السلام عليكم

هاذي قصيدة للعنوز عيال وايل)..

شفتها بمنتدى من المنتديات واعجبتني صراحه!

وقلت انقلها لكم..وطبعا ولايهونون القبايل الثانية وعلى راسي من فوق..

اخليكم مع القصيدة:

~~~~~~~~~~~~~~~~~~~~~~~~
وش هو قصدك هي جهالة ولا تقصدها سبوبه
والا من عرض السوالف كلمه مرت عابريه

لا تخبط في كلامك اعرف الشرق وغروبه
اسمع افهم غصب تعرف وش هي ذيك الوايليه

صدرنا لو وسيع وبالوساعة لقبوبه
وان زعلنا مايجابهنا فصيل ولا سريه

هذا شرقك ويا غربك خذ شمال مع جنوبه
من زمن ابوك وجدك حتى يوم الجاهليه

ان بغيت اولاد وايل سلمهم سلم العروبه
من سلالة عز سمحة ومختومه عنزيه

ان بغيت نفوس سمحة ومجلس العز وعذوبه
وان بغيت دلال شقرا وريحة الهيل البهيه

خذ نزاهة بالصداقة خذ رياجيل محبوبه
وخذها طيب وخذ قرابه وخذها طنخات بدويه

خذ زحازيح تطابح تصلي النار وشبوبه
خذ شجاعة وخذ مهابة وعزة النفس القويه

خذ شهامة بالفعايل خذها في وقت الحروبه
خذها صدق وخذ صلابه مابنا يخلي خويه

جرب انخى اقصى واحد نخوتة تسبق هبوبه
اقصى واحد لو نخيته يحذف عقالة عطيه

وان نصاهم من هو يشكي من هموم يسرويه
يحتوونه بالمراجل لين يشوف السرمديه

ومن خطرهم في مضيف انطحوبه وحتفوبه
والمفاطيح تطابخ في نهار وفي عشيه

وان خذينا يكفي مئة ناخذ الطيب بخصوبه
وان عطينا مئة قليلة نعطي المليون ميه

عيبنا والعيب واحد عيبنا ماهي محسوبه
عيبنا لامن فزعنا نقلب ارض الجاذبيه

كل رجم به مراجل بيرق العز نصبوبه
من ظهرنا لين صرنا علومنا ماهي رديه

الخليج وحاكمينه بقوة الباس وصلوبه
واحكموا شبة الجزيرة واحكموا نجد الحميه

احكموها اخوان مريم عالي المجد ورقوبه
ام قصر ويا الشقايا لين زور الساحليه

واحكموها اخوان نورة قوة السف اعسفوبه
حكمهم كل اتجاه لين حد الهاشميه

والخليفة في بحرها حكم صارم ثبتوبه
حكمهم فيه الصلابة والامانة الواقعيه

وشيخ ابن هذال والمشايخ اهتفوبه
محروت العز الاول من زحازيح صقيه

اقضب ارضك لا تخبط افرق الخيل بركوبه
افرق طيور الحرارا بين حر وبين ديه

قلت لك مليون مرة ابعد الشر ولهوبه
بس ماخليت فيها لا حشيمة ولا وصيه

هذا ردي للي مثلك باعوا العيب وشروبه
وهذا ردي لكل واحد مايعرف الوايليه

والنعم باقي القبايل مابها قصور وعيوبه
كل منهم في صفاته يحمل الطيب وسميه

~~~~~~~~~~~~~~~~~~~~
لكم اجمل تحياتي..