ابكتب على خدك عباره وذكريات= هدب عينك الريشه وحبري من دموعي
لك خدتين وشفة من نظرها مات =ولك مبسم سهر الهوى فيه مزروعي
ولك هيبة منها المطوع نسى الايات = ولك سلطة من حكمها يسلم الشيوعي
ردايف وصدر وكتف ومعنق الهيهات= عنق الغزال اللي من القفر مصيوعي
ولك عين ترسم نظرة ترسل القوات= صناعات وسلاح من الموت مصنوعي
صواريخ طيارات عسكر ودبابات= بركسات وافراد وطوابير وجموعي
تسيدت وانت السيد يا سيد السادات= اصور طبق الاصل بالشكل والنوعي
قمر شمس لمبة غاز واصفى من اللمبات= رفيع النسب عندك تقاليد وطبوعي
تحير دقيق الوصف وتسبب الافات= طويل قصير دقاق مليان مربوعي
من المستحيل انساك وانت الامل بالذات= خطيتك تدمح والغلط منك مرجوعي
اشاهدك سبع سنين عندي سبع ساعات= وسبع الدقايق عقبكم عندي اسبوعي
احبك ولا اسمع فيك عاذل ولا شمات= واقدرك واعزك ولو انك دلوعي
ترا بالهوى جنه وللحب تاثيرات= مقسم على جزئين مرئي ومسموعي
منامي هني لين اتذكر زمان فات= يبين الشفق وانا عن النوم ممنوعي
تمر السنه ما نمت كني مخزن قات= ياليتك تسوي خير تنظر بموضوعي