لالا تضايقون الترف لا تضايقونه

لالا خلوه يجني من حياته ثمرها

لالا وحرام من عقب الرضى تزعلونه

لالا شوفوا عيونه كثر نوحه دمرها

لالا اغليه لو كل الملا يرخصونه

لالا لا حل في دنيا غرامي عمرها

لالا ما تفهمون الحب ما تفهمونه

لالا فوق الخيال وعنكم الله سترها

لالا لا صرت انا محروم لا تحرمونه

لالا خلوا هبايب نجد تنثر شعرها

لالا اجي واروح بنظرة من عيونه

لالا ولين اظلمت دنياي نوره غمرها

لالا والقلب ما يسمع لو تعذلونه

لالا والروح عنده باللواحظ اسرها

لالا هذا الامل تكفون لا تقطعونه

لالا لاجله لذيذ النوم عيني هجرها



باقه ورد لكل من مر هينا $