مشاهدة : 767
النتائج 1 الى 3 من 3
  1. #1
    night soul غير متصل طالب ابتدائي
    تاريخ التسجيل
    Oct 2009
    الدولة
    في قلب امي
    المشاركات
    142
    Thanks
    0
    شكر 0 مرات في 0 مشاركات

    مواقف البنات كثييره في ليله الشوفه





    تقول وحده : انه يوم جاء يشوفني خطيبي كنت لا بسه تنوره ضيقه ونصحتني امي اني ما البسها ولكني عاندت وقلت الا بلبسها ويوم دخلت وسلمت وجلست ولا اسمع صووت تشش والا التنوره انشقت
    من ورا
    يالله وش اسوي ؟؟
    جلست وانا اقول لنفسي يالله وشلون بقوم ؟؟!!
    وخطيبي جالس ماقام (( مستانس وش وراه )) وابوي يناظرني والشرر يتطاير من عيونه وياشرلي عشان اقوم وانا خلااص لازقه في الكرسي وما اقدر اقوم لو قمت بتطلع بلاوي ..
    وطبعا اختكم في الله جالسه ومنزله عيونها في الارض وكنها ما تدري عن ابوها ذا الي ياشر صارله ساعة وفي الاخير قام ابوها وقال للخاطب بطريقه لبقه انتهت الزيارة حياك الله ويوم طلع فششش على غرفتي قبل لا يشوفني ابوي ويادبني ...


    والثانية تقول : ان يوم دخلت بالعصير وقدمته وتاخر خطيبي في مد يده عشان ياخذ العصير فظنيت انه مايبي فمشيت مسرعه بالصينية وهو يقول ( لحظه .. لحظه .. ابغى واحد لو سمحتي )) ..


    والثالثة تقول : يوم دخلت اشوف خطيبي ومعي صينيه العصير تفجات فيه يصرخ بقوه ( مشاء الله مشاء الله )
    وقام وقف قدامي وهو يردد(( مشاء الله مشا الله)) انا ارتعت وش ذا المهبول قمت اصارخ وطلعت اصيح وجاء ابوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( مشاء الله مشاء الله ))



    والرابعة تقول : ان من عاداتنا ان الخاطب ما يشوف خطيبته الا بعد عقد القران ولكن يوم خطبني صديق اخوي اصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش
    وناداني (( يامنييييره تعالي شيلي الاغراض )) جيت وانا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة اني جيت افحط بالعربية واخوي يحاول يهديني ويقول : (( يامنيره اعقلي , بشويييش )) وانا ماعطيته وجه جالسه افحط وفي الاخير قال الرجال ما ابي الا هذي لانها خفيفة دم





    - وحده جاب زوجها لها تمر وجلس ياكلها حبة ... طبعا البنت استحت منه تطلع
    نواة التمر قدامه قامت تبلع وهو يعطيها واختنا في الله
    تبلع الى ان انتهى بها الموضوع في المستشفى..!


    - وحده جاب خطيبها يشوفها وطبعا هي خجولة جدا.. ومستحية واايد!
    المهم دخلت عليه وابوها كان موجود فجاة دخل خالها وبعدين عمها وشوي يدخلون
    خوانها كلهم _يا حبيبي _ صار المجلس مليان ناس وكلهم عيونهم عليها ومن يوم
    شافتهم المسيكينة متجمعين كان يغمى عليها...!!





    - وحده جات بتخطب صديقتها لاخوها عزمتها في بيتهم وقالت لاخوها طل عليها من
    الشباك وشوفها اذا اعجبتك نخطبها لك.. وافق اخونا ما كذب خبر ولما جات البنت عطتها شوكولاتة والبنت رفضت تاخذها وهذي تلزم عليها والبنت مصرة ما تاخذ.ولما طلعت تسال اخوها عن رايه في البنت.. الاخ شاف البنت وهي تخش الشوكولاتة في
    شنطتها..ولما سالته اخته وش رايك؟ قال موافق على طول وتم الزواج..!
    وفي ليلة العرس يسال الزوج البنت: وين الشوكولاتة اللي خذيتيها من بيتنا؟؟؟ "ما
    ترضين واحد ياخذ من بيتكم شي وما يستاذن..!!




    -وحده اول مره بتشوف الي خطبها ويوم قالها ابوها يالله ادخلي المجلس دخلت ومن
    قوة الخجل دخلت وسلمت على اخوها



    - واحد وده يتزوج قال لمه دوريلي وحده دلوعه وشكلها بيبي فيس وجسمها صغيير
    وشعرها طويل واهم شي مو دبة
    وكل مرة يروح ويشوف البنات ما يعجبه الشكل , وفي يوم لقت الام وحده وقالت له روح وشوفها يوم راح ودخل المجلس جلس علا الكنب وقال ابوها لبنته يالله ادخلي يوم دخلت وجلست علا الكنبه الي جنبه وشافها
    من قوة الفرحه وانا طلعت زي مايتمنى اخونا ماقصر قام وباس البنت قدام ابوها .






    وفيه واحد جاب معه باقة ورد صغيرة ويوم دخلت عليه البنت بكل نعومه قدم لها
    وردة جوري حمراء دليل على اعجابه بها وهي من الاحراج ما درت عن نفسها الا منتفه

    الوردة نتف نتف



    واحد في ليلة عرسه جالس في زاوية وزوجته في زاوية يكلمها
    وهي مستحية وتطالع الارض .. ينطل (يعني يقول) نكتة (يستهبل) عليها ....
    البنت ماش تطالع في الارض ولا كن فيه احد جالس جنبها ......!!
    الولد من كثر ما يكلم نفسه وبنت الناس ساكته .. قال ياولد خلني اطنش واسكت شوي ..
    فجاة اصدقاء الرجل قالوا لازم ننكد عليه ليلة زواجة (والله الغثاثة)
    ونحرجه قدام زوجته .. المهم قام واحد منهم واخذ حصاة وحذف بها الشباك ...
    عاد تخيلوا البيت يعمه الهدو + سكون البنت وصمتها وصوت ضربة الشباك ( قوية )
    كانت مفاجاة للبنت اللي يوم سمعت الصوت ومن الخوف والرعب طمرت ( نطت )
    وضمت زوجها من الخوف ...الرجال استانس واعجبته الحركة ( ياسلام )
    ترك البنت على جنب وطالع من الشباك لقاهم اصدقائه صاح لهم وقال :
    مرة ثانية شباب لو سمحتوا .... مرة ثانية تكفون ......؟؟؟؟؟
    الا وحدة حصاة بالغلط تصيب في راس العريس ... ويا ليل ما اطولك ....وصارت البنت
    هي اللي تداويه ذيك الليلة وتنظف جروحه راح الحيا وراح الخجل .. والسبب حصاة....!!!




    فتاة قد تعودت هي واخوتها اذا مر احدهم بجانب الثاني مد رجله ليسقطه على الارض ،،، فلما تزوجت وفي -الاسبوع الاول - من الزواج وحين نهض الزوج من وجبة الغداء لغسل يديه مدت الفتاة رجلها - كالعادة - فسقط الزوج وانكسرت ذراعه واما الفتاة من شدة خجلها من الموقف ذهبت لاهلها ..




    فيه وحده تقول في اول ايام زواجي طلب مني زوجي ان افتح له علبة بيبسي .... قمت وفتحت العلبة قدام وجهه و.. يا للهول طااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف







    فيه وحده تخجل مرة مرة .. ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه تدفينه بيدك مثلا . وصممت هالمراة على ****ر هالحاجز من الخجل الزايد ...ومرة من المرات هي وزوجها بالسطح يوم جاء الزوج بينزل مع الدرج الا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل اخر درجة وهو بعد ما استوعب وش اللي صار



    وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!








    مواقف لا تنسي وتبقي في الذاكره
    مواقف ظريفةمواقف ظريفةمواقف ظريفة



  2. #2
    صورة ujhf
    ujhf غير متصل يطلع بدون استئذان
    تاريخ التسجيل
    Jul 2009
    الدولة
    على سطح الكرة الارضية
    المشاركات
    319
    Thanks
    0
    شكر 0 مرات في 0 مشاركات
    اسمح لي ابدي اعجابي بقلمك وتميزك واسلوبك الراقي وتالقك

  3. #3
    صورة وردة خجولة
    وردة خجولة غير متصل طالب ابتدائي
    تاريخ التسجيل
    Dec 2009
    الدولة
    مكه
    المشاركات
    73
    Thanks
    0
    شكر 0 مرات في 0 مشاركات
    يسلمووو

الدورات التدريبية جامعة نجران
يشرفنا اعجابك على فيس بوك facebook