اللهم صلي وسلم على نبينا محمد وعلى اله وصحبه اجمعين


قصيده رهيبه مررره

سبحان من يرزق بتوع الملايين** الرازق اللي ما يخيب الرجا به

لي عم عنده معرض للصوالين **اموت واعرف بس من وين جابه

واذا سالته قال بعت الدكاكين***ما يدري اني ما هضمت الاجابة

الشاهد اني رحت له قبل يومين***في قصره العامر ودقيت بابه

قال ارحب ارحب عدد ورد البساتين***يا مرحبا باللي لفا يا هلا به

قلت البقا عد النفل والرياحين **يا شيخ شمل اهل الكرم والذرابه

قال اسلم الله يحفظك لي من العين***وامر اوامر حضرتك مستجابة

قلت الصراحة طالب قرب غالين** ودي تزوجني كريمتك يابه

ثنى وقال اهلين والله وسهلين***والكون ترخص لجل عينك رقابه

لكن ترا عندي شروط وقوانين***قلت اشرط اشرط يا حبيب الغلابة

قال اولا مهر العروسة ثمانين***غير الرسوم وغير حق العصابة

والثانية عمك يبي منك سبعين***رسم الابوة والنسب والقرابة

وام العروسة حقها منك ستين***عشانها ست الحسن والمهابة

واخوانها كلن يبي منك خمسين***عدا ونقدا تندرج في حسابه

وخواتها الخمس عطهن من ثلاثين***عشان تتوثق عروق النسابة

وتجيب طقم عيار واحد وعشرين***وخاتم من الماس المصفى ترابه

واكياس متروسة كعوب وفساتين***الوانها واشكالها ما تشابه

وموتر بسواقه وفيلا بدورين***اثاثها من بطرته ينحكى به

واحجز لنا قاعة بقصر السلاطين***واحجز بها رقاصتين وربابه

هذي الشروط اللي على بالي الحين***وذكرني اللي ما حسبنا حسابه

قلت اذكر الله يا عدو المساكين***واستغفره لا يبتليك بعذابه

الظاهر انك منت عارف انا مين **انا لو ارقى فوق متن السحابه

ما جبت حتى نص درزن مواعين***واضحك بكيفك واعتبرها دعابة

شروطكم هذي شروط المجانين***شروطكم شغل ابتزاز ونهابه

شروطكم تقصم ظهور البعارين***شروطكم همن وغم وكابه

شروطكم والله سيوف وسكاكين***تذبح بنات المجتمع مع شبابه

وين الرضا والعطف واليسر واللين***اللي ذكرها الله بمحكم كتابه

وين الصفات اللي امرنا بها الدين *وين اختفى نهج النبي والصحابة

يا عم جعل اللي خلقنا من الطين**يرد عقلك من خطاه لصوابه

ويجعل نصيبي عند غيرك قل امين**ويحسن عزا الصابر ويجزل ثوابه

قال انت لو فكرت تفكير صاحين***ما شفت في مجمل شروطي غرابه

حنا بعصر العولمة والمزايين * ماهوب عصر الفلسفة والخطابة

الناس تسعى للرتب والنياشين***وانت اهتمامك بالشعر والكتابة

والشعر ما ينفعك لو هو دواوين***ما دام جيبك مثل بيت الخرابة

يا بوك لا تسمع كلام المصاخين***واسال مجرب عاش في وسط غابه

قلت الله اكبر يا محرر فلسطين **من يسمعك يحسبك ذيب الذيابه

تراك شايب راس مالك ريالين **والبنت ما تسوى جناح الذبابة<<< خربت الاخلاق

قال انقلع مالت على وجهك الشين****لا عاد اشوفك عندنا يالزلابه

قلت ابشر ابشر لكن الباب من وين**واقفيت من عنده على صوت بابه

ههههههههههههههههه ههههههههههههههههه ههه
وسلامتكم