تعبت اكتب على اوراقك غرام وحضرتك تمحيه
تعبت اصبر وانا اتامل تحس في يوم وش فيني


تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني




تعبت اسقي ورود الغير و وردي ماعرفت اسقيه
اطاوع قلبي المجنون واجني الهم بايديني


تعبت اشكي تعبت ابكي وجرح القلب كيف اطويه
وارجع وابتدي من اول والملم باقي سنييني


تعبت اتامل اوصالك ودربك من كثر ما امشيه
تعب من خطوتي ورجلي ترا ماعاد تقويني



تعبت اقبل عزا في خافقي ياصاحبي وارثيه
حرام اشلون كل ما احتجت لوجود تخليني



ابا ارحل واوعدك قلبي اقص في لهفته رجليه
وابي ترتاح لاتسال بغير كل عناويني


وابا ابعد لاخر الدنيا مكان(ن)مستحيل اتجييه
وابي تذكر غرورك لي وقف مابينك وبيني



تعبت اكتب على اوراقك غرام وحضرتك تمحيه
تعبت اصبر وانا اتامل تحس في يوم وش فيني


تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني