مواقف عرسان منها المضحك والغريب والمحزن

حركه حلوه
عريس تووه اخذ عروسته من اهلها وموديها للبيت
(طبعا كان الوقت متاخر والشوارع تقريبا فاضيه في حارتهم
قال العريس وش رايك اوريك حركه حلوه
(قصده يفحط ما تحمل الرجال فيه عرق التفحيط شغال
قالت لا ما يحتاج البنت موناقصه ترويع كافي عليها انت !
قال الا الا شوفي هذي ..............................
ولا صحت الا بالمستشفى وقضوا اجمل شهر عسل على الاسره البيضاء
(خووووووش شهر



وش تبين
ايضا عريس اخذ عروسته من القاعة جو اهلها بيسوون لها موكب والعريس
راسه والف سيف محد يلحقهم يابن الحلال مو عشانك عشان بنتنا
ولا فيه فايده المهم اخذ زوجته وراح يتمشى فيها(مسوي فيها رومانسي
ورجها طوال الطريق وش تبين تتعشين
وهي تقول سلامتك ما ابغى شيء
ويقول لالالالا لازم تاكلين شيء
وهي تقول والله ما ابغى شيء
ويقول لالالالالا وش هالكلام ..... ياخي فقعت مرارتها موناقصتك
واصر انه لازم يشتري لها شىء
قالت خلاص ببسي
(يا عمري بسيطه والله لو منها استغل الموقف وما اوقفه الا عند اغلى
مطعم حتى لو اكله شين

المهم نزل الاخ يجيب لها ببسي وطبعا ترك السيارة شغاله عشان ماتفطس
من الحر يوم رجع
وين السيارة ؟؟؟؟؟؟؟ وين زوجتي ؟ وين ما وين !!

طبعا السيارة واكيد البنت انسرقو
فيه مجرم يتهيا له سياره فخمه وبداخلها عروس كاشخه ويقول لا !!!



مو من هنا
دخل العريس وحط يده على جبهة زوجته ودعاء بالدعاء المعروف والماثور
عن الرسول وبعدين صلى ركعتين والعروس تطالعه وهي -- >
مستغربه وش يسوي هذا!
لكن استحت تتكلم ولما جت صلاة الفجر توضا وصلى يوم تكلمت
راح الحياء وبدت الموانه قالت له ترى القبله مو من هنا !!
المسكين من العجلة نسى وين القبله



احفظ زين
عريس دخل على عروسته وحط يده على جبهتها !!!!!! وبعدين سكت
ويفكر ويفكر ويحاول الاخ يتذكر الدعاء يدورمن هنا والا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !
(معذوره وش ذااااا الاخ بيسافر!!


جدول الضرب
عرسان يسولفون لليلة العرس داقين حنك ومافيه موضوع الا وتكلمو
عنه طبعا هذا اول يوم والسوالف الحلوة ووصلو لموضوع جدول
الضرب انا مدري وش اللي وصلهم له! يبدو انه مدرس رياضيات
قالت العروسه تصدق حتى الان ما حفظته قولي امين الله يفشلك
قال ولا يهمك وجاب ورقه وقلم وجلس يعلمها انواع الرواااقه
3 في5 = 15 قولي وراي ........................ هاهاهاهاها هاهاها



فريقي
عرسان يسولفون سالها وش هو الفريق اللي تشجعينه قالت .....
قال لها وع ع ع ع ع ع من زينهم هم ولعبهم اساسا فريقي ...
هزئهم في الدوري 3/0 وفريقي اخذ الكاس 10 مرات وفريقك ما اخذوه
الا مرتين واساسا مدربهم ما عنده سالفة واللاعب اللي جايبينه من برا
ماسوا لهم شيء ولاعبكم اللي شايفين انفسكم فيه هزئه المدافع حقنا و..... و................... و...................

الاخ اخذ جو وجاب السيرة الذاتية والتفصيلة للفريقين بس مالاحظتو ا
شيء غريب ان البنت ساكتة انه فريقها يتهزا
وبعد ماخلص المحاضرة الطويلة قالت له تعال ابيك برا السويت
يوم طلعو دخلت وصكت الباب بوجهه ونام المسكين على القنفه هاهاها
يا غبي وش محك لسانك تهزا فريقها كان صبرت كم يوم وبعد كذا
قل كل اللي بطبلونك



مزحة قاتله
عروسين يموتون ببعض ماصدقو انهم اتزوجو حبت العروس تمزح
مع زوجها صباحيه العرس حطت المسدس على صدره على بالها تقومه
باسلوب اخر خوش اسلوب ومن غير قصد منها انطلقت الرصاصة
اللي في المسدس وطبعا العريس الى رحمة بارئه صدمت البنت كيف
تقتل حبيبها وزوجها وحياتها واصر اهل الولد ان تقتل البنت مثله لكن
البنت مازعلت من تصرف الاهل على العكس فرحت انها بتروح معه
وتم دفنهم جنب بعض


خوش طقه
اخذ العريس عروسته واتجه الى بيت اهله عشانه يسكن معهم لكن
فوجئ انه كل ابواب البيت الداخلية مقفلة وجلس بالحديقة هو وزوجته
اتخيلها متكيه بفستانها على الثيل ههههااي حاول الولد يدخل
للبيت باي شكل لكن مافيه فايده ولا عنده تلفون عشان يكلم ولا يقدر
يروح ويترك زوجته لوحدها بالحديقة ولا يقدر يروح لفندق لانه مامعه
اي اثباتات ولا معه سياره اخوه وصلهم وراح لهذا اضطر ينطق طقه
سنعه لحد الفجر لما رجعو اهله
وش القراده هذي


م ن ق ول .

وتقبلوا خاالص تحياتي .
عيون الشوق