العرب .. ولكن بالتحريش بينهم

    ما قدر يخلينا نعبده لكن الشي اللي قدر يسويه التحريش بيننا .. يشيش هذا على هذا يحرش هذا على الثاني .. وهالشي خلا اكثر الشباب يطلعون من بيوتهم ومعهم آلات ..

    لما واحد طالع من بيته ومعه عصا صغيره وش فايدتها ؟؟
    اكيد راح تبط راس ادمي .. والخنجر الصغير ليه ياخذونه الناس ؟؟ وين جالس انت في غابه ؟؟ مجمع السكاكين ليه الواحد ياخذه معه بالشارع ؟؟ هل هو ميكانيكي أو مهندس ؟؟ ليه هالعده هذي ؟؟

    علبه صغيره خضرا اخرجها كان بداخلها شي اسود صغير بالبدايه ماعرفت وشهي حسبتها ميداليه اخر شي طلعت سلاح نافذ .. زي السكين يدخل في اي بطن ممكن يختترق الصدر إلى القلب .. والولد حاطها بجيه يتمشى فيها .. يعني أي تعصيبه يلقاها قدامه ويسوي فيها بلاوي ..

    طلع الدكتور شنطة موبايل بس بداخلها كان فيه سكين هالسكين يقدر يفتح بطن بعير او جمل او ثور شلون الادمي ؟؟

    مو حرام عليكم ياشباب ؟؟

    طلع كرت احمر .. لازم كل واحد منى يمسك كرت أحمر ويواجه اي شاب جالس يعكر صفو شارعنا انا نقوله وقف حدك .. لازم نرمي هالأشياء او نرجعها لمكانها .. ياناس حرام هاللي يسوونه هالعيال .. نبي نرفع الكرت ألاحمر .. مو في ملعب كرة السله لاا نبيه في المسرح المفتوح ..

    لازم يكون فيه امر بالمعروف ونهي عن المنكر .. نبي الصلح .. يعني الحين لو سمحتو كل شاب عنده سلاح أبيض أسود يالله قوم وارمه .. مو لنا لله .. من ترك شيء لله عوضه الله خيرا منه جرد سيارتك من ادوات الظلم .. لو سمحتوا الأن نريد الصلح مع الله سبحانه وتعالى ..

    ياربي تبت ما اعود للشي هذا .. كنت جاهل والحين كبرت .. كنت مريض والحين شفيت ..

    ولهذا راح تكون حياتنا حلوه جدا لو ستطنا نوجد الصلح ..

    كل واحد لازم يتخلص من وسيلة إيذاء الأخرين زي الدخان والشيشه اللي لو كانت السكين تؤذي شخص واحد فالدخان والشيشه تؤذي مجموعه ..

    ثانيشي اصلاح ذات البين ..لو الواحد اصلح نفسه يبدا يشوف اللي حوله .. امه لو ما كانت تكلم ابوه عمه ما يكلم عمته ,,,

    لا يحل لامريء مسلم أن يهجر اخاه فوق ثلاث ليال .. ( زعلان متضايق اوكي حدك حدك ثلاث ايام يعني مو بكيفك حدك ثالث يوم لابد ان تصلح ) يلتقيان فيعرض هذا وييعرض هذا وخيرهما ( شوفوا الرسول جالس يشجع ) الذي يبدأ بالسلام .

    دورنا السعي : يلا قوم اتصل عليه بالتلفون او زورده ببيته .. تفاهم معه .. الضرر اللي واقع اللي ما يحبه الله هو القطيعه .. نبي الألفه والتكتاتف والترابط والتواد .. لو صارت هذي بيننا .. تشتري سكين بثلاث دنانير ؟؟ تقتل فيها انسان ؟؟

    والورده اللي رجعت علاقه بين ثنين هل ما تقدر انت يا أنسان ترجع علاقه بين ثنين ..

    الحين قوم سامح الحين اتصل يلله قوم ورجع العلاقه اللي فينا يحب الله ويرفع الكرت الاحمر على الشيطان يقول الحين برجع العلاقه مع امي غصبا عنك يللا ياناس الحين ساعة اجابه .. خلونا نفوت اللي راح ونعيش اللي جاي .. خلونا قدوه للاخرين .. انا عندي هواش مع ربعي والحين مسامحه وباكر بروح اسلم عليه واسولف معه

    خلو ابليس يدور كوكب ثاني خلوه يحترق بجنم .

    الله يسامحك الله يسامحك الله يسامحك .. لكل من خاصمني او تهاوشت معه ..

    شهادة حق : فيه ناس ماشالله عليهم عندهم استعداد يكون قلبهم كبير .. زي الله كريم بفوتها الله يسامحك كلنا خطاء بحتسبها .. ياخي لو قالك احد اسف قوله الله يسامحك فوتها احتسبها عند الله سبحانه وتعالى .. لو غيرت نيتك لنية الإصلاح الله راح يتكفل بهالإصلاح والرسول قال : ألا ادلكم على ماهو خير من الصلاة والصيام ؟؟ قالوا بلا يارسول الله : قال إصلاح ذات البين ..

    هالكلمات اللي يقولها اي احد انشالله يكون فيكم خير ..

    لو الطرف الثاني ما وافق ؟؟ اكمل واجلس ادعي الله .. خلونا اليوم نصفي القلب .. عشان بالفعل يصير فيه امان وصدقوني وزارة الدفاع ما را تتعب ووزارة التربيه ما راح تجيب فيها مناهج ..

    اجرو احصائيه على العنف بين الرياضيين :
    هذي الإحصائيه تبين أن المشاجره اللي تتم في الألعاب الجماعيه اقل من المشاجره التي تتم في الألعاب الفرديه .. وهالنتيجه تبين فائدة الرياضه في التقليل من المشاجرات والهواشات

    فقرة .. فضفضه مع المشاهدين .

    اولادي بالشهور ما يكلمون بعض وش أسوي ؟؟

    عشان توصلين رساله لاولادك لازم تسترخين شوي .. أول خطوه انتي حاولي تعلمي شلون تتعاملين مع هالضغوط حتى لما تكلمين اولادك تكونين مرتاحه عشان يتقبلون منك ..

    لازم تكون نيتك خالصه لوجه الله

    لازم انتي وابو العيال متفقين على اداة واحده .. اسمها نقعد مع بعض

    سوو اجتماع اسري اعطيهم ثلاث شروط :
    1- محد يقاطع احد
    2- محد يغلط على احد
    3- كل واحد يذكر وش الشي اللي ما يعجبه في الثاني
    4- خليهم ميحلون مشاكلهم بنفسهم .
    5- حاولو تتوصلون للحلول في هذيك الجلسه

    برامج الدتكور الثانيه مواعيدها : الكاس يعرض الساعه 8 مساء يوم الثلاثاء
    الساعه 7 يوم الإثنين مساء على قناة الرساله ..

    انا زعلانه مع صديقتي وش أسوي ؟؟

    اول شي اصارح نفسي هل انا اسوي اعمال حسنه واللا لا ؟؟

    هل هذه القطيعه تستاهل واللا لا ؟؟

    الذي يخالط الناس ويصبر على اذاهم خير من الذي لا يخالط الناس ولا يصبر على أذاهم .. هذا قول الرسول

    نادي صديقتك قوليلها انك تتضايقين من كلامها ولو حاولت تنرفزك اسفهيها وحالولي انك ما تسمعين .. وما نبي القطيعه لان ما وراها إلا الندم ..

    ازور ناس ويقاطعوني وش أسوي ؟؟
    1- استمر
    2- اعذرهم في قلبك لان قد يكون ابليس شيش عليهم
    3- اهدهم هدايا قد تلين قلوبهم

    ما انسى الإسائه حتى لو سامحت ؟؟

    هذا يتنافى مع العفو ( والكاظمين الغيظ والعافين عن الناس )

    العفو فكرته : اني لا اريد لنفسي اي شي من هذا الشخص

    افرحي وخليك مستانسه حتى تقهرين ابليس

    اعطيه هديه وما اتحمس .. وبادري بالكلمه الطيبه

    احد الأئمه الصالحين وصله خبر إنه واحد اغتابه اخر شي راح طرق عليه الباب واعطاه هديه

    لازم نسامح ..خل تكون علاقتنا قويه ..

    القطيعه بين الأهل وأثرها بين الأبناء :

    الإسمترار على التواصل حتى لو شفت الصد ..

    احاول اقعد مع الين واحد واقرب واحد لقلبي وفاتحيه بالموضوع

    يمكن فعلا بدر شيء او فيه نقل وصل بالغلط .

    روحي للكبار وحاولي من اصحاب الخبره انهم يرجعون بينكم ..


    dr-thu@gawab.com
    www.dr-thuwaini.com

    ثلاث كلمات سريعه بالنهايه :

    اسرار الصلح : فيه ثلاث أسرار مهمه للصلح :-

    تعزيز الاخوه : اقوي الاخوه بيني وبين الطرف الاخر
    رحمة الله : اسوي الأعمال اللي تنزل الرحمه علينا كالصدقه والدعاء والبركه

    الشعور بالنزاهه : يعني ما أفهم الناس غلط .. اصير نزيه يعني لو احد جالس يشوفني ما افهم نطرته لي شي غلط ..

    هذي ثلاث اشياء لو فعلا حرصنا عليها قلوبنا ومدينتنا راح تصير طيبه ..

  6. #6
    الصورة الرمزية Nour Jeddah
    Nour Jeddah غير متصل vip مشاغب
    تاريخ التسجيل
    Apr 2006
    الدولة
    jeddah '3eer
    المشاركات
    2,088
    Thanks
    0
    شكر 0 مرات في 0 مشاركات
    Rep Power
    11
    شكرا عالموضوع الحلو فينك يا مووووسي

  7. #7
    الصورة الرمزية المهستره
    المهستره غير متصل طالب ثانوي
    تاريخ التسجيل
    Apr 2004
    الدولة
    السعوديه
    المشاركات
    527
    Thanks
    0
    شكر 0 مرات في 0 مشاركات
    Rep Power
    11
    العفوو نور

    بس وشو موسييي

  8. #8
    الصورة الرمزية سgاليف الشgق
    سgاليف الشgق غير متصل vip مشاغب
    تاريخ التسجيل
    Mar 2006
    الدولة
    مللك بلا ملكه
    المشاركات
    2,461
    Thanks
    0
    شكر 0 مرات في 0 مشاركات
    Rep Power
    11
    اقول شكرا لك على الموضوع

    بس الحمدلله انا ماحب اغازل

    اهو نصاب
    خخخخخخخخخخخخخخخخخخخخخخخخ

    تحياتي لك ومشكوره على النصيحه

صفحة 1 من 2 12 الأخيرةالأخيرة

الحياه حلوه ياشباب


مواضيع على تشابه

  1. رسوم كرتون لحن الحياه
    بواسطة اموووووت فيك في المنتدى مقاطع افلام يوتيوب Film clips YouTube
    مشاركات: 0
    آخر رد: 02-03-2013, 12:43 PM
يشرفنا اعجابك على فيس بوك facebook