اهلن
حبيت احط لكم بعض من قصائد شاعر من شعرائي المميزين
الشاعر المتالق خالد الفيصل دايم السيف

بشروني عنك

بشروني عنك ما يدرون عني ما دروا باللي شغل فكري وظني
اتسمع للحكي بك واتحفظ خايف دقات قلبي يفضحني
كل ما سموك باسمك فز قلبي والضماير والمدامع شاغلني
يا حبيبي يوم جنبت الحبايب عفت لاجلك كل من قبلك فتني
من عرف قربك عرف طعم السعاده وان تشطرت ادرك غبون التمني
في هواك من العسل لذة مذاقه لكن حروس النحل عنها حدني
ما عد اسمع ولا اوحي فيك عاذل والعذاري جهل لو داعبني
لك عيون فعلها بي فعل ظالم من عرفتك يالغظي ما ريحني
ان تفارقنا تغايا لي بليلي وان تقابلنا دهني واخجلني


شبيه صويحبي

ياشبيه صويحبي حسبي عليك
كل ما ناظرت عينك شفت ذاك
شفت لونه في خدودك والعيون
في سلامك في كلامك في حلاك
كل شي فيك يطري به علي
يا حلو بسمة حبيبي في شفاك
ما هقيت ان القمر مثله قمر
لين شفتك يا شبيه احلى ملاك
ليتهم سموك باسمه واستريح
كل ما نابيتك اغلط في نباك


فدوة عيونك

فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لى جتني علومك بشاير
و ازعل جميع الناس بالحيل و ارضيك
و اصبر ولو دارت علي الدواير
و اخذ من ايامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البينه و السراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير

البراقع

ما هقيت ان البراقع يفتنني
لين شفت ظبا النفود مبرقعات
الله اكبر يا عيون ناظرني
فاتنات ناعسات ساحرات
في هواهن يا سعد كيف طرحني
راح عمري في مودتهن فوات
كان مما صابني ما عالجني
الوكاد اني خطير بالممات
يا سعد خبر ظريف الطول عني
كان وده لي بعمر في الحياة
من نظرني بس اهوجس به واون
ما تركني هاجسي لو في مباتي

جرح العيون

الله اكبر كيف يجرحن العيون
كيف ما يبرى صويب العين ابد
احسب ان الرمش لى سلهم حنون
اثر رمش العين ما ياوي لاحد
يوم روح لي نظر عينه بهون
فز له قلبي وصفق وارتعد
لفني مثل السحايب والمزون
في عيوني برق وبقلبي رعد
نقض جروحي وجدد بي طعون
قلت يكفي قالت عيونه بعد
وانعطف هاك الشعر فوق المتون
وانثنى عوده وقفى وابتعد
اشغلتني نظرة العين الفتون
حيرتني بالتوعد والوعد
هي تمون العين والا ماتمون
لى خذت قلبي وقفت ياسعد


من يقول الزين

من يقول الزين مايكمل حلاه كل شي(ن في حبيبي اكتمل
الله اللي كمله والله عطاه مابقى للزين في خلي محل
العيون احلى من عيون المهاه شافها قلبي و صفق و احتفل
نظرته من فتنته شعلة حياه والجفون من الحيا فيها كسل
ساهم(ن رمشه على الخد وسناه كن لمعة وجنته ورد(ن)وطل
الشفايا كنها جمر الغضاه تحرس الريق المحلى بالعسل
والشعر ليل(ن نقل حمرة مساه اجعد(ن حول على صدره همل
مايج من فوق متنه ماطواه لون شلال(ن مع المغرب نزل
وانطلق جيده يماري في بهاه فوق مياس(ن تعزل واعتدل
بالرشاقه فيه من ظبي الفلاه لي مشى كنه على الروح انتقل
ريحته من كل زهر(ن منتقاه والزياده للخزامى والنفل
صافي(ن مثل المطر فوق الصفاه باسم مثل البشاير بالامل
جامع(ن من كل زين منتهاه مستحيل الوصف في خلي سهل
كايد(ن ماهو يلين لمن بغاه يرتفع عن كل سقطات الزلل

ارفع راسك انت سعودي

ارفع راسك انت سعودي...طيبك جاوز كل حدودي

مالك مثيل(ن بالدنيا...غيرك ينقص وانت تزودي

فارس و اجدادك فوارس...و اصبحت لبيت الله حارس

مغروس بالمجد و غارس...في ميدان العز شهودي

علمك غانم وجارك سالم...يخشى من هيبتك الظالم

راعي صمله دايم والم...سيف و قلب وفعل زنودي

بالعالم ما مثلك مسلم...دايم بالفضيله محرم

الخايف بدارك منعم...وعن دخيل حماك تذودي

دايم سيفك بيدك سله...ما تغمد سيفك منذله

و حجاجك دايم منفله...وانت بنصر الله موعودي

فهد القائد فهد الرائد...فهد الصقر الحر الصايد

و العيد بعون الله عايد...وسعودك ياوطني سعودي <<<<<ياهووووه




ابغى ردودكم الحلوة