راعي المعارض قام يتحدى جاب الشبح والبنز من جدةقبل كم شهر وكم يوم وكم ساعه وكم دقيقه رحت لمعارض السيارات اشتري سياره

الزبده لقيت السياره بالمواصفات اللي ابي وبالسعر المناسب .

وطحت في شريطي يمشي على زنده التيس .لزق فيني السياره بالقوه بس بمزاجي << مزاجي ولا المجهول

المهم اني اخذت السياره ودفعيت المبلغ وتكاتبنا ومن بكرى جيت استلم السياره وفجاه .

وانا عند التلميع الساطع فتحيت الشنطه واذا بالمفاجعه راس واحد ميت << ينعن الكاذب

بصراحه. جتني ام الركب وبردت عظامي وركبيت السياره وعلى طووول للمعارض .

وسويت نفسي ذكي لكن على مين تلعبها طلع الشريطي ذيب ابن اللذينا

انا يابو الشباب ودي ابيع السياره

الشريطي لا ماعليش يالاخو ابشتريها منك ب 70 الف << امس شاريها ب 80 الف قسم

انا حرام عليك توني شاريها منك امس .

الشريطي تدري يالله موافق بس براس مالها

انا يالله مشينا نتكاتب في المعرض << يبي الفكه

وعند باب المعرض وقفني شريطي ثاني وقال يالاخو الموتر للبيع

انا ايه للبيع << طماااع

الشريطي الثاني ب 85 تبيع

انا توكلنا على الله الله يعطيك من شرها ويكفيك خيرها << لخبط من الفرحه

مسكين مايدري عن اللي وسط الشنطه

الشريطي الاول ابك انت مابعت علي هها وشلون تبيع على الماخوذ << الماخوذ لفظ يطلق على العدو

انا يارجال الله يعوض عليك الظاهر السياره من نصيبه

الشريطي الاول اجل مبروووكه عليه وحبينا نعلمك انك في برنامج الكيمره الخفيه

انا الله يلع لبلغالفغغاتلببتنتممحخههع << ماعرف يجمع

وسلامتكم