في بعض الاحيان يحتاج الواحد فينا يتكلم مع نفسه وبصوت عالي يمكن البعض

يسمعه ويظن ان هذا فيه شي الي خلاه يكلم نفسه مع ان الامر طبيعي جدا وعادي

لايعني الجنون او الهلوسة او المرض مثلا في حالة الفرح تخرج منا كلمة" انا سعيد جدا وفرحان
او لمن نتعرض لضربة من باب او جدار ارتطمنا فيه تخرج منا كلمات مضحكة سب وشتم للباب

وكانه يفهم كلامنا ككلمة "تبا" "اووه" او احيانا لشدة انهماكنا في العمل انقول "لازم اسوي

هالشغلة واغسل الصحون" طبعا هذا خاص بالمراة


في اعتقادكم هل صحيح ان الكلام مع النفس وبصوت عالي يعتبر خلل في الفرد يعني عنده حالة

نفسية وتحتاج الى علاج

او ان هذي حالة طبيعية وردة فعل عادي للشعور الي يشعر فيه الفرد؟

طيب لو كنت بهالحالة وشافك احد وقال لك شنو فيك مجنون شراح ترد عليه

وكم مرة صادف انك تكلمت مع نفسك واكثر الحالة الي تحدث لك حالة الفرح لو الحزن لو الغضب؟



ياريت يكون هناك تجاوب مع هذا الحوار لان بالفعل كثير منا يصادفه هذا الشي وانا منهم